„ბარსელონას“ თავდამსხმელი ლუის სუარესი ბოლო დრეოს ინდივიდუალური პროგრამით მუშაობდა. დღეს კი ურუგვაელმა ფორვარდმა თანაკლუბელებთან ერთად საერთო ჯგუფში ვარჯიში განაახლა.
სავარაუდოდ, სუარესი ესპანეთის პრიმერა დივიზიონის უახლოესი ტურის მატჩში მონაწილეობის მიღებას შეძლებს, რომელშიც „ბარსას“ მეტოქე „რაიო ვალეკანო“ იქნება.
მიუხედავად იმისა, რომ “ბარსელონას” ლიდერმა ლიონელ მესიმ ტრავმა მიიღო, იგი გუნდის ვარჯიშებს მაინც ესწრება. ამაში მას ლუის სუარესი ეხმარება. სწორედ ურუგვაელ თავდამსხმელს მიჰყავს მესი საწვრთნელ შეკრებაზე და შემდეგ შინაც აბრუნებს. ეს იმის გამო, რომ არგენტინელმა ფეხბურთელმა თანაგუნდელების მხრიდან თანადგომა იგრძნოს.
შეგახსენებთ, რომ ესპანეთის პრიმერადივიზიონის VI ტურში “ბარსელონასა” და “ლას პალმასს” შორის გამართული მატჩის (2:1) მიმდინარეობისას ლეო მესიმ ტრავმა მიიღო და მე-10 წუთზე მოედნის დატოვება მოუხდა. როგორც აღმოჩნდა, არგენტინელმა მარცხენა მუხლის მყესი დაიშავა, რის გამოც 7-8 კვირით უქმობა მოუწევს.
“ბარსელონას” თავდამსხმელმა ლუის სუარესმა თანაკლუბელებთან ურთიერთობის შესახებ ისაუბრა. ურუგვაელი ფეხბურთელი ამბობს, რომ ლიონელ მესი საუკეთესოა და მას ამ სტატუსში არ ეცილება.
“მესისთან და ნეიმართან ძალიან კარგი ურთიერთობა მაქვს როგორც მოედანზე, ასევე მის მიღმა. ვიცით, რომ ლეო საუკეთესოა. არ ვცდილობთ, რომ მას შევეჯიბროთ. მის მიმართ არანაირი ეჭვიანობა არ არის.
როდესაც გუნდში რამდენიმე ფეხბურთელი ეცილება ერთმანეთს საუკეთესო მოთამაშის სტატუსისთვის, სიტუაცია რთულდება. მე ჩემი ფუნქცია მაქვს. მთავარია, რომ სპონტანურად ვიმოქმედო.
ჩემი საქმე არ არის ოთხი მცველი მოტყუება. ამის გაკეთება ლეოს, ნეისა და ანდრეს ინიესტას შეუძლიათ. როდესაც დასარტყმელია, ვურტყამ. როდესაც პასია გასაკეთებელი, პასს ვაკეთებ. მე აქ გუნდის დასახმარებლად ვარ. თანაგუნდელების არ მშურს”, – განაცხადა სუარესმა La Vanguardia-სთვის მიცემულ ინტერვიუში.
„ბარსელონას“ თავდამსხმელი ლუის სუარესი ბილბაოს „ატლეტიკთან“ ესპანეთის სუპერთასის განმეორებითი მატჩის წინ ოპტიმისტურადაა განწყობილი. შეგახსენებთ, რომ პირველი შეხვედრა ბასკებმა ანგარიშით 4:0 მოიგეს.
„ჩვენ ერთად სასურველი შედეგის მიღწევას შევძლებთ! წინ, „ბარსა“!, – დაწერა ურუგვაელმა თავისი „ტვიტერის“ გვერდზე.
11 აგვისტოს, თბილისსში, უეფას სუპერთასის მატჩში, “ბარსელონამ” “სევილია” ანგარიშით 5:4 დაამარცხა.
შეხვედრის დასრულების შემდეგ, დაჯილდოების ცერემონიალი გაიმართა. უკვე ვნახეთ მიმართვა, ლეო ბესომ მოგიკითხვა ქვიტირიდან, ახლა კი იხილეთ მორიგი მარგალიტი.
უეფამ გამოაცხადა ყველაზე პრესტიჟული პრიზის მეორე ტურის შედეგები.
ჟურნალისტებმა და უეფას ასოციაციის წევრებმა სამეულში, ლეო მესი(“ბარსელონა”), კრიშტიანუ რონალდუ(“რეალი”) და ლუის სუარესი(“ბარსელონა”_ შეიყვანეს.
სამეულში შესვლამდე ერთი ნაბიჯი დააკლდათ ნეიმარს(“ბარსელონა”), ჯანლუიჯი ბუფონს(“იუვენტუსი”) და ედენ აზარს(“ჩელსი”).
ევროპის საუკეთესო მოთამაშე 27 აგვისტოს, მონაკოში გამოვლინდება.
კატალონიის “ბარსელონას” ერთ-ერთმა ლიდერმა ლუის სუარესმა თბილისში, უეფას სუპერთასის მოგების შემდეგ სოციალურ ქსელ Facebook-ში ფოტო გამოაქვეყნა.
“ვამოოოსსსსსსსს, ჩვენ ვართ ბარსა! კიდევ ერთი თასი, მთლიანი გუნდის ძალისხმევის შედეგად!!!”
„ბარსელონას“ თავდამსხმელმა ლუის სუარესმა „სევილიასთან“ უეფას სუპერთასის მატჩის წინ სოციალურ ქსელ „ტვიტერზე“ პოსტი გამოაქვეყნა, რომელშიც საქართველოს დედაქალაქი შეცდომით დაწერა:
როგორც იცით, ხვალ უეფას სუპერთასია. ორივე გუნდი თბილისშია, დღეს ჩამოვიდა “ბარსელონაც”.
საქართველოს დედაქალაქში წამოსვლის წინ, ლუის სუარესმა პოსტი დადო, სადაც თბილისი თიბლისად მოიხსენია, სულ ცოტა ხანში, ურუგვაელმა სტატუსი ჩააEDITა.
„ბარსელონას“ გულშემატკვირებს საყვარელი კლუბის არაერთი მნიშვნელოვანი ტრანსფერი ახსოვს. წარმოგიდგენთ მათ შორის ათ ყველაზე ძვირადღირებულ შენაძენს.
10. დიმიტრი ჩიგრინსკი (დონეცკის „შახტარიდან“ 2009 წელს)
სატრანსფერო ფასი: £ 22,5 მილიონი
დონეცკის „შახტარის“ შემადგენლობაში თამაშის პერიოდში დიმიტრი უკრაინის ჩემპიონი ორჯერ გახდა. გარდა ამისა, კლუბთან ერთად მან ქვეყნის თასი და სუპერთასი მოიგო, ასევე უეფა-ს თასის გამარჯვებული გახდა. თავისი გამორჩეული თამაშით უკრაინელი „ბარსას“ ხელმძღვანელობის ყურადღების ცენტრში მოექცა. გვარდიოლას ესმოდა, რომ პუიოლი უკვე ასაკოვანი იყო და ხშირად ტრავმებს იღებდა. ცენტრალური მცველის დაკარგვა მორიგი საჩემპიონო ტიტულისთვის ბრძოლაზე ცუდად იმოქმედებდა. სამწუხაროდ, ჩიგრინსკი „ბარსას“ ძირითადი შემადგენლობის მოთამაშედ ვერ ჩამოყალიბდა, რის გამოც ერთ წელიწადში მშობლიურ კლუბში დაბრუნება მოუწია.
9. ალექსის სანჩესი („უდინეზედან“ 2011 წელს)
სატრანსფერო ფასი: £ 23 მილიონი
სანჩესი ჩილეს ფეხბურთის ისტორიაში ყველაზე ძვირადღირებული მოთამაშე გამოდა. გარდა ამისა, „ბარსაში“ აქამდე ამ ქვეყნის სხვა წარმომადგენელს არ უთამაშია. კატალონიაში ალექსისს არც თუ ისე ცუდი სამი სეზონი ჰქონდა, რომლის დროსაც ის ეპიზოდურად დამაჯერებელი თამაშითაც გამოირჩეოდა, თუმცა, საბოლოო ჯამში, „არსენალში“ გადასვლა მოუწია.
8. დანი ალვესი („სევილიიდან“ 2008 წელს)
სატრანსფერო ფასი: £ 23,5 მილიონი
2008 წელს ჯანლუკა ძამბროტა „ბარსელონადან“ სამშობლოში დაბრუნდა, სადაც „მილანში“ ჩაირიცხა, ამიტომაც კატალლოონიელთათვის განაპირა მცველის დამატება სიკვდილ-სიცოცხლის საკითხთი იყო. არჩევანი დანი ალვესის სასარგებლოდ მიიღეს. „ბლაუგრანასში“ ბრაზილიელმა შვილის ჩინებული სეზონი ჩაატარა და ყველაზე შესაძლო ტიტული მიიღო. 2014/15 წლების სეზონის ბოლო დანიმ კლუბთან ახალი ხელშეკრულება გააფორმა.
7. არდა თურანი („ატლეტიკოდან“ 2015 წელს)
სატრანსფერო ფასი: £ 23,80 მილიონი
განვლილი სეზონის შემდეგ ლუის ენრიკეს გადაწყვეტილებებში ეჭვის შეტანა არ შეიძლებოდა. იმ შემთხვევაში, თუ მან არდა თურანის დონის ფეხბურთელის დამატება გადაწყვიტა, მაშინ ის მას ნამდვილად სჭირდება. „ატლეტიკოში“ ყოფნის პერიოდში თურქეთის ნაკრების გამორჩეულმა წევრმა არაერთი ტიტული მიითვალა და გუნდის წარმატებაში დიდი წვლილი შეიტანა.
6. მარკ ოვერმარსი („არსენალიდან“ 2000 წელს)
სატრანსფერო ფასი: £ 25 მილიონი
ოვერმარსის კატალონიის დედაქალაქში ჩატარებული ყოველი სეზონი სხვა სეზონისგან განსხვავდებოდა. სადებიუტი წელს ჰოლანდიელი ძირითადი შემადგენლობის მოთამაშე იყო და 8 გოლიდან 4 გადამწყვეტ შეხვედრებში გაიტანა. ამის შემდეგ ოვერმარსი შემადგენლობაში ტრავმკების გამო ვერ ხვდებოდა, რომელთა გამოც 2004 წელს კარიერის დასრულება მოუწია…
5. დავიდ ვილია („ვალენსიიდან“ 2010 წელს)
სატრანსფერო ფასი: £ 25 მილიონი
„ბარსას“ ძვირადღირებული ტრანსფერების ხუთეულს დავიდ ვილია ხსნის. „ლურჯ-ბროწეულისფერთა“ შემადგენლობაში გადასვლამდე ხუთი წლის განმავლობაში ის „ვალენსიის“ ფერებს იცავდა და ასზე მეტი გოლი გაიტანა. გოლების გატანა მას არც „ბარსაში“ შეუწყვიტავს, თუმცა ნახევარწლიანმა ტრავმამ მის მომავალზე დიდი გავლენა იქონია. სამწუხაროდ, ამ მიზეზით მან ევროპის 2012 წლის ჩემპიონატიც გამოტოვა, რომელიც „ფურია როხას“ ტრიუმფით დასრულდა.
4. სესკ ფაბრეგასი („არსენალიდან“ 2011 წელს)
სატრანსფერო ფასი: £ 35 მილიონი
„არსენალში“ ესპანელს აღმერთებდნენ და მისი წასვლა არ სურდათ. თუმცა, სესკმა „მეთოფეთა“ გულშემატკივრებს იმედი გაუცრუა, როდესაც განაცხადა, რომ მშობლიური „ბარსას“ შემადგენლობაში თამაშზე დიდი ხნის განმავლობაში ოცნებობს. 2011 წელს მან ეს ოცნება აისრულა, მაგრამ გუნდის სრულყოფილ მოთამაშედ ჩამოყალიბება ვერ შეძლო, რის გამო ლონდონში დაბრუნება მოუწია. „არსენალის“ მაისურის ნაცვლად მან ამჯერად „ჩელსის“ სათამაშო ფორმა მოირგო.
3. ნეიმარი („სანტოსიდან“ 2013 წელს)
სატრანსფერო ფასი: £ 48,5 მილიონი
ბრაზილიელისთვის ბრძოლაში „ბარსამ“ ყველას აჯობდა. ამავდროულად კლუბი დიდი რისკის წინაშე იყო, რადგან ნეიმერის ათამაშების გარანტია არ არსებობდა. ცოტა ხანში ბრაზილიელმა დაამტკიცა, რომ კლუბი არ შემცდარა
2. ზლატან იბრაჰიმოვიჩი („ინტერიდან“ 2009 წელს)
სატრანსფერო ფასი: £ 40 მილიონი + სამუელ ეტო’ო
ზლატან იბრაჰიმოვიჩი „ბარსაში“ 2009 წელს „ინტერიდან“ გადავიდა. შვედმა, სამწუხაროდ, თავის გამოჩენა დიდად ვერ შეძლო, რის გამოც იტალიაში დაბრუნება მოუწია. რა გახდა ამის მიზეზი? სჯობს, მის შესახებ იბრას ავტობიოგრაფიულ წიგნში შეიტყოთ
1. ლუის სუარესი („ლივერპულიდან“ 2014 წელს)
სატრანსფერო ფასი: £ 75 მილიონი
„ლივერპულში“ ბოლო სეზონში ურუგვაელმა 33 მატჩი ჩაატარა და 31 გოლი გაიტანა. ამიტომაც, 2014 წელს „ბარსელონას“ მის სანაცვლოდ თავის ისტორიაში სარეკორდო თანხის გადახდა არ დაენანა. დისკვალიფიკაციის გამო ლუისი ოფიციალურ შეხვედრებში ოქტომბრამდე ვერ თამაშობდა, მაგრამ ამან მას გუნდის სეზონის შედეგების მიხედვით, გუნდის ერთ-ერთ საუკეთესო ბომბარდირად ჩამოყალიბებაში ხელი არ შეუშალა. სუარესის, მესისა და ნეიმარის ტრიომ მთელი ევროპა გააოცა. დიდი ალბათობით, ამ ტრიოს 11 აგვისტოს თბილისში ვიხილავთ.
კატალონიის “ბარსელონას” თავდამსხმელმა ლუის სუარესმა გუნდის ერთ-ერთ ვარჯიშზე მეკარეობა დაიწყო და პენალტიც მოიგერია.
„ბარსელონას“ თავდამსხმელმა ლუის სუარესმა თანაგუნდელ ლიონელ მესის მიმართ კრიტიკის შესახებ ისაუბრა.
ცნობისთვის, მესის „კოპა ამერიკას“ ფინალური მატჩის შემდეგ აკრიტიკებენ, რომელშიც მისი ნაკრები ჩილესთან პენალტების სერიაში დამარცხდა. მესი იმაში დაადანაშაულეს, რომ თავისი შესაძლებლობების მაქსიმუმი არ აჩვენა.
„მესის მიმართ კრიტიკა გაუგებარია. მსოფლიოს საუკეთესო მოთამაშის გაკრიტიკება არ შეიძლება. ის ფინალში დამარცხდა, ნებისმიერი ფეხბურთელისთვის ეს დიდი დარტყმაა. ის ადამიანია და ადვილი პერიოდი არ უდგას. დარწმუნებული ვარ, ყველაზე მეტად ამ ტურნირის მოგება სწორედ ლეოს სურდა“, – განაცხადა სუარესმა.
აქამდე გავრცელებული ინფორმაციით, მესი არგენტინის ნაკრებში თამაშის დასრულებზე დაფიქრდა.
