ლანჩუთის “გურია” ორი უკრაინელი ლეგიონერით გაძლიერდა. გუნდის შემადგენლობაში კარიერას თავდამსხმელი იური შეველი და შემტევი ნახევარმცველი ნიკიტა კონოვალოვი გააგრძელებენ.
იური შეველი, რომელიც კიევის “დინამოს” აღზრდილია, 1998 წელს დაიბარა. აქვს უკრაინის ასაკობრივ ნაკრებებში თამაშის გამოცდილება. ბოლო დროს ის მოლდოვური “დაჩიას” და “ზარიას” ღირსებას იცავდა.
მეორე ახალწვეული, ნიკიტა კონოვალოვი კი 1994 წელს დაიბადა და “სევასტოპოლსა” და დონეცკის “ოლიმპიკში” უთამაშია.
ბოლნისის “სიონის” ფორვარდი ვილი ისიანი კარიერას “გურიაში” გააგრძელებს, სადაც გასულ სეზონში ასპარეზობდა და უმაღლესი ლიგის 28 შეხვედრაში 12 გოლის გატანა შეძლო.
23 წლის შემტევმა ბოლნისურ კლუბშიც შედეგიანად დაიწყო და ევროპა ლიგის მატჩებში “სიონს” ორი გოლით დაეხმარა, თუმცა ჩემპიონატის პირველი ეტაპი უგოლოდ დაასრულა და მეორე წრეში “გურიაში” დაბრუნება გადაწყვიტა.
ლანჩხუთის “გურია” დღეს ურეკშ შეიკრიბება. გურულთა მთავარი მწვრთნელის განკარგულებაში შემდეგი ფეხბურთელები არიან:
მეკარეები: გაბრიელ თებიძე, მიხეილ გოგუაძე, რატი იმერლიშვილი
მცველები: გიგა ჭეიშვილი, ბიძინა ცინცაძე, გიორგი ჩიხრაძე, გიორგი მჭედლიშვილი
ნახევარმცველები: ერეკლე კილაძე, ალექსანდრე კოშკაძე, კობა შალამბერიძე, ლევან ინგოროყვა, თორნიკე მოსიაშვილი, კოკა ღაღანიძე, შოთა გაბრიჩიძე, ტარიელ კუკულაძე, გიორგი მიქაძე, გიორგი რეხვიაშვილი
თავდამსხმელები: ვანო წილოსანი, ვაჟა მათიაშვილი
ცნობილია, რომ “გურიას” შეკრების მიმდიანრეობისას 3 უკრაინელი ფორვარდი და ბრაზილიელი შემტევი ნახევარმცველი შეუერთდებიან.
20 წლის გაბრიელ თებიძემ უმაღლესი ლიგის მიმდიანრე სეზონში “ტორპედოს” ძირითადში შეძლო ადგილის დამკვიდრება და 10 შეხვედრაც ჩაატარა. ახალგაზრდა მეკარე ახალი წლიდან “გურიას” ღირსებას დაიცავს და მასთან საუბარი სწორედ ახალი გუნდის შესახებ დავიწყეთ.
– უმაღლესი ლიგის მეორე წრეს “გურიაში” გაატარებ. რას გვეტყვი შენს ახალ გუნდზე?
– ძალიან გამიხარდა, რომ “გურიამ” მთავარ გუნდში მომცა თავის გამოჩენის საშუალება. ტრადიციულია გუნდია, რაც ჩემთვის ბევრს ნიშნავს.
– პირველ წრეში შენს თამაშს როგორ შეაფასებდი?
– დადებითად ვერ შევაფასებ. “ტორპედომ” გათამაშება მე-13 ადგილზე დაასრულა, რაც ამ გუნდს ნამდვილად არ შეეფერება. იმედი მაქვს, რომ “გურიაში” შეცდომებს გამოვასწორებ.
– “ტორპედოს” ძირითადს გაუშინაურდი და გუნდიდან შენი წამოსვლა ცოტა გასაკვირიც იყო…
– კონტრაქტი დამიმთავრა და ქუთაისიდან არავინ დამკავშირებია. როგორც ჩანს, “ტორპედოში” ფიქრობენ, რომ მათ მოთხოვნებს ამ ეტაპზე ვერ ვაკმაყოფილებ. ამ დროს ინტერესი “გურიამ” გამოიჩინა და მეც დავთანხმდი. ამ ეტაპზე ჩემთვის მთავარი სათამაშო პრაქტიკაა. მინდა, რომ “გურიას” ნდობა გავამართლო.
– ზურგს საკმაოდ დიდი სანაკრებო გამოცდილება გიმაგრებს…
– ასაკობრივ ნაკრებებში მართლაც დიდი გამოცდილება მივიღე, რაც ეროვნული ჩემპიონატის მატჩებშიც მეხმარება. სანაკრებო პერიოდი ყოველთვის სასიამოვნო გასახსენებელია. ევროპის ჩემპიონატზე გასვლა ჩვენი ქვეყნისთვის პატარა მოვლენა არ არის.
– ალბათ, 21 წლამდეთა ნაკრებში მოხვედრაზეც ფიქრობ…
– რა თქმა უნდა, მაგრამ საამისოდ დიდი შრომაა საჭირო და მინიმუმ უმაღლესი ლიგის გუნდში სტაბილურად ძირითად შემადგენლობაში თამაში. იმედია, “გურიაში” ამას შევძლებ.
– ბოლოს ისევ უმაღლეს ლიგაზე გკითხავ. ვინ მიგაჩნია გათამაშების მთავარ ფავორიტად?
– წლევანდელი ჩემპიონატი საკმაოდ თანაბარია. ფავორიტი რა თქმა უნდა “დინამოა”, მაგრამ კონკურენციაც დიდია და დაძაბული მეორე წრე გველის.
Fanebi.com უმაღლესი ლიგის პირველი წრის დასრულების შემდეგ ტრადიციულად გუნდების ასპარეზობის შეჯამებას გთავაზობთ. ამჯერად, საუბარი ლანჩხუთის “გურიაზე” გვექნება.
გურულებს უმაღლესში დაბრუნების შემდეგ ფინანსური პრობელმების მოგვარებას ვერ ახერხებენ. გამონაკლისი არც მიმდინარე სეზონის სტარტი იყო. უფულობის გამო გუნდი ჩემპიონატში ფაქტობრივად შეკრების გარეშე ჩაერთო. თუმცა, ტრადიციულად უფულო “გურიამ” წლევანდელი გათამშების პირველი ეტაპიც ღირსეულად ჩაამთავრა.
ჩავარდნილმა მოსამზადებელმა ეტაპმა სეზონის სასტარტო ტურებში იჩინა თავი. საწყის ოთხ შეხვედრაში “გურიამ” ერთი გოლიც ვერ გაიტანა და მხოლოდ ორი ქულა მოიპოვა. თუმცა, გურულებმა ნელნელა ფორმა აღიდგინეს, შეთამშდნენ და ნავსი მეხუთე ტურში, ფოთის “კოლხეთთან” მოპოვებული გამარჯვებით გატეხეს. ამ შეხვედრამ 6-მატჩიან წაუგებელ სერიას დაუდო საფუძველი.
წარმატებული იყო სეზონის დასკვნითი ნაწილიც. ბოლოსწინა ტურში ლორიას შეგირდებმა თბილისში “დინამოს” დამარცხება შეძლეს, რაც იოლი საქმე ნამდვილად არაა. უნდა ითქვას, რომ ასეთი თამაშით გუნდი მეათეზე უკეთეს პოზიციას იმსახურებდა. გუნმდა მხოლოდ 4 მატჩი წააგო, იმედნივე რამდენიც გათამაშების ლიდერ “დინამოს” აქვს წაგებული, თუმცა “გურიას” საკმაოდ ბევრი, 7 ფრე ითამაშა და მნიშვნელოვანი ქულებიც დაკარგა. ამავე დროს აღსანიშნავია ისიც, რომ უმეტეს შემთხვევებში გურულები მარცხდებოდნენ და გათანაბრებას ახერხებდნენ, რაც მათი ხასიათის სიმტკიცეზე და ბრძოლისუნარიანობაზე მეტყველებს.
წარუამტებელი გამოდგა “გურიას” სათასო ასპარეზობა. ლანჩხუთელები გათამაშებას პირველივე ეტაპზე, თერჯოლის “საპოვნელასთან” პენალტების სერიაში განცდილი მარცხის შემდეგ გამოეთიშნენ.
პირველ ეტაპზე გუნდის წამყვანი ძალა ორი გამოცდილი ნახევარმცველი, ალექსანდრე კოშკაძე და კობა შალამბერიძე იყვნენ. კოშკაძემ 12 შეხვედრაში მიიღო მონაწილეობა და გატანილი ორი გოლიდან ერთი “დინამოს” კარში შეაგდო. შალამბერიძემ კი პირველი ეტაპის ყველა მატჩში ითამაშა და საკუთარ გუნდს 5 გოლით დაეხმარა.
დინამოს აკადემიის მოედანზე დუბლშემადგენლობათა ჩემპიონატის მეთოთხმეტე ტურის მატჩი ჩატარდა. დინამოს სარეზერვო შემადგენლობამ ლანჩხუთის გურიას დუბლებს უმასპინძლა. თამაზ სამხარაძის შეგირდებმა ხუთი უპასუხო გოლი გაუტანეს სტუმრებს. თავიდან შეხვედრა ურთიერთშეტევებით და თანაბარი თამაშით წარიმართა. მე- 16 წუთზე ანგარიში მათიაშვილმა გახსნა. მეორე ტაიმში დინამოელებმა მეთოდურად მოიპოვეს სათამაშო უპირატესობა და საბოლოოდ ეს უპირატესობა გატანილ გოლებშიც ასახეს. 70- ე წუთზე ლილუაშვილმა მეორე გოლი გაიტანა გურიას კარში. ოთხი წუთის შემდეგ ჯიქიამ გამოიჩინა თავი – 3:0. კობახიძემ 85- ე წუთზე მეოთხედ აიღო გურიას კარი. ბოლო წუთზე კი ლილუაშვილმა დუბლი შეასრულა და საბოლოო ანგარიში- 5:0 დააფიქსირა.
დინამო 5:0 გურია (დუბლები)
დინამო: კულუა, კობოური, ლოჩოშვილი, ყურსავიშვილი, კირკიტაძე, ვეკუა (ჩაკვეტაძე 73), ნემსაძე, ჯიქია (ა. კობახიძე 83), ო. კობახიძე (გეგეშიძე 63), კვერნაძე (ჩიხლაძე 25), მათიაშვილი (ლილუაშვილი 63)
FCDinamo.GE
Fanebi.com-ი თბილისის „დინამოსა“ და ლანჩხუთის „გურიას“ შორის საქართველოს ჩემპიონატის მეცამეტე ტურის ორივე გუნდის მთავარი მწვრთნელის მატჩისშემდგომ კომენტარებს გთავაზობთ.
„პირველ რიგში, მსურს, მადლობა გადავუხადო ჩვენს ფეხბურთელებს ბრძოლისათვის, მათ, რაც შეეძლოთ, ყველაფერი გააკეთეს. მადლობა გულშემატკივარსაც, რომელიც დღეს სტადიონზე მოვიდა და მხარი დაგვიჭირა.
რაც შეეხება თამაშს, ბურთს, რა თქმა უნდა, „დინამო ფლობდა. ჩვენ ამისთვის მზად ვიყავით და თამაშის აგებას კონტრშეტევაზე ვაპირებდით. ასეც მოხდა და ლოგიკური შედეგიც მივიღეთ. ბურთის ფლობაში შედეგის დათმობას არ ვგულისხმობ, პირიქით, ჩვენი მიზანი კონტრშეტევებზე თამაში იყო და მას ბიჭებმა თავი კარგად გაართვეს. კიდევ ერთხელ, დიდი მადლობა მათ ამისთვის“, – განაცხადა „გურიას“ დამრიგებელმა თემურ ლორიამ.
„გვქონდა მომენტები, რომლებიც სამწუხაროდ ვერ გამოვიყენეთ. სამწუხაროა, რომ დავმარცხდით, იმედგაცრუებულები ვართ. ალბათ, ძალების აღდგენა მთლიანად ვერ მოვახერხეთ. ამ მოკლე პერიოდში გუნდმა ოთხი მატჩი ჩაატარა, აქედან ორი გასვლაზე. წინა შეხვედრებთან შედარებით, სათანადო ფიზიკური კონდიციები გვაკლდა. წელს ჩემპიონატის ბოლო თამაში „ჩიხურასთან“ გასვლაზე გვაქვს, ვეცდებით, იქ წარმატებით გამოვიდეთ“, – განაცხადა „დინამოს“ თავკაცმა კახა გოგიჩაიშვილმა.
საქართველოს ჩემპიონატის მე-14 ტურში თბილისის „დინამომ“ ლანჩხუთის „გურია“ მიიღო და, უპირატესობის მიუხედავად, ანგარიშით 1:2 დამარცხდა.
არადა, კახა გოგიჩაიშვილი გუნდის ფეხბურთელებმა პირველივე წუთებიდან შეუტიეს. მე-10 წუთზე მეტოქის კარის მიმართლებით ლაშა პარუნაშვილმა დაარტყა. ორ წუთში დინამოელებს უფრო კარგი შანსი ჰქონდათ, როდესაც მარჯვნიდან ჩაწოდებული ბურთი ლობჟანიძეს მიუვიდა, ამ უკანასკნელის დარტყმულ ბურთს კი მეკარე ზუხბაია დაეუფლა. დინამოელებმა მეტოქის კარს 25-ე და 28-ე წუთებზეც დაუმიზნეს, თუმცა ორივე დარტყმა არაზუსტი გამოდგა. რამდენიმეჯერ წინ ლანჩხუთელებიც გამოირჩნენ, რამაც შედეგი 43-ე წუთზე მოიტანა, როდესაც მარჯვენა ფლანგიდან კობა შალამბერიძემ შეუტია, ბურთი მეტოქის საჯარიმოში ჩააწოდა, ჩაწოდებულს კი ალექსანდრე კოშკაძის ზუსტი დარტყმა მოჰყვა – 0:1. სათქმელია, რომ კოშკაძემ ყოფილი გუნდის კარში გოლი არ აღნიშნა. თუმცა, მასპინძლებმა წონასწორობა სწრაფად აღადგინეს, პირველი ტაიმის ბოლო წუთზე მარცხენა ფლანგიდან ლაშა შერგელაშვილმა დაარტყა და „გურიას“ კარში ჩინებული გოლი გაიტანა – 1:1.
მეორე ტაიმის პირველივე წუთზე კახა გოგიჩაიშვილმა ცვლილება გამოიყენა და ლაშა პარუნაშვილის ადგილი მოედანზე ირაკლი ძარიამ დაიკავა.
დიდ ხანს არც დინამოელთა სიხარული გაგრძელებულა. უპირატესობა ლანჩხუთელებმა მეორე ნახევრის მეორე წუთზევე დაიბრუნეს, როდესაც კვლავ სტუმართა რიგებში მატჩის ერთ-ერთმა გამორჩეულმა ფეხბურთელმა შალამბერიძემ შეუტია – კობა მოედნის ცენტრიდან მეტოქის საჯარიმოსკენ დაიძრა და საბოლოოდ შედარებით შორეულ დარტმულს მიგინეიშვილი ვერ გაუმკლავდა – 1:2. დარჩენილ დროში „დინამომ“ ოთხჯერ დაარტყა, ძირითადად მტკვრისპირელები მეტოქის საჯარიმოში აწვდიდნენ, მაგრამ ლანჩხუთელი მცველები ბურთს იგერიებდნენ. მე-60 წუთზე შერგელაშვილის მიერ ჩაწოდებული ბურთი ჩირგაძემ მიიღო, თუმცა გოლამდე სულ ცოტა დააკლდა. 79-ე წუთზე მთავარმა მსაჯმა ირაკლი ძარიას გოლი არ ჩათვალა, რადგან მანამდე ჩისკოზე თამაშგარე მდგომარეობა დაფიქსირდა.
საბოლოოდ, 1:2 და 29 ქულით „დინამო“ პირველ ადგილზე დარჩა, თუმცა ამჟამად თბილისელები გორის „დილას“ მხოლოდ და მხოლოდ ორი ქულით უსწრებენ. რაც შეეხება „გურიას“, ლანჩხუთელები 18 ქულით მეათე ადგილზე იმყოფებიან.
შემდეგ ტურში „დინამო“ ივანწმინდაში „ჩიხურას“ დაუპირისპირდება, ხოლო „გურია“ „სიონს“ მიიღებს.
დინამო – გურია 1:2 (0:1)
გოლები: კოშკაძე 43′, შალამბერიძე 47′ – შერგელაშვილი 45′
„დინამო“: მიგინეიშვილი, კაკაბაძე, ხიზანიშვილი, გველესიანი, შერგელაშვილი, პაპავა (ჩისკო 53′), ცინცაძე, პარუნაშვილი (ძარია 46′), ლობჟანიძე (ჯანელიძე 72′), პაპუნაშვილი, ჩირგაძე
გურია: ზუხბაია, კილაძე, ხარაბაძე, ჭეიშვილი, მეგრელიშვილი, ჯოჯუა, გაბრიჩიძე, კოშკაძე, მიქაბერიძე (წილოსანიმ 90′), შალამბერიძე (ინგოროყვა 82′), ლომია (კვერენჩხილაძე 90′)
გაფრთხილებები: გაბრიჩიძე 48’ მეგრელიშვილი 72’ პაპუნაშვილი 85’ ჭეიშვილი 89’ ლომია 89’ ჯანელიძე 90’ პაპუნაშვილი
საქართველოს ეროვნული საფეხბურთო ჩემპიონატის უმაღლესი ლიგის XIV ტურში “დინამო თბილისსა” და “გურიას” შორის მიმდინარე მატჩში მასპინძელთა მცველმა ლაშა შერგელაშვილმა სტუმრებს მეტად თვალსასეირო გოლი გაუტანა.
საქართველოს XXVI ეროვნული ჩემპიონატის მეთოთხმეტე ტურის შეხვედრას, დინამოელები თბილისში, ლანჩხუთის გურიასთან გამართავენ. მატჩი 15.00 საათზე დაიწყება და ტრადიციულად, შეხვედრის ვიდეო და ტექსტურ რეპორტაჟს ჩვენი კლუბის ოფიციალური ვებ–გვერდი შემოგთავაზებთ.
ჩვენი მეტოქე
1926 წელს ქალაქ ლანჩხუთში დაარსებული საფეხბურთოკლუბის თავდაპირველი სახელწოდება კიმი იყო. მეორე მსოფლიო ომის პერიოდში გუნდმა არსებობა შეწყვიტა და 1952 წელს საფეხბურთო ცხვრებას კიმის ნაცვლად კოლმეურნე დაუბრუნდა. 1960 წლის შემდეგ კი გუნდი დღევანდელი სახელწოდებით ასპარეზობს. საკლუბო ფერები ყვითელსა და მწვანეშია გადაწყვეტილი. ლანჩხუთის გურიამ პირველ მნიშვნელოვან წარმატებას 1961 წელს მიაღწია. გურულებმა რესპუბლიკის პირველობაზე იმარჯვეს და ანალოგიური შედეგი 1966 და 1971 წლებშიც გაიმეორა. ლანჩხუთელმა ფეხბურთელებმა საქართველოს თასის გათამაშებაზე ზედიზედ ორჯერ – 1965 და 1966 წლებში იმარჯვეს, იგივე ტიტული გუნდმა 1971 წელსაც მოიპოვა. გურიამ შოთა შავგულიძის სახელობის თასის გათამაშება წარმატებით დაასრულა 1977 წელს. სსრკ საფეხბურთო ჩემპიონატის B დივიზიონში ლაჩხუთის გურია პირველად 1967 წელს გამოჩნდა და მას შემდეგ მეტოქე გუნდებისთვის მეტად უხერხულ და ანგარიშგასაწევ ძალად ჩამოყალიბდა. B დივიზიონში პირველი ადგილის დაკავების შემდეგ, გურიამ 1986 წელს სსრკ უმაღლეს საფეხბურთო დივიზიონში განაგრძო ასპარეზობა. 1990 წლის შემდეგ, დამოუკიდებელი ქართული ფეხბურთის ისტორიაში, ლანჩხუთის გურია პირველი გუნდი გახდა, საქართველოს თასის პირველ გათამშებაზე წარმატებას, რომ მიაღწია. ლანჩხუთელი ფეხბურთელები 1999 წლამდე სტაბილურად ასპარეზობდნენ საქართველოს უმაღლეს ლიგაში, თუმცა აღნიშნულ წელს გუნდი პირველ ლიგაში დაქვეითდა. 2012/2013 სეზონში კი გურიამ საქართველოს პირველი ლიგის A ჯგუფის გათამაშებაში პირველი ადგილი დაიკავა და უმაღლეს ლიგას ხანგრძლივი პაუზის შემდეგ დაუბრუნდა.
მწვრთნელი და გურია
აგვისტოდან ლანჩხუთის გურიას თავკაცად თეიმურაზ ლორია დაინიშნა. იგი გურიას 2012-2013 სეზონშიც თავკაცობდა. პირველი წრის ბოლოსკენ გურულებმა ლორიას მეთაურობით ჩატარებულ 13 შეხვედრაში 15 ქულას მოუყარეს თავი და გათამაშების ცხრილში მე- 11 ადგილზე იმყოფებიან.
… დინამომდე
გურულებმა ჩემპიონატი არასახარბიელოდ დაიწყეს. პირველივე შეხვედრაში ექვსი უპასუხო ბურთით ზესტაფონთან დამარცხდნენ. ამას უგოლო ფრე მოჰყვა შუქურასთან და მარცხი თასზე საპოვნელასთან მინიმალური ანგარიშით 1:2. შემდეგ იყო უგოლო ფრე მეტალურგთან და წარუმატებლობა დილასთან 0:2. შემდეგი ორი მატჩი გურიამ მოიგო. 3:2 კოლხეთთან და 1:0 მერანთან. ამას მოჰყვა ზედიზედ 3 ფრე. 2:2 ვიტ ჯორჯიასთან, 1:1 სპარტაკთან და 2:2 ტორპედოსთან. გურიამ მინიმალური ანგარიშით 1:0 აჯობა ბათუმის დინამოს. დამარცხდა ზუგდიდთან 1:2 და სამტრედიასთან 1:3. ბოლოს იყო ფრე ჩიხურასთან 2:2.
დინამო VS გურია
დინამოელებს ეროვნულ ასპარეზზე ლანჩხუთელთა წინააღმდეგ 25 მატჩი აქვთ გამართული. ურთიერთშეხვედრებში დინამოელები კოლოსალურ უპირატესობას ფლობენ – 20 მოგება, 3 ფრე და 2 მარცხი. ბურთების შეფარდება 75/15 ჩვენი გუნდის სასარგებლოდაა.
დედაქალაქელებმა გურია ექვსბურთიანი სხვაობით ოთხჯერ დაამარცხეს. ჩვენმა გუნდმა სამჯერ 6:0 მოუგო, 1999 წლის 15 მაისს, ეროვნული ჩემპიონატის მეათე გათამაშების XXVII ტურის შეხვედრაში კი მეტოქე 7:1დაამარცხეს. აღნიშნულ დაპირისპირებაში სამი ბურთი აშვეთიამ გაიტანა, თოთო გოლი კი ჯინჭარაძის, კიკნაძის, ალექსიძის და ჩომახიძის ანგარიშზეა.
უკანასკნელი მატჩი დინამოსა და გურიას შორის 27 აპრილს ლანჩხუთში გაიმართა. აღნიშნულ შეხვედრაში დედაქალაქელებმა მეტოქე 2:1 დაამარცხეს. გურიას კარში გოლები ჩისკომ და მარცვალაძემ გაიტანეს.
დისკვალიფიცირებული ფეხბურთელები
დისკვალიფიკაციის გამო, ხვალინდელ შეხვედრას ფეხბურთელები არ დააკლდებიან.
დინამო VS გურია – მსაჯი
საქართველოს XXVI ეროვნული ჩემპიონატის უმაღლესი ლიგის მეთოთხმეტე ტურის შეხვედრას, რომელსაც ჩვენი გუნდი დინამო არენაზე, ლანჩხუთის გურიას წინააღმდეგ გამართავს- ჯენერი ხორავა განსჯის. ჯენერი ხორავას ასისტენტობას ლ. ვარამიშვილი და ზ. ბერულავა გაუწევენ. მეოთხე მსაჯის ფუნქციებს კი ლ.კვარაცხელია შეასრულებს.
უკანასკნელი შეხვედრა, რომელიც ჯენერი ხორავამ იმსაჯა 21 ნოემბერს გამართული, ვიტ ჯორჯია 0:2 მეტალურგი გახლავთ, სადაც მატჩის მონაწილე ფეხბურთელებს სამი ყვითელი ბარათი უჩვენა.
ჩვენი გუნდის მონაწილეობით ჯენერი ხორავამ ბოლოს 2014 წლის 10 აგვისტოს იმსაჯა. სამტრედიას წინააღმდეგ დინამო არენაზე გამართულ შეხვედრაში, რომელიც დინამომ 2:0 მოიგო, მატჩის მთავარმა არბიტრმა ერთი ყვითელი ბარათი გამოიყენა.
გურია. სავარაუდო შემადგენლობა
ჩვენი ვარაუდით, ხვალინდელ მატჩში ლანჩხუთელთა სასტარტო შემადგენლობა ასეთი იქნება:
ზუხბაია – ჟვანია, ჭეიშვილი, მეგრელიშვილი, გოგიაშვილი – ჯოჯუა, კოშკაძე, შალამბერიძე, მიქაბერიძე, ჯიშკარიანი – ლომია
FCDinamo.GE
30 ნოემბერს დინამო თბილისი უმაღლესი ლიგის მეთოთხმეტე ტურის შეხვედრას თბილისში, ლანჩხუთის გურიას წინააღმდეგ გამართავს. დაპირისპირება 15.00 საათზე დაიწყება და მატჩის ვიდეო და ტექსტურ რეპორტაჟს ტრადიციულად ჩვენი კლუბის ოფიციალური ვებ-გვერდი შემოგთავაზებთ.
დინამოელებს ეროვნულ ასპარეზზე ლანჩხუთელთა წინააღმდეგ 25 მატჩი აქვთ გამართული. ურთიერთშეხვედრებში დინამოელები კოლოსალურ უპირატესობას ფლობენ – 20 მოგება, 3 ფრე და 2 მარცხი. ბურთების შეფარდება 75/15 ჩვენი გუნდის სასარგებლოდაა.
დედაქალაქელებმა გურია ექვსბურთიანი სხვაობით ოთხჯერ დაამარცხეს. ჩვენმა გუნდმა სამჯერ 6:0 მოუგო, 1999 წლის 15 მაისს, ეროვნული ჩემპიონატის მეათე გათამაშების XXVII ტურის შეხვედრაში კი მეტოქე 7:1 დაამარცხეს. აღნიშნულ დაპირისპირებაში სამი ბურთი აშვეთიამ გაიტანა, თოთო გოლი კი ჯინჭარაძის, კიკნაძის, ალექსიძის და ჩომახიძის ანგარიშზეა.
უკანასკნელი მატჩი დინამოსა და გურიას შორის 27 აპრილს ლანჩხუთში გაიმართა. აღნიშნულ შეხვედრაში დედაქალაქელებმა მეტოქე 2:1 დაამარცხეს. გურიას კარში გოლები ჩისკომ და მარცვალაძემ გაიტანეს.
FCDinamo.GE
დასრულა საქართველოს ეროვნული ჩემპიონატის უმაღლესი ლიგის XIII ტურის კიდევ ორი შეხვედრა. თბილისის ”დინამომ” სტურმრად ზუგდიდელების დამარცხება შესძლო და კიდევ ერთი 3 ქულა მოიპოვა. თამაში დაძაბული გამოდგა, მაგრამ კახა გოგიჩაიშვილის შეგირდებმა დამაჯერებელი გამარჯვება მოიპოვეს.
”ზუგდიდი ” თბილისი ”დინამო” 1-2
გოლები: 0:1 პაპუნაშვილი 70’ 0:2 ჩისკო 88’ 1:2 ლომაია 90’
უხვგოლიანი გამოდგა თამაში ქუთაისში. თამაში გუნდების გარდამავალი უპირატესობით წარიმართა. პირველი გოლი მატჩშის მე-6 წუთზე გავიდა. გოლის ავტორი კი ”ზესტაფონელთა” მხრიდან მიშიკო სარდალიშვილი გახდა. ამ გოლის შემდეგ სიტუაცია რამდენიმეჯერ შეცვალა. საბოლოო შედეგი თამაში კი ფრე დაფიქსრდა 3-3.
”ტორპედო” ქუთაისი 3-3
0:1 მიშიკო სარდალიშვილი 6′, 1-1 ოლეგ მამასახლისი 22′, 1:2 გიორგი ილურიძე 26′, 2:2 ოლეგ მამასახლისი 35′, 2:3 ჯაბა დვალი 37′, 3:3 ოთარ კვერნაძე 63′.
ასევე გთავაზობთ მე-13 ტურის სხვა შედეგებსაც.
”გურია” 2-2 ”ჩიხურა”.
გოლები 0-1 კორიფაძე 16′, 1-1 მეგრელიშვილი 53′,1-2 მეგრელიშვილი 80′, 2-2 ჭელიძე 90′
ცხინვალი 1-0 შუქურა
გოლი : 1-0 შინდაგორიძე 36′
