ცოტა ხნის წინ ბეისბოლის მოთამაშემ მიგელ კაბრერამ „დეტროიტ ტაიგერსთან“ 10-წლიანი კონტრაქტი გააფორმა, რომლის მიხედვითაც, ამ პეროდში იგი ხელფასის სახით ჯამში 292 მილიონ დოლარს მიიღებს. ამის შესახებ ჟურნალისტებს თავისი მოსაზრება „მაიამი ჰიტის“ ლიდერმა ლებრონ ჯეიმსმა გაუზიარა.
„მე უბრალოდ ვთქვი: „ვაუ“. კარგი იქნებოდა, თუ მსგავსი რამ ნაციონალურ საკალათბურთო ასოციაციაშიც მოხდებოდა“.
კაბრერა ბეისბოლში საუკეთესოა, საუკეთესოები კი სათანადო ხელფასს უნდა იღებდნენ. პირადად მე, დიდი სიამოვნებით გავაფორმებდი 10-წლიან კონტრაქტს და 300 მილიონზე უარს არ ვიტყოდი“, – განუცხადა ფლორიდელთა ფორვარდმა ESPN.com-ს.
ალექსანდრე მატევოსოვი
