25 იანვარს, იტალიის ჩემპიონატში “იუვენტუსსა” და “კიევოს” შორის გამართულ შეხვედრაში პოლ პოგბამ რამდენიმე მეტოქე მოტყუა.
ჭდე: „იუვენტუსი“
პოლ პოგბამ “კიევოს” შესანიშნავი გოლი გაუტანა (ვიდეო)
25 იანვარს, იტალიის ჩემპიონატში, “იუვენტუსსა” და “კიევოს” შორის გამართულ მატჩში პოლ პოგბამ მეტოქის კარში შესანიშნავი გოლი გაიტანა.
რაიოლა: “პოგბა ზაფხულამდე არსად მიდის”
ტურინის “იუვენტუსის” ახალგაზრდა ფეხბურთელი პოლ პოგბა ზაფხულამდე კლუბს არ გამოიცვლის, ამას ფრანგი მოთამაშის აგენტი მინო რაიოლა ადასტურებს.
“პოგბამ “იუვენტუსთან” კონტრაქტი გაახანგძლივა. ჯერ-ჯერობით ის სხვა გუნდში გადასვლას არ აპირებს, თუმცა ზაფხულში რა მოხდება არავინ იცის. ფეხბურთში დიდი ხანია ვმუშაობ, ამიტომ ვიცი, რომ წინასწარ არაფრის თქმა არ შეიძლება”, – ამბობს რაიოლა.
ათი ყველაზე მდიდარი კლუბი მსოფლიოში
ფინანსურმა ორგანიზაცია “დელოიტმა” მსოფლიოს ათი ყველაზე მდიდარი საფეხბურთო კლუბი დაასახელა. აღსანიშნავია, რომ ათეულში ხუთი ინგლისური კლუბია შესული.
10. “იუვენტუსი” – 272.4 მილიონი ევრო
9. “ლივერპული” – 305.9 მილიონი ევრო
8. “არსენალი” – 359.3 მილიონი ევრო
7. “ჩელსი” – 387.9 მილიონი ევრო
6. “მანჩესტერ სიტი” – 414.4 მილიონი ევრო
5. “პარი სენ-ჟერმენი” – 474.2 მილიონი ევრო
4. “ბარსელონა” – 484.6 მილიონი ევრო
3. “ბაიერნი” – 487.5 მილიონი ევრო
2. “მანჩესტერ იუნაიტედი” – 518 მილიონი ევრო
1. “რეალი” – 549.5 მილიონი ევრო
პოგბას ათი ყველაზე გამორჩეული გოლი (ვიდეო)
თქვენ წინაშეა ტურინის „იუვენტუსის“ ნახევარმცველის პოლ პოგბას ათი საუკეთესო გოლის ამსახველი ვიდეო.
ტურინის “იუვენტუსის” ყველა დროის სიმბოლური ნაკრები
FootballDaily-მ ინტერნეტში გამოაქვეყნა ვიდეო, რომელშიც ტურინის “იუვენტუსის” ყველა დროის სიმბოლური ნაკრებია ნაჩვენები.
ანდრეა პირლომ ჩემპიონთა ლიგის ყველა დროის სიმბოლური ნაკრები შეადგინა
ტურინის “იუვენტუსის” ნახევარცმველმა ანდრეა პირლომ ბრიტანული Daily Mail-ისათვის ჩემპიონთა ლიგის ყველა დროის სიმბოლური ნაკრები შეადგინა.
პირლომ, რომელსაც ევროტურნირებზე სულ 130 მატჩი აქვს ჩატარებული, ჩემპიონთა ლიგის მოგება ორჯერ მოახერხა. იტალიელმა ფეხბურთელმა ევროპის ყველაზე პრესტიჟული საკლუბო ტურნირის თასის აწევა “მილანის” მაისურით, 2003 და 2007 წლებში მოახერხა.
მეკარე
ჯანლუიჯი ბუფონი
პირლო: “დიდი ხანია, ბუფონი უმაღლეს დონეზე თამაშობს. მას შეუძლია ისეთი სეივი გააკეთოს, როგორსაც სხვა ვერ შეძლებს. ასევე, ჯიჯიმ იცის, რა უნდა უკარნახოს თავისი გუნდის მცველებს, ამ დროს კი დაცვის ხაზი დამაჯერებელია.”
დაცვა
ფილიპ ლამი
პირლო: “ლამი ერთ-ერთი იმ ფეხბურთელთაგანია, რომელიც შეცდომას არასოდეს უშვებს. ის “ბაიერნისთვისაც” და გერმანიის ნაკრებისთვისაც საიმედოა.”
პაოლო მალდინი
პირლო: “ძალიან ჭკვიანი მცველი, რომელსაც თამაშის წაკითხვა ყველაზე კარგად შეუძლია. როცა ის შენს გვერდით თამაშობს, მშვიდად ხარ. ვფიქრობ, მალდინი იტალიისა და “მილანის” ნამდვილი ლეგენდაა.”
ფაბიო კანავარო
პირლო: “ფაბიო ნამდვილი ლიდერია. ჩემი აზრით, ის ყველა დროის ერთ-ერთი საუკეთესო ცენტრალური მცველია.”
კაფუ
პირლო: “კაფუ ერთ-ერთი პირველი მარჯვენა მცველი იყო, რომელიც შეტევაში კარგად ერთვებოდა. შეტევაში კარგი თამაშის გარდა, ის დაცვაშიც საიმედო იყო.”
ნახევარდაცვა
პოლ სქოულზი
პირლო: “შესანიშნავი ნახევარმცველი. ის მხოლოდ ფეხბურთს არ თამაშობს, ის მატჩის მიმდინარეობისას ძალიან ბევრს ფიქრობს. შეგიძლიათ, ნახოთ მისი ნებისმიერი პასი, მოძრაობა ან მიღებული გადაწყვეტილება, სქოულზი ძალიან ჭკვიანია.”
ჯენარო გატუზო
პირლო: “რინო მოწინააღმდეგე გუნდის ფეხბურთელებისათვის კოშმარივით იყო. ვარჯიშზეც, ის ისე თამაშობდა, თითქოს მსოფლიოს ჩემპიონატის ფინალი ყოფილიყოს. ვფიქრობ, გატუზოს მსგავსი მოთამაშე ყველა გუნდს ჭირდება.”
ჩავი
პირლო: “კიდევ ერთი ჭკვიანი ნახევარმცველი. ის სირბილისთვის ბევრ დროს არ ხარჯავს, თუმცა რამდენიმე მოძრაობით, პასით ან დარტყმით მთელი თამაშის კონტროლი შეუძლია.”
თავდასხმა
კაკა
პირლო: “მახსოვს, როგორ გვეწყინა, როცა კაკამ “მილანი” დატოვა. ორი-სამი წლის განმავლობაში, ის მსოფლიოს საუკეთესო ფეხბურთელი იყო.”
ლიონელ მესი
პირლო: “მან უკვე ძალიან ბევრს მიაღწია, მაგრამ ვფიქრობ, კიდევ ბევრ ტიტულს მოიგებს. ზედმეტ საუბარს არ ვაპირებ, ყველამ იცის, რომ ის ყველა დროის ერთ-ერთი საუკეთესო ფეხბურთელია.”
ფილიპო ინძაგი
პირლო: “თამაშის მიმდინარეობისას, უმეტესად ჩვენ ერთმანეთს ვერ ვხედავდით. პიპომ იცოდა, სად გავუკეთებდი მას პასს, ხოლო მე ვიცოდი, სად იქნებოდა ის. მთავარი იყო, მისთვის შანსი მიგეცა, ის კი ამ შანსს იყენებდა.”
პოლ პოგბამ და პატრის ევრამ “ჰელას ვერონასთან” მატჩში იცეკვეს (ვიდეო)
18 იანვარს, იტალიის ჩემპიონატში ტურინის “იუვენტუსმა” საკუთარ მოედანზე “ჰელას ვერონა” მიიღო და მეტოქე ანგარიშით 4:0 დაამარცხა.
შეხვედრაში პირველი გოლი პოლ პოგბამ გაიტანა, სიხარული კი გოლის ავტორმა და მისმა თანაგუნდელმა პატრის ევრამ ასე გამოხატეს:
პირლო „ბრეშას“ ყიდვას არ აპირებს
ბოლო დროს იტალიურ პრესაში საინტერესო ინფორმაცია გავრცელდა, რომლის თანახმადად, ტურინის „იუვენტუსის“ ნახევარმცველი ანდრეა პირლო „ბრეშას“ აქციების მფლობელი გახდება. ამის შესახებ თავად ფეხბურთელმა ისაუბრა და განაცხადა, რომ ეს სიახლე სიმართლეს არ შეესაბამება.
„მე ეს კლუბი მომწონს, თუმცა მის შეძენას არ ვაპირებ“, – განაცხადა პირლომ.
შეგახსენებთ, რომ ანდრეა სწორედ „ბრეშას“ აღზრდილია. კლუბის ძირითად შემადგენლობაში იგი 1995 წლიდან 1998 წლამდე თამაშობდა.
“იუვენტუსის” 18 წლის ფეხბურთელმა “ჰელას ვერონას” შესანიშნავი გოლი გაუტანა (ვიდეო)
15 იანვარს, იტალიის თასზე, “იუვენტუსმა” საკუთარ მოედანზე “ჰელას ვერონა” მიიღო და მეტოქე ანგარიშით 6:1 დაამარცხა. შეხვედრაში ერთ-ერთი გოლი “ბიანკონერის” 18 წლის შემტევმა ნახევარმცველმა კინგლის კომანმა გაიტანა.
რობერტო ფერეირას შესანიშნავი გოლი “ჰელას ვერონას” კარში (ვიდეო)
15 იანვარს, იტალიის თასზე “იუვენტუსსა” და “ჰელას ვერონას” შორის გამართულ შეხვედრაში რობერტო ფერეირამ მეტოქე გუნდის ფეხბურთელი ოსტატურად ჩამოიტოვა და შემდეგ გოლის გატანაც მოახერხა.
ხუთი საუკეთესო ფეხბურთელი, რომელთაც თავიანთ კლუბებთან კონტრაქტი ეწურებათ
სპორტულმა პორტალმა Eurosport-მა დაასახელა ხუთი საუკეთესო ფეხბურთელი, რომლებსაც სეზონის ბოლოს თავიანთ კლუბებთან კონტრაქტები ამოეწურებათ და თავისუფალი აგენტები გახდებიან.
5. დანი ალვეში (“ბარსელონა”) – 31 წლის
4. ანდრე აიუ (მარსელის “ოლიმპიკი”) – 25 წლის
3. სტეფან ლიხტშტაინერი (“იუვენტუსი”) – 30 წლის
2. ევგენი კონოპლიანკა (“დნიპრო”) – 25 წლის
1. სამი ხედირა (მადრიდის “რეალი”) – 27 წლის
