ჭდე: Mesut Ozil

ლონდონის “არსენალის” ნახევარმცველი მესუთ იოზილი გუნდის დატოვებას ჯერ არ აპირებს. ამის შესახებ გერმანელმა ფეხბურთელმა თავად განაცხადა.

“ჩემი კონტრაქტით კმაყოფილი ვარ. ამ სეზონის მეორე ნახევარს და მომდევნო წელსაც “არსენალში” გავატარებ. ვერ გეტყვით, რა იქნება შემდეგ”, – თქვა იოზილმა.

მხარეებს შორის გაფორმებულ შრომით ხელშეკრულებას ვადა 2021 წლის ზაფხულში ეწურება. თუ კონტრაქტი არ გაგრძელდება, წელიწადნახევრის შემდეგ გერმანელ ნახევარმცველს თავისუფალი აგენტის სტატუსით გუნდის დატოვება შეეძლება. იმ დროს ის 32 წლის იქნება.

შეგახსენებთ, რომ მესუთ იოზილი “არსენალის” ღირსებას 2013 წლიდან იცავს. მან ინგლისის პრემიერლიგის მიმდინარე გათამაშებაში 12 მატჩი ჩაატარა და ერთი საგოლე გადაცემა მიითვალა.

ინგლისის პრემიერლიგის მეცხრე ტურში ლონდონის “არსენალმა” საკუთარ მოედანზე “ლესტერ სიტი” მიიღო და მეტოქე ანგარიშით 3:1 დაამარცხა. შეხვედრის შესახებ კომენტარი გააკეთა ლონდონელთა ნახევარმცველმა მესუთ იოზილმა, რომელმაც გამათანაბრებელი გოლი გაიტანა.

“ვფიქრობ, ამ საღამოს სექსუალური ფეხბურთი ვითამაშეთ. ვამაყობ, რომ ამ გუნდის კაპიტანი ვარ”, – დაწერა სოციალურ ქსელში იოზილმა.

“არსენალის” მხრიდან იოზილის გარდა თავი გამოიჩინა პიერ-ემერიკ ობამეიანგმა, რომელმაც დუბლი გაიფორმა.

აღსანიშნავია, რომ ლონდონის “არსენალმა” ყველა ტურნირზე ერთად მიჯრით მეათე მატჩი მოიგო, რაც 2007 წლის შემდეგ პირველად მოხდა.

ინგლისის პრემიერლიგის 26-ე ტურში “საუთჰემპტონსა” და ლონდონის “არსენალს” შორის გასამართი მატჩის გადადებით ისარგებლა მესუთ იოზილმა და მცირე ხნით პროფესია შეიცვალა. თურქული წარმომავლობის გერმანელი ფეხბურთელი ლონდონში შაურმის გამყიდველად მოგვევლინა. როგორც თვითმხილველები ამბობენ, იოზილმა მისთვის უჩვეულო ამპლუა კარგად მოირგო. ფეხბურთელი რამდენიმე საათის განმავლობაში ემსახურებოდა დაწესებულების სტუმრებს. მალევე გავრცელდა სამოყვარულო ფოტოები, რომელზეც მესუთ იოზილი მეშაურმის ამპლუაშია აღბეჭდილი.

ლონდონის “არსენალის” ნახევარმცველმა მესუთ იოზილმა განაცხადა, რომ კლუბში დარჩენის სურვილი აქვს და იქვე დაამატა, მნიშვნელოვანია, გუნდის მთავარი მწვრთნელის პოსტზე არსენ ვენგერი დარჩესო.

“ბედნიერი ვარ, რომ “არსენალში” ვთამაშობ. მინდა ყველამ იცოდეს, რომ კლუბში დარჩენის სურვილი მაქვს. ეს უკვე ვაცნობე ხელმძღვანელობას. ფანებსაც უნდათ, რომ “არსენალში” დავრჩე. ასე რომ, ახლა ყველაფერი კლუბზეა დამოკიდებული.

“არსენალის” ხელმძღვანელობამ იცის, რომ მე აქ არსენ ვენგერის გამო ვარ. სწორედ მან მომიყვანა გუნდში. მე მას ვენდობი. კლუბში იციან, რომ გუნდის თავკაცის პოსტზე ვენგერის დარჩენა ჩემთვის ძალზედ მნიშვნელოვანია”, – ციტირებს იოზილის სიტყვებს “გარდიანი”.

ცნობისთვის, 28 წლის გერმანელ ფეხბურთელს “მეთოფეებთან” მოქმედი კონტრაქტი 2018 წლის 30 ივნისს ეწურება.