საფრანგეთის ჩემპიონები პოლ პოგბას ტრანსფერისთვის სენსაციურ შეთავაზებას აკეთებენ.
“ბარსელონას” კონკურენტები სპეციალური შეთავაზებით ცდილობენ კატალონიურ გუნდს ფრანგი ნახევარმცველი წაართვან.
“პსჟ” “იუვენტუსს” 22 წლის შემტევის სანაცვლოდ 98 მილიონ ევროს სთავაზობს. 18 მილიონით მეტს, ვიდრე “ბარსელონა”.
თუმცა, ამავდროულად გადაწყვეტილებას ფეხბურთელი იღებს, რომელსაც “ბარსელონაში” თამაში სურს. ის მზადაა, დარჩეს ერთი წლით “იუვენტუსში” და შემდეგ შეუერთდეს კატალონიელებს.
ტურინის „იუვენტუსის“ 38 წლის მეკარე მარკო სტორარი ზაფხულში „კალიარიში“ გადასვლას გეგმავს.
როგორც „ტუტომერკატოვები“ წერს, ორივე კლუბის ხელმძღვანელობა მარკოს ტრანსფერის თაობაზე უკვე შეთანხმდა. ოფიციალურად ვეტერანის გადასვლა მას შემდეგ უნდა დადასტურდეს, რაც „ბიანკონერის“ შემადგენლობაში „ფიორენტინას“ მეკარე ნეტო გადავა.
აღსანიშნავია, რომ სტორარის „კალიარიში“ აქამდეც უთამაშია – 2008 წელს ის სარდინიული კლუბის კარს იჯარით იცავდა.
„მანჩესტერ იუნაიტედის“ ხელმძღვანელობამ ტურინის „იუვენტუსის“ ნახევარმცველის არტურო ვიდალის ტრანსფერზე უარის თქმა გადაწყვიტა.
როგორც „სქაი სპორტსი“ ვარაუდობს, მანჩესტერელებმა ფეხბურთელისადმი ინტერესი მას შემდეგ დაკარგეს, რაც ის არაფხიფხიზელ მდგომარეობაში ავარიაში მოჰყვა.
შეგახსენებთ, რომ ინციდენტი ვიდალის კაზინოდან დაბრუნების შემდეგ მოხდა. ჩილეს სასამართლომ ფეხბურთელს მართვის მოწმობა ოთხი თვით ჩამოართვა.
ფერნანდო ლიორენტესადმი ინტერესს რამდენიმე ევროპული კლუბი იჩენს. დასრულებულ სეზონში 30 წლის ესპანელმა “იუვეს” ძირითადში ადგილი დაკარგა. სეზონის ბოლო მასიმილიანო ალეგრი უპირატესობას მორატა-ტევესის დუეტს ანიჭებდა.
ცნობილია, რომ ზაფხულში ტურინული კლუბის შემადგენლობაში პაულუ დიბალა გადავა. გარდა ამისა, კლუბი მარიო მანჯუკიჩის გადაბირებასთანაც ახლოსაა.
Sky Italia-ს ცნობით, ფერნანდოს შეძენა “ვოლფსბურგს”, “გლადბახს” და “მონაკოს” სურთ. “იუვენტუსისთვის” კი ლიორენტეში აღებული ნებისმიერი თანხა პლიუსი იქნება, რადგან ტურინელებმა ის თავისუფალი აგენტის სტატუსით გაიფორმეს.
“ბებერი ქალბატონები” ახლოს არიან ხმაურიან ტრანსფერთან.
La Stampa , La Gazzetta dello Sport და ჯანლუკა დი მარჩო იუწყებიან, რომ “იუვენტუსმა” შეათანხმა ყველანაირი პირობა მარიო მანჯუკიჩის ტრანსფერზე და უახლოეს დღეებში, ტურინელები მის ტრანსფერს დაადასტურებენ.
29 წლის ფეხბურთელი “ლეიბებს” 18 მილიონის(ბონუსებით) სანაცვლოდ დატოვებს, იტალიელებს 15 მილონი გარდაუვლად მოუწევთ გადახდა. ხორვატი წელიწადში 3.5 მილიონს მიიღებს.
გასულ სეზონში, მარიო მანჯუკიჩმა ლა ლიგაში 28 მატჩი ჩაატარა და 12-ჯერ გაიტანა.
ხუთშაბათს ტურინის „იუვენტუსის“ ხელმძღვანელობა მადრიდის „ატლეტიკოს“ ფორვარდ მარიო მანჯუკიჩის ტრანსფერის თაობაზე შეუთანხმდა, რის შესახებაც ცნობილი იტალიური გამოცემა „ტუტოსპორტი“ წერს.
ხორვატიის ნაკრების თავდამსხმელის ტრანსფერი „ბიანკონერის“ 18 მილიონი ევრო დაუჯდება.
წყაროს ცნობით, მანჯუკიჩი 4-წლიან კონტრაქტს მიიღებს და ყოვეწლიური ხელფასის სახით 4 მილონ ევროს გამოიმუშავებს.
ტურინის “იუვენტუსის” ხელმძღვანელობა “ჩელსისთან” მოლაპარაკებებს ოსკარის შეძენასთან დაკავშირებით აწარმოებს. ინგლისური პრესის ცნობით სავარაუდო ტრანსფერის ფასი 24 მილიონი ევრო იქნება.
ინფორმაცია მას შემდეგ გაჩნდა, რაც “იუვეს” მთავარმა მწვრთნელმა, მასიმილიანო ალეგრიმ ოსაკრის შესახებ საჯაროდ ისაუბრა: “ოსკარი ძალიან მომწონს. მას ევროპულ ფეხბურთში კვალის დატოვება შეუძლია” – განაცხადა ალეგრიმ.
ოსკარმა კარეირა “სან-პაულუში” დაიწყო. შემდეგ “ინტერნასიონალში” გადავიდა, სადიანაც 2012 წელს “ჩელსიმ” შეიძინა.
ტურინის „იუვენტუსის“ გენერალურმა დირექტორმა ბეპე მაროტამ ჟურნალისტებს არ დაუმალა, რომ მისი კლუბი კარლოს ტევესის შესაძლო შემცვლელს ეძებს.
„თუ ტევესი წავა, მას მანჯუკიჩით შევცვლით. კარლოსს სახლში დაბრუნება სურს. მისგან საბოლოო პასუხს უახლოეს დროში მივიღებთ. კარგი იქნება, თუ ის გადაწყვეტილებას მაინც ჩვენ სასარგებლოდ მიიღებს“, – განაცხადა მაროტამ.
შეგახსენებთ, რომ ტევესი, დიდი ალბათობით, „ბოკა ხუნიორსში“ დაბრუნდება.
ჩემპიონთა ლიგის ფინალისტებმა ჭორები უარყვეს.
“იუვენტუსის” გენერალურმა დირექტორმა, ბეპე მაროტამ განაცხადა, რომ გუნდი ფინანსურად კარგ მდგომარეობაშია, ამიტომ არ აპირებენ ფულის შოვნის მიზნით პოლ პოგბას “ჩელსიში”, “მან.სიტიში” ან სხვა გრანდებში გაშვებას.
“დღეს პოგბას ვესაუბრეთ და მანაც გვითხრა, რომ არ აპირებს წასვლას. დიახ, რამდენიმე კლუბი მართლაც ინტერესდება პოლით, მაგრამ ამჟამად ძალიან გვჭირდება ის, რადგან ჩვენი სამომავლო პროექტის მთავარი ფიგურაა. ამ ეტაპზე, პოგბა არ იყიდება და შეიძლება, ტრანსფერზე მოლოდ მაშინ დავსვათ, თუ მას მოუნდება,”-განაცხადა მაროტამ.
გასულ სეზონში, 22 წლის ნახევარმცველმა სერია ა-ში 26 მატჩი ჩაატარა და რვაჯერ გაიტანა.
როგორც „სქაი სპორტსი“ წერს, ტურინის „იუვენტუსის“ ნახევარმცველი პოლ პოგბა, მისაღები პირობების შემთხვევაში, კლუბის დასატოვებლად მზად იქნება.
საფრანგეთის ნაკრების შუახაზელს ყოვეეწლიურად, ხელფასის სახით, 12 მილიონი ევროს მიღება სურს. ასევე ტურინელები ფეხბურთელის სანაცვლოდ 80 მილიონი ევროს მიღებას გეგმავენ.
ბოლო დროს პოგბას მსურველთა შორის „რეალი“, „ბარსელონა“ და „მანჩესტერ სიტი“ სახელდებიან.
არგენტინული „ბოკა ხუნიორსის“ პრეზიდენტმა დანიელ ანხელისიმ ტურინის „იუვენტუსის“ თავდამსხმელის კარლოს ტევესის მოწვევის შესახებ ისაუბრა.
„ტევესთან სიტუაციას სერიოზულად უნდა მოვეკიდოთ, რადგან, ნებისმიერ შემთხვევაში, მოლაპარაკებები ადვილი არ იქნება. კარლოსის აგენტთან საუბარს ამ კვირაში დავიწყებთ. გაგვიჭირდება, თუმცა მოთმინება გვმართებს.
არგენტინა – ურუგვაის შეხვედრის შემდეგ ყავას დავლეთვთ. კარლოსი ყოველთვის მეუბნებოდა, რომ „ბოკაში“ დაბრუნება სურს. ეს მას არამხოლოდ საკუთარი თავის, არამედ შვილების გამოც სურს“, – განაცხადა არგენტინული კლუბის პრეზიდენტმა.
შეგახსენებთ, რომ ბოლო დროს ტევესს მადრიდის „ატლეტიკოსაც“ უკავშირებენ.
„ბარსელონას“ სპორტულმა დირექტორმა არიედო ბრაიდამ „იუვენტუსის“ ნახევარმცველის პოლ პოგბას შეძენის შესაძლებლობის შესახებ ისაუბრა.
„პოგბა საინტერესო ფეხბურთელია, რომელსაც ძლიერი თვისებები გააჩნია. ის ნებისმიერ გუნდს გამოადგებნოდა. ბუნებრივია, რომ მისით ბევრი კლუბი ინტერესდება.
იმედია, ის „ბარსელონაში“ გადასვლას შეძლებს. თუ პოლი სხვაგან წასვლაზე იფიქრებს, მაშინ „ბარსელონა“ მისთვის შესაფერისი ვარიანტი იქნებოდა. მას სწორედ ჩვენს კლუბს ვურჩევ.
მისი აგენტი მინო რაიოლა ძალიან ჭკვიანია, მან სატრანსფერო ბაზარზე კარგად მუშაობა იცის. პოგბა როგორც მე, ასევე პრეზიდენტ ბარტომეუს მოსწონს“, – განაცხადა ბრაიდამ.
