დღეს ფიფას აღმასრულებელი კომიტეტის სხდომა გაიმართა, რის შემდეგ ფიფას ხელმძღვანელობამ პრესკონფერენცია მოაწყო და ჟურნალისტების კითხვებს უპასუხა. პრესკონფერენციის მსვლელობისას ფიფას პრეზიდენტობის მოვალეობის შემსრულებელს ისა ჰაიატუს ჩასთვლიმა, რაც ვიდეოკამერების ობიექტივშიც მოხვდა.
The moment when the stand-in FIFA president Issa Hayatou falls asleep in his own press conference… The organisation is an absolute shambles!
Posted by 101 Great Goals.com on 2015 წლის 3 დეკემბერი, ხუთშაბათი
ფიფამ 2018 წელს რუსეთში გასამართი მსოფლიოს ჩემპიონატის მატჩების დაწყების დროები დაადგინა.
ტურნირის გახსნისა და ფინალური მატჩები თბილისის დროით 18:00 საათზე დაიწყება.
16 ივნისს დაგეგმილი ჯგუფური ეტაპის შეხვედრები 13:00, 16:00 19:00 და 22:00 საათზე დაიწყება. ჯგუფური რაუნდის დანარჩენი მატჩები კი 15:00, 18:00 და 21:00 საათზე აიღებს სტარტს.
გამონაკლის წარმოადგენს დასკვნითი ტურის შეხვედრები. ჯგუფური ეტაპის გადამწყვეტი ტურის, მერვედფინალური და მეოთხედფინალური რაუნდის მატჩები 17:00 და 20:00 საათზე დაიწყება.
ნახევარფინალური შეხვედრები 21:00 საათზე აიღებს სტარტს, ბრძოლა მესამე ადგილისთვის კი 17:00 საათზე.
2018 წლის მსოფლიოს ჩემპიონატის პირველი და ბოლო შეხვედრები მოსკოვში მდებარე “ლუჟნიკის” სტადიონზე ჩატარდება. ტურნირი 14 ივნისიდან 15 ივლისამდე პერიოდში გაიმართება.
ფიფას პრესსამსახურის ცნობით, მსოფლიოს ჩემპიონატზე მონაწილე გუნდების რაოდენობის შესაძლო მატებასთან (40 გუნდამდე) დაკავშირებით შესაძლოა, მუნდიალზე უეფას წარმომადგენელთა რიცხვი 14 ნაკრებამდე გაიზარდოს.
შეგახსენებთ, რომ 2014 წელს ბრაზილიაში გამართულ მსოფლიოს ჩემპიონატზე 13 ევროპული გუნდი მონაწილეობდა. 2018 წელს გასამართ მუნდიალზე ევროპიდან 14 ნაკრები მიიღებს მონაწილეობას, ვინაიდან მასპინძელ რუსეთის ეროვნულ გუნდს ავტომატურად ენიჭება ტურნირზე თამაშის უფლება.
ფიფას აღმასრულებელმა კომიტეტმა 2026 წლის მსოფლიოს ჩემპიონატიდან ტურნირზე მონაწილე გუნდების რაოდენობის გაზრდის საკითხი უკვე განიხილა, თუმცა საბოლოო გადაწყვეტილება ჯერჯერობით არ არის დამტკიცებული.
ფიფას პრეზიდენტმა იოზეფ ბლატერმა შვეიცარულ ტელეარხ RTS-თან საუბრისას განაცხადა, რომ საავადმყოფოში ყოფნის პერიოდში სიკვდილთან ახლოს იყო.
„სინამდვილეში მომღერალ ანგელოზებსა და ეშმაკს შორის ვიყავი“, – თქვა ბლატერმა.
79 წლის ბლატერი საავადმყოფოში ნოემბრის დასაწყისში გადაიყვაბნეს. მანამდე რამდენიმე კვირით ადრე არალეგალურ ფინანსურ გარიგებებში მონაწილეობის ბრალდებით შვეიცარელის წინააღმდეგ გამოძიება დაიწყო. 12 ნოემბერს ბლატერი საავადმყოფოდან გამოწერეს.
უეფას გენერალური მდივანი ჯანი ინფანტინო ფიფას პრეზიდენტად არჩევის შემთხვევაში მსოფლიო ჩემპიონატზე მონაწილე გუდნთა რაოდენობის ორმოცამდე აპირებს. ამის შესახებ ინფანტინომ „The Associated Press“-თან საუბრისას განაცხადა.
ფიფას პრეზიდენტის არჩევნები 2016 წლის 26 თებერვალს შედგება. ინფანტინოს გარდა ორგანიზაციის ხელმძღვანელობისთვის უეფას პრეზიდენტი მიშელ პლატინი, ფიფას ვიცე-პრეზიდენტი და იორდანიის პრინცი ალი ბინ ალ-ჰუსეინი, ფიფას გენერალური მდივნის ყოფილი თანაშემწე ჟერომ შამპანი, აზიური ფეხბურთს კონფედერაციის პრეზიდენტი, შეიხი სალმან ბინ ირრაჰიმ ალ-ჰალიფი, ლიბერიის ფეხბურთის ასოციაციის ხელმძღვანელი მუსა ბილიტი და ყოფილი სამხრეთ აფრიკელი პოლიტიკოსი ტოკიო სეკსვალე იბრძოლებენ.
უეფას გენერალური მდივანი ჯანი ინფანტინო ფიფას საპრეზიდენტო არჩევნებში მონაწილეობას აპირებს. ამის შესახებ ბრიტანული გამოცემა „გარდიანი“ წერს.
სათქმელია, რომ 45 წლის იტალიელის კანდიდატურას უეფას აღმასრულებელი კომიტეტი ხმარს დაუჭერს.
შეგახსენებთ, რომ ფიფას საპრეზიდენტო არჩევნები 2016 წლის 26 თებერვალს შედგება.
ფიფას ოფიციალურ ვებგვერდზე იმ 23 ფეხბურთელის სია გამოქვეყნდა, რომლებიც “ოქროს ბურთისთვის” იბრძოლებენ.
სიაში ყველაზე მეტი წარმომადგენელი “ბარსელონას” ჰყავს — ექვსი ფეხბურთელი, მადრიდის “რეალიდან” და მიუნხენის “ბაიერნიდან” კი 5-5 მოთამაშეა შეყვანილი.
დეკემბრის დასაწყისში იმ სამი მოთამაშის ვინაობა დასახელდება, რომლებიც “ოქროს ბურთის” პრეტენდენტთა საბოლოო სიაში შევლენ.
სრული სია ამგვარად გამოიყურება:
სერხიო აგუერო (არგენტინა, “მანჩესტერ სიტი”), გარეტ ბეილი (უელსი, “რეალი”), კარიმ ბენზემა (საფრანგეთი, “რეალი”), კრიშტიანუ რონალდუ (პორტუგალია, “რეალი”), კევინ დე ბრეინე (ბელგია, “მანჩესტერ სიტი”), ედენ აზარი (ბელგია, “ჩელსი”), ზლატან იბრაჰიმოვიჩი (შვედეთი, “პარი სენ-ჟერმენი”), ანდრეს ინიესტა (ესპანეთი, “ბარსელონა”), ტონი კროოსი (გერმანია, “რეალი”), რობერტ ლევანდოვსკი (პოლონეთი, “ბაიერნი”), ხავიერ მასკერანო (არგენტინა, “ბარსელონა”), ლიონელ მესი (არგენტინა, “ბარსელონა”), ტომას მიულერი (გერმანია, “ბაიერნი”), მანუელ ნოიერი (გერმანია, “ბაიერნი”), ნეიმარი (ბრაზილია, “ბარსელონა”), პოლ პოგბა (საფრანგეთი, “იუვენტუსი”), ივან რაკიტიჩი (ხორვატია, “ბარსელონა”), არიენ რობენი (ჰოლანდია, “ბაიერნი”), ხამეს როდრიგესი (კოლუმბია, “რეალი”), ალექსის სანჩესი (ჩილე, “არსენალი”), ლუის სუარესი (ურუგვაი, “ბარსელონა”), იაია ტურე (კოტ დივუარი, “მანჩესტერ სიტი”), არტურო ვიდალი (ჩილე, “ბაიერნი”).
“ოქროს ბურთის” დაჯილდოების საზეიმო ცერემონიალი შვეიცარიის ქალაქ ციურიხში, 11 იანვარს გაიმართება.
„ტოტენჰემ ჰოთსპურის“ ყოფილი მცველი რამონ ვეგა ფიფას საპრეზიდენტო არჩევნებზე თავისი კანდიდატურის წარდგენას აპირებს.
44 წლის შვეიცარიელის თქმით, მას როგორც ფეხბურთში, ასევე ფინანსურ საკითხებში, საკმარისი გამოცდილება აქვს. ფეხბურთელმა კარიერა 2004 წელს დაამთავრა, რის შემდეგაც ეკონომიკის სფეროში მუშაობა დაიწყო.
შეგახსენებთ, რომ ფიფას საპრეზიდენტო არჩევნები 2016 წლის 26 თებერვალს შედგება. აქამდე თავისი კანდიდატურა პრინცმა ალი ბინ ჰუსეინმა წარადგინა.
ლეგენდარული ბრაზილიელი ფეხბურთელის ზიკოს ფიფას საპრეზიდენტო არჩევნებში მონაწილეობა კვლავ არ გამოირიცხება.
ბოლო განცხადებების გარდა, სათქმელია, რომ ამის ალბათობას ზიკოს წარმომადგენლის სიტყვებიც ზრდის. აგენტის თქმით, მისი კლიენტი ფიფას საპრეზიდენტო არჩევნებში მონაწილეობას ნამდვილად აპირებს. ასე რომ, 62 წლის ბრაზილიელს ახლა მხოლოდ იმ ფედერაციების პოვნა მოუწევს, რომლებიც მას არჩევნებზე მხარს დაუჭერენ.
შეგახსენებთ, რომ ფიფას საპრეზიდენტო არჩევნები 2016 წლის 26 თებერვალს გაიმართება.
ევროპულმა გამოცემებმა “ოქროს ბურთის” პრეტენდენტთა გაფართოებული სია გამოაქვეყნეს. სიაში ყველაზე მეტი წარმომადგენელი მადრიდის “რეალსა” და “ბარსელონას” ჰყავთ — 7-7 ფეხბურთელი.
ოქტომბრის ბოლოს ფიფა სიას 23 კაცამდე შეამცირებს, დეკემბრის დასაწყისში კი იმ სამი მოთამაშის ვინაობა დასახელდება, რომლებიც “ოქროს ბურთის” პრეტენდენტთა საბოლოო სიაში შევლენ.
სრული სია ამგვარად გამოიყურება:
კლაუდიო ბრავო, ხავიერ მასკერანო, ანდრეს ინიესტა, ლიონელ მესი, ნეიმარი, ივან რაკიტიჩი, ლუის სუარესი (ყველა – “ბარსელონა”), ჯორჯო კიელინი, პოლ პოგბა, ალვარო მორატა (ყველა – “იუვენტუსი”), არტურო ვიდალი (“იუვენტუსი”/”ბაიერნი”, ანდრეა პირლო (“იუვენტუსი”/”ნიუ იორკ სიტი”), კარლოს ტევესი (“იუვენტუსი”/”ბოკა ხუნიორსი”), რობერტ ლევანდოვსკი, არიენ რობენი, დავიდ ალაბა, ტომას მიულერი, მანუელ ნოიერი (ყველა – “ბაიერნი”), გარეტ ბეილი, კარიმ ბენზემა, ტონი კროოსი, ლუკა მოდრიჩი, სერხიო რამოსი, ხამეს როდრიგესი, კრიშტიანუ რონალდუ (ყველა – “რეალი”), ედინსონ კავანი, ზლატან იბრაჰიმოვიჩი, ხავიერ პასტორე (ყველა – “პსჟ”), ჰარი კეინი (“ტოტენჰემი”), ჰენ მინ სონი (“ტოტენჰემი”/”ლევერკუზენი”), ვილფრიდ ბონი, იაია ტურე, სერხიო აგუერო (ყველა – “მანჩესტერ სიტი”) , ნიკოლას ოტამენდი (“ვალენსია”/”მანჩესტერ სიტი”), კევინ დე ბრეინე (“ვოლფსბურგი”/”მანჩესტერ სიტი”), დიეგო კოსტა, ვილიანი, ტიბო კურტუა, ედენ აზარი (ყველა – “ჩელსი”), უეინ რუნი, დავიდ დე ხეა (ორივე – “მანჩესტერ იუნაიტედი”), მემფის დეპაი (პსვ/”მანჩესტერ იუნაიტედი”), დავიდ ოსპინა, ალექსის სანჩესი (ორივე – “არსენალი”), ფილიპე კოუტინიო (“ლივერპული”), ანტუან გრიზმანი, ჯექსონ მარტინესი (“ატლეტიკო”), კარლოს ბაკა (“სევილია”/”მილანი”), ჯოვანი დოს სანტოსი (“ვილიარეალი”, “ლოს ანჯელეს გალაქსი”), ხოსე პაოლო გერერო (“ფლამენგო”/”კორინთიანსი”), ედუარდო ვარგასი (“ქპრ”/”ჰოფენჰაიმი”), გარი მედელი (“ინტერი”), ალექსანდრ ლაკაზეტი (“ლიონი”), ანდრეს გუარდადო (პსვ), კარლოს სანჩესი (“რივერ პლეიტი”), მასიმო ლუონგო (“სუინდონ თაუნი”), სინძი ოკაძაკი (“მაინცი”/”ლესტერი”), ანდრე აიუ (“მარსელი”/”სუონსი”), კრისტიან ატსუ (“ევერტონი”/”ბორნმუთი”).
“ოქროს ბურთის” დაჯილდოების საზეიმო ცერემონიალი შვეიცარიის ქალაქ ციურიხში, 11 იანვარს გაიმართება.
შვეიცარიის გენერალურმა პროკურატურამ ფიფას პრეზიდენტის იოზეფ ბლატერის წინააღმდეგ სისხლისსამართის საქმე გახსნა. როგორც ცნობილია, ბლატერს, სავარაუდოდ, ქონების უკანონო მითვისებაში დასდებენ ბრალს.
შვეიცარელები ეჭვობენ, რომ 2005 წელს კარიბის ფეხბურთის კავშირთან კონტრაქტი უკანონოდ გაფორმდა. ასევე, ვარაუდობენ, რომ ბლატერმა უეფას პრეზიდენტ მიშელ პლატინის ორი მილიონი შვეიცარული ფრანკი უკანონოდ გადაუხადა. სავარაუდოდ, ეს საფინანსო ოპერაცია ფიფას ხარჯზე ჩატარდა.
როგორც სააგენტო „როიტერსი“ იუწყება, პარასკევს ბლატერი ციურიხში დაკითხეს, ფიფას შტაბ-ბინა და მისი პირადი კაბინეტი კი სამართალდამცავებმა შეამოწმეს.
უეფას პრეზიდენტმა მიშელ პლატინიმ, რომელიც ფიფას პრეზიდენტობის კანდიდატია, განაცხადა, რომ არჩევნების მოგების შემთხვევაში ორგანიზაციის მუშაობაში მნიშვნელოვან ცვლილებებს შეიტანს.
„ჩვენ ფეხბურთით უნდა დავკავდეთ და არა პოლიტიკით. თუ ფიფას პრეზიდენტად ამირჩევენ, მაშინ ფეხბურთში პოლიტიკის ადგილი არ იქნება. ჩვენ მხოლოდ ფეხბურთზე ვიფიქრებთ“, – განაცხადა ფრანგმა.
შეგახსენებთ, რომ ფიფას პრეზიდენტის არჩევნები 2016 წლის 26 თებერვალს შედგება.
