მსოფლიოს ჩემპიონატის ჯგუფურ ეტაპზე ესპანეთის ნაკრების კარში რობინ ვან პერსის მიერ ნახტომში გატანილი გოლი სამახსოვრო მონეტაზე გამოსახეს.
მონეტა ჰოლანდიის სამეფო ზარაფხანამ მოჭრა და ექვსი ათასი ეგზემპლარი გამოუშვა. მონეტის რევერსზე ნახტომში მყოფი ვან პერსის სილუეტია გამოსახული. ფასი 9,95 ევროს შეადგენს.
შეგახსენებთ, რომ აღნიშნული შეხვედრა ჰოლანდიელთა დამაჯერებელი გამარჯვებით, ანგარიშით 5:1 დასრულდა.
ინტერნეტ-სივრცეში გავრცელდა კადრები, რომელშიც აღბეჭდილია, თუ როგორი რეაქცია ჰქონდა რუუდ ვან ნისტელროის ჰოლანდიის ნაკრების გამარჯვებაზე.
როგორც მოგეხსენებათ, მსოფლიოს ჩემპიონატის მეოთხედფინალურ ეტაპზე ჰოლანდიისა და კოსტა რიკის ნაკრებებს შორის გამართული შეხვედრა ფრედ, ანგარიშით 0:0 დასრულდა, პენალტების სერიაში კი ევროპელებმა 4:3 იმარჯვეს და ნახევარფინალური რაუნდის საგზური მოიპოვეს.
მატჩის 119-ე წუთზე ჰოლანდიელთა თავკაცმა ლუი ვან გაალმა მეკარე იასპერ სილესენი ტიმ კრულით ჩაანაცვლა, რამაც ძირითადი კიპერის გაღიზიანება გამოიწვია. სათადარიგო ფეხბურთელთა შორის გადანაცვლებულმა სილესენმა ბრაზისგან წყლის ბოთლებს ფეხიც მიარტყა. ტიმ კრულს რაც შეეხება, მან დაკისრებულ დავალებას თავი შესანიშნავად გაართვა, ორი დატყმული მოიგერია და ჰოლანდიის ნაკრებს ნახევარფინალურ ეტაპზე თამაშის უფლება მოუპოვა.
მატჩის შემდეგ სილესენმა ბოდიში მოიხადა:
„მატჩის დასრულებისთანავე ფრანკ ჰუკს (მეკარეების მწვრთნელი) მოვუბოდიშე. ბოდიშს მთელ გუნდს მოვუხდი. ჩვენ ყველანი ერთ საქმეს ვაკეთებთ. ეს მართებული ცვლილება იყო, ტიმმა ფანტასტიურად ითამაშა“.
ფაქტზე კომენტარი გააკეთა ვან გაალმაც:
„ეს ჯერ კიდევ მატჩამდე გვქონდა დაგეგმილი. ნაკრების თითოეულ წევრს კონკრეტული დავალება აქვს. ჩვენს გუნდში პენალტების მოგერიების მხრივ კრული საუკეთესოა. მატჩამდე სილესენს არაფერი არ ვუთხარით, რათა ამას მასზე ცუდი გავლენა არ მოეხდინა“.
აი, ფაბიო კანავაროს კი ვან გაალის საქციელი არ მოეწონა:
„ვიცი, რომ ამ ცვლილების შემდეგ ვან გაალზე ყველა ისე ისაუბრებს, როგორც ლეგენდაზე, მაგრამ პირადად მე ასეთი რაღაცები არ მომწონს. ეს სილესენის მიმართ უპატივცემულობაა. რომელ მეკარეს დააყენებს მომდევნო შეხვედრაში სასტარტო შემადგენლობაში? სილესენს უკვე ეცოდინება, რომ მწვრთნელი მას 100 პროცენტით არ ენდობა“.
მეკარის შეცვლაზე კომენტარი გააკეთა ინგლისის ნაკრების ყოფილმა ფეხბურთელმა გარი ლინეკერმაც, რომელმაც კრულის სტატისტიკა მოიხმო:
„ვან გაალმა მეკარე მხოლოდ პენალტების სერიის გამო შეცვალა. სილესენის შეცვლა მისი გეგმის ნაწილი იყო, მაგრამ ის თუ მაინც იცის, რომ „ნიუკასლის“ შემადგენლობაში კრულმა ოციდან მხოლოდ ორი პენალტი მოიგერია?!“
ასეა თუ ისე, ვან გაალის შეცვლამ გაამართლა, ჰოლანდიის ეროვნულმა გუნდმა მუნდიალის ნახევარფინალური ეტაპის საგზური მოიპოვა, სადაც არგენტინის ნაკრებს დაუპირისპირდება. შეხვედრა10 ივლისს, თბილისის დროით 00:00 საათზე აიღებს სტარტს.
ლუი ვან გაალის გუნდმა ნახევარფინალის საგზური პენალტების სერიაში მოიპოვა.
შეხვედრა ჰოლანდიელთა უპირატესობით დაიწყო და პირველი ტაიმის შუა წუთებისთვის საკმაოდ დიდ ტერიტორიულ დომინირებაში გამოიხატებოდა. ნავასის კართან მომენტები უხვად არ იქმნებოდა, თუმცა კოსტარიკელი კიპერი საქმის გარეშე არ რჩებოდა.
კოსტარიკელები დაცვაში საკმაოდ ფრთხილად მოქმედებდნენ და იმ იშვიათ შემთხვევებში, როდესაც ბურთის მოპოვებას ახერხებდნენ, მასთან საკმაოდ აკურატულადაც მოქმედებდნენ.
მეორე ნახევარში თამაშის სურათ არ შეცვლილა. ჰოლანდიელები ბურთს ათამაშებდნენ, კოსტარიკელები კი ითმენდნენ. თუმცა, გარკვეულ ეპიზოდებში კოსტა-რიკა უფრო აქტიურიც კი იყო. პინტოს გუნდი პრესინგს მეტოქის ნახევარზე მიმართავდა, რაც ორი კარგი შეტევის საწინდარიც გახდა.
მექსიკელებთან მატჩის მსგავსად ჰოლანდიამ მე-80 წუთის შემდეგ საგრძნობლად მოუმატა. თუმცა, დამატებითი დრო მაინც გარდაუვალი აღმოჩნდა.
ექსტრა-ტაიმის და მთლიანად კოსტა-რიკის გმირი გახდებოდა ურენია 117-ე წუთზე შექმნილი მომენტი რომ გოლად ექცია. თუმცა, ჰოლანდიელები სილესენმა გადაარჩინა. ჰოლანდიელებმა კოსტა-რიკას სნეიდერის დარტყმით უპასუხეს, რომელიც ხარიხამ მოიგერია.
დამატებითი დროის დასრულებამდე ერთი წუთი რჩებოდა, როდესაც ლუი ვან გაალმა გადამწყვეტი ცვლილება განახორციელა და სილესენის ნაცვლად მეორე მეკარე, ტიმ კრული შეიყვანა მოედანზე. სწორედ მისი ორი მოგერიებული პენალტით მოიპოვეს ჰოლანდიელებმა ნახევარფინალის საგზური, სადაც არგენტინასთან გაარკვევენ ურთიერთობას. კოსტარიკული ზღაპარი კი ამ დრამატული მარცხით დასრულდა.
5 ივლისს, ჰოლანდიისა და კოსტა რიკის ნაკრებებს შორის გასამართი დამატებითი ტაიმების წინ, არიენ რობენმა ლიდერობა იკისრა.
მსოფლიოს ჩემპიონატის მეოთხედფინალურ ეტაპზე ჰოლანდიისა და კოსტა რიკის ნაკრებებს შორის გამართული მატჩი ფრედ, ანგარიშით 0:0 დასრულდა, პენალტების სერიაში კი ევროპელებმა 4:3 იმარჯვეს და ნახევარფინალური რაუნდის საგზური მოიპოვეს.
მატჩის საუკეთესო ფეხბურთელად კოსტა რიკელთა მეკარე კეილორ ნავასი დაასახელეს, რომელმაც საკუთარი გუნდი რამდენჯერმე გადაარჩინა გაშვებული გოლისგან. შეგახსენებთ, რომ ნავასი საბერძნეთის ნაკრების წინააღმდეგ ერთი კვირის წინათ გამართული მატჩის გმირიც გახდა.
ტურნირის ნახევარფინალურ ეტაპზე ჰოლანდიის ნაკრები არგენტინის ეროვნულ გუნდს დაუპირისპირდება. მატჩი 10 ივლისს, თბილისის დროით 00:00 საათზე აიღებს სტარტს.
დაძაბული გამოდგა ბლო 1/4 ფინალური მატჩი ჰოლანდიასა და კოსტა-რიკას შორის. უგოლო ძირითადი და დამატებითი დროის შემდეგ მატჩის და ნახევარფინალის საგზურის ბედი პენალტების სერიაში გადაწყდა, სადაც უფრო ზუსტები ჰოლანდიელები აღმოჩნდნენ.
კოსტა-რიკა მორიგი სენსაციის მოლოდინში ჰოლანდიას დაუპირისპირდება.
ჰოლანდიის და კოსტა-რიკის წყვილი ალბათ ერთადერთი მეოთხედფინალური დუელია, სადაც ფავორიტი ვინაობა ნათელია. კოსტარიკელებისთვის 8 საუკეთესოში მოხვედრა წარმოუდგენლად დიდი მიღწევაა, ხოლო ჰოლანდიელებისგან ასეთ შედეგს ყოველთვის ითხოვენ.
დღევანდელ შეხვედრაში ჰოლანდიას დე იონგი ვერ დაეხმარება. მის შემცველელებად დე გუზმანი და ბლინდი მოიაზრებიან. ძირითადში მოსალოდნელია მარტინს ინდის დაბრუნებაც.
კოსტა-რიკას დისკვალიფიკაციის გამო დუარტე დააკლდება. მის ადგილზე პრეტენზიას აკოსტა და მილერი აცხადებენ, თუმცა ამ უკანასკნელს გუშინ მცირე ტრავმა ჰქონდა. ხორხე ლუის პინტოს დანარჩენი მოთამაშეები სრულ მზადყოფნაში არიან. მართალია, მიკროტრავმის გამო ბოლო ვარჯიში გამოტოვა კოსტა-რიკის მეკარე ნავასმა, მაგრამ მის თამაშს საფრთხე არ ექმურება. სხვათა შორის, ნავასმა მიმდინარე მუნდიალზე მხოლოდ ორი გოლი გაუშვა, რაც საკმაოდ კარგი შედეგია.
სავარაუდო შემადგენლობები:
ჰოლანდია: სილესენი – დე ვრეი, ვლაარი, მარტინს ინდი – იანმაატი, დე გუზმანი, ბლინდი, კუიტი – სნეიდერი – რობენი, ვან პერსი.
კოსტა-რიკა: ნავასი – გამბოა, უმანია, ჰონსალესი, აკოსტა, დიასი – რუისი, ბორხესი, ტეხედა, ბოლანიოსი – კემპბელი.
ევროპაბეთის კოეფციენტები აღნიშნულ მატჩზე:
როგორც იცით, 30 ივნისს მსოფლიოს 2014 წლის ჩემპიონატის მერვედფინალში ერთმანეთს ჰოლანდიისა და მექსიკის ნაკრებები დაუპირისპირდნენ, შეხვედრა კი ევროპელების გამარჯვებით 2:1 დასრულდა.
მოგეხსენებათ, მატჩში ბოლო გოლი ჰოლანდიელებმა ბოლო წუთებზე თერთმეტმეტრიანის საშუალებით გაიტანეს. პენალტის მოპოვება კი არიენ რობენმა შეძლო.
ინტერნეტ-სივრცეში გავრცელდა ვიდეო, რომელშიც აღბეჭდილია, თუ როგორ აყენებს შეურაწყოფას მექსიკელი გულშემატკივარი რობინ ვან პერსი. როგორც ჩანს, მას ვან პერსი არიენ რობენში აერია.
2014 წლის მსოფლიოს ჩემპიონატის მერვედფინალურ ეტაპზე ჰოლანდიისა და მექსიკის ნაკრებებს შორის გამართული შეხვედრა დრამატულ ბრძოლაში წარიმართა და „ნარინჯისფერთა“ გამარჯვებით, ანგარიშით 2:1 დასრულდა.
ევროპელებმა შეხვედრა მსაჯის მიერ კომპენსირებულ დროში დანიშნული და კლას-იან ჰუნტელაარის მიერ გატანილი თერთმეტმეტრიანი დარტყმის წყალობით მოიგეს. პენალტი არიენ რობენმა მოიპოვა, რომელიც რაფაელ მარკესთან ორთაბრძოლისას დაეცა საჯარიმო მოედანზე.
მექსიკელთა კაპიტანი აცხადებს, რომ ის ჰოლანდიელთა ლიდერს არ შეხებია, მთავარ არბიტრ პედრო პროენსას კი თერთემეტმეტრიანი დარტყმა არ უნდა დაენიშნა.
„პენალტი არ იყო. მე მას არ შევხებივარ. რობენი თავად წამოეგო ჩემს ფეხს. საბოლოო ჯამში, არბიტრმა თერთმეტმეტრიანის ნიშნულისკენ მიუთითა“, – ციტირებს „მარკა“ მარკესის სიტყვებს.
შეგახსენებთ, რომ ჰოლანდიის ნაკრები ტურნირის მეოთხედფინალურ ეტაპზე კოსტა რიკას დაუპირისპირდება, რომელმაც თავის მხრივ, საბერძნეთის ნაკრები პენალტების სერიაში დაამარცხა. მატჩი 6 ივლისს, თბილისის დროით 00:00 საათზე დაიწყება.
ლუი ვან გალის გუნმდა წარუმატებელ შეხვედრაში გარდატეხის შეტანა მოახერხა და გამარჯვება მოიპოვა.
შეხვედრა მექსიკელთა უპირატესობით დაიწყო. აქტიურობდა ლაიუნი, რომელიც ჰოლანდიელებს შორეული დარტყმებით ემუქრებოდა. ლუი ვან გალის მდგომარეობა იძულებითმა ცვლილებამაც დაამძიმა. ტრავმის გამო თამაშის გაგრძელება ნაიჯელ დე იონგმა ვერ შესძლო.
მე-17 წუთზე მექსიკამ პირველი საგოლე მომენტი შექმნა. თუმცა, ერერას დარტყმული მცირე მანძილით ასცდა სილესენის კარს. მექსიკელებს გატანა ტაიმის ბოლოსაც შეეძლოთ – დოს სანტოსს სილესენმა აჯობა.
შეხვედრის განახლების შედმეგ რამდენიმე წუთში ჰოლანდიელთა მეკარემ მექსიკელთა ათიანის დარყმის მოგერიება ვერ მოახერხა და ანგარიშიც გაიხსნა.
10 წუთში ჰოლანდიას გათანაბრების კარგი შანსი გაუჩნდა, მაგრამ დე ვრეის დამრტყმა ოჩოამ მოიგერია. ჰოლანდიელებმა გადამწყვეტი უპირატესობის მოპოვება შესძლეს და თამაშს სრულად აკონტროლებდნენ. ერერას შეგირდები თავს კარგად იცავდნენ, თუმცა 88-ე წუთზე კუთხურის შემდეგ საჰაერო ორთაბრძოლა ჰუნტელაარმა მოიგო და სნეიდერს დაუგდო, რომელმაც ძლიერი დარტყმით გაათანაბრა. მსაჯის მიერ კომპენსირებულ დროში კი მარკესმა საჯარიმოში შეჭრილი რობენი თამაშის წესების დარღვევით შეაჩერა. პენალტი კლას იან ჰუნტელაარმა ზუსტად შეასრულა და ჰოლანდია 1/4 ფინალში გაიყვანა.
გოლები: დოს სანტოსი 48′ (0:1); სნეიდერი 88′ (1:1); ჰუნტელაარი 94′ (2:1)
2014 წლის მსოფლიოს ჩემპიონატის მერვედფინალურ ეტაპზე ჰოლანდიისა და მექსიკის ნაკრებებს შორის გამართული შეხვედრა დრამატულ ბრძოლაში წარიმართა და „ნარინჯისფერთა“ გამარჯვებით, ანგარიშით 2:1 დასრულდა.
მატჩის საუკეთესო ფეხბურთელად მექსიკელთა მეკარე გილერმო ოჩოა დაასახელეს, რომელმაც საკუთარი გუნდი რამდენჯერმე გადაარჩინა გაშვებული გოლისგან.
ოჩოამ მატჩი სრულად ჩაამათვრა.
