თბილისის „დინამოს“ ახალგაზრდა შემტევის გიორგი პაპუნაშვილი ბრემენის „ვერდერში“ ტრანსფერი თითქმის გადაწყვეტილია. პარასკევს პაპუნაშვილი გერმანიაში გაფრინდა, სადაც ახალ კლუბში სამედიცინო შემოწმებას გაივლის, იქამდე კი Fanebi.com-ი იმ ათ ქართველ ფეხბურთელს იხსენებს, რომელსაც პირველ ან მეორე ბუნდესლიგაში უთამაშია.
1. საქართველოს ნაკრების ამჟამინდელი მთავარი მწვრთნელი კახა ცხადაძე 1993 წლიდან 1996 წლამდე ფრანკფურტის „აინტრახტის“ ფერებს იცავდა
12 ნოემბერს, “ბასაზე” გამართული ვარჯიშისას, ტრავმა მიიღო ნიკოლოზ გელაშვილმა და ეროვნულ ნაკრებს ხვალ, პოლონეთის წინააღმდეგ გასამართ შეხვედრაში ვერ დაეხმარება. მედიკოსთა დასკვნა ტრავმის ხანგრძლივობასთან დაკავშირებით მოგვიანებით გახდება ცნობილი. დღეს ჩვენი გუნდი კვლავ 16:00 “ბასაზე ივარჯიშებს, 18:00 საათზე კი, თემურ ქეცბაიას პრესკონფერენცია დაიწყება. შეგახსენებთ, რომ საქართველოსა და პოლონეთის ეროვნულ ნაკრებთა დაპირისპირება 14 ნოემბერს, 21 საათზე, “დინამო არენაზე” გაიმართება.
ეროვნული ნაკრების შემადგენლობა:
მეკარეები: გიორგი ლორია („ოფი“, საბერძნეთი), როინ
კვასხვაძე(„ოთელოსი“, კვიპროსი), ომარ მიგინეიშვილი („დინამო“,თბილისი), მაქსიმე ქვილითაია („ჩიხურა“, საჩხერე)
მცველები: გურამ კაშია („ვიტესი“, ჰოლანდია), უჩა ლობჟანიძე
(„ომონია“,კვიპროსი), აკაკი ხუბუტია („სპარტაკი“,ცხინვალი), სოლომონ
კვერკველია(„რუბინი“, რუსეთი), გია გრიგალავა („ანჟი“, რუსეთი), ლაშა
დვალი („სკონტო“,ლატვია), ლევან კაკუბავა („სამტრედია“)
ნახევარმცველები: მურთაზ დაუშვილი („კარპატი“, უკრაინა), სანდრო კობახიძე
(„ვოლინი“, უკრაინა) ჯაბა კანკავა („დნიპრო“,უკრაინა), თორნიკე
ოქრიაშვილი („გენკი“,ბელგია), ჯანო ანანიძე („სპარტაკი“,რუსეთი) მათე
ცინცაძე, გიორგი პაპუნაშვილი, გიორგი პაპავა (ყველა
„დინამო“, თბილისი), გიორგი მერებაშვილი („ოფი“, საბერძნეთი) ნიკა ძალამიძე („იაგელონია“, პოლონეთი)
თავდამსხმელები: ლევან მჭედლიძე („ემპოლი“, იტალია), გიორგი ჭანტურია („კლუჟი“, რუმინეთი)
gff.ge
ნიკოლოზ გელაშვილი კარიერას “ფლამურტარიში” გააგრძელებს. შეგახსენებთ, ეს ის ალბანური კლუბია ევროპის ლიგის გათამაშებაში ბოლნისის “სიონი” რომ დაამარცხა.
რაოდენ გასაკვირიც არ უნდა იყოს, “ზესტაფონიდან” წამოსულმა ფორვარდმა კარიერის გაგრძელება ალბანურ ჩემპიონატში გადაწყვიტა. ტრანსფერს “ფლამურტარის” ოფიცლიალური ფეისბუქ გვერდი ადასტურებს.
გელაშვილს უცხოეთში თამაშის გამოცდილება უკვე აქვს. 29 წლის თავდამსხმელს გერმანულ “ბოხუმში” და აზერბაიჯანულ “ყარაბახში” უთამაშია.
2014 წლის 18 ივნისს საფეხბურთო კლუბ ”ზესტაფონს”, რომელიც ევროპალიგის მოახლოვებული მატჩებისათვის საკუთარ ქალაქში ემზადება, კიდევ ერთი ფეხბურთელი შეემატა – 28 წლის თავდამსხმელი ნიკოლოზ გელაშვილი კარიერას იმერულ კლუბში გააგრძელებს. გამოცდილი ფორვარდი იმერული კლუბის ღირსებას მომდევნო 2 (1+1 პრინციპით) წლის განმავლობაში დაიცავს.
ორიოდე სიტყვით ფეხბურთელის შესახებ:
ნიკოლოზ გელაშვილი – თავდამსხმელი: დაბადებულია- 05.08.1985; სიმაღლე – 185 სმ, წონა – 73 კგ.
წარმატებული კარიერის მანძილზე ნიკას შემდეგ საფეხბურთო კლუბებში უასპარეზია:”კახეთი” (თელავი) – 2003 – 2004, ”ვიტ-ჯორჯია” (თბილისი) – 2005 – 2007, ”ზესტაფონი” – 2008 – 2012, ”ბოხუმი” (გერმანია) – 2012 – 2013, ”ყარაბახი” (აგდამი, აზერბაიჯანი) – 2013 – 2014.
შეგახსენებთ, რომ ნიკოლოზ გელაშვილი ზესტაფონელთა რიგებში პირველად 2008 წლის 23 იანვარს ჩაირიცხა და გუნდში 2012 წლის 30 იანვრამდე იასპარეზა. იმერელთა რიგებში გატარებული პერიოდის განმავლობაში ფეხბურთელმა კლუბთან ერთად მოიპოვა დავით ყიფიანის სახელობის თასი, ორჯერ ჩემპიონატის ბრინჯაოს მედლები, შემდეგ კი ჩემპიონის ტიტულიც (ოქროს მედლების მეორე კომპლექტის მოპოვების გზაზე მდგარ მარგველებს (2011-2012 წ.) ფორვარდი 11 ჩატარებულ შეხვედრაში 7 გატანილი გოლით შეეწია).
ნიკოლოზ გელაშვილი თავს მრავალი ინდივიდუალური მიღწევითაც იწონებს – ეროვნულ ჩემპიონატში ფეროელთა მაისურით ჩატარებულ 107 შეხვედრაში 63 გატანილი გოლი, უეფას საკლუბო ტურნირების 18 მატჩში გატანილი 10 გოლი, 2008-2009 და 2010-2011 წლების სეზონებში ეროვნული ჩემპიონატის საუკეთესო ბომბარდირის ტიტული. ახლახანს დასრულებულ სეზონში ნიკამ აზერბაიჯანის ჩემპიონის ტიტული მოიპოვა, რაც შეეხება საქართველოს ეროვნულ ნაკრებს, გუნდის მაისურით ფორვარდს 19 მატჩი აქვს ჩატარებული.
მარგველთა რიგებში დაბრუნებული ნიკოლოზ გელაშვილი საწვრთნელ პროცესს დღესვე შეუერთდება.
საფეხბურთო კლუბ ”ზესტაფონის” პრეს-სამსახური
3 ნოემბერს, აზერბაიჯანის ჩემპიონატში მეთორმეტე ტურის მატჩები გაიმართა. ნიკოლოზ გელაშვილის “ყარაბაღმა” საკუთარ მოედანზე “გაბალა” მიიღო და მეტოქე ანგარიშით 4:3 დაამარცხა.
ქართველმა ფორვარდმა მასპინძელი გუნდის გამარჯვებაში ლომის წვლილი დაიდო, მან მეტოქის კარი ორჯერ დალაშქრა, ხოლო ერთხელ კი, თანაგუნდელს საგოლე პასი გაუკეთა. გელაშვილმა თავი 26-ე და 50-ე წუთებზე გამოიჩინა, მოედნიდან კი 75-ე წუთზე გაიყვანეს.
ამრიგად, “ყარაბაღი” 27 ქულით, აზერბაიჯანის ჩემპიონატში პირველ ადგილს იკავებს და მეორე პოზიციაზე მყოფ “ნეფთჩის” ორი ქულით უსწრებს.
დიტო ჭიჭინაძე
