ჭდე: პეპ გვარდიოლა

პეპ გვარიოლამ “მანჩესტერ სიტის” ხელმძღვანელობასთან ახალი, გაუმჯობესებული კონტრაქტი შეათანხმა, რომელიც 2021 წლამდე იქნება გაწერილი და ხელფასის წლიური ოდენობის 20 მილიონ ფუნტამდე გაზრდას ითვალისწინებს. ამ ინფორმაციას The Daily Mail ავრცელებს.

როგორც ცნობილია, ესპანელი სპეციალისტის ამჟამინდელი ხელფასი წელიწადში 17 მილიონი ფუნტით შემოისაზღვრება, კონტრაქტს კი ვადა მიმდინარე სეზონის ბოლოს ეწურება – რაც რა თქმა უნდა, “ქალაქელთა” გეგმებს ეწინააღმდეგება.

“სიტი” ამ დროისთვის პრემიერ ლიგის სატურნირო ცხრილის ერთპიროვნული ლიდერია 16 ქულით და შანსი აქვს, ჩემპიონობა აპრილის თვეში მოიპოვოს “მანჩესტერ იუნაიტედის” დამარცხებით.

შეგახსენებთ იმასაც, რომ “ბარსელონას” ექს-თავკაცის პირველი სეზონი “ქალაქელთა” მთავარი მწვრთნელის რანგში არც ისე წარმატებული გამოდგა, მაგრამ წელს ვითარება სრულად განსხვავებულია და ფეხბურთის ექსპერტები მისგან ბევრ ტიტულს ელიან.

“მანჩესტერ სიტის” მთავარმა მწვრთნელმა, პეპ გვარდიოლამ ინგლისის პრემიერ ლიგის ეგიდით, “ლესტერთან” გასამართ მატჩამდე პრესასთან ისაუბრა და გარი ნევილსაც წაკბინა (ნევილმა გვარდიოლა “ბარნლისთან” მატჩში მხოლოდ 6 სათადარიგო ფეხბურთელის ყოლის გამო გააკრიტიკა).

“საბედნიეროდ სტოუნზი თამაშს შეძლებს, სილვა – ვერა. “ლესტერთან” გასამართი მატჩის განაცხადში 18 ფეხბურთელი შევიყვანე, ასე რომ, ნევილი კმაყოფილი იქნება.

მინდოდა, აგუეროსთვის დასვენების საშუალება მიმეცა, მაგრამ ის ერთადერთი ცენტრფორვარდია, რომლის გამოყენების საშუალებაც მაქვს. გაბრიელ ჟეზუსი კი 1-2 კვირაში უნდა დაბრუნდეს.

ძალიან რთული და დატვირთული კალენდარი გვაქვს. “ლესტერთან” გასამართი მატჩიდან სამ დღეში ჩემპიონთა ლიგაზე გვიწევს თამაში, შემდეგ კი ინგლისის ლიგის თასის ფინალი გველის. ყველაფერს გავაკეთებთ, რომ ჩვენი სურვილები რეალობად ვაქციოთ,” – აცხადებს გვარდიოლა.

“მანჩესტერ სიტის” მთავარი მწვრთნელი, პეპ გვარდიოლა მიიჩნევს, რომ “ქალაქელები” დატვირთულმა სეზონმა ზედმეტად გადაღალა და თავის ფეხბურთელებს დასვენების უფლება მისცა.

“ბარნლისთან” ფრედ (1-1) დასრულებული მატჩის შემდეგ, გვარდიოლამ ბიჭებს უფლება მისცა, იქ წასულიყვნენ, სადაც მოუნდებოდათ. შვებულება 4 დღეს გასტანს და ოთხშაბათს შეწყდება. მომდევნო მატჩი კი “სიტის” შაბათს ელის.

“არამარტო ფეხბურთელებს, არამედ ყველას, შტაფის წარმომადგენლებსაც, შეუძლიათ ეს ოთხი დღე ისე გაატარონ, როგორც მოინდომებენ. “სიტის” კარები ოთხშაბათამდე დაკეტილი იქნება. თითოეულ ჩვენგანს სჭირდება დასვენება,” – აცხადებს კატალონიელი სპეციალისტი.

შეგახსენებთ, რომ გასულ წელს, დაახლოებით მსგავს მდგომარეობაში მყოფმა აგუერომ მანქანით მოძრაობისას სიჩქარეს გადაამეტა და ხესაც შეეჯახა. შედეგად, ამ უკანასკნელმა ნეკნები დაიზიანა და ორ კვირაზე მეტი გაუცდა. ასე რომ, ეს არც თუ ის უსაფრთხო გადაწყვეტილებაა პეპის მხრიდან.

“მანჩესტერ სიტის” მთავარმა მწვრთნელმა, პეპ გვარდიოლამ ინგლისური პრემიერ ლიგის რთულ კალენდარზე გააკეთა კომენტარი. შეგახსენებთ, რომ ესპანური და გერმანული ჩემპიონატებისგან განსხვავებით, ინგლისელები ფეხბურთს ახალი წლის პერიოდშიც თამაშობენ.

“ტექნიკური თვალსაზრისით თუ განვიხილავთ, ყველაფერი რიგზეა. მაგრამ ფეხბურთელებისთვის მსგავსი დატვირთვით თამაში ნამდვილი კატასტროფაა,” – აცხადებს გვარდიოლა, რომელსაც გასულ მატჩში ორი ლიდერი დაემტვრა – კევინ დე ბრუინი და გაბრიელ ჟეზუსი.

“დასასვენებლად და ძალების აღსადგენად ზოგჯერ ოთხი დღე გვეძლევა, ზოგჯერ სამი, ზოგჯერ სულაც ორი. ყველა გუნდი ერთ მდგომარეობაშია.

თუმცა, ეს ინგლისის ტრადიციაა და უნდა შევეჩვიოთ. რაც არის, არის. ასეთ რაღაცებზე მხოლოდ ჩემი აზრის გამოთქმა შემიძლია. გჯერათ, რომ ჩემი სიტყვები ჩინოვნიკებს ამის შეცვლისკენ უბიძგებს? შანსიც არ არის,” – დაამატა ესპანელმა სპეციალისტმა.