გაბალა – Fanebi.Com – ფეხბურთი, კალათბურთი, რაგბი, სხვა

ლეგიონი: ჯიღაურის “ვარდარმა” იმარჯვა, კვეკვესკირის “გაბალამ” სახლში ფრე გააგორა

Posted on აპრილი 2, 2017 by კახა ყიფიანი

დღეს მაკედონის ჩემპიონატის 24-ე ტურის მატჩები გაიმართა.

ერთ-ერთ შეხვედრაში პირველადგილოსანმა სკოპიეს “ვარდარმა” თანაქალაქელი “რაბოტნიცკი” მიიღო და მეტოქე ანგარიშით, 2:0 დაამარცხა.

საგულისხმოა, რომ ჯაბა ჯიღაურმა, რომელიც პირველი კლუბის რიგებში გამოდის, შეხვედრა სათადარიგოდან დაიწყო. იგი მოედანზე 61-ე წუთზე სომეხი ტიგრან ბარსეღიანის მაგივრად შევიდა.

ამ მოგებით მაკედონიურმა კლუბმა 56 ქულა დააგროვა და ცხრილში ლიდერობას არავის უთმობს. იგი მეორეადგილოსან “შკენდიას” ექვსი ქულით უსწრებს.

გადავიდეთ აზერბაიჯანის ჩემპიონატზე, სადაც დღეს 24-ე ტურში “გაბალა” “ზირას” შეხვდა. შეხვედრა ანგარიშით, 1-1 დასრულდა.

პირველ გუნდში საქართველოს ნაკრების ნახევარმცველი, ნიკა კვეკვესკირი გამოდის, რომელმაც მატჩი ძირითადიდან დაიწყო. იგი 71-ე წუთზე შეცვალეს.

ამ დაპირისპირების შემდეგ კვეკესკირის გუნდს 48 ქულა აქვს, მეორე ადგილზეა და ლიდერ “ყარაბაღს” ოთხი ქულით ჩამორჩება.

კვეკვესკირის “გაბალა” “ანდერლეხტთან” დამარცხდა

Posted on სექტემბერი 15, 2016 by კახა ყიფიანი

დღეს ევროპის ლიგის შეხვედრები გაიმართა.

ერთ-ერთ მატჩში ერთმანეთს ბელგიური “ანდერლეხტი” და აზერბაიჯანული “გაბალა” დაუპირისპირდნენ. შეგახნენებთ, რომ სწორედ “გაბალაში” გამოდსი ქართველი ფეხბურთელი, ნიკოლოზ კვეკვესკირი.

შეხვედრაში ანგარიში მასპინძელთა მოთამაშემ, ტეოდორჩუკმა მეთოთხმეტე წუთზე გახსნა. სულ რაღაც ექვს წუთში დაბომ გაათანაბრა. ამ ტაიმში კიდევე ერთი გოლი გავიდ” 41-ე წუთზე “გაბალას” ფეხბურთელმა, რაფაელ სანტოსმა საკუთარ კარში გაიტანა და მეტოქე გუნდი წინ გაიყვანა.

მეორე ნახევარში “ანდერლეხტიდან” თავის გამოჩენა კაპელმა 78-ე წუთზე შეძლო და საბოლოო ანგარიში – 3-1 დააფიქსირა.

გაცნობებთ, რომ კვეკვესკირს მატჩში მონაწილეობა არ მიუღია.

ბუდუ ზივზივაძე “გაბალაში” ითამაშებს

Posted on აგვისტო 29, 2016 by -

“სამტრედიას” თავდამსხმელი, ბუდუ ზივზივაძე აზერბაიჯანულ “გაბალაში” ითამაშებს. ამ ინფორმაცია Azerifootball.com ავრცელებს.

22 წლის ფეხბურთელმა, რომან გრიგორჩუკის ყურადღება ევროპის ლიგის პირველ საკვალიფიკაციო ეტაპზე, “სამტრედიასა” და “გაბალას” შორის გამართულ მატჩებში მიიპყრო. ზივზივაძემ 7 ივლისს აზერბაიჯანელთა კარის დალაშქვრაც მოახერხა.

ბუდუს, სხვადასხვა დროს, საქართველო 17, 19 და 21-წლამდელთა ნაკრებებში უთამაშია. “სამტრედიაში” გამოჩენამდე, ის თბილისის “დინამოსა” და ქუთაისის “ტორპედოს” ღირსებასაც იცავდა.

შეგახსენებთ, რომ “გაბალაში”, რომელიც ევროპის ლიგის ჯგუფურ ეტაპზე მოხვდა, კიდევ ერთი ქართველი ფეხბურთელი – ნიკა კვეკვესკირი ასპარეზობს.

“სამტრედიას” კაპიტანი:”რევანშის ასაღებად ვემზადებით!”

Posted on ივლისი 5, 2016ივლისი 5, 2016 by კახა ყიფიანი

რამდენიმე დღის წინ, აზერბაიჯანში სამტრედიის “სამტრედიამ” “ევროპის ლიგის” საკვალიფიკაციო ეტაპის მატჩი ჩაატარა და გამანადგურებელი ანგარიშით, 5-1 დამარცხდა ადგილობრივ “გაბალასთან.” აღნიშნულ მატჩსა და განმეორებით გასამართ შეხვედრასთან დაკავშირებით “სამტრედიას” კაპიტანმა, გიორგი დათუნაიშვილმა ისაუბრა Fanebi.Com-თან.

კატასტროფული მარცხის მიზეზებზე: “ყველაფერი, ალბათ, სწრაფმა გაშვებულმა გოლმა გამოიწვია. ასეთ დასაწყისს ნამდვილად არ ველოდით. ამით კი ისარგებლა მეტოქემ და ორი გოლი კიდევ მოგვაყოლა. ამის მერე ურთულესი აღმოჩნდა თამაშში დაბრუნება. ვცდილობდით, გონზე მოსვლას და სხვაობის შემცირებას. ერთი გოლი გავიტანეთ კიდეც, მაგრამ დაბნეულობა მაინც ვერ დავძლიეთ. შესაბამისად, ისევ ამ დაბნეულობისა და მისგან გამოწვეული ჩვენი შეცდომების ხარჯზე კიდევ ორჯერ მოახერხა მეტოქემ კარის აღება.

გუნდში არსებულ განწყობასა და შემდეგ ეტაპზე გასვლის იმედებზე: “შანსები, მართლაც, ძალიან მცირეა,მაგრამ, მერწმუნეთ, ჩვენს თითოეულ ფეხბურთელს ერთი სული აქვს როდის მოვა განმეორებითი შეხვედრა, რომ შევძლოთ რევანშის აღება და იმის დამტკიცება, რომ არ ვიყავით ესეთი მარცხის ღირსი. შეუძლებელი არაფერია და ყველაფერი შეიძლება მოხდეს! ჩვენ ამისთვის ძალას არ დავიშურებთ!”

მიმართვა გულშემატკივარს: “სამტრედიელმა გულშემატკივრებმა ყველაზე კარგად იციან, რომ მათ გასახარებლად ყველაფერს გავაკეთებთ! ვწუხვართ, რომ პირველ თამაშში იმედები გავუცრუვეთ, მაგრამ, იმედია, მათი გულის გახარებას მეორე მატჩში შევძლებთ!”

შეგახსენებთ, რომ შეხვედრა 7 ივლისს “დავით აბაშიძის სახელობის სტადიონზე” გაიმართება.

მხითარიანმა “გაბალას” შესანიშნავი გოლი გაუტანა (ვიდეო)

Posted on ნოემბერი 5, 2015ნოემბერი 5, 2015 by -

5 ნოემბერს, ევროპის ლიგის გათამაშებაში, დორტმუნდის “ბორუსიასა” და “გაბალას” შორის გამართულ მატჩში ჰენრიხ მხითარიანმა ბრწყინვალე გოლი გაიტანა.

ილკაი გიუნდოგანის ბრწყინვალე ფინტი “გაბალასთან” მატჩში (ვიდეო)

Posted on ოქტომბერი 23, 2015ოქტომბერი 22, 2015 by -

22 ოქტომბერს, ევროპის ლიგის გათამაშებაში, აზერბაიჯანულ “გაბალასა” და დორტმუნდის “ბორუსიას” შორის გამართულ მატჩში, ერთ-ერთ ეპიზოდში ილკაი გიუნდოგანმა ბრწყინვალედ ითამაშა.

მხითარიანი გუნდთან ერთად აზერბაიჯანში, ალბათ, არ გაემგზავრება

Posted on ოქტომბერი 19, 2015 by Alix

აზერბაიჯანულ „გაბალასთან“ ევროპის ლიგის ჯგუფური ეტაპის მესამე ტურის გასვლით მატჩზე დორტმუნდის „ბორუსიასა“ და სომხეთის ნაკრების ნახევარმცველი გენრიხ მხითარიანი, სავარაუდოდ, არ გაემგზავრება. ამის შესახებ გერმანული კლუბის აღმასრულებელმა დირექტორმა ჰაინს-იოაჰიმ ვატცკემ განაცხადა.

„მხითარიანი, სავარაუდოდ, გუნდთან ერთად „გაბალაში“ არ გაემგზავრება. ჩვენ არსებული სიტუაცია შევაფასეთ და, სომხეთი-აზერბაიჯანის კონფლიქტის გათვალისწინებით, ჩვენი ფეხბურთელების უსაფრთხოება პირველ ადგილზე დავაყენეთ.

აზერბაიჯანში უსაფრთხოების მხვრივ პრობლემებია. თუ ჩვენი ფეხბურთელები თავს კომფორტულად ვერ იგრძნობენ, სათანადო ზომები უნდა მივიღოთ“, – განაცხადა ვატცკემ.

აზერბაიჯანში „გაბალას“ ფეხბურთელის კრიტიკის გამო ნაცემი ჟურნალისტი გარდაიცვალა

Posted on აგვისტო 9, 2015აგვისტო 9, 2015 by Alix

აზერბაიჯანელი ჟურნალისტი რასიმ ალიევი საავადმყოფოში მას შემდეგ გარდაიცვალა, რაც „ფეისბუქზე“ „გაბალას“ ნახევარმცველის ჯავიდ ჰუსეინოვის კრიტიკისთვის ის უცნობმა პირებმა სცემეს.

ალიევმა ჰუსეინოვი კვიპროსის „აპოლონთან“ ევროპის ლიგის საკვალიფიკაციო ეტაპის მატჩის შემდეგ გააკრიტიკა. ცნობისთვის, ხსენებულ შეხვედრაში 27 წლის შუახაზელი თურქეთის დროშას აფრიალებდა და მასპინძლებს უხამს ჟესტებს უჩვენებდა.

აქამდე თავად ალიევმა განაცადა, რომ მას უცნობმა პირმა დაურეკა, რომელიც ჰუსეინოვის ნათესავად გაეცნო, რის შემდეგაც შესახვედრად დაპატიჟა. შეხვედრისას ალიევს 5-6 კაცი დაესხა თავს. შედეგად, ჟურნალისტი საავადმყოფოში მოხვდა, სადაც მას სასწრაფოდ ოპერაცია ჩაუტარეს, თუმცა დაზარალებულის გადასარჩენად ეს საკმარისი არ აღმოჩნდა…

შეგახსენებთ, რომ ევროპის ლიგის პირველ საკვალიფიკაციო ეტაპზე „გაბალას“ მეტოქე თბილისის „დინამო“ იყო, რომელსაც აზერბაიჯანურმა კლუბმა, ორი მატჩის ჯამში, ანგარიშით 3:2 მოუგო.

უეფამ “დინამო თბილისი” დააჯარიმა (ფოტო)

Posted on აგვისტო 4, 2015აგვისტო 4, 2015 by ბექა დოგრაშვილი

უეფას სადისციპლინო კომიტეტმა ევროპის ლიგის პირველ საკვალიფიკაციო ეტაპზე “გაბალას” წინააღმდეგ შინ გამართულ მატჩში (2:1) მომხდარი ინციდენტების გამო “დინამო თბილისი” დასაჯა.

უეფას გადაწყვეტილებაში ქართულ გუნდს შემდეგი ბრალდებები აქვს წაყენებული: რასისტული ქცევა, მოედანზე გულშემატკივრების შეჭრა, არალეგიტიმური ბანერი.

აღსანიშნავია ის, რომ ფანები მოედანზე არ შეჭრილან. თბილისელთა მიერ გატანილი მეორე გოლის შემდეგ ტრიბუნის მოაჯირმა ქომაგების დაწოლას ვერ გაუძლო და რამდენიმე მათგანი სარბენ ბილიკზე გადავარდა. ერთ-ერთი გულშემატკივარი მსუბუქადაც დაშავდა.

“დინამოს” შემდეგი სახის სანქციები დაეკისრა: ევროთასების მომდევნო შეხვედრაზე “დინამო არენას” ჩრდილოეთ ნაწილის მეორე იარუსზე არსებული მე-16 სექტორი დახურული იქნება. გარდა ამისა კლუბი 20 ათასი ევროს ოდენობით დაჯარიმდა.

„დინამოსთან“ მატჩის გამო „გაბალა“ უეფა-სგან დისკვალიფიკაციას მიიღებს

Posted on ივლისი 14, 2015 by Alix

უეფა აზერბაიჯანულ „გაბალას“ თბილისის „დინამოსთან“ უეფა-ს ევროპის ლიგის პირველი საკვალიფიკაციო ეტაპის განმეორებით მატჩში განვითარებული მოვლენების გამო დასჯის. როგორც აზერბაიჯანული პორტალი azerisport.com-ი წერს, უეფა „გაბალას“ სტადიონს დისკვალიფიკაციას დაუწესებს.

აქედან გამომდინარე, ევროპის ლიგის მეორე საკვალიფიკაციო ეტაპის საშინაო მატჩის ჩატარება კლუბს სხვა ქალაქში მოუწევს. ამის გამო „გაბალა“ უკვე ბაქოს „ნეფტჩის“ დაუკავშირდა და „ბაქსელ არენას“ გამოყოფა სთხოვა, რომელზეც აზერბაიჯანული კლუბი 23 ივლისს სერბულ „ჩუკარიჩკისთან“ თამაშს გეგმავს.

შეგახსენებთ, რომ „დინამოსთან“ მატჩში ადგილობრივმა გულშემატკივრებმა რამდენიმე ბანერი გაშალეს, რომელზეც რამდენიმე ქართული ქალაქი აზერბაიჯანის ტერიტორიად მოიხსენიეს. გარდა ამისა, „გაბალას“ ქომაგებმა საქართველოს დროშაც დაწვეს.

“გაბალას” ფეხბურთელებმა “დინამოს” დამარცხებისთვის პრემიები მიიღეს

Posted on ივლისი 13, 2015ივლისი 13, 2015 by ბექა დოგრაშვილი

უეფას ევროპის ლიგის პირველ საკვალიფიკაციო ეტაპზე “დინამო თბილისის” ბარიერის დაძლევისთვის “გაბალას” ფეხბურთელებზე პრემიები გაიცა.

Azerifootball.com-ის თანახმად, აზერბაიჯანული გუნდის ძირითადი შემადგენლობის თითოეულმა ფეხბურთელმა პრემიის სახით 12 ათასი აშშ დოლარი მიიღო. “გაბალას” პრეზიდენტი ტალე ჰეიდაროვი საპასუხო მატჩს დაესწრო და საკუთარი გუნდის თავდადებით კმაყოფილი დარჩა.

წყაროს თანახმად, მომდევნო ეტაპების დაძლევის შემთხვევაში, პრემიის ოდენობა გაიზრდება. ევროპის ლიგის ჯგუფურ ეტაპზე მოხვედრის შემთხვევაში კი, “გაბალას” მოთამაშეები აზერბაიჯანული საკლუბო ფეხბურთის ისტორიაში სარეკორდო ოდენობის ბონუსებს მიიღებენ.

აზერბაიჯანში მომხდარ ინციდენტს “გაბალა” სპეციალური განცხადებით ეხმაურება

Posted on ივლისი 10, 2015ივლისი 10, 2015 by ბექა დოგრაშვილი

უეფას ევროპის ლიგის პირველ საკვალიფიკაციო ეტაპზე “გაბალასა” და “დინამო თბილისს” შორის გამართული მატჩის მიმდინარეობისას მომხდარ ინციდენტს აზერბაიჯანული კლუბი სპეციალური განცხადებით ეხმაურება. კლუბმა განცხადება ორ ენაზე – აზერბაიჯანულად და ქართულად გამოაქვეყნა.

“გაბალას” განაცხადებას უცვლელად გთავაზობთ:

“უეფას ევროპის ლიგის გათამაშების ფარგლებში 09.07.2015 წელს ჩატარებული მატჩის “გაბალა” – “დინამო თბილისი” დროს მომხდარი შემთხვევის გამო დიდი სინანულის და მწუხარების გრძნობა განვიცადეთ. მატჩის დაწყებამდე უმაღლეს დონეზე იქნა განხორციელებული უსაფრთხოების ზომები, მაგრამ აზერბაიჯანისა და საქართველოს შორის მეგობრული ურთიერთობების მოწინააღმდეგე ძალებმა, როგორც თბილისში ასევე გაბალას ქალაქის სტადიონზე, თავიანთი საქმე გააკეთეს. ერთი პროვოკატორი ჯგუფის მხრიდან საქართველოს სახელმწიფო ატრიბუტების შეურაცხყოფა და პოლიტიკური ლოზუნგების წამოყენება ამ პროვოკაციის ერთ ერთ ნაწილად უნდა მივიჩნიოთ. როგორც ადრე, ასევე ეხლაც ჩვენს ქვეყნებს შორის ახლო თანამშრომლობას, და ჩვენი ხალხის მრავალწლიან მეგობრობაზე ზეგავლენას ეს დასაგმობი ფაქტი ვერ მოახდენენ.
გუშინდელი მატჩის წინ და შემდეგ ორივე კლუბების წარმომადგენლებს შორის მიუხედავად მატჩის შედეგისა არ ყოფილა დაძაბული ურთიერთობები, ეს მოედანზეც ჩანდა ფეხბურთელებს შორის.

ჩვენ გვინდა რომ, ასეთი ქმედებების ჩამდენები ორივე ქვეყანაში დადგინდება და შესაბამის სასჯელს მიიღებენ.

კიდევ ერთხელ ვგმობთ მომხდარს და უდიდეს სინანულს გამოვხატავთ”.