ჭდე: გაგრა

თბილისის “დინამომ” “გაგრასთან” ამხანაგური შეხვედრა გამართა

Posted on by კახა ყიფიანი

დინამო თბილისმა სანაკრებო პაუზით ისარგებლა და დიღმის საწვრთნელ ბაზაზე გაგრას ესპარინგა. შეხვედრის წინ გუნდებმა არჩილ ტატუნაშვილის ხსოვნას წუთიერი დუმილით პატივი მიაგეს. კახი კაჭარავას დღევანდელ თამაშში რამდენიმე ფეხბურთელი აკლდა, რომლებიც სხვადასხვა ასაკობრივ ნაკრებში არიან მივლინებულნი. მატჩი დინამომ საკმაოდ აქტიურად დაიწყო და პირველ 10 წუთში ორი გოლიც გაუტანა სტუმრებს. პირველ შემთხვევაში გიორგი ივანიშვილის აქტიურობას პენალტი მოჰყვა, თერთმეტმეტრიანი კი ნიკა ძალამიძემ შეასრულა ზუსტად. ცოტახანში გიორგი ივანიშვილმა ორამდე დააწინაურა თბილისური გუნდი, მესამედ ზუსტად კი ლაშა ქოჩლაძემ ითანაშა. მეორე ტაიმში სტუმრებმა ერთი გოლის გაქვითვა მოახერხეს, გოლი გოგატიშვილმა გაიტანა და ამხანაგური 3:1 დასრულდა.

დინამო 3:1 გაგრა

დინამო: მამარდაშვილი, რუხაია, ივანისენია, თოთაძე, ხარაბაძე, კუცია, ქოჩლაძე, თევზაძე, ძალამიძე, ივანიშვილი, ბაბუნაძე

შეცვლაზე შევიდნენ: პ. კიტეიშვილი, ბასარია, ბერიაშვილი

ბრიტანელი ჟურნალისტი “გაგრას” ესტუმრა

Posted on by კახა ყიფიანი

24 თებერვალს, დავით პეტრიაშვილი არენაზე ბრიტანელ ჟურნალისტთან შეხვედრა გაიმართა. რობერტ ოკონორის საქართველოში სტუმრობის მიზანია კონფლიქტური ზონებისა და მათი წარმომადგენელი საფეხბურთო კლუბების ისტორიისა და დღევანდელი ყოფის შესწავლა, რომლის მიხედვითაც უახლოეს მომავალში წიგნის გამოცემას აპირებს.

ბრიტანელ ჟურნალისტს საფეხბურთო კლუბ გაგრას დირექტორი, ბატონი გოდერძი ჩიხრაძე გაესაუბრა. კლუბის წარმომადგენელმა ჟურნალისტს უამბო კლუბის დაარსების, მისი მიღწევებისა და ამჟამინდელი მდგომარეობის შესახებ. საუბარი ასევე შეეხო კონფლიქტის დაწყების პერიოდს, აფხაზებთან ურთიერთობას და ა.შ.

რობერტ ოკონორი დღეს დილით აფხაზეთში გაემგზავრა.
იგი გაეცნობა ადგილობრივების საფეხბურთო ცხოვრებას და მათ დამოკიდებულებას დღეს არსებული მდგომარეობის შესახებ, რის შემდეგაც კვლავ თბილისში დაბრუნდება და კლუბის წარმომადგენლებს კიდევ ერთხელ შეხვდება.

თბილისის “ლოკომოტივმა” “გაგრა” დაამარცხა

Posted on by კახა ყიფიანი

თბილისის ლოკომოტივმა, მორიგ ამხანაგურ მატჩში, ეროვნული ლიგა 2-ის მონაწილე, გაგრა დაამარცხა. 21 თებერვალს, საგურამოს ბაზაზე გამართული დაპირისპირება, ლაშა ჭაღიაშვილის გუნდმა 5:1 მოიგო.

ანგარიში სტუმრებმა, მატჩის დებიუტში გახსნეს. მე-7 წუთზე, გაგრა ლევან პაპავამ დააწინაურა. ტაიმის მიწურულს, ვატო არველაძემ ანგარიში გაათანაბრა. საგოლე გადაცემა გიორგი კიკნაძის ანგარიშზეა.

57-ე წუთზე, გიორგი გაბაძის პასით, ლოკომოტივი ზურიკო დავითაშვილმა დააწინაურა. სამ წუთში, არველაძემ ლაშა გვალიას პასით, დუბლი შეასრულა.

ტრავმის შემდეგ, ზედიზედ მეორედ ითამაშა მამია გავაშელიშვილმა, რომელმაც 70-ე წუთზე, არველაძე შეცვალა.

75-ე წუთზე დავით ჯიქიას ნაცვლად, თამაშში ოთო კობახიძე ჩაერთო, რომელმაც სამ წუთში, დავით უბილავას გაატანინა, 80-ე წუთზე კი მატჩის საბოლოო ანგარიში დააფიქსირა.

ლოკომოტივი: თევდორაძე, უბილავა (კაპ), ხიდეშელი (გვალია 46), ჭანტურია, გაბაძე, სამურკასოვი, შონია, ჯიქია (კობახიძე 75), დავითაშვილი, კიკნაძე, არველაძე (გავაშელიშვილი 70)

მთავარი მწვრთნელი: ლაშა ჭაღიაშვილი

Fcloco.Ge

გაგრა ახალ სეზონს ახალი ლოგოთი დაიწყებს (ფოტო)

Posted on by კახა ყიფიანი

საფეხბურთო კლუბ გაგრას ახალი ლოგო, ფერი და სლოგანი აქვს. კლუბის ახალი ფერი მუქი ლურჯი იქნება, რაც შავ ზღვასთან ასოცირდება. როგორც მოგეხსენებათ ქალაქი გაგრა შავიზღვისპირა ქალაქია, ხოლო ს.კ. “გაგრა” ამ ქალაქის წარმომადგენელი.

გუნდს ასევე აქვს ახალი სლოგანი – Georgia United (საქართველო გაერთიანდა). ბევრი ახსნა არ სჭირდება ამ სლოგანს, ყველაფერი ნათქვამია. კლუბის არსი სწორედ ეს არის, ერთიანი საქართველოსთვის ბრძოლა და ის, რომ იასპარეზოს ქალაქში, რომლის სახელსაც ატარებს და მეტიც, ოფიციალურად ამ ქალაქშია რეგისტრირებული.

ლოგოში კი თავმოყრილია ეს ყველაფერი. კლუბის ახალი ფერი – მუქი ლურჯი (ზღვისფერი), სიმბოლო G, სლოგანი – Georgia United, დაარსების წელი – 2004 და რა თქმა უნდა სახელი – FC GAGRA

fcgagra.ge

საფეხბურთო კლუბ “გაგრას” ახალი ლოგო აქვს (ფოტო)

Posted on by ცოტნე შაორშაძე

ეროვნულ ლიგა 2-ში მოასპარეზე გაგრის “გაგრას” მომავალი სეზონიდან ახალი ლოგო ექნება.

აღნიშნულთან დაკავშირებით ინფორმაციას გუნდის პრესსამსახური განახლებულ Facebook გვერდზე აქვეყნებს. ზოგადად გუნდში რებრედინგი მიმდინარეობს. კლუბის მესვეურები მუშაობენ, რათა მომავალი სეზონიდან “გაგრას” ფანკლუბი ჰყავდეს.

მნათობიშვილმა სიმსივნე დაამარცხა და ფეხბურთს დაუბრუნდა

Posted on by კახა ყიფიანი

ნიკა მნათობიშვილი მოედანს დაუბრუნდა! ამის შესახებ ფეხბურთელის კლუბის, “გაგრის” ოფიციალური გვერდი იტყობინება.

ნიკა 8 თვის განმავლობაში ებრძოდა სიმსივნეს. მან, საბოლოოდ, თავისი სიმტკიცით და გამძლეობით, როგორიც ასევე მოედანზეც გახლავთ, მასზე გაიმარჯვა. ნიკა დღევანდელ სპარინგში “ზუგდიდის” წინააღმდეგ მეორე ნახევრიდან ჩაერთო და ძალიან კარგადაც წარმოაჩინა თავი. “გაგრას” წინ დიდი ბრძოლა ელის ეროვნული ლიგის საგზურის მოსაპოვებლად და სასიხარულოა, რომ ამ ბრძოლაში ნიკაც სრულფასოვნად იქნება გუნდის გვერდით.

„გაგრამ“ „საპოვნელა“ დაამარცხა

Posted on by Alix

შაბათს 35-ე სკოლის სტადიონზე მოსამზადებელი მატჩი შედგა. ერთმანეთს პირველი ლიგის მონაწილე „გაგრა“ და უმაღლესი ლიგის ამჟამინდელი ერთ-ერთი აუტსაიდერი თერჯოლის „საპოვნელა“ შეხვდნენ.

ახალგაზრდა „გაგრელებმა“ წინა მოსამზადებელი მატჩები თბილისის „დინამოსთან“ და „ცხინვალთან“ ჩაატარეს და ორივე ამ შეხვედრაში იბრძოლეს – „დინამოსთან“ 0:2 დამარცხდნენ, თუმცა „ცხინვალს“ უხვგოლიან თამაშში 4:3 მოუგეს. წარმატებული მათთვის გუშინდელი მატჩიც გამოდგა, რომელიც თორნიკე კიკნაძის თავური დარტყმით გატანილი გოლით, ანგარიშით 1:0 მოიგეს.

„გაგრასთან“ შედარებით, „საპოვნელას“ გოლის გატანის რეალური შესაძლებლობები მხოლოდ ტაიმების ბოლოს ჰქონდა, თუმცა მათი გამოყენება თერჯოლელებმა ვერ შეძლეს. ერთ შემთხვევაში ბურთი „გაგრას“ მეკარე ტყეშელაშვილმა მოიგერია, მეორე შემთხვევაში კი გაგრელები გაშვებულ გოლს ძელმა გადაარჩინა.

შემდეგ მოსამზადებელ მატჩს „გაგრა“ ლანჩხუთის „გურიასთან“ გამარტავს, „საპოვნელა“ კი მომზადებას თურქეთში გააგრძელებს.

„ცხინვალი“ მორიგ მოსამზადებელ მატჩს „გაგრასთან“ ჩაატარებს

Posted on by Alix

საქართველოს უმაღლესი ლიგის კლუბი „ცხინვალი“ სეზონის მეორე ნახევრისთვის მზადებას ამხანაგური მატჩებით აგრძელებს. ხვალ კახა კაჭარავას გუნდი იანვარის მეოთხე მოსამზადებელ მატჩს ჩაატარებს. ამჯერად მისი მეტოქე პირველი ლიგის მონაწილე „გაგრა“ იქნება.

ცნობისთვის, „ცხინვალი“ ამჟამად უმაღლესი ლიგის მესამე ადგილზე იმყოფება, „გაგრა“ კი პირველ ლიგაში მეცხრე პოზიციას იკავებს.

„გაგრამ“ „საბურთალოს“ მოთამაშე დაიმატა

Posted on by Alix

„გაგრამ“ თბილისის „საბურთალოს“ 19 წლის ნახევარმცველი ილია ბეროშვილი გადაიბირა. როგორც „საბურთალოს“ ოფიციალური გვერდი იტყობინება, მიმდინარე სეზონში „გაგრაში“ ბეროშვილი იჯარით ითამაშებს.

სათქმელია, რომ ნახევარდაცვის გარდა ილიას თამაში ასევე დაცვაშიც შეუძლია.

ახალ კლუბში თამაშის უფლება ფეხბურთელს რამდენიმე დღეში მიეცემა.

“გაგრა” და “კოლხეთი” დააჯარიმეს

Posted on by Levan

დღეს, ფეხბურთის ფედერაციაში სადისციპლინო კომიტეტის სხდომა გაიმართა, სადაც 19 მაისს, მუხრანში „გაგრასა“ და ხობის „კოლხეთს“ შორის გამართული შეხვედრა განიხილეს. შეგახსენებთ, რომ 37-ე წუთზე მომხდარი ჩხუბის შედეგად, მატჩი ჩაიშალა.

კომიტეტმა ჯიმშერ ტყებუჩავას თავჯდომარეობით და წევრების – ზვიად დარასელის და ზვიად ქორიძის მონაწილეობით მიიღო შემდეგი გადაწყვეტილება:

საფეხბურთო კლუბი „გაგრა“ დაჯარიმდეს 5 000 ლარით; ფეხბურთელები ივანე ჭაბუკიანი, დათო მიქავა, თემურ ბექაური და გიორგი კვიჟინაძე დაჯარიმდნენ 1000-1000 ლარით და მიეცეთ 6-6 მატჩიანი დისკვალიფიკაცია; აქედან, ივანე ჭაბუკიანს მიეცა 1 წლიანი პირობითი სასჯელი;

ორივე გუნდს ჩაეთავალა ტექნიკური წაგება 0:3.

აქვე იმასაც გაცნობებთ, რომ ანალიგიურად დაჯარიმდნენ ხობის „კოლხეთი“ და მათი ფეხბურთელები – სულ ხუთი მოთამაშე.

“კოლხეთისა” და “გაგრას” ფეხბურთელებმა ერთმანეთთან იჩხუბეს (ვიდეო)

Posted on by -

19 მაისს, საქართველოს პირველი ლიგის 36-ე ტურში, ხობის “კოლხეთმა” საკუთარ მოედანზე “გაგრა” მიიღო.

მატჩის 36-ე წუთზე, როცა ანგარიში სტუმართა სასარგებლოდ 1:2 იყო, მოედანზე სიტუაცია დაიძაბა – ფეხბურთელებმა ერთმანეთთან იჩხუბეს. ამ მიზეზის გამო, შეხვედრა შეწყდა. გავრცელებული ინფორმაციის თანახმად, არის იმის შანსი, რომ ორივე გუნდს ტექნიკური წაგება (0:3) ჩაეთვალოს.

ქართველმა ფეხბურთელმა გოლი ჯიბრილ სისეს სტილში აღნიშნა (ვიდეო)

Posted on by -

29 აპრილს, საქართველოს პირველ ლიგაში “გაგრამ” “ბორჯომი” ანგარიშით 2:1 დაამარცხა. შეხვედრაში პირველი გოლი “გაგრას” ფეხბურთელმა გივი ბაქრაძემ გაიტანა, რომელმაც სიხარული ორიგინალურად გამოხატა.