ოფიციალურად დადგინდა სეზონის პირველი “ელ კლასიკოს” ჩატარების თარიღი და დრო.
ესპანეთის პრიმერადივიზიონის მე-12 ტურში მადრიდის “რეალსა” და “ბარსელონას” შორის გასამართი მატჩი 21 ნოემბერს, თბილისის დროით 21:15 (ადგილობრივი დროით 18:15) საათზე დაიწყება.
მეორე წრეში ამავე გუნდებს შორის “ნოუ კამპზე” გასამართი შეხვედრა აპრილში უნდა ჩატარდეს.
“ბარსელონა” თბილისში, დღეს დილით, ჩარტერული რეისით ჩამოფრინდება. ცნობილია იმ 25 ფეხბურთელის ვინაობა, რომლებიც საქართველოს დედაქალაქში ჩამოვლენ:
მარკ-ანდრე ტერ შტეგენი, კლაუდიო ბრავო, ჟორდი მასიპი, დუგლასი, ჟერარ პიკე, ივან რაკიტიჩი, სერხიო ბუსკეტსი, დანიელ ალვესი, პედრო როდრიგესი, ანდრეს ინიესტა, ლუის სუარესი, ლიონელ მესი, რაფინია, ხავიერ მასკერანო, მარკ ბარტრა, სანდრო რამირესი, მუნირ ელ ჰადადი, ჟორდი ალბა, სერხი რობერტო, ადრიანო, ტომას ვერმალენი, ჟერემი მატიე, ალენ ჰალილოვიჩი, ალეშ ვიდალი და არდა თურანი.
მიუხედავად იმისა, რომ ადრიანო, დუგლასი და ჟორდი ალბა გუნდს ჩამოყვებიან, მათ ტრავმა აქვთ და მატჩში მონაწილეობას ვერ მიიღებენ. ყბაყურის დაავადების გამო თბილისში ვერ ჩამოვა ნეიმარი. ალეშ ვიდალსა და არდა თურანს სუპერთასის შეხვედრაში თამაშის უფლება არ აქვთ.
შეგახსენებთ, რომ უეფას სუპერთასის მატჩი, რომელიც “ბარსელონასა” და “სევილიას” შორის გაიმართება, “დინამო არენაზე”, სამშაბათს, 22:45 საათზე დაიწყება. შეხვედრის მთავარი არბიტრი 36 წლის შოტლანდიელი რეფერი უილიამ კოლამი იქნება.
ჩემპიონთა ლიგის, ესპანეთის ჩემპიონატისა და და თასის გამარჯვებულის კატალონიის „ბარსელონას“ ახალი სეზონისთვის მზადების დაწყების თარიღი ცნობილია.
ლუის ენრიკეს გუნდი 13 ივლისს შეიკრიბება. ამ დღეს კლუბთან ერთად კლაუდიო ბრავოს, ნეიმარის, დანი ალვესის, ლიონელ მესისა და ხავიერ მასკერანოს გარდა, ყველა ივარჯიშებს. ხსენებულ მოთამაშეებს „კოპა ამერიკაში“ მონაწილეობის მიღებისთვის დამატებით დასვენების საშუალებას მისცემენ.
21 ივლისიდან 2 აგვისტომდე „ბარსა“ ამხანაგურ ტურნირზე საერთაშორისო ჩემპიონთა თასზე ითამაშებს, რომლის მიმდინარეობისას ევროპული ფეხბურთის სხვა გრანდებს შეხვდება.
11 აგვისტოს კატალონიელები თბილისში ჩამოვლენ, სადაც „სევილაისთან“ უეფა-ს სუპერთასის ფინალურ შეხვედრაში ითამაშებენ, რის შემდეგაც ლუის ენრიკეს გუნდს ბილბაოს „ატლეტიკთან“ ესპანეთის სუპერთასის ორი მატჩი ელის.
სეზონის პირველი “ელ კლასიკო” მადრიდელთა გამარჯვებით დასრულდა. “რეალმა” “ბარსელონა” ანგარიშით 3:1 დაამარცხა.
“სამეფო კლუბის” მთავარი მწვრთნელი კარლო ანჩელოტი ფეხბურთელების მოქმედებებით კმაყოფილი დარჩა. იტალიელმა სპეციალისტმა აღნიშნა, რომ გუნდი მატჩს კარგი განწყობით შეხვდა, რამაც შედეგიც გამოიღო.
“კარგია, რომ გაშვებული გოლის შემდეგ ხელები არ ჩამოვუშვით. არსებულ გეგმას მივყევით და ამან გაამართლა.
კარგი თამაში გამოვიდა, საკმაოდ მაღალი ტემპი იყო. ოთხშაბათს ჩემპიონთა ლიგაზე გამართული შეხვედრის შემდეგ ძალები აღვიდგინეთ.
ყოველთვის მიმაჩნდა, რომ დაცვაში ჩემი გუნდის პრობლემები კლასის ნაკლებობით არ იყო გამოწვეული, უბრალოდ ამ ნაკლის გამოსწორებაზე თავდაუზოგავი მუშაობა გვმართებდა.
პროფესიონალების გუნდი მყავს. ფეხბურთელებს ესმით, რას ნიშნავს “რეალში” თამაში.
შემტევი ფეხბურთის თამაში გვსურდა, ბურთს ვფლობდით და ფლანგებს ვიყენებდით. გავიმარჯვეთ იმიტომ, რომ ეს ძალიან გვინდოდა”, – ციტირებს ანჩელოტის სიტყვებს “ასი”.
სეზონის პირველი “ელ კლასიკო” მადრიდელთა გამარჯვებით დასრულდა. “რეალმა” “ბარსელონა” ანგარიშით 3:1 დაამარცხა.
კატალონური გუნდის მთავარი მწვრთნელი ლუის ენრიკე თვლის, რომ ეს მარცხი “ბარსასთვის” კარგ გაკვეთილად უნდა იქცეს.
“მარცხი მეტყველებს იმაზე, რომ “რეალი” ისევე ძლიერია, როგორც – ჩვენ. დღეს მეტოქე კიდევ უფრო ძლიერი აღმოჩნდა.
ეს მარცხი უნდა გავაანალიზოთ. ხან მოიგებ, ხან დღევანდელის მსგავსი შედეგით დაასრულებ მატჩს.
შეგვეძლო, ანგარიში 2:0 გაგვეხადა, თუმცა ვერ მოვახერხეთ, რის გამოც დავისაჯეთ.
მეტოქემ გვაჯობა და გამარჯვებაც დაიმსახურა”, – აღნიშნა ლუის ენრიკემ მატჩის შემდეგ.
კატალონიის „ბარსელონას“ მთავარმა მწვრთნელმა ლუის ენრიკემ „ეიბართან“ ანგარიშით 3:0 მოგებული შეხვედრის მიმდინარეობისას ლიონელ მესის ეპიზოდთან დაკავშირებით ისაუბრა, როდესაც არგენტინელმა მოედნის დატოვება იუარა.
„ცვლილების წინ, ხშირად თავად ფეხბურთელს ვეკითხები, თუ როგორ გრძნობს იგი თავს. საბოლოო გადაწყვეტილებას მხოლოდ პასუხის მიღების შემდგომ ვიღებ.
მე მესის, ინიესტასა და ნეიმარს ვესაუბრე. ამ ეპიზოდის შემდეგ ბევრმა ყველაფერი არასწორად გაიგო და არასწორი დასკვნები გამოიტანა. ასე მომავალშიც მოვიქცევი“, – განაცხადა ენრიკემ.
უეფას ჩემპიონთა ლიგის მეოთხედფინალურ ეტაპზე მადრიდის „ატლეტიკოსა“ და „ბარსელონას“ შორის გამართულ მატჩში (1:0) კატალონიური გუნდის ნახევარმცველმა ჩავი ერნანდესმა უნიკალური რეკორდი დაამაყარა.
Opta Sports-ის ცნობით, აღნიშნულ შეხვედრაში კატალონიელმა ფეხბურთელმა ასი გადაცემა გააკეთა და ასივე ზუსტი გამოდგა.
ამრიგად, ჩავი პირველი მოთამაშე გახდა, რომელმაც ჩემპიონთა ლიგაზე ამ სტატისტიკური მონაცემის დანერგვის პერიოდიდან (2003/04 წლების სეზონი) ერთ მატჩში გაკეთებული ზუსტი გადაცემების რაოდენობა 100 პროცენტს გაუტოლა.
ბექა დოგრაშვილი
გავრცელებული ინფორმაციით, „ნიუ-იორკ რედ ბულსის“ ხელმძღვანელებმა „ბარსელონას“ ნახევარმცველს ხავი ერნანდესს აშშ-ში გადასვლა შესთავაზეს.
შეგახსენებთ, რომ არც ისე დიდი ხნის წინ მოთამაშემ განაცხადა, რომ კატალონიურ გრანდში კარიერის დასრულება მან, შესაძლოა, ვერ მოახერხოს. გარდა ამისა, ესპანეთის ნაკრების შუახაზელს მისი ყოფილი თანაგუნდელი ტიერი ანრი დაუკავშირდა, რომელიც ამჟამად სწორედ „წითელი ხარების“ ღირსებას იცავს. ფრანგმა ვეტერანმა „ბლაუგრანასის“ ერთ-ერთ ლიდერს ნიუ-იორკში თამაშის დადებითი მხარეების შესახებ უამბო.
ამ ეტაპზე მხარეებს შორის შესაძლო კონტრაქტის დეტალები უცნობია.
ალექსანდრე მატევოსოვი
როგორც ჩანს, კატალონიის „ბარსელონას“ ხელმძღვანელები თავის მთავარ ვარსკვლავთან ახალ კონტრაქტს გააფორმებენ.
დიდი ალბათობით, საშობაო არდადეგებიდან კატალონიის დედაქალაქში დაბრუნების შემდეგ „ბლაუგრანასის“ ათიანი თავის მოქმედ ხელშეკრულებას გაახანგძლივებს.
გამოცემა AS-ის ინფორმაციით, მხარეებმა კონტრაქტის დეტალები უკვე შეათანხმეს და უახლოეს დროში მოთამაშის იურისტები კატალონიელთა პრეზიდენტს სანდრო როსელს შეხვდებიან და მასთან საბოლოოდ ყველა დეტალსაც შეათანხმებენ.
შეგახენებთ, რომ გასულ კვირას როსელმა განაცხადა, რომ მესი სულ მალე მსოფლიოს ყველაზე მაღალანაზღეურებადი ფეხბურთელი გახდება, რადგან იგი პლანეტის საუკეთესო ფეხბურთელია.
გეტყვით იმასაც, რომ მოქმედი შეთანხმება მხარეებს 2018 წლის ივნისამდე აკავშირებთ. კონტრაქტის მიხედვით, იმ კლუბს, რომელსაც ლეოს შეძენის სურვილი ექნება, 250 მილიონი ევროს გადახდა მოუწევს.
ალექსანდრე მატევოსოვი
„ბარსელონას“ მეკარემ ვიქტორ ვალდესმა თავისი მომავლის შესახებ ისაუბრა.
„ჩემი მომავალი ჯერ უცნობია. სხვადასხვა ვარიანი მაქვს, თუმცა სათანადო ჯერჯერობით არ ამირჩევია. გადაწყვეტილების მიღებისას არაერთი რამის გათვალისწინება იქნება საჭირო. ასეა თუ ისე, სეზონის ბოლომდე აღნიშნულ თემას აღარ შევეხები“, – აღნიშნა ვალდესმა.
„რაც შეეხება ჩემს ტრავმას, ამჟამად დისკომფორტს არ ვგრძნობ. „ელჩესთან“ მატჩისათვის მზად ვარ, თუმცა გადაწყვეტილებას მწვრთნელი მიიღებს“, – დაასრულა „ბლაუგრანასის“ კარის დარაჯმა.
ალექსანდრე მატევოსოვი
დასრულდა უეფას ჩემპიონთა ლიგის მიმდინარე გათამაშების მერვედფინალური ეტაპის წილისყრა. პროცედურაში მონაწილეობდნენ ტურნირის 2013/14 წლების სეზონის ფინალის ელჩი ლუიშ ფიგუ, უეფას გენერალური მდივანი ჯანი ინფანტინო და საშეჯიბრო კომიტეტის თავმჯდომარე ჯორჯო მარკეტი. 16 გუნდი 8 წყვილად განაწილდა.
წილისყრამ გუნდები შემდეგნაირად დააწყვილა.
 |
„მანჩესტერ სიტი”–„ბარსელონა” |  |
 |
„ოლიმპიაკოსი”–„მანჩესტერ იუნაიტედი” |  |
 |
„მილანი”–„ატლეტიკო” |  |
 |
„ლევერკუზენი”–„პარი სენ-ჟერმენი” |  |
 |
„გალათასარაი”–„ჩელსი” |  |
 |
„შალკე”–„რეალი” |  |
 |
„ზენიტი”–„ბორუსია” |  |
 |
„არსენალი”–„ბაიერნი” |  |
ბექა დოგრაშვილი
საფეხბურთო კლუბი „ბარსელონა“ იმდენად პოპულარულია, რომ მის ჰიმნს სხვა ენებზეც მღერიან.
ამჯერად გთავაზობთ „ბარსელონას“ ჰიმნის ჩინურ ვერსიას.
