ნეაპოლელები აპირებენ ბენიტესთან გახანგრძლივებას, თუმცა ესპანელი სპეციალისტის წასვლას არ გამორიცხავენ.
როგორც მოგეხსენებათ, ბენიტესი გუნდში დასარჩენად მზადაა, თუმცა ხელმძღვანელებს ახალი კონტრაქტის თაობაზე ვერ უთანხმდება.
რაფაელ ბენიტესს სურს ინგლისში დაბრუნება, სადაც “ლივერპულს” და “ჩელსის” წვრთნიდა, ან თუნდაც ეროვნულ ნაკრებში წავიდეს.
იმ შემთხვევაში, თუ 54 წლის სპეციალისტი იტალიას გაეცლება, აურელიო დე ლაურენტისი გუნდის მესაჭედ ლუჩანო სპალეტის მოიყვანს.
ნეაპოლიტანელები აქტიურად განაგრძობენ მუშაობას დაცვის ხაზის გასაძლიერებლად.
იტალიური მედიის ცნობით, “ნაპოლი” “ვილიარეალის” 24 წლის მცველით, მატეო მუსაკიოთი დაინტერესდა.
იტალიური გუნდი იმედოვნებს, რომ მცველს მომავალ ზაფხულშივე გაიფორმებს.
მიმდინარე სეზონში, მუსაკიომ 11 მატჩი ჩაატარა და სამი გოლი გაიტანა.
„ნაპოლის“ ნახევარმცველმა მარეკ ჰამშიკმა აღნიშნა, რომ მისი გუნდის მიზანი შემდეგ სეზონში ჩემპიონთა ლიგაზე თამაშია.
„მიმდინარე სეზონში პრობლემები გვქონდა. შესაძლოა, ამის მიზეზი ევროთასებზე გამოსვლაც იყო. თუმცა, დარწმუნებული ვარ, რომ მალე სათანადო შედეგების მიღწევას დავიწყებთ.
ჩემპოიონთა ლიგა? ვწუხვართ, რომ შარშან საკვალიფიკაციო ეტაპი ვერ გავიარეთ. ამ ტურნირზე დასაბრუნებლად ახლა ყველაფერს გავაკეთებთ. ამ მიზნისთვის სეზონის ბოლომდე ვიბრძოლებთ“, – განაცხადა სლოვაკმა მოთამაშემ.
„ნაპოლის“ მთავარმა მწვრთნელმა რაფაელ ბენიტესმა ევროპის ლიგის 1/4-ფინალური ეტაპის წილისყრის შედეგი შეაფასა.
შეგახსენებთ, რომ იტალიური კლუბი „ვოლფსბურგს“ შეხვდება.
„ჩვენ ერთ-ერთი ძლიერი მეტოქე შეგვხვდა. რა თქმა უნდა, „ვოლფსბურგი“ ტურნირის ფავორიტებს შორისაა, რაც „ინტერთან“ 1/8 ფინალში დაამტკიცა. ბუნდესლიგაში ეს გუნდი მეორე ადგილს იკავებს და ცოტა ხნის წინ „ბაიერნი“ დაამარცხა. წინ ძალიან საინტერესო დაპირისპირება გველის. საკუთარი ძალების გვჯერა და შემდეგ ეტაპზე გასვლა გვსურს, მიუხედავად იმისა, რომ მიზნის მიღწევა რთული იქნება“, – განაცხადა ფეხბურთის ესპანელმა სპეციალისტმა.
იტალიური “ნაპოლის” ფეხბურთელის, მარეკ ჰამშიკის აზრით, “ნაპოლიმ” დაამტკიცა, რომ მას ევროტურნირებზე კარგად თამაში შეუძლია.
შეგახსენებთ, რომ ევროპის ლიგის მერვედფინალური ეტაპის განმეორებით შეხვედრაში “ნაპოლი” მოსკოვის “დინამოს” ესტუმრა და ფრედ 0:0 ითამაშა. ორი მატჩის ჯამში, ნეაპოლელებმა მეტოქე 3:1 დაამარცხეს და მომდევნო ეტაპის საგზურიც მოიპოვეს.
“მეოთხედფინალში გასვლა ძალიან გვინდოდა და სასიხარულოა, რომ ეს მოვახერხეთ. ევროპაში თამაში ადვილი არასოდესაა, მაგრამ ჩვენ დავამტკიცეთ, რომ ევროტურნირებზე კარგად თამაში შეგვიძლია”, – ამბობს ჰამშიკი.
დასრულდა ევროპა ლიგის 1/8 ფინალური განმეორებითი რამდენიმე მატჩი.
საგულისხმოა ის ფაქტი, რომ ევროტურნირებზე ინგლისის ერთადერთ სახელს “ევერტონი” წარმოადგენდა და “დინამო კიევმა” ლივერპულელები გამანადგურებელი ანგარიშით გამოთიშა ჩემპიონატს.
“დინამო მოსკოვი” 0:0 “ნაპოლი” (პირველი მატჩი 3:1)
გოლი: არავინ
“დინამო კიევი” 5:2 “ევერტონი” (პირველი მატჩი 2:1)
გოლი: იარმოლენკო ’21, თეოდორჟუკი ’35, ველოზუ ’37, გუსევი ’56 ანტუნეში ’76 – ლუკაკუ ’29, იაგელკა ’82
“რომა” 0:3 “ფიორენტინა” (პირველი მატჩი 1:1)
გოლი: როდრიგესი ‘9(პ), ალონსო ’18, ბასანტა ’22
დორტმუნდის “ბორუსიას” თავდამსხმელი შეიძლება იტალიაში დაბრუნდეს.
გასულ ზაფხულს, “ტორინოდან” ჩირო იმობილემ გერმანიაში გადაინაცვლა, თუმცა მან ბუნდესლიგაში ფეხის მოკიდება ვერ შეძლო.
Sky-ის ინფორმაციით, 25 წლის თავდამსხმელის მომსახურებით “ფიორენტინა” და “ნაპოლი” ინტერესდებიან.
“ფიორენტინას” შეტევის ხაზი გომეზი-როსი ხშირად ლაზარეთშია, ამიტომ “იებს” ერთი სტაბილური ფორვარდი სჭირდებათ.
ამ სეზონში, ჩირომ ბუნდესლიგაში ჩატარებული 17 მატჩიდან სამი გოლი გაიტანა.
უეფას ევროპის ლიგის მერვედფინალურ ეტაპზე “ნაპოლისა” და მოსკოვის “დინამოს” შორის გამართული მატჩის მიმდინარეობისას მასპინძელთა საგულშემატკივრო სექტორზე უკრაინის მხარდამჭერი ბანერი გამოფინეს.
ტრანსპარანტზე ეწერა: “ხელები შორს უკრაინისგან. არ გვჭირდება თქვენი დიქტატურა. გეყოთ ჩვენი შვილების კვლა”.
შეგახსენეთ, რომ მოსკოველთა თავდამსხმელმა კევინ კურანიმ ანგარიში მე-2 წუთზე გახსნეს, შემდეგ გონსალო იგუაინმა სამი გოლი გაიტანა და საბოლოო ანგარიში 3:1 დაფიქსირდა. განმეორებითი შეხვედრა რუსეთში 19 მარტს გაიმართება.
„ნაპოლის“ თავდამსხმელმა გონსალო იგუაინმა მოსკოვის „დინამოსთან“ ევროპის ლიგის 1/8-ფინალური ეტაპის მატჩი შეაფასა, რომელიც მისმა გუნდმა ანგარიშით 3:1 მოიგო.
„მატჩი ადვილი არ ყოფილა, განსაკუთრებით მას შემდეგ, რაც „დინამომ“ სწრაფი გოლი გაგვიტანა. საბედნიეროდ, გავიმარჯვეთ და რუსეთში კარგი უპირატესობვით ჩავდივართ. დიახ, მეოთხე გოლის გატანა ვერ გამოვიდა, მაგრამ ეს პრობლემას არ წარმოადგენს. მეოთხედფინალში გასასვლელად ყველაფერი გვაქვს“, – განაცხადა არგენტინელმა.
ფრანგული “პსჟ”-ს ფორვარდმა ედინსონ კავანიმ აღიარა, რომ სიამოვნებით დაბრუნდება ნეაპოლის “ნაპოლიში”, თუმცა ამას მხოლოდ მაშინ გააკეთებს, როდესაც აურელიო დე ლაურენტისი კლუბის პრეზიდენტი აღარ იქნება.
“მინდა მადლობა ვუთხრა ჩემ წინამორბედ გუნდებს, მაგრამ კარიერის ყველაზე შთამბეჭდავი წლები ნეაპოლში გავატარე. ამ ქალაქმა ყველაფერი მომცა: აღიარება, პროგრესი, მსოფლიო პოპულარობა. “ნაპოლისთან” უამრავი სასიამოვნო მოგონება მაკავშირებს. დავბრუნდები თუ არა იტალიაში? რატომაც არა, ძალიან მინდა ეს, მაგრამ მხოლოდ მაშინ დავბრუნდები, როდესაც კლუბს ამჟამინდელი პრეზიდენტი აურელიო დე ლაურენტისი დატოვებს. ეს ჩემი ერთადერთი პირობა,”-განაცხადა ურუგვაელმა.
გრძელდება ჩვენი ტრადიციული პროგნოზისტთა კონკურსი. დღეს გამოქვეყნდა 30-ე საკონკურსო კვირის მესამე მატჩის კითხვები, რომელიც “ნაპოლისა” და “ინტერს” შორის გასამართ შეხვედრას ეხება. კითხვები იხილეთ აღნიშნული მატჩის გვერდზე.
გამარჯვებულად ჩაითვლება ის პირველი 7 რეგისტრირებული მომხმარებელი, რომელიც ყველაზე მეტ სწორ პასუხს გამოიცნობს. 4-ივე კითხვაზე სწორი პასუხის ავტორს Europe bet-ის ანგარიშზე 10 ლარი დაერიცხება. თუ გამარჯვებულთა სიაში 3 სწორი პასუხის ავტორებიც მოხვდებიან, მათ 5 ლარი დაერიცხებათ. გამარჯვებულთა სიაში 3 სწორი პასუხის ავტორები იმ შემთხვევაში მოხვდებიან, თუ მიღებულ საკონკურსო კომენტარებში შვიდი 4-სწორპასუხიანი მომხმარებელი არ იქნება და სიაში გაჩნდება ვაკანტური საპრიზო ადგილები.
ერთი IP მისამართიდან მხოლოდ ერთი (პირველი) კომენტარი მიიღება, დანარჩენი კი უგულებელყოფილი იქნება.
საკონკურსო კითხვებს პასუხი უნდა გასცეთ მატჩის გვერდზე: “ნაპოლი” – “ინტერი”
ესპანელმა სპეციალისტმა უახლოეს მომავალში შეიძლება იტალია დატოვოს.
ნეაპოლიტანური გამოცემა, Il Mattino იტყობინება, რომ “ნაპოლიმ” რაფაელ ბენიტესს ახალი კონტრაქტი შესთავაზა, მაგრამ თავად მწვრთნელმა შეთავაზება დაბლოკა.
ფაქტია, რომ რაფას ინგლისში დაბრუნება სურს, ხოლო პრესა მას “ლივერპულს” აქტიურად უკავშირებს.
მიმდინარე კონტრაქტი ესპანელ სპეციალისტს “ნაპოლისთან” მომავალ ზაფხულს ეწურება. “ნაპოლი” სერია ა-ში მესამე პოზიციაზეა და ისინი ჩემპიონთა ლიგაზე დასაბრუნებლად იბრძვიან.
