ჭდე: ლიონელ მესი

“ბარსელონას” მთავარმა მწვრთნელმა, ლუის ენრიკემ იმ მიზეზებზე ისაუბრა, რის გამოც “მალაგასთან” ფრედ დასრულებული მატჩის დაწყებამდე ლეო მესის განაცხადიდან “ამოგდება” გახდა საჭირო.

“მესი ძალიან, ძალიან ცუდ ფორმაში უნდა იყოს, თამაში რომ გამოტოვოს – სხვა შემთხვევაში ეს არ მოხდებოდა. მაგრამ, ახლა ყველაფერი კარგად არის, მან უკვე დაიწყო რეაბილიტაციის პროცესი.

მართალია, მესი დავკარგეთ, ისევე როგორც სუარესი, მაგრამ თამაშებს გუნდი იგებს და არა კონკრეტული ფეხბურთელები.

ფეხბურთელებმა ყველაფერი კარგად გააკეთეს, მსგავსად ფანებისა, თუმცა რას ვიზამთ. მათი ათივე ფეხბურთელი საკუთარ საჯარიმოს იყო მიჯაჭვული, სივრცეების შექმნა თითქმის შეუძლებელი იყო.

ქულების დაკარგვა დაგეგმილი არ გვქონდა, ამიტომაც არიან ჩემი ფეხბურთელები ასეთი განაწყენებულები.”

კატალონიური “ბარსელონას” პრეზიდენტი, ხოსეპ მარია ბართომეუ დარწმუნებულია, რომ ლიონელ მესი მსოფლიოს საუკეთესო ფეხბურთლის სტატუსს ინარჩუნებს და რომ გუნდი მის შენარჩუნებას კიდევ რამდენიმე წლის მანძილზე შეძლებს.

“ამჟამად მესის კლუბთან კონტრაქტი რუსეთში გასამართი მსოფლიო ჩემპიონატის დასრულებამდე აკავშირებს (2018), რაც ძალიან გვახარებს. ბედნიერები ვართ. ამ დროისთვის ის მსოფლიოში საუკეთესოა.

მესი მხოლოდ 29 წლის არის, მაგრამ თუ მის თამაშებს დააკვირდებით, დარწმუნდებით, რომ მას ასაკი არ ეტყობა. მან ფეხბურთში ცვლილებები განახორციელა. ფაქტია, რომ მისთვის საზღვრები არ არსებობს.” – განაცხადა მან.