ჭდე: Luis Suarez

“ბარსელონას” თავდამსხმელმა ლუის სუარესმა ესპანეთის თასის ფინალურ მატჩში “სევილიას” წინააღმდეგ გამართულ შეხვედრაში (2:0) ბარძაყის ტრავმა მიიღო.

ცნობილია, თუ როდის მომჯობინდება ურუგვაელი ფეხბურთელი.

ლუის სუარესს მოედანზე დაბრუნება სამი კვირის შემდეგ შეეძლება.

შეგახსენებთ, რომ კოპა ამერიკა 4 ივნისს დაიწყება. ურუგვაის ნაკრები ტურნირის პირველ შეხვედრას 6 ივნისს მექსიკის წინააღმდეგ ჩაატარებს.

ესპანეთის პრიმერადივიზიონის 34-ე ტურში “დეპორტივოსა” და “ბარსელონას” შორის გამართულ მატჩში (0:8) კატალონიური გუნდის თავდამსხმელმა ლუის სუარესმა XXI საუკუნის რეკორდი დაამყარა.

ურუგვაელმა ფორვარდმა “გოლი+პასის” სისტემით 7 ქულა მოაგროვა. კერძოდ, 28 წლის ფეხბურთელმა აღნიშნულ შეხვედრაში ოთხი გოლი გაიტანა და სამი საგოლე გადაცემა გააკეთა.

ამრიგად, ლუის სუარესი XXI საუკუნეში პირველი ფეხბურთელია, რომელმაც ერთ კონკრეტულ მატჩში გატანილ შვიდ გოლში მიიღო მონაწილეობა.

“ბარსელონას” თავდამსხმელმა ლუის სუარესმა აღნიშნა, რომ კატალონიურ კლუბში გადასვლისას დარწმუნებული არ იყო, რომ გუნდს შეეწყობოდა.

“პირველ რიგში, ეჭვი მეპარებოდა, რომ “ბარსელონას” სათამაშო სტილს შევეწყობოდი. “ბარსა” “ტიკი-ტაკას” თამაშობს და ვიფიქრე, რომ ჩემს შესაძლებლობებს სრულყოფილად ვერ გამოვავლენდი, რადგან საკმარისი სივრცე არ იქნებოდა მანევრირებისთვის, მაგრამ თანაგუნდელები დამეხმარნენ, ლუის ენრიკემ კი მე-9 ნომრის პოზიციაზე დამაყენა, სადაც თავს კომფორტულად ვგრძნობ.
მესისთან და ნეიმართან შესანიშნავი ურთიერთობა მაქვს. ისინი გუნდის ძრავას წარმოადგენენ. იგივეს თქმა შემიძლია ინიესტაზე.
თუ თანაგუნდელებთან მოედნის მიღმა კარგი ურთიერთობა გაქვს, დარწმუნებული იყავით, რომ მოედანზეც ასე იქნება. მათ ჩემი მისვლა მიიღეს, როგორც გუნდის დახმარება და არა კონკურენტის დამატება”, – ციტირებს სუარესის სიტყვებს Football Espana.

ესპანეთის პრიმერადივიზიონის მე-9 ტურში “ბარსელონასა” და “ეიბარს” შორის “ნოუ კამპზე” გამართული მატჩი კატალონიური გუნდის გამარჯვებით, ანგარიშით 3:1 დასრულდა. მასპინძელთაგან სამივე გოლი ლუის სუარესმა გაიტანა.

ურუგვაელმა ფეხბურთელმა ბურთი სამახსოვროდ დაიტოვა, შემდეგ კი ნეიმართან და ტრავმირებულ ლეო მესისთან ერთად ფოტოც გადაიღო.