“მანჩესტერ იუნაიტედის” ყოფილი ვინგერი, პორტუგალიელი ნანი პრემიერ ლიგაში აპირებს დაბრუნდებას. ამ ინფორმაციას transfermarketweb ავრცელებს.
პორტუგალიელის “ფენერბახჩეში” გატარებულმა სეზონმა (სადაც ზაფხულში გადავიდა) ყველა გააკვირვა, მათ შორის “ევერტონის” ხელმძღვანელობაც, რომელიც უკვე განიხილავს მისი დამატების შესაძლებლობას.
“კამფეტების” ბოსებს პორტუგალიის ეროვნული ნაკრების წევრის გადაბირება 8 მილიონ ევროდ სურს, რაც გუნდში მომავალი ცვლილებების დასაწყისი იქნება.
“მანჩესტერ იუნაიტედის” ხელმძღვანელობამ ლუი ვან გაალს სრული ნდობა გადაუხადა და მის გაშვებას არ აპირებს, მეტიც ისინი ზაფხულის სატრანსფერო ფანჯრისათვის ჰოლანდიელს 100 მილიონ ევროს გამოუყოფენ. ამ ინფორმაციას De Telegraaf ავრცელებს.
როგორც იცით, ვან გაალი ინგლისურ პრემიერ ლიგაში 2014 წელს გამოჩნდა და მანჩესტერულ კლუბთან სამწლიანი კონტრაქტი გააფორმა. მას კიდევ ერთი წელი დარჩა “ოლდ ტრაფორდზე”, თუმცა მისი არასახარბიელო ასპარეზობიდან გამომდინარე ბევრი გამოცემა იწერებოდა, რომ ედ ვუდვორდი მასთან კონტრაქტის გაწყვეტას აპირებდა.
64 წლის ჰოლანდიელი სპეციალისტის ჩამნაცვლებლად მის ამჟამინდელ ასისტენტს, რაიან გიგზსა და ჟოზე მოურინიოს მოისაზრებდნენ.
გაზეთის ცნობით, ლუი ვან გაალის მთავარი სამიზნე სატრანსფერო ფანჯარაზე რომელუ ლუკაკუ იქნება, რომლის სანაცვლოდაც “ევერტონი” 80 მილიონს ითხოვს.
დღეს, ინგლისის პრემიერ ლიგის ეგიდით “ოლდ ტრაფორდზე” ძალზედ საინტერესო მატჩი გაიმართა, რომელშიც ერთმანეთს ადგილობრივი “მანჩესტერ იუნაიტედი” და მერსესაიდული “ევერტონი” დაუპირისპირდა.
მატჩი ანტონი მარსიალმა გადაწყვიტა, რომლის მიერ 54-ე წუთზე გატანილი გოლის წყალობით (რომელიც “მანჩესტერის” მიერ “ოლდ ტრაფორდზე” გატანილი მე-1000-ე გოლია) გუნდმა 3 ქულის მოპოვება შესძლო.
შედეგად, “წითელმა ეშმაკებმა” მეხუთე ადგილზე გადაინაცვლეს, ისინი სულ რაღაც ერთი ქულით ჩამორჩებიან თანაქალაქელებს. “ევერტონი” კი კვლავ მე-12 პოზიციაზე იმყოფება.
მანჩესტერ იუნაიტედი: დე ხეა, როხო (ფოსუ-მენსა 46′), ბლინდი (ვალენსია 82′), სმოლინგი, დარმიანი, შნეიდერლინი, კერიკი (ერერა 58′), მარსიალი, მატა, ლინგარდი, რეშფორდი.
ევერტონი: რობლესი, ბეინსი, იაგიელკა, სტოუნზი, კოულმენი, კლევერლი, მაკკარტი, ლენონი, ბარკლი (ნიასე 87′), დეულოფეუ (მირალასი 63′), ლუკაკუ.
გოლი: მარსიალი 54′
როგორც უკვე გაცნობეთ, “მანჩესტერ იუნაიტედის” ხელმძღვანელები “ევერტონის” ბელგიელი თავდამსხმელის, რომელუ ლუკაკუს გადაბირებით არის დაინტერესებული, რაზეც კომენტარი ლუი ვან გაალმა გააკეთა.
“ლუკაკუ ძალზედ საინტერესო ფეხბურთელია, მაგრამ ვფიქრობ, რომ მსოფლიოს ყველა კლუბი ეძებს თავდამსხმელებს. როდესაც ბევრი გოლი გაგაქვს, გუნდის პოტენციური სამიზნე ხდები. ფეხბურთი ასეთია.
გოლებისა და საგოლე გადაცემებზე დაყრდნობით თამამად შეგვიძლია ვთქვათ, რომ ლუკაკუ საკმაოდ მაღალ დონეზე დგას.” – განაცხადა ჰოლანდიელმა სპეციალისტმა Daily Mail-თან ინტერვიუში.
ლუკაკუს კარგი ასპარეზობა არც სხვა ევროპული გრანდებისთვის დარჩენილა შეუმჩნეველი. მისით საკმაოდ ბევრი კლუბი ინტერესდება, მათ შორის გამოსარჩევია მადრიდის “რეალის” ინტერესიც.
Star-ის მიერ გავრცელებული ინფორმაციის თანახმად, “მანჩესტერ იუნაიტედის” ხელმძღვანელები “ევერტონის” ნახევარმცველის, როს ბარკლის გადაბირებას სცდილობენ.
“ოლდ ტრაფორდის” ბინადრებმა ინგლისელი ფეხბურთელი კლუბის მთავარ სამიზნედ აქციეს. “წითელმა ეშმაკებმა” უკვე გადადგეს პირველი ნაბიჯი – “კამფეტებს” 45 მილიონი ფუნტი შესთავაზეს ბარკლის სანაცვლოდ.
აქვე გეტყვით იმასაც, რომ ინგლისური გრანდი ბარკლის თანაგუნდელების, რომელუ ლუკაკუსა და ჯონ სტოუნზის გადაბირებით არის დაინტერესებული. აღნიშნული ტრიო “ოლდ ტრაფორდზე” დღეს ითამაშებს.
მარკოს როხო ლუი ვან გაალის ნდობას არასწორად იყენებს. “მანჩესტერ იუნაიტედის” მცველი კამერებმა არგენტინის ერთ-ერთ ბარში დააფიქსირეს. შეგახსენებთ, რომ ეს უკანასკნელი სანაკრებო პაუზით სარგებლობს.
26 წლის ფეხბურთელი ვიდეოკამერებმა დააფიქსირეს, რომლებიც ბარის პირდაპირ მდებარეობენ. ფოტოზე ნათლად ჩანს, რომ არგენტინელი სიგარეტს ეწევა.
ვიდეოში ჩანს, რომ როხო, რომელმაც სეზონის უმეტესი ნაწილი ტრავმის გამო გამოტოვა, მეგობრებთან ძალიან კარგად ერთობა. ის რამოდენიმე ქალბატონის გარემოცვაშიც იმყოფება.
რამონ კალდერონი დარწმუნებულია, რომ თუ ზინდეინ ზიდანი წლევანდელ სეზონში ვერაფრის მოგებას ვერ შესძლებს, მაშინ მას ჟოზე მოურინიო ჩაანაცვლებს, რომელსაც “მანჩესტერ იუნაიტედში” გადასვლას უწინასწარმეტყველებენ.
“თუ მოურინიო “მანჩესტერ იუნაიტედში” არ გადავა, ის “რეალის” შემდეგი მწვრთნელი გახდება. ამაში დარწმუნებული ვარ. თუ გუნდი ვერაფრის მოგებას ვერ მოახერხებს, სამწუხაროდ, კვლავ მოურინიოს ხილვა მოგვიწევს მთავარი მწვრთნელის პოსტზე. ეს ჩემი აზრია.
ის დაბრუნდება და დაბრუნდება საომარი სიტუაციებიც, არაკომფორტული პრეს კონფერენციები, ფიფა, უეფა, იუნისეფი. ეს დრო კლუბისთვის საუკეთესო ნამდვილად არ ყოფილა. ახლა, მის გარეშე, მეტი სიმშვიდეა.
ის მრავალი კონფლიქტის პროვოცირებას ახდენდა, ის იდეალური ვარიანტისგან საკმაოდ შორს იყო. პრეზიდენტმა მისი დაყოლიება არაერთხელ სცადა. თუ ზიდანი ვერაფერს მოიგებს, მაშინ მისი მადრიდული კარიერა დასრულდება.” – განაცხადა კალდერონმა.
გოგო ერთი ჩვეულებრივი გამყიდველი იყო, რომელიც სულ რაღაც 10 ფუნტს გამოიმუშავებდა ‘ადიდასის’ მაღაზიაში, რომელიც “მანჩესტერ სიტი ცენტრში” მდებარეობდა. ბიჭი – “მანჩესტერ იუნაიტედის” ვარსკვლავი, რომელიც კვირაში 120,000 ფუნტს იღებს ხელფასის სახით. სწორედ ასეთ მდგომარეობაში იყო ეს ორი ადამიანი, როდესაც ისინი ერთმანეთს შეხვდნენ.
ახლა კი, კამილე სოლდი მორგან შნეიდერლინზე დასაქორწინებლად ემზადება, მას შემდეგ, რაც ფრანგი ფეხბურთელი მის წინაშე დაიჩოქა და ხელი სთხოვა.
ასე რომ, მათმა რომანმა შესაფერისი დასასრული ჰპოვა, დაწყებიდან დაახლოებით ერთი წლის შემდეგ. ამის შესახებ მისის სოლდმა თავის ინსტაგრამის გვერდზე გამოაქვეყნა ინფორმაცია: “გასაოცარი საღამო შესანიშნავ ადგილას. მხოლოდ ჩვენ და ტალღების ხმა… ჩემს გრძნობებს ვერ ავღწერ… სიტყვები არ მყოფნის, უბრალოდ ყველაფერი ირეალურია… თავს ყველაზე იღბლიან ქალად ვგრძნობ… #love #amour #reallove #happiness #engagmentring #29mars2016 #infinity #8.‘
Daily Mail
“ევერტონის” ლიდერმა, რომელუ ლუკაკუმ აღიარა, რომ მისთვის ჟოზე მოურინიოსთან მუშაობა პრობლემას არ წარმოადგენს. შეგახსენებთ, რომ პორტუგალიელმა სპეციალისტმა ლუკაკუ 2014 წელს საკუთარი გუნდიდან გაუშვა.
ბელგიელ თავდამსხმელს, რომელმაც წლევანდელ სეზონში 25 გოლის გატანა მოახერხა, “გუდისონ პარკის” დატოვებას უწინასწარმეტყველებენ. რომელუს მამა თვლის ,რომ მისი შვილისთვის საუკეთესო ვარიანტი “მანჩესტერში” ან “ბაიერნში” გადასვლა იქნება.
“ზოგი ალბათ თვლის, რომ მე მასზე ნაწყენი უნდა ვიყო, თუმცა ეს ასე არ არის. 3 წლის წინ 20 წლის ვიყავი და ჩემი დიდ გუნდში თამაში არც ისე ეფექტური იქნებოდა.
რამოდენიმე კარგმა სეზონმა, მათ შორის მიმდინარემ, ყველაფერი შეცვალა. მაისში 23 წლის გავხდები და შეიძლება კლუბის დატოვებაც გადავწყვიტო.
რაც შეეხება მამაჩემის ნათქვამს, მესმის რისი თქმა უნდოდა მას. “ბაიერნი” და “მანჩესტერი” ის კლუბებია, რომელთა შეტევაზე ორიენტირებული თამაშიც ბავშვობიდან მაკვირვებდა. ეს ორი კლუბი მამაჩემს ძალიან მოსწონს.”
Sunday People-ის მიერ გავრცელებული ინფორმაციის თანახმად, “მანჩესტერ იუნაიტედის” ახალგაზრდა ვარსკვლავს, მარკუს რეშფორდს პროფესიონალური გუნდის წევრებთან ერთად გასახდელში შესვლა აკრძალული აქვს.
“წითელი ეშმაკების” ჰოლანდიელი სპეციალისტი თვლის, რომ ამით ის რეშფორდის ფსიქოლოგიას ეხმარება და ხელს უშლის რეალობასთან კავშირის დაკარგვაში. იგივე წესები მოქმედებს გილერმო ვარელასთვისაც.
ამრიგად, რეშფორდი და ვარელა 21-წლამდელთა გასახდელში იცვლიან, რის შემდეგადაც ისინი ჩვეულ რეჟიმში, მთავარ გუნდთან ერთად იწყებენ ვარჯიშს.
აღსანიშნავია ისიც, რომ მსგავსი სიტუაციაა სადილობის შემთხვევაშიც – რეშფორდსა და ვარელას მთავარი გუნდის წევრებთან ერთად არ შეუძლიათ სადილობა.
რომელუ ლუკაკუს მამა აღიარებს, რომ მისი შვილის გადაბირებით რამოდენიმე ევროპული გრანდი ინტერესდება.მისი აზრით უკეთესი იქნება, თუ მისი შვილი “ბაიერნში” ან “მანჩესტერ იუნაიტედში” გადავა.
“ის მზად არის. როგორც ვიცი, მის მიმართ ინტერესი “ატლეტიკომ”, “ბაიერნმა”, “იუვენტუსმა”, “ჩელსიმ” და “მანჩესტერ იუნაიტედმა” გამოიჩინა. ვფიქრობ, რომ მან არჩევანი “მანჩესტერ იუნაიტედსა” და მიუნხენის “ბაიერნს” შორის უნდა გააკეთოს.
“მანჩესტერი” არის გუნდი, რომელიც ჯერ კიდევ შენდება და რეალური მიზანი არ გააჩნია. “ბაიერნი” კი ნამდვილი მანქანაა, სადაც ის თავის დამკვიდრებას შეძლებს, თუმცა ამისათვის კლუბი ლევანდოვსკიმ უნდა დატოვოს.” – განუცხადა მისტერ ლუკაკუმ Het Laatste Nieuws-ის ჟურნალისტს.
22 წლის რომელუ ლუკაკუმ, რომელიც “ევერტონში” 2014 წელს “ჩელსიდან” გადაბარგდა (28 მილიონი ფუნტის სანაცვლოდ), მიმდინარე სეზონში 25 გოლის გატანა მოახერხა 36 მატჩში.
გერმანულმა გამოცემა, DPA იტყობინება, რომ მადრიდის “რეალს” დე ხეასადმი ინტერესი გაუქრა, რაც ბოლო დროს კეილორ ნავასის შესანიშნავმა ასპარეზობამ განაპირობა.
შეგახსენებთ, რომ ახალგაზრდა მეკარემ, რომელსაც სულ ცოტა დააკლდა გასულ ზაფხულს “სანტიაგო ბერნაბეუზე” გადაბარგებამდე, ახალი, ოთხწლიანი კონტრაქტი გააფორმა “მანჩესტერ იუნაიტედთან”.
როგორც ჩანს, ფლორენტინო პერესი ამით კეილორ ნავასის დასაჩუქრებას აპირებს, რომელიც დე ხეას ტრანსფერში უნდა ჩართულიყო.
აქვე გეტყვით იმასაც, რომ კოსტა-რიკელი მეკარე მიმდინარე სეზონში მუდმივად ხვდება “რეალის” ძირითად შემადგენლობაში.
