“პარი სენ-ჟერმენის” არგენტინელი ფლეიმეიკერი, ხავიერ პასტორე ნეიმარს, რომელიც სულ მალე უნდა ჩაირიცხოს პარიზული გრანდის შემადგენლობაში, თავის, 10-ნომრიან მაისურს სთავაზობს.
“მინდა ნეიმარს მისასალმებლად პატარა საჩუქარი გავუკეთო და ჩემი მაისური შევთავაზო. მინდამ ან პირველივე დღიდანვე კომფორტულად იგრძნოს თავი ახალ კლუბში.
მინდა ყველაფერი გავაკეთო მისთვის, ყველანაირად დავუჭირო მხარი, რათა შემდგომში მასთან ერთად ჩემპიონთა ლიგა მოვიგოთ.
მაისური, ეს ერთი შეხედვით პატარა დეტალია, მაგრამ ჩემთვის 10-ნომრიანი მაისურის ტარება ძალიან მნიშვნელოვანია და მინდა ახლა ეს პატარა სიმბოლიკა მას გადავსცე,” – აცხადებს პასტორე Cadena Ser-თან საუბრისას.
