ჭდე: მანჩესტერ იუნაიტედი

„მანჩესტერ იუანიტედის“ ექს-თავკაცი სერ ალექს ფერგუსონი თვლის, რომ ინგლისის პრემეირლიგის ამჟამინდელ ლიდერს „ლესტერ სიტის“ პირველ ადგილზე დარჩენა სეზონის ბოლომდე შეუძლია. ამავდროულად, შოტლანდიელი გუნდის წარმატებული სერიის დასრულებასაც არ გამორიცხავს.

„ლესტერი“ ფანტასტიკური სისწრაფისა და ენერგიის მქონე გუნდია. რა თქმა უნდა, ლიგაში ის ამჟამად საუკეთესოა. თუმცა, საკითხავია, მისი ასეთი გამოსვლა რამდენ ხანს გასტანს? ეყოფა თუ არა გუნდს რესურსი? 1992/93 წლების სეზონში, როდესაც პრემიერლიგა პირველად მოვიგეთ, „ნორვიჩი“ ცხრილს თითქმის მარტამდე ლიდერობდა. მაშინ ის დავამარცხეთ და, საბოლოოდ, ჩემპიონატის მოგებაც შევძელით.

ასე რომ, „ლესტერის“ მსგავს გუნდს, შეიძლება, პრობლემები შეექმნას. კლაუდიო რანიერის ადგილას იანვარში შემადგენლობის გაძლიერებას შევეცდებოდი. ასეთი თამაშით პრემიერლიგის მოგება შესაძლებელია. ვფიქრობ, კლუბის მფლობელებს ახალი ფეხბურთელების მოსაზიდად საჭირო თანხა გააჩნიათ“, – ციტირებს ფერგუსონს Goal.com-ი.

5. ის არის ინგლისელი ტალანტი

პრემიერ ლიგაში ძალიან ბევრი უცხოელი ფეხბურთელი თამაშობს და ბუნებრივია, როცა ინგლისელი თავდამსხმელი ბევრ გოლს გაიტანს, მის სანაცვლოდ ასტრონომიულ თანხებს იხდიან. მართალია, ვარდი უკვე 28 წლისაა, თუმცა ჯერჯერობით მის თამაშს დასაწუნი არაფერი აქვს. რა მნიშვნელობა აქვს იმას, რომ ჯეიმი სულ ახლახანს ათამაშდა? “მანჩესტერ იუნაიტედი” უნდა ეცადოს მის შეძენას ისე, როგორც სხვა ძალიან დიდი ტალანტების შემთხვევაში.

4. ჯეიმი ვარდი – ტიპური ცხრიანი

ერთადერთი ფეხბურთელი მანჩესტერელთა რიგებში, რომელიც მეტოქის საჯარიმოს სიღრმეში თამაშობს ენტონი მარსიალია. უეინ რუნი დიდი ხანია, რაც ამ პოზიციაზე არ თამაშობს, ხოლო ჯეიმს უილსონს კიდევ ბევრი აქვს გასაკეთებელი, რათა ვან გაალის ნდობა დაიმსახუროს. ჰოლანდიელ დამრიგებელს მარსიალის ტრავმის შემთხვევაში ერთადერთი გამოსავალი აქვს – ფელაინი, რომელიც ამპლუით ცენტრალური ნახევარმცველია. ჯეიმი ვარდიმ აჩვენა, თუ რა დონეზე შეუძლია ტიპური ცხრიანის პოზიციაზე თამაში.

3. მას აქვს ძალიან კარგი სისწრაფე

“მანჩესტერ იუნაიტედი” ტაქტიკურად ძალიან მაღალ დონეზეა, მაგრამ “ეშმაკუნებს” არ ჰყავთ სწრაფი და ტექნიკური ფეხბურთელი, რომელიც შეტევის ხაზს კიდევ უფრო გააძლიერებს, თუ არ ჩავთვლით მემფის დეპაის. ვან გაალმაც შესანიშნავად იცის, რომ რუნი აღარაა ისეთივე სწრაფი და სხარტი, როგორიც ადრე იყო, რაც ვარდის “ოლდ ტარფორდთან” კიდევ უფრო აახლოებს.

2. ბოლომდე ბრძოლის უნარი

ლუის ვან გაალმა მანჩესტერელებს დაუბრუნა რწმენა, თუმცა გუნდს რაღაც მაინც აკლია. ფერგიუსონის ფეხბურთელებს თამაშის მიმართ ასეთი დამოკიდებულება ჰქონდათ: არ აქვს მნიშვნელობა ტაბლოზე რა ანგარიშია დაფიქსირებული, არასოდეს დანებდე! ჯეიმი ვარდიმ აჩვენა, რომ მას აქვს მეომრის მსგავსი სულისკვეთება, რაც მანჩესტერელებს ყველაზე მეტად აკლიათ.

1. ძალიან ბევრ გოლს იტანს

ვარდი დღითიდღე უფრო ძლიერი ფეხბურთელი ხდება, რაზეც მისი სტატისტიკაც მიგვითითებს. ის ფენომენალურ შედეგს აჩვენებს, 14 გოლი 15 მატჩში! სულ ცოტა ხნის წინ მან ნისტელროის რეკორდიც გააუმჯობესა და პრემიერ ლიგაში ზედიზედ 11 მატჩში გოლი გაიტანა.

ავტორი: გოგა ნაჭყებია

28 ნოემბერს, ინგლისის პრემიერ ლიგაში “ლესტერმა” საკუთარ მოედანზე “მანჩესტერ იუნაიტედი” მიიღო.

შეხვედრაში ანგარიში 24-ე წუთზე ჯეიმი ვარდიმ გახსნა. აღსანიშნავია, რომ ვარდიმ გოლის გატანა ინგლისის პრემიერ ლიგის ზედიზედ 11 მატჩში მოახერხა, რაც აქამდე არავის გაუკეთებია.

შეგახსენებთ, რომ წინა ტურში 28 წლის თავდამსხმელმა ვან ნისტელროის რეკორდი გაიმეორა, დღეს კი მას გადაასწრო.