ჭდე: მოჰამედ სალაჰი

მერსესაიდის “ლივერპულის” ფიზიოთერაპისტი ადასტურებს ინფორმაციას, რომლის თანახმადაც მოჰამედ სალაჰი მარხვის, რომელსაც მუსლიმები უწმინდესას მიიჩნევენ, დარღვევას აპირებს.

როგორც იცით, მოჰამედ სალაჰი, სადიო მანეს მსგავსად ღრმად მორწმუნე მუსლიმია. რამადანის წესების თანახმად ამ ფეხბურთელებს განთიადიდან მზის ჩასვლამდე ჭამა და წყლის დალევა ეკრძალებათ. ფინალი კი საღამოს უნდა გაიმართოს.

როგორც მოსალოდნელი იყო, მუსლიმები სალაჰის ამ გადაწყვეტილებას უარყოფითად გამოეხმაურნენ:

---

“რატომ? სალაჰმა მარხვა უნდა დაიცვას და ალაჰი მას დაეხმარება. თუ მარხვას დაარღვევს, გეფიცებით, აღარასოდეს ვუგულშემატკივრებ მას. ბენზემამაც კი დაიცვა მარხვა 2014 წლის მსოფლიო ჩემპიონატზე.”

---

“თუ ეს მართალია, მაშინ დიდი სირცხვილია მისთვის. მარხვის ერთი დღით დაცვა უფრო მნიშვნელოვანი და ღირებულია, ვიდრე ჩემპიონატის მოგება. იმედია, ეს ცრუ ინფორმაციაა!”

---

“ალაჰი გაიგებს, რომ ცხოვრებაში არსებობს რელიგიაზე უფრო მნიშვნელოვანი საქმეებიც! ფაქტია! სალაჰის გადაწყვეტილება საუკეთესოა. წარმატებები მო!”

---

“რელიგიაზე უფრო მნიშვნელოვანი არაფერია, მაგრამ ეს მისი პირადი გადაწყვეტილება რა არის, სალაჰი ვალდებულია ეს გააკეთოს.”

---

“ბენზემა მარხვას დაიცავს, გოლსაც გაიტანს და ჩემპიონთა ლიგასაც მოიგებს. ჩემპიონობისთვის მარხვის დარღვევა აუცილებელი არ არის.”

ინგლისის პრემიერ ლიგის წლის საუკეთესო ფეხბურთელის ჯილდოს მიღების შემდეგ, მუჰამედ სალაჰს, მუსლიმთა წმინდა ქალაქის (მექა, სადაც დაიბადა მუჰამედი) მერი წმინდა მიწის ნაკვეთს სთავაზობს.

როგორც იცით, 25 წლის ფეხბურთელს ბევრი ექსპერტი მიმდინარე სეზონის მთავარ აღმოჩენად მიიჩნევს. მისი ლიდერობით (41 გოლი 2017/18 წლების სეზონში) “ლივერპული” წარმატებულ სვლას განაგრძობს და დიდი ალბათობით, ჩემპიონთა ლიგის ფინალშიც გავა.

“მიწა მისია და მას რამდენიმე ვარიანტი აქვს. ყველაფერი ფეხბურთელსა და რეგულაციებზეა დამოკიდებული. თუ მას მიწის ფლობის უფლება აქვს, ეს მისია. მას ნებისმიერი მიზნით შეუძლია ამ მიწის გამოყენება, თუნდაც საქველმოქმედო ორგანიზაციის შექმნისთვის, ან გასაყიდად,” – აცხადებს ალ რუქი.

ალ რუქის ცნობით, მან ეს ნაბიჯი სპეციალურად გადადგა, რათა ახალგაზრდებში ინსპირაცია გაეღვივებინა და მათ მოტივაციად მოჰამედ სალაჰის მაგალითი ექცია.

მერსესაიდული “ლივერპულის” ეგვიპტელმა ლიდერმა, მოჰამედ სალაჰმა პრემიერ ლიგის 35-ე ტურშიც შეძლო თავის გამოჩენა, გაუტანა რა გოლი ბოლოადგილოსან “ვესტ ბრომვიჩს” (2:2).

ასე რომ, 25 წლის ვარსკვლავს, რომელსაც ბევრი მიმდინარე სეზონის მთავარ აღმოჩენად მიიჩნევს, პრემიერ ლიგის მიმდინარე სეზონში 31 გოლი უგროვდება, რაც რეკორდული მაჩვენებელია. ამდენივე გოლი აქვთ გატანილი ალან შირერს (1995/96), კრიშტიანუ რონალდუს (2007/08) და ლუის სუარესს (2013/14).

შეგახსენებთ იმასაც, რომ მოჰამედ სალაჰისთვის სეზონი ჯერაც არ დასრულებულა და მას კიდევ აქვს შანსი დაამხოს ეს რეკორდი. ამისთვის მას “სტოკ სიტის”, “ჩელსის” ან “ბრაიტონის” კარში მოუწევს გოლის გატანა.

“რომადან” მერსესაიდის “ლივერპულში” გადსავლა მოჰამედ სალაჰის კარიერის ერთ-ერთ ყველაზე მნიშვნელოვან ნაბიჯად უნდა შეფასდეს. “ენფილდზე” მან უამრავი რეკორდის დამხობა შეძლო და შეჩერებას არც ახლა აპირებს.

როგორც წესი, მოჰამედ სალაჰი მატჩის შემდეგ არასოდეს ჩერდება კომენტარის გასაკეთებლად, თუმცა ერთხელ პირობა დადო, რომ თუ ორმოც გოლს გაიტანდა, ჟურნალისტებთან ვრცელ ინტერვიუს ჩაწერდა.

– მო, რას ნიშნავს შენთვის ერთ სეზონში 40 გოლის გატანა?

– “რა თმა უნდა, ეს ძალიან მნიშვნელოვანია ჩემთვის, ვცდილობ ყოველ მატჩში გავიტანო და გუნდს ასე დავეხმარო. მთავარი გამარჯვება და ქულების დაგროვებაა. გვინდა გუნდურად ვითამაშოთ. ჩემი ყოველი გოლი მხოლოდ ერთ მიზანს ემსახურება – გუნდის დახამრებას.”

– 40 გოლი “ლივერპულის” ისტორიაში ყველაზე სწრაფად გაიტანე, ერთ სეზონში გატანილი გოლების რეკორდი კი 47 გოლია…

– “დიდებული გრძნობაა, როდესაც ასეთ რეკორდს ამყარებ.რაც შეეხება იან რაშის რეკორდს, ძალიან ახლოს ვარ, სულ რაღაც 7 გოლი მაშორებს. ვნახოთ, რა მოხდება მომავალში. არ ვიცი რამდენი თამაში გვაქვს დარჩენილი, მაგრამ ყველაფერს გავაკეთებ რომ კიდევ ბევრჯერ გავიტანო და გუნდს დავეხმარო.”

– ახლა უფრო ხშირად ითხოვ პასს თანაგუნდელებისგან?

– “დიახ! მაგრამ პასს ისედაც მაძლევდნენ. იცით, ძალიან სასიამოვნო გრძნობაა, როდესაც ხვდები, რომ მათ შენი მხარდაჭერა სურთ, უნდათ მეტი გოლის გატანაში დაგეხმარონ. ნამდვილად კარგი გრძნობაა.”

– ჩემპიონთა ლიგასა და პირად ჯილდოებს შორის არჩევანის გაკეთება რომ გიწევდეს, რომელს აირჩევდი?

– “ჩემპიონთა ლიგის მოგებას! არც კი დავფიქრდებოდი. ჩემპიონთა ლიგის მოგება არის … ვაუ (ხელებს ზემოთ აღმართავს) ჩემპიონთა ლიგის მოგება თითოეული ჩვენგანის ოცნებაა, დანარჩენი არ მაინტერესებს.”