ჭდე: ლივერპული

ბელგიური “გენტის” გარემარბი მოზეს საიმონი, რომელიც მომავალ წელს თავისუფალი აგენტი ხდება, შესაძლოა უახლოეს მომავალში “ლივერპულის” მაისურით ვიხილოთ.

“ლივერპულის” სკაუტები მიმდინარე სეზონში არაერთხელ დაესწრნენ 22 წლის ნიგერიელი ფეხბურთელის თამაშს და თვლიან, რომ ეს ტრანსფერი ნამდვილად ღირს 11 მილიონი ევრო.

ბელგიის ჩემპიონატის 29 მატჩში მოზეს საიმონმა ექვსი გოლი გაიტანა და საკუთარ ანგარიშზე 4 საგოლე გადაცემაც ჩაიწერა. სამწუხაროდ, მუხლის ტრავმის გამო ეს უკანასკნელი 2018 წლის მსოფლიო ჩემპიონატს გამოტოვებს.

შეგახსენებთ, რომ ბელგიური “გენტის” რიგებში საქართველოს ნაკრების წევრი გიორგი ჩაკვეტაძეც ირიცხება.

“ლივერპულის” მეკარის, ლორის კარიუსის, კატასტროფულად ცუდი ასპარეზობა ჩემპიონთა ლიგის ფინალში (1:3), ერთი მხრივ, მისთვის მომგებიანიც აღმოჩნდა – ეს უკანასკნელი სოციალურ ქსელში ახლა გაცილებით უფრო პოპულარულია, ვიდრე ფინალამდე.

საქმე ის არის, რომ საერთო ჯამში მისი გამომწერების რაოდენობა 71.83 პროცენტით გაიზარდა (+ 1.1 მილიონი). ინსტაგრამზე მისი გამომწერების რაოდენობა თითქმის გაორმაგდა (+92%).

ტვიტერზე ბოლო დღეების მანძილზე კარიუსი კიდევ 91 000-მა მომხმარებელმა გამოიწერა (+24.7%), ფეისბუქზე – 88.400 (+55.7%).

“ლივერპულის” მთავარი მწვრთნელი, იურგენ კლოპი, მიიჩნევს, რომ ფაბინიოს დამატებით “მერსესაიდელებმა” არა მარტო პროფესიონალი ნახევარმცველი, არამედ დიდებული პიროვნებაც შეიძინეს.

“ფანტასტიკური ფეხბურთელი და ამავდროულად ფანტასტიკური პიროვნება დავიმატეთ. ძალიან კმაყოფილი ვარ ამ ტრანსფერით. მისი მიდგომა ვარჯიშზე, თამაშისას ყველასათვის სანიმუშოა. მისი ოჯახიც ძალიან თბილი და საყვარელია – ასეთი პიროვნების დამატებით ჩვენი გასახდელი კიდევ უფრო ძლიერდება.

მას საკმარისი ფიზიკური და გონებრივი შესაძლებლობები აქვს, რომ რამდენიმე პოზიციაზე ითამაშოს – “ორიანის”, “ოთხიანისა” და “რვიანის” როლში. ყველაფერთან ერთად, ის ტაქტიკური თვალსაზრისითაც ძალიან ჭკვიანია და ჩვენს გუნდს ახალ ეტაპზე აიყვანს. ასეთი რამის თქმა ბევრ ფეხბურთელზე არ შემიძლია,” – აცხადებს გერმანელი სპეციალისტი.

ჩემპიონთა ლიგის ფინალში ნაჩვენები საშინელი თამაშის შემდეგ, რამაც მეტწილად განაპირობა “ლივერპულელთა” მარცხი, ლორის კარიუსს ბევრი მტერი გამოუჩნდა.

ბრიტანულ პრესაში გავრცელებული ცნობების თანახმად, გერმანელ მეკარესა და მის მეგობარ გოგონას სიკვდილით ემუქრებიან. ამ ფაქტთან დაკავშირებით პოლიციამ გამოძიება უკვე დაიწყო.

The Telegraph მუქარის წერილებს საჯაროდ აქვეყნებს:

– “შენც მოგკლავ და შენს მეგობარ გოგოსაც.”

– “შენი შვილები სიმსივნისგან უნდა მოკვდნენ, ღირსნი არიან.”

– ” იმედი მაქვს, მთელი შენი ოჯახი მოკვდება.”