ჭდე: Ilkay Gundogan

დორტმუნდის “ბორუსიას” ნახევარმცველი ილკაი გიუნდოგანი კარიერას “მანჩესტერ სიტიში” გააგრძელებს.

მხარეებმა შეთანხმებას მიაღწიეს. ტრანსფერი 26 მილიონ ევროდ ფასდება, თუმცა “სიტის” რიგებში გიუნდოგანის წარმატებული ასპარეზობის შემთხვევაში, ღირებულებამ შესაძლოა, 29 მილიონ ევროს მიაღწიოს.

25 წლის გერმანელმა ნახევარმცველმა ცოტა ხნის წინ მუხლის ოპერაცია გაიკეთა, თუმცა ამ ფაქტს ტრანსფერის განხორციელებაზე უარყოფითი გავლენა არ მოუხდენია.

შეგახსენებთ, რომ ილკაი გიუნდოგანი მაისის თვეში ვარჯიშის დროს მიღებული მუხლის ტრავმის გამო 2016 წლის ევროპის ჩემპიონატს გამოტოვებს.

“მანჩესტერ სიტის” სამწვრთნელო შტაბში დარწმუნებულნი არიან, რომ ილკაი გიუნდოგანი მალე მომჯობინდება და ხოსეპ გვარდიოლას გუნდში ერთ-ერთ მნიშვნელოვან ფიგურადაც მოგვევლინება.

დორტმუნდის “ბორუსიას” ნახევარმცველმა ილკაი გიუნდოგანმა კარიერა შესაძლოა, დორმტუნდის “ბორუსიაში” გააგრძელოს.

გერმანული გამოცემა “ბილდი” იტყობინება, რომ ფეხბურთელი “ქალაქელებთან” ხუთწლიან კონტრაქტზე შეთანხმდა. ტრანსფერის ღირებულება არ ხმაურდება. პრესაში სავარაუდო თანხა სახელდება, რომელიც 24 მილიონ ფუნტ სტერლინგს შეადგენს.

მანამდე გავრცელებული ინფორმაციით, “მანჩესტერ სიტი” ილკაი გიუნდოგანის სანაცვლოდ 35 მილიონ ევროს იხდიდა, თუმცა “ბორუსია” 45 მილიონს ითხოვდა.

 

ბრიტანული “დეილი მეილის” ცნობით, დორტმუნდის “ბორუსიას” ნახევარმცველ ილკაი გიუნდოგანს ზაფხულში კლუბის გამოცვლა აქვს განზრახული.

25 წლის ფეხბურთელით “ბარსელონა”, ტურინის “იუვენტუსი” და ლონდონის “არსენალი” არიან დაინტერესებულნი, თუმცა თავად გიუნდოგანს “მანჩესტერ სიტიში” გადასვლა და ხოსეპ გვარდიოლას ხელმძღვანელობით თამაში სურს.

პრესაში გაჩნდა კიდეც ცნობა, რომლის თანახმადაც, გერმანელი ფეხბურთელი და ინგლისური კლუბი კონტრაქტზე შეთანხმდნენ, თუმცა “ბორუსიამ” ეს ინფორმაცია უარყო.

ცნობისთვის, ილკაი გიუნდოგანის შრომით ხელშეკრულებას ვადა 2017 წლის 30 ივნისს გასდის.