ბრაზილიის ნაკრების მთავარმა მწვრთნელმა კარლოს დუნგამ გუნდში პსჟ-ს კაპიტნის ტიაგო სილვას დაბრუნება არ გამორიცხა.
დუნგამ გამოცდილი ფეხბურთელი 2018 წლის მსოფლიო ჩემპიონატის შესარჩევი ეტაპის სამ მატჩზე არ გამოიძახა.
„ტიაგო ის მოთამაშეა, რომელსაც ყოველთვის ვაკვირდებით. მას გუნდში დაბრუნების შანსი აქვს“, – ციტირებს დუნგას Goal.com.
პსჟ-ს მცველმა ტიაგო სილვამ ერთ-ერთ ბოლო ინტერვიუში განაცხადა, რომ კარიერის დასრულება სწორედ პარიზულ კლუბში სურს.
„კარიერის დასრულება აქ მინდა. ეს საკითხი კლუბის ხელმძღვანელობასთან განსახილველია. ჩემს ოჯახს პარიზში ცხოვრება მოსწონს“, – ციტირებს ბრაზილიელს Goal.com.
შეგახსენებთ, რომ ტიაგო სილვა „პარი სენ-ჟერმენის“ ღირსებას 2012 წლიდან იცავს.
„პარი სენ-ჟერმენის“ ნახევარმცველი ხავიერ პასტორე „ტრუასთან“ ლიგა 1-ს დღევანდელ მატჩს გამოტოვებს.
არგენტინელს კუნთების ტკივილი აწუხებს.
აღსანიშნავია, რომ პასტორეს თითქმის ერთი თვე არ უთამაშია. თავდაპირველად მას თვალთან დაკავშირებული პრობლემა ჰქონდა.
პსჟ-ს თავდამსხმელმა ზლატან იბრაჰიმოვიჩმა შვედეთის ქალაქ მელმეს ცენტრში დიდი ეკრანის დამონტაჟებაზე 28 ათასი ევრო გამოყო, რათა გულშემატკივრებს მის ამხაჟანდელ გუნდთან ჩემპიონთა ლიგის ჯგუფური ეტაპის მეხუთე ტურის მატჩის ხილვის საშუალება ჰქონდეთ.
შეგახსენებთ, რომ „მალმე“ იბრაჰიმოვიჩის მშობლიური კლუბია, შესაბამისად, ზლატანის ყოფილ კლუბთან თამაში შვედეთში დიდ ინტერესს იწვევს.
პსჟ-ს ნახევარმცველი ანხელ დი მარია ტრავმის შემდეგ გამოჯანმრთელდა და „მალმოსთან“ ჩემპიონთა ლიგის ჯგუფური ეტაპის ხვალინდელი მატჩის განაცხადში მოხვდა.
ტრავმის გამო არგენტინელმა „ლორიანთან“ ლიგა 1-ს ბოლო შეხვედრა გამოტოვა.
სათქმელია, რომ „მალმოსთან“ ხსენებულ თამაშში პარიზულ კლუბს კვლავ დი მარიას თანამემამულეები ხავიერ პასტორე და ესეკილ ლავესი ვერ დაეხმარებიან.
“პარი სენ-ჟერმენის” ფეხბურთელები უახლოეს ორ მატჩში მოედანზე სპეციალური მაისურებით გამოვლენ, რითაც პატივს მიაგებენ 13 ნოემბერს, საფრანგეთის დედაქალაქში მომხდარი ტერორისტული აქტის შედეგად დაღუპულებს.
უეფას ჩემპიონთა ლიგის ჯგუფური ეტაპის V ტურში “მალმიოსა” და საფრანგეთის ჩემპიონატის XV ტურში “ტრუას” წინააღმდეგ გასამართ შეხვედრებში “პარი სენ-ჟერმენის” ფეხბურთელებს მაისურზე სატიტულო სპონსორის გერბის ნაცვლად გამოსახული ექნებათ წარწერა: “JE SUIS PARIS” (“მე ვარ პარიზი”).
კლუბის ხელმძღვანელობა მადლობას უხდის სპონსორებს, რომლებიც ამ გადაწყვეტილებას დათანხმდნენ.
„პსჟ“-ს მთავარი მწვრთნელი ლორან ბლანი „ლორიანთან“ საფრანგეთის ჩემპიონატის მე-14 ტურის მატჩის წინ თვლის, რომ ერთი კვირის წინ პარიზში მოხმდარი ტერაქტის მიუხედავად, გუნდები მოედანზე სათამაშოდ უნდა გამოდიოდნენ.
„სიტუაცია მძიმეა. ეს არამხოლოდ პსჟ-ს, არამედ სხვა გუნდის ფებურთელებსაც ეხებათ. ყველაზე მეტად ამ შემთხვევამ ლეგიონერებზე იმოქმედა, რადგან ისინი პარიზისგან შორს იყვნენ და ამ საშინელ კადრებს ტელევიზორში ხედავდნენ.
წინ, როგორც სხვებს, სამუშაო გველის. ცხოვრება გრძელდება, მაგრამ საუბარი, რა თქმა უნდა, ადვილია…
ვფიქრობ, მატჩების თამაში საუკეთესო გადაწყვეტილებაა. ეს ყველასთვის მძიმე იქნება, თუმცა ამ ფსიქოლოგიური პრობლემის მოგვარება აუცილებლად საჭიროა.
ჩემი გუნდის ერთ ფეხბურთელიც კი არ მოსულა და ჩემთვის არ უთქვამს, რომ ამის გამო მოედანზე გამოსვლა არ სურს“, – ციტირებს ბლანს Goal.com.
„პარი სენ-ჟერმენის“ თავდამსხმელის ზლატან იბრაჰიმოვიჩის აზრით, იტალიის სერია ა მსოფლიოს საუკეთესო ლიგაა. აქამდე ფორვარდი „იუვენტუსის“, „ინტერისა“ და „მილანის“ შემადგენლბოაში გამოდიოდა, რის შემდეგ საფრანგეთში გადაბარგდა.
„სერია ა ის ადგილია, სადაც „იუვენტუსის“ დახმარებით ცნობილი გავხდი. „აიაქსში“ მსოფლიო დონის ვარსკვლავი არ ვყოფილვარ, თუმცა „იუვეში“ ყველაფერი შეიცვალა – ტურინში გადასვლის შემდემ მთელმა მსოფლიო გამიცნო. ბარსელონაში ერთ წელს თუ არ ჩავთვლით, იტალიაში 2004 წლიდან 2012 წლამდე ვცხოვრობდი. სამ დიდ კლუბთან ერთად ტიტულები მოვიგე და საუკეთესო მოთამაშე გავხდი. ჩემთვის სერია ა მსოფლიოს უძლიერეს ლიგად რჩება“, – ციტირებს შვედეთის ნაკრების ლიდერს „Gazzetta Dello Sport“-ი.
პსჟ-ს მცველის ტიაგო სივლას აზრით, მადრიდის „რეალის“ თავდამსხმელი კრიშტიანუ რონალდუ კარიერას მის გუნდში გააგრძელებს.
„ვფიქრობ, რონალდუ პსჟ-ში გადავა. არ ვიცი, ბლანს მან კონკრეტულად რა უთხრა, რადგან მწვრთნელი ჩვენ თავის საუბრებს არ გვიზიარებს, მაგრამ მე საუკეთესოს იმედი მაქვს. სხვათა შორის, რონალდუ ფრანგულად კარგად საუბრობს. შესაძლოა, ენა მან ჩემზე უკეთესადაც კი იცოდეს. ასე რომ, პსჟ-ში გადასვლის შემთხვევაში, კრიშტიანუს ადაპტაციის პრობლემა ნაკლებად ექნება“, – ციტირებს ფეხბურთელს „Le Parisien“-ი.
მიუხედავად იმისა, რომ ჩემპიონთა ლიგის ჯგუფური ეტაპის მეოთხე ტურში მადრიდის „რეალმა“ პსჟ დაამარცხა, „ბლანკოსის“ მცველი სერხიო რამოსი თავისი გუნდის ნაჩვენები თამაშით უკმაყოფილო დარჩა.
„ჯამში, ეს ჩვენი საუკეთესო მატჩი არ ყოფილა, თუმცა პოზიტიური მომენტები გვქონდა. რაღაცები გამოსასწორებელი გვაქვს. პარიზში უკეთესად ვითამაშეთ და ქულა მივითვალეთ. დღეს უარესად ვითამაშეთ და მოვიგეთ. ფეხბურთში ასე ხდება ხოლმე, ამიტომ ყოველთვის მოგებისთვის ბრძოლაა საჭირო.
უნდა გვიხაროდეს, რომ პლეიოფში მოვხვდით, მაგრამ დაშვებული შეცდომების უყურადღებოდ დატოვება არ შეიძლება“, – ციტირებს რამოსს AS-ი.
„პარი სენ-ჟერმენის“ ნახევარმცველმა ანხელ დი მარიამ თავის ყოფილ გუნდთან, მადრიდის „რეალთან“ ჩემპიონთა ლიგის ჯგუფური ეტაპის მეოთხე ტურის მატჩი შეაჯამა, რომელიც პარიზელებმა მინიმალური სხვაობით, 0:1 დათმეს.
„სეზონის საუკეთესო თამაში ჩავატარეთ. მხოლოდ ერთი შეცდომა დავუშვით, რაც ძვირად დაგვიჯდა. დღეს „რეალზე“ ათჯერ უკეთესები ვიყავით.
ასე უნდა გავაგრძელოთ. ზოგჯერ, უბრალოდ, არ გიმართლებს. დარწმუნებული ვარ, ეს გუნდი ბევრს მიაღწევს. ჩემპიონთა ლიგა რთული და გრძელი ტურნირია“, – ციტირებს დი მარიას „Mundo Deportivo“.
მადრიდის „რეალის“ მთავარი მწვრთნელი რაფაელ ბენიტესი „პარი სენ-ჟერმენთან“ უეფას ჩემპიონთა ლიგის ჯგუფური ეტაპის მეოთხე ტურის მატჩში თავდამსხმელ ქარიმ ბენზემასა და ნახევარმცველ გარეთ ბეილის გამოყენებას ვერ შეძლებს, რის შესახებაც ესპანური „მარკა“ წერს.
ორივე ფეხბუთელს ტრავმა აქვს და პარიზულ კლუბთან მატჩის წინ ეს მოთამაშეები გამოჯანმრთელებას ვერ მოასწრებენ. ბენზემა საფრანგეთისა და სომხეთის ნაკრებთა ამხანაგურ შეხვედრაში დაშავდა, უელსელმა კი „ლევანტესთან“ მარცხენა ფეხის კუნთების ტრავმა მიიღო.
შეგახსენებთ, რომ „რეალი“ პსჟ-ს „სანტიაგო ბერნაბეუზე“ სამ ნოემბერს მიიღებს.
