ბრიტანული “ვესტ ჰემის” მფლობელი, დევიდ გოლდი აცხადებს, რომ პაიეს გაყიდვის ერთადერთ უარყოფით მხარედ მასში აღებული 25 მილიონის სიმცირე მიაჩნია.
“ერთადერთი რამ, რის გამოც მის გაყიდვას ვნანობ, მასში აღებული 25 მილიონი ფუნტია. ვთვლი, რომ ის გაცილებით მეტს იმსახურებდა.
ვთვლი, რომ ფანები მოტყუებულები დარჩნენ, ანაზღაურება კი საკმარისი არ იყო. მის სანაცვლოდ, შეგვეძლო, 35 მილიონიც კი აგვეღო.
მართალია, იმედგაცრუებულები ვართ, მაგრამ ცხოვრება უნდა განვაგრძოთ. სხვა გზა არ არის,” – აცხადებს დევიდ გოლდი.
შაკირას უნდა, რომ პიკემ “ბარსა” დატოვოს
ჟერარდ პიკე შაკირასაგან ზეწოლას განიცდის, რამდენადაც ამ უკანასკნელს ბარსელონას დატოვება აქვს განზრახული. ესპანური პრესის ცნობით, შაკირას ესპანელი გულშემატკივრების მომაბეზრებელი ქცევები მობეზრდა და ქმარს ლონდონში გადასვლას სთხოვს. (Don Balon)
“მარსელი” პაიეს ტრანსფერს ათანხმებს
როგორც იცით, ახლახან დადასტურდა ინფორმაცია, რომ დიმიტრი პაიე “ვესტ ჰემის” დატოვებას აპირებს. დღეს კი უკვე ცნობილი ხდება, რომ ფრანგ შემტევთან მოლაპარაკებებს “მარსელის” წარმომადგენლები აწარმოებენ, თანაც საკმაოდ წარმატებულად. (Sky Sports)
ოფიციალურად: სიმონე ძაძა ლა ლიგაში ითამაშებს
ესპანური “ვალენსიას” ხელმძღვანელებმა სიმონე ძაძას ტრანსფერი განახორციელეს, რომელიც ამ დროისთვის ტურინის “იუვენტუსის” კუთვნილებად ითვლება. იტალიელი ფორვარდი “ღამურების” რიგებში სეზონის ბოლომდე ითამაშებს. სეზონის ბოლოს, სურვილის შემთხვევაში, ესპანურ კლუბს მისი გამოსყიდვის უფლება ექნება.
????@SimoneZaza, new player of @valenciacf #WelcomeZaza ???? https://t.co/xVgtaq1yZC pic.twitter.com/oCM8OqwiWl
— Valencia CF English (@valenciacf_en) January 15, 2017
მოურინიოს მატიჩის გადაბირება უნდა
“მანჩესტერ იუნაიტედის” მთავარ მწვრთნელს, ჟოზე მოურინიოს ნემანია მატიჩთან მუშაობის პროცესი მოენატრა. მართალია, ნაკლებად რეალურია შანსები იმისა, რომ “ჩელსიმ” მატიჩი ზამთარში გაუშვას, თუმცა, პორტუგალიელი სპეციალისტი იმედოვნებს, რომ ნემანია მის გუნდს ზაფხულში შეუერთდება.
აბრამოვიჩი კოშტას გაყიდვის წინააღმდეგია
როგორც ინგლისური გავლენიანი გამოცემა, Daily Mail იუწყება, ლონდონის “ჩელსის” მფლობელი, რომან აბრამოვიჩი გუნდიდან დიეგო კოშტას გაშვებას არ აპირებს, რომელსაც “არისტოკრატთა” დამრიგებელთან, ანტონიო კონტესთან პრობლემები აქვს. შეგახსენებთ, რომ ესპანელი ფეხბურთელის გადაბირებით ჩინური კლუბები არიან დაინტერესებულნი.
“სევილიას” რეშფორდის არენდით აყვანა სურს
The Sun-ის მიერ გავრცელებული უახლესი ინფორმაციის თანახმად, “მანჩესტერ იუნაიტედის” ინგლისელი შემტევი, მარკუს რეშფორდი “სევილიას” ინტერესთა სფეროში მოექცა. როგორც ცნობილი ხდება, “დალაქები” მის არენდით აყვანას აპირებენ.
დიმიტრი პაიე შესაძლოა საკმაოდ ხმაურიანი ტრანსფერის ნაწილი გახდეს, რომლისკენაც ფრანგული “მარსელი” მიისწრაფვის. Telefoot-ის ცნობით, ფრანგები მზად არიან პაიეში 40 მილიონი ევრო გადაიხადონ.
როგორც იცით, ფრანგი შემტევი გასული სეზონის ერთ-ერთი მთავარი აღმოჩენა იყო. ზაფხულში მისი გადაბირების სურვილი არაერთმა ევროპულმა გრანდმა გამოთქვა, თუმცა პაიემ “ოლიმპიურ სტადიონზე” დარჩენა გადაწყვიტა.
თუმცა, გასულ კვირას 29 წლის მიერ გაკეთებული განცხადება მის “მარსელში” გადასვლას საკმაოდ რეალურს ხდის:”მარსელს” ახალი პროექტი აქვს, რომელიც საკმაოდ საინტერესოა. იქ იციან, თუ რამდენად მჭიდროდ ვარ ამ კლუბთან დაკავშირებული. კლუბის მესვეურების პირველი ნაბიჯების ხილვა ძალიან მაინტერესებს.”
მართალია ფრანგი კლუბი 40 მილიონს იხდის, მაგრამ “ჩაქუჩების” უფროსმა ზაფხულში უკვე თქვა, რომ ფრანგის გაყიდვას 50 მილიონ ფუნტზე ნაკლებ ფასად არ აპირებს.
“მარსელის” ახალმა სპორტულმა დირექტორმა, ანდონი სუბისარეტამ ფრანგულ კლუბში ახალი ხედვებიც მიიტანა.
მადრიდული, საკმაოდ გავლენიანი გამოცემა, AS გვარწმუნებს, რომ “ბარსელონას” ყოფილ დირექტორს კლუბში “რეალის” ექს-მეკარის, იკერ კასილასის მიწვევა სურს, რომელიც ამჟამად “პორტუს” ღირსებას იცავს.
ვრცელდება ინფორმაცია, რომ ფრანგები კასილასის ტრანსფერის განხორციელებას არა ზამთარში, არამედ მიმდინარე სეზონის ბოლოს აპირებენ, როდესაც ზაფხულის სატრანსფერო ფანჯარა გაიხსნება.
იკერის ალტერნატივად კი კლუბი “ტულუზას” 17 წლის მეკარეს, ალბან ლაფონას განიხილავს.
კატალონიური “ბარსელონას” ყოფილი დირექტორი, ანდონი სუბისარეტა ანალოგიურ პოსტზე მუშაობას ფრანგულ “მარსელში” გააგრძელებს.
შეგახსენებთ, რომ სუბისარეტა კარიერის ადრეულ ხანებში მეკარის პოზიციაზეც თამაშობდა, თანაც ძალიან კარგად. ლეგენდარულმა კარის დარაჯმა “ბარსელონაში” 300-ზე მეტი მატჩი ჩაატარა, რითიც სამუდამოდ ჩაეწერა კლუბის ისტორიაში, თუმცა ბოლო წლებში განვითარებულმა მოვლენებმა მისი კლუბიდან წასვლა განაპირობა.
აქვე მოგახსენებთ იმასაც, რომ დღეს “მარსელმა” ახალი თავკაციც წარგვიდგინა რუდი გარსიას სახით. არსებობს იმის შანსიც, რომ “მარსელში” “მონაკოს” სპორტული დირექტორი, ლუის კამპუშიც აღმოჩნდეს.
გუშინ Fanebi.Com-მა გაავრცელა ინფორმაცია, რომ ოქრიაშვილი მარსელის “ოლიმპიკში” გადადიოდა. სულ მალე ეს ტრანსფერი საქართველოს ფეხბურთის ფედერაციამაც დაადასტურა, თუმცა რამდენიმე საათის შემდეგ ფედერაციის ოფიციალურ გვერდზე გამოქვეყნებული პოსტი წაიშალა.
როგორც გაირკვა, ოქრიაშვილს სამედიცინო შემოწმების დროს გულზე აღმოუჩინეს პრობლემები. რაც არ უნდა სამწუხარო იყოს, ეს ტრანსფერი ნახსენები მიზეზით ჩაიშალა.
ქართველი მოთამაშე ბელგიაში 20-დღიანი მკურნალობის კურსს გაივლის. ცნობილია, რომ იგი 5 სექტემბერს ავსტრიის წინააღმდეგ ვერ ითამაშებს.
ინფორმაცია, რომელიც FANEBI.COM-მა რამოდენიმე საათის წინ დაანონსა გაოფიციალურდა – საქართველოს ეროვნული ნაკრების ნახევარმცველი, თორნიკე ოქრიაშვილი კარიერას ფრანგულ “მარსელში” გააგრძელებს.
აღნიშნულ ინფორმაციას საქართველოს ფეხბურთის ფედერაციის ოფიციალური გვერდი ავრცელებს.
შეგახსენებთ, რომ 24 წლის ქართველი ფეხბურთელი აქამდე ბელგიური “გენკის” რიგებში ირიცხებოდა.თორნიკეს “შახტარის” მაისურით უკრაინის ჩემპიონატშიც აქვს ნათამაშები.
ოფიციალურად დადასტურდა, რომ “სუონსის” ფრანგმა ფორვარდმა, ბაფეტიმბი გომისმა უელსური კლუბი დატოვა. 30 წლის მოთამაშე ერთ წლიანი იჯარით მარსელის “ოლიმპიკში” იასპარეზებს.
გომისმა უელსური კლუბის შემადგენლობაში, 71 შეხვედრაში 17 გოლის გატანა შეძლო.
ევროპის წამყვანმა კლუბებმა უკვე წარმოადგინეს ის ფორმები, რომლებსსაც მათი ფეხბურთელები 2016/17 წლების სეზონის მიმდინარეობისას მოირგებენ. გთავაზობთ მათგან საუკეთესოებს:
საფრანგეთის თასის ფინალში “მარსელის” დამარცხების შემდეგ (4-2), “პსჟ-ს” თავკაცმა, ლორან ბლანმა პრესასთან სამომავლო გეგმებზე ისაუბრა.
“აქ მოსვლის დღიდან ამაყი ვარ, უზომოდ ამაყი. ვამაყობ, რომ ასეთ ფეხბურთელებს ვთავკაცობ, მაგრამ ეს საკმარისი არ არის. ჩვენი მიზანი მარტივია – ჩემპიონთა ლიგის მოგება.
ჩვენ ამ მიზანს ვერ მივაღწიეთ. მაგრამ ეს ძალიან რთული იყო, კონკურენციის დონე ძალიან მაღალია.
ვეცდებით, რომ უკეთ ვიასპარეზოთ, ოღონდ სხვა ფეხბურთელებთან ერთად. ჩვენ არ ვაპირებთ ჩვენი გეგმისთვის ზურგის შექცევას. ჩვენ დიდ ევროპულ გრანდებთან ვიბრძოლებთ.”
ლორან ბლანმა საფრანგეთის თასის ფინალის წინ “მარსელის” ამჟამინდელ სიტუაციაზე ისაუბრა და აღნიშნა, რომ სეზონის გადასარჩენად “მარსელს” აღნიშნული ტიტულის მოგება აუცილებლად სჭირდება.
“მარსელი” უდიდესი ზეწოლის ქვეშ არის მოქცეული, რამეთუ ხვალ მათ საკუთარი სეზონის გადარჩენის შანსი მიეცემათ. ორივე კლუბზეა ზეწოლა, მაგრამ ჩვენ ზეწოლა არასდროს გვაფერხებს.
როდესაც “პსჟ-ში” ხარ, ერთადერთი რამ, რაც გინდა არის მოგება. ყველაფერს გავაკეთებთ, რომ შაბათს სასურველ შედეგს მივაღწიოთ. მე მხოლოდ ჩემი გუნდის იმედზე ვარ.”
“ლესტერ სიტის” ლიდერი და პრემიერ ლიგის წლის საუკეთესო ფეხბურთელი, რიად მარეზი თვლის, რომ კარგა ხნის მანძილზე, საფრანგეთში არასწორად უყურებდნენ ნელ, მაგრამ მოაზროვნე ფეხბურთელებს. მათი ეს შეხედულება კი ალჟირელის აზრით “ბარსელონამ” შეცვალა.
“ადრე, საფრანგეთში დიდ და სწრაფ ფეხბურთელებს აღმერთებდნენ. და რას ნიშნავდა ეს? და სხვებს, ჩვენ რა უნდა გაგვეკეთებინა?
მაშინ კი, როცა ესპანეთმა და “ბარსელონამ” ყველაფერი მოიგო, მათ შეხედულებები შეიცვალეს, გაანალიზეს, რომ ჩვენც შეგვეძლო ფეხბურთის თამაში. ამ ყველაფერმა მათი პოზიცია ცოტათი შეცვალა.
ადრე კლუბები კანტეს დონის ფეხბურთელში 8 მილიონსაც არ გადაიხდიდნენ, მათ ეს ზედმეტად ძვირი მიაჩნდათ… დაუჯერებელია!”
