“მანჩესტერ სიტის” კარის დარაჯმა, კლაუდიო ბრავომ, შესაძლოა, კარიერა “ნაპოლის” რიგებში გააგრძელოს. ამ ინფორმაციას ბრიტანულ ცნობებზე დაყრდნობით Radio Crc ავრცელებს.
როგორც ცნობილი ხდება, იტალიურ კლუბში ჩილელ მეკარეს ხოსე რეინას შემცვლელის მთავარ ვარიანტად განიხილავენ. როგორც იცით, პეპე რეინა “როსონერის” რიგებში აპირებს გადაბარგებას.
გეტყვით იმასაც, რომ ბრავოს “მილანში” გადასვლის მთავარი განმაპირობელი ფაქტორი მისი მაღალი ხელფასი უნდა გახდეს.
მინო რაიოლას აგენტების ვარსკვლავურ სიას ამიერიდან “ნაპოლის” ლიდერი, ლორენცო ინსინიეც შეემატება. ამ ინფორამციას თავად პოლ პოგბას, ზლატან იბრაჰიმოვიჩის, მარკო ვერატისა და მარიო ბალოტელის აგენტი ადასტურებს.
“ძალიან იმედგაცრუებული ვარ, რომ რუსეთში გასამართი მსოფლიო ჩემპიონატი იტალიის გარეშე ჩატარდება. ვწუხვარ ჩემი კლიენტების, დონარუმას, ვერატის, ბონავენტურას, ბალოტელისა და ინსინიეს გამო.
ყველაფერში ჯამპიერო ვენტურას ადანაშაულებენ, თუმცა ამაში არანაკლებ დიდი წვლილი მიუძღვის ფეხბურთელებსაც. ყველაზე სამარცხვინო კი ის არის, რომ იტალიურ ფეხბურთში არც ამის შემდეგ იცვლება რამე.
ინსინიე? ამ მომენტისთვის, ინსინიე ყოფილ აგენტთან აგვარებს საქმეს, მათი ურთიერთობა სრულდება. ის გასაოცარი ფეხბურთელია, რომლის გაყიდვასაც “ნაპოლი” არ გეგმავს. ვნახოთ, რა მოხდება მომავალში,” – აცხადებს ინსინიე.
“ნაპოლის” პრეზიდენტმა, აურელიო დე ლაურენტისმა La Gazzetta dello Sport-თან საკმაოდ საინტერესო თემებზე ისაუბრა, მათ შოირს “ნეაპოლელთა” და “ტურინელთა” შორის არსებულ სხვაობაზე.
“სერია ა-ს ერთადერთი კლუბი ვართ, რომელსაც ვალები არ აქვს. ჩემი აქ მოსვლის შემდეგ გუნდი მნიშვნელოვნად გაიზარდა. ფაქტობრივად, გაკოტრებული გუნდი ჩავიბარე, ახლა კი დადებითი შედეგი გვაქვს ფინანსური თვალსაზრისით. თუმცა “ნაპოლის” წლიური შემოსავალი “იუვეს” მესამედს უდრის.
ყველას ძალიან კარგად მოეხსენება, რომ “იუვეს” იტალიის ყველაზე დიდი ოჯახი მართავს. ანიელის ოჯახი ამ პოზიციაში 100 წელია იმყოფება. აქ საქმე მხოლოდ ფულს არ ეხება, არამედ კავშირებს.
არ ვფიქრობ, რომ “სკუდეტოს” ბედს “ნაპოლისა” და “იუვენტუსის” დაპირისპირება გადაწყვეტს. ყველაფერი ტრავმებსა და მსაჯის მიერ დაშვებულ შეცდომებზე იქნება დამოკიდებული,” – აცხადებს დე ლაურენტისი.
უცხოურ პრესაში გავრცელებულ ცნობებს თუ დავეყრდნობით, კატალონიის “ბარსელონას” ესპანელი შემტევი, ჟერარ დეულოფეუ ძალიან ახლოს არის იტალიის სერია ა-ში დაბრუნებასთან.
როგორც იცით, მშობლიურ “ბლაუგრანაში” დაბრუნებული დეულოფეუსთვის ყველაფერი ისე ვერ აეწყო, როგორც მას სურდა. “ევერტონისა” და “მილანის” ყოფილ ფეხბურთელს “კამპ ნოუზე” ძალიან მცირე სათამაშო დრო ეძლევა და მზადაა, ესპანეთი დატოვოს.
Sky Sport Italia-ს ცნობით, ჟერარი ყველაზე ახლოს “ნაპოლიში” გადასვლასთან არის. მისი აგეტნი უკვე შეხვდა “პარტენოპეის” წარმომადგენლებს და მოლაპარაკებები ფინალურ ფაზაში შედის.
კიდევ ერთი ავტორიტეტული ჟურნალისტი, ჯანლუკა დი მარციო ირწმუნება, რომ მხარეებს შორის შეთანხმება უკვე არსებობს და კატალონიური მხარე ამ ტრანსფერში 15-16 მილიონ ევროს მიიღებს.
“ნაპოლის” მცველის, კალიდუ კულიბალის აგენტმა, ბრუნო სატინმა საკუთარი კლიენტი ვირჯილ ვან დეიკს შეადარა რომელშიც “ლივერპულმა” 76 მილიონი ფუნტი გადაიხადა.
“კალიდუ იტალიის სერია ა-ში მოთამაშე საუკეთესო ცენტრალური მცველია. მისმა თანაგუნდელებმა, სამწვრთნელო შტაბმა და ფანებმა უდიდესი დახმარება გაუწიეს ადაპტაციის პერიოდის ადვილად დაძლევასა და საკუთარი ძლიერი მხარეების წარმოჩინებაში.
გუშინ მან კიდევ ერთხელ დაგვიმტკიცა, თუ რამდენად ძლიერი ფეხბურთელია. კალიდუ აქ თავს ბედნიერად გრძნობს და უხარია, მნიშვნელოვანი გოლის გატანა რომ შეძლო.
ვირჯილ ვან დეიკი? ძალიან ძლიერი ფეხბურთელია, თუმცა ის ინგლისში თამაშობს,” – აცხადებს სატინი, რომლის კლიენტმაც “ვერონასთან” მატჩში ანგარიშის გახსნა შეძლო.
“ნაპოლის” ხელმძღვანელებმა ზამთრის სატრანსფერო ფანჯრის მეორე დღეს “ბენფიკას” მარცხენა მცველი, ალექსის გრიმალდო დაიმატეს. ამ ინფორმაციას Rai-ს ჟურნალისტი, ჩირო ვენერატო ავრცელებს.
როგორც ცნობილი ხდება, ნეაპოლიტანურმა კლუბმა “ბარსელონას” აღზრდილი ფეხბურთელის ტრანსფერში 30 მილიონი ევრო გადაიხადა. გრიმალდო “ნაპოლისთან” 5-წლიან კონტრაქტს მოაწერს ხელს და წელიწადში 2 მილიონ ევროს მიიღებს ხელფასის სახით.
როგორც უკვე ავღნიშნეთ, გრიმალდო “ბარსელონას” აღზრდილია. ასაკობრივი გუნდიდან “ბარსელონა ბ”-ში დაწინაურებულმა გრიმალდომ “ბენფიკაში” გადასვლამდე (2015 წელს) 5 სეზონი ჩაატარა “ბარსელონას” მეორე გუნდში.
იტალიის სერია ა-ს მე-18 ტურში “ნაპოლიმ” საკუთარ მოედანზე “სამპდორიას” უმასპინძლა და დაძაბულ ბრძოლაში სამი ქულა მოიპოვა (3:2). ეს მატჩი განსაკუთრებით მნიშვნელოვანი აღმოჩნდა მარეკ ჰაშიკისთვის, რომელმაც უნიკალური რეკორდის დამყარება შეძლო.
საქმე იმაშია, რომ ზემოთ აღნიშნულ შეხვედრაში ჰამშიკმა თავისი 116-ე გოლი გაიტანა “ნაპოლის” მაისურით და ამ შედეგით ლეგენდარულ დიეგო მარადონას გადაასწრო.
“ძალიან დიდი პატივია მსგავსი რეკორდის დამხობა. ამის აღსანიშნავად მეგობრებმა დამცავები მაჩუქეს წარწერით – 116. თუმცა, ჩემთვის რეკორდზე უფრო მნიშვნელოვანი გუნდის გამარჯვება იყო,” – აცხადებს 30 წლის სლოვაკი ფეხბურთელი.
გუშინ იტალისს სერია ა-ს მეჩვიდმეტე ტურში “ტორინო” “ნაპოლის” დაუპირისპირდა და მეტოქესთან ანგარიშთ, 1-3 დამარცხდა. ნეაპოლიტანელთა მხრიდან თავის გამოჩენა კალიდუ კულიბალიმ, პიოტრ ზიელინსკიმ და მარეკ ჰამშიკმა მოახერხეს.
საგულისხმოა, რომ მარეკმა სტუმარი გუნდის მაისურით 30-ე წუთზე 115-ე გოლი გაიტანა. მისი დამხმარე ამ მომენტში დრის მერტენსი იყო. სლოვაკი ამ შედეგით გაუთანაბრდა კლუბის ყველა დროის ბომბარდირს, დიეგო არმანდო მარადონას. თუმცა, მას 115 გოლის გასატანად 464 მატჩი დასჭირდა, ხოლო, მარადონას – 259. 30 წლის სპორტსმენს შესანიშნავი შანსი აქვს, რომ თავისი კარიერის მანძილზე არგენტინელს საკმაო სხვაობით გაასწროს.
აქვე გეტყვით, რომ “ნაპოლის” “ტორინოსთან” გამარჯვების შემდეგ 42 ქულა დაუგროვდა და პირველ პოზიციაზე გადავიდა.
კატალონიის “ბარსელონას” ესპანელი შემტევის ნახევარმცველის, ჟერარ დეულოფეუს გადაბირებას “ნაპოლის” ხელმძღვანელები ცდილობენ. ამ ინფორმაციას Football Italia ადასტურებს.
როგორც ცნობილი ხდება, იტალიური კლუბი მზადაა, დეულოფეუ ზამთრის სატრანსფერო ფანჯარაზე დაიმატოს. თუმცა, ეს მხოლოდ იმ შემთხვევაში მოხდება, თუ ნეაპოლურ გრანდს ემანუელე ჯაკერინი დატოვებს.
გეტყვით იმასაც, რომ “ნაპოლის” დეულოფეუს შეძენის ვარიანტი უფრო ხიბლავს, მაგრამ “ლურჯ-ბროწეულისფრები” მხოლოდ მის განათხოვრებაზე არიან თანახმანი.
დეულოფეუ “ბარსელონას” გასულ ზაფხულს დაუბრუნდა და ამ კლუბის მაისურით 9 მატჩის ჩატარება მოასწრო – ამ დროში მან მხოლოდ ერთი გოლითა და 2 საგოლე გადაცემით შეძლო თავის გამოჩენა.
დღეს იტალიის ჩემპიონატში მე-15 ტურის შეხვედრები გაიმართა. ერთ-ერთ მატჩში “ნაპოლიმ” “იუვენტუსი” მიიღო და მეტოქესთან ანგარიშით, 0-1 დამარცხდა.
აღნიშნულ თემაზე ომარ მომანი კარიკატურას გვთავაზობს.
ბრწყინვალე ფორმაში მყოფი “ნაპოლი” შესაძლოა, გუნდის ლიდერმა, დრის მერტენსმა დატოვოს. ბოლო დროს მერტენსის შესაძლო ტრანსფერთან დაკავშირებით არაერთი ავტორიტეტული გამოცემა ავრცელებს ცნობებს.
როგორც იცით, “ნაპოლიდან” გონსალო იგუაინის წასვლის შემდეგ, არგენტინელი ფეხბურთელის ფუნქციები მერტენსმა შეითავსა. ბელგიელმა შემტევმა გასული სეზონის 46 მატჩში 38 გოლის გატანა შეძლო, მიმდინარე გათამაშებაში კი მის ანგარიშზე 11 გატანილი გოლია დაგროვებული.
მართალია, მერტენსს ნეაპოლურ კლუბთან კონტრაქტი 2020 წლამდე აკავშირებს, მაგრამ ის ფაქტი, რომ “ნაპოლის” ლიდერის გამოსყიდვა მხოლოდ 28 მილიონ ევროდაა შესაძლებელი, ბევრი ევროპული გრანდის ყურადღებას იქცევს.
ანდრე სილვა, რომელიც გასულ ზაფხულს, “მილანის” მიერ განხორციელებული ხმაურიანი, 200-მილიონიანი სატრანსფერო კამპანიის ნაწილი გახლავთ, შესაძლოა “ნაპოლიში” ვიხილოთ.
როგორც ცნობილი ხდება, “როსონერის” ხელმძღვანელები უკმაყოფილონი არიან იმით, რომ დახარჯული თანხის დიდი ოდენობის მიუხედავად, “სან სიროელები” საშინაო ჩემპიონატში წარმატებით ვერ გამოდიან და მზად არიან, კიდევ ერთხელ გადახედონ გუნდის შემადგენლობას.
RAI Sport-ის ცნობით, 22 წლის პორტუგალიელი ფეხბურთელის კონტრაქტში ერთი საინტერესო პუნქტია მითითებული, რომლის მიხედვითაც, მისი ყიდვა 38 მილიონად იქნება შესაძლებელი, თუ წელს “მილანი” ოთხეულში ვერ გავა.
შეგახსენებთ, რომ სერია ა-ს რვა ტურის შემდეგ “მილანი” 12 ქულით მეათე პოზიციას იკავებს.
