ჭდე: მილანი

ფეხბურთის სერბმა სპეციალისტმა სინიშა მიხაილოვიჩმა განაცხადა, რომ უახლოეს პერიოდში “მილანის” მთავარი მწვრთნელის პოსტზე დაინიშნება.

“ნუ ღელავთ, ორ კვირაში “მილანის” მწვრთნელი გავხდები”, – ციტირებს მიხაილოვიჩის სიტყვებს Sport Mediaset-ი.

გავრცელებული ინფორმაციის თანახმად, სერბი სპეციალისტი “როსონერისთან” ორწლიან კონტრაქტს მოაწერს ხელს, მანამდე კი კლუბის მთავარი მწვრთნელის პოსტიდან ფილიპო ინძაგი უნდა გაათავისუფლონ.

ცნობისთვის, ინძაგის “მილანთან” მოქმედი შრომითი ხელშეკრულება 2016 წლის 30 ივნისს ეწურება.

შეგახსენებთ, რომ “როსონერიმ” იტალიის ჩემპიონატის სატურნირო ცხრილში მეათე პოზიცია დაიკავა.

 

 

“სამპდორიას” აწ უკვე ყოფილი მთავარი მწვრთნელი სინიშა მიხაილოვიჩი “მილანს” ჩაუდგება სათავეში. ამ ინფორმაციას TMW ავრცელებს.

წყაროს თანახმად, სერბ სპეციალისტთან მოლაპარაკებებს “მილანის” პრეზიდენტი სილვიო ბერლუსკონი და ვიცეპრეზიდენტი ადრიანო გალიანი აწარმოებდნენ და შეთანხმებაც შედგა. TMW იუწყება, რომ ხუთშაბათს მიხაილოვიჩი “მილანის” საწვრთნელ ბაზა მილანელოს ეწვევა. გუნდის მთავარი მწვრთნელის პოსტზე სერბი სპეციალისტის დანიშვნამდე ფილიპო ინძაგის გაათავისუფლებენ. წყაროს ცნობით, მიხაილოვიჩი “როსონერისთან” კონტრაქტს პარასკევს გააფორმებს.

შეგახსენებთ, რომ ინძაგის თავკაცობით “მილანმა” იტალიის ჩემპიონატის სატურნირო ცხრილში მეათე პოზიცია დაიკავა.

 

იტალიის ჩემპიონატის 32-ე ტურში “უდინეზემ” “მილანი” ანგარიშით 2:1 დაამარცხა. როგორც იტალიელი ჟურნალისტები იუწყებიან, “როსონერის” მთავარი მწვრთნელი ფილიპო ინძაგი მატჩის შემდეგ საკმაოდ ცუდ გუნებაზე ყოფილა.

“მილანი” აქამდე იბრძოდა მაინც, დღეს კი ესეც ვერ ვიხილეთ. გულშემატკივრებს ბოდიშს ვუხდი. საბედნიეროდ, რამდენიმე დღეში “ჯენოას” ვუმასპინძლებთ და რეაბილიტაციის შესაძლებლობა მოგვეცემა.

გუნდის თამაშზე, პირველ რიგში, მწვრთნელია პასუხისმგებელი. დიდი მუშაობა უნდა გავწიოთ იმისთვის, რომ ოთხშაბათს ჩვენი ნამდვილი ფეხბურთი ვაჩვენოთ და სეზონის დარჩენილი ნაწილი ნორმალურად ჩავატაროთ”, – განაცხადა ინძაგიმ.

“მილანის” თავკაცმა გადაწყვიტა, რომ “ჯენოას” წინააღმდეგ გასამართი მატჩისთვის გუნდს ჩაკეტილ ბაზაზე მოამზადებს.

ცნობილი იტალიელი სპეციალისტი ჯოვანი ტრაპატონი თვლის, რომ “მილანის” მთავარ მწვრთნელ ფილიპო ინძაგის მიმდინარე სეზონში მიუღწეველი მიზნების გამო არ უნდა აკრიტიკებდნენ.

“ეჭვი არავის ეპარება იმაში, რომ ინძაგი “მილანში” გარკვეულ პრობლემებს წააწყდა, თუმცა კლუბი მას უნდა ენდოს. არ შეიძლება, ელოდო, რომ ადამიანი თალგამისგან კარგ ღვინოს დაწურავს. “მილანში” კარგ შედეგთან ერთად სანახაობაც სურთ, ეს კი რთული მისაღწევია”, – ტრაპატონის სიტყვები “ტუტოსპორტმა” გამოაქვეყნა.

შეგახსენებთ, რომ იტალიის ჩემპიონატის 30-ე ტურის შემდეგ “მილანს” 42 ქულით სატურნირო ცხრილის მერვე პოზიცია უკავია.