უეფას ჩემპიონთა ლიგის მეოთხედფინალურ ეტაპზე დორმუნდის “ბორუსიასა” და “მონაკოს” შორის გუშინ გერმანული კლუბის ავტობუსთან მომხდარი აფეთქების გამო გადადებული მატჩი “სიგნალ იდუნა პარკზე” დღეს გაიმართა. შეხვედრა “მონაკოს” გამარჯვებით, ანგარიშით 3: 2 დასრულდა.
სტუმრებს დაწინაურების შანსი მე-17 წუთზე მიეცათ, როდესაც “დორტმუნდის” კარის მიმართულებით პენალტი დაინიშნა, მაგრამ ფაბინიომ ბურთი მიზანს ააცილა. ორ წუთში კილიან მბაპემ “მონაკო” მაინც დააწინაურა. 35-ე წუთზე სვენ ბენდერმა თავით ბურთი საკუთარ კარში ჩაჭრა და ანგარიშში სხვაობა გაიზარდა. შეხვედრის პირველი ნახევარი “მონაკომ” ანგარიშით 2:0 მოიგო. მატჩის მეორე ტაიმში დორტმუნდელებმა ერთი ბურთი გაქვითეს: 57-ე წუთზე ოსმან დემბელემ ანგარიში 1:2 გახადა. სტუმრებმა ორბურთიანი უპირატესობის დაბრუნება მაინც შეძლეს. დორტმუნდელი მცველების უხეში შეცდომით მბაპემ ისარგებლა, მეკარესთან ერთი ერთზე გავიდა და რომან ბიურკი უშანსოდ დატოვა – 1:3. თუმცა, ამით შეხვედრა არ დასრულებულა. მალევე მასპინძლებმა მეორე ბურთი გაიტანეს და საპასუხო მატჩის წინ შანსები შეინარჩუნეს. გოლი სინძი კაგავამ გაიტანა.
წყვილის განმეორებითი შეხვედრა 19 აპრილს ჩატარდება.
ჩემპიონთა ლიგა
მეოთხედფინალი (I მატჩი)
“დორტმუნდი” — “მონაკო” 2:3 (0:2)
გოლები: დემბელე 57′, კაგავა 84′ — მბაპე 19′, 79′, ბენდერი 35′ (ა.გ.).
გამოუყენებელი პენალტი: ფაბინიო 17′ (ააცილა).
