ჭდე: ფლორენტინო პერესი

ფლორენტინო პერესმა ადრიანო გალიანი “რეალში” მიიწვია

Posted on by იაკობ კაპანაძე

მადრიდის “რეალის” პრეზიდენტმა, ფლორენტინო პერესმა “მილანის” ყოფილი ვიცე-პრეზიდენტი, ადრიანო გალიანი “რეალში” მიიწვია.

როგორც ცნობილი ხდება, პერესი გალიანის საკმაოდ კარგ თანამდებობას სთავაზობდა.

თუმცა, Mundo Deportivo-ს ცნობით, 72 წლის იტალიელმა “სამეფო კლუბის” ტექნიკური დირექტორის პოსტზე უარი განაცხადა. იტალიელს მიზეზები არ დაუკონკრეტებია.

შეგახსენებთ, რომ გალიანი 31 წლის მანძილზე მუშაობდა “მილანში” და სილვიო ბერლუსკონისთან ერთად განაგებდა კლუბს.

ასევე არსებობს შესაძლებლობა იმისა, რომ გალიანიმ სერია ა-ს პრეზიდენტის პოზიციაც ჩაიბაროს.

ფლორენტინო პერესმა ზიდანს თავისი გადაწყვეტილება გააცნო

Posted on by იაკობ კაპანაძე

მადრიდის “რეალის” მთავარი მწვრთნელი, ზინედინ ზიდანი გუნდთან მუშაობას მომავალ სეზონშიც გააგრძელებს. ამ ინფორმაციას გავლენიანი ესპანური გამოცემა, Marca ავრცელებს.

როგორც ცნობილი ხდება, ეს გადაწყვეტილება ფლორენტინო პერესმა ფრანგ სპეციალისტს ახლახან, საქმიანი შეხვედრის მიმდინარეობისას გააცნო.

ფრანგული ფეხბურთის ლეგენდასა და “სამეფო კლუბს” შორის არსებული ამჟამინდელი კონტრაქტი 2018 წწლის ივნისში იწურება, თუმცა ახალ კონტრაქტზე მოლაპრაკებები მხარეებს ჯერაც არ წამოუწყიათ.

Daily Mail: ზინედინ ზიდანსა და ფლორენტინო პერესს შორის უთანხმოება ჩამოვარდა

Posted on by იაკობ კაპანაძე

მადრიდის “რეალის” მთავარ მწვრთნელსა და კლუბის პრეზიდენტს შორის მცირე უთანხმოება ჩამოვარდა. საქმე “რეალის” 17 წლის ფეხბურთელს, მარტინ ედეგორს ეხება, რომელიც კლუბში პირადად ფლორენტინო პერესის მოთხოვნით გადმობარგდა.

მადრიდელთა ფრანგ სპეციალისტს ჩრდილო ამერიკულ ტურზე დანიელი ფეხბურთელის წაყვანა არ სურდა, თუმცა განსხვავებული ინტერესები გააჩნდა კლუბის პრეზიდენტს. საბოლოო ჯამში, საქმეში პერესი ჩაერია, ედეგორი კი კლუბის განაცხადში მოხვდა.

ფლორენტინო პერესს ამ ნაბიჯის გადადგმა ედეგორის კონტრაქტში არსებულმა პუნქტმა აიძულა, რომლის თანახმადაც კლუბი ვალდებულია ფეხბურთელს გარკვეული დრო მისცეს მოედანზე. ამასთანავე, ჩრდილოეთ ამერიკაში ედეგორის თამაში მისთვის ახალი კლუბის ძიებაშიც შეუწყობს ხელს “რეალს”.

ცნობისთვის გეტყვით, რომ ედეგორს ბოლო დროს გერმანულ “ჰამბურგსა” და ინგლისურ “ლივერპულს” უკავშირებენ.

მარსელო „სიტისთან“ მატჩის შემდეგ: „პერესმა გასახდელში მოგვილოცა“

Posted on by Alix

მადრიდის „რეალის“ მცველმა მარსელომ განაცხადა, რომ კლუბის პრეზიდენტმა ფლორენტინო პერესმა გასახდელში გუნდს „მანჩესტერ სიტისთან“ უგოლოდ დასრულებული მატჩის შემდეგ მიულოცა.

„აქ ფრისთვის არ ჩამოვსულვართ და მოგებას ვცდილობდით, მომენტებს ვქმნიდით. მეორე ტაიმში მეტოქეზე უკეთესები ვიყავით და რამდენიმე საგოლე მომენტიც შევქმენით. ფლორენტინო პერესმა გასახდელში მოგვილოცა და გვითხრა, რომ მხარს გვიჭერს“, – ციტირებს მარსელოს ესპანური AS-ი.

კალდერონი: “დარწმუნებული ვარ, რომ თუ “რეალი” ვერ მოიგებს, მადრიდულ კლუბს ჟოზე ჩაიბარებს”

Posted on by იაკობ კაპანაძე

რამონ კალდერონი დარწმუნებულია, რომ თუ ზინდეინ ზიდანი წლევანდელ სეზონში ვერაფრის მოგებას ვერ შესძლებს, მაშინ მას ჟოზე მოურინიო ჩაანაცვლებს, რომელსაც “მანჩესტერ იუნაიტედში” გადასვლას უწინასწარმეტყველებენ.

“თუ მოურინიო “მანჩესტერ იუნაიტედში” არ გადავა, ის “რეალის” შემდეგი მწვრთნელი გახდება. ამაში დარწმუნებული ვარ. თუ გუნდი ვერაფრის მოგებას ვერ მოახერხებს, სამწუხაროდ, კვლავ მოურინიოს ხილვა მოგვიწევს მთავარი მწვრთნელის პოსტზე. ეს ჩემი აზრია.

ის დაბრუნდება და დაბრუნდება საომარი სიტუაციებიც, არაკომფორტული პრეს კონფერენციები, ფიფა, უეფა, იუნისეფი. ეს დრო კლუბისთვის საუკეთესო ნამდვილად არ ყოფილა. ახლა, მის გარეშე, მეტი სიმშვიდეა.

ის მრავალი კონფლიქტის პროვოცირებას ახდენდა, ის იდეალური ვარიანტისგან საკმაოდ შორს იყო. პრეზიდენტმა მისი დაყოლიება არაერთხელ სცადა. თუ ზიდანი ვერაფერს მოიგებს, მაშინ მისი მადრიდული კარიერა დასრულდება.” – განაცხადა კალდერონმა.

“რეალი” ბეილის დასაჩუქრებას ახალი კონტრაქტით აპირებს

Posted on by იაკობ კაპანაძე

Daily Telegraph-ის მიერ მოპოვებული ინფორმაციის თანახმად, მადრიდის “რეალი” გარეთ ბეილისთვის ახალი კონტრაქტის შეთავაზებას აპირებს, რომლის თანახმადაც ის კვირაში 300,000 ფუნტზე მეტს მიიღებს.

როგორც იცით, ბეილმა “სევილიასთან” გამართულ გუშინდელ მატჩში გოლის გატანა მოახერხა, რაც მისთვის 43-ე გოლი გამოდგა 76-ე მატჩში, რისი წყალობითაც მან გარი ლინეკერის რეკორდი დაამხო, რომელსაც “ბარსელონას” მაისურით 42 გოლი ჰქონდა გატანილი.

ახლა კი ფლორენტინო პერესი უელსელი შემტევის დასაჩუქრებას აპირებს კარგი ფორმისთვის და მიუხედავად იმისა, რომ ბეილის კონტრაქტი კიდევ 3 წლის მანძილზე არ ამოიწურება, ის მაინც აპირებს ახალი კონტრაქტის გაფორმებას.

აქვე გეტყვით იმასაც, რომ ბეილის მიმართ ინტერესი ამ ზაფხულშიც არის მოსალოდნელი. მის გადაბირებას სავარაუდოდ “პსჟ”, “ბაიერნი” და პრემიერ ლიგის რამოდენიმე კლუბი აპირებს.

Sport: რონალდუს შეძენა 60 მილიონად იქნება შესაძლებელი, “რეალს” კი კიდევ 9 ფეხბურთელი დატოვებს

Posted on by იაკობ კაპანაძე

Sport-ის მიერ მოპოვებული ინფორმაციის თანახმად, ფლორენტინო პერესი მზადაა ზაფხულში გუნდიდან 10 ფეხბურთელი გაუშვას, მათ შორის ლიდერებიც.

წყაროს ცნობით, საუბარი ეხება კრიშტიანო რონალდოსა და სერხიო რამოსსაც, რომლებმაც უკვე მოითხოვეს სატრანსფერო ფანჯარაზე გასვლა. პორტუგალიელის შეძენა კლუბებს 60 მილიონ ევროდ შეეძლებათ, რამოსის კი – 20-25 მლნ. ევროდ.

აღნიშნულ სიაში მოხვდა ხამეს როდრიგესიც, ისევე როგორც მისი უშუალო კონკურენტი – ისკო. პერესის აზრით ვერც კროოსი ვერ გამოიყურება სათანადოდ, ამიტომაც შესაძლოა ის უკან, ბუნდესლიგაში გაუშვან.

კლუბის დატოვება მოუწევს პეპესა და ალვარო არბეოლასაც, ისევე როგორც კაზემიროს, ხესესა და დანილოსაც, რომელიც გასულ ზაფხულს შეუერთდა “ბლანკოსს”.

„La Gazzetta dello Sport“: პერესი „რეალში“ ალეგრის მოწვევას აპირებს

Posted on by Alix

„La Gazzetta dello Sport“-ის ინფორმაციით, მადრიდის „რეალის“ პრეზიდენტი ფლორენტინო პერესი მიმდინარე სეზონის შემდეგ გუნდის მთავარი მწვრთნელის პოსტზე „იუვენტუსის“ თავკაცის მასიმილიანო ალეგრის მოწვევას გეგმავს. გაზეთი იუწყება, რომ პერესი „მილანის“ ვიცე-პრეზიდენტ ადრიანო გალიანისაც შეხვდა, რომელიც ალეგრისთან „როსონერიში“ თანამშრომლობდა. გალიანიმ ალეგრი დადებითად შეაფასა და „რეალს“ მისი კანდიდატურა ურჩია.

ამავდროულად, „La Gazzetta dello Sport“-ი წერს, რომ ამას „იუვენტუსის“ გენერალური დირექტორის ჯუზეპე მაროპტას გამოხმაურება მოჰყვა და მან ალეგრის ხელფასის წელიწადში 2,4 მილიონი ევროდან 4,7 მილიონ ევრომდე გაზრდა შესთავაზა.

პოჩეტინო ფლორენტინო პერესსაც მოუნდა

Posted on by იაკობ კაპანაძე

მადრიდის “რეალის” ხელმძღვანელობამ თვალი მაურისიო პოჩეტინოს დაადგა. თუმცა, ესპანეთში გავრცელებული ინფორმაციის თანახმად, პერესს “ტოტენჰემის” დირექტორთან, დანიელ ლევისთან მოლაპარაკებების გამართვის არანაირი სურვილი არ გააჩნია.

როგორც იცით, სწორედ ლევისა და პერესის საშუალებით განხორციელდა ბეილის ტრანსფერი სარეკორდო თანხად, თუმცა უელსელი ფეხბურთელი ბოლო დროს გაცემული ავანსების გამართლებას ვერ ახერხებს.

აქვე გეტყვით იმასაც, რომ მადრიდში მუშაობას კიდევ ერთ დიდ სპეციალისტს – იოაჰიმ ლიოვს უწინასწარმეტყველებენ, რომლის მომავალიც დიდი ალბათობით ევრო-2016-ის შემდგომ გადაწყდება.

მადრიდელი ფანები: “ფლორენტინო წადი!”

Posted on by იაკობ კაპანაძე

როგორც იცით, დღეს “სანტიაგო ბერნაბეუზე” მადრიდის “რეალმა” კიდევ ერთი მარცხი იგემა, ამჯერად – “ატლეტიკოსთან”. ამ დამარცხებამ ზიდანის კლუბს ლა ლიგის მოგების თეორიული გზაც კი არ დაუტოვა.

ბუნებრივია, რომ მადრიდელი მომთხოვნი ელიტა ამ ფაქტმა ძალზედ განარისხა. კლუბის ფანები კლუბის პრეზიდენტის, ფლორენტინო პერესის წასვლას ითხოვენ:

მადრიდის “რეალი” კვლავ დე ხეას დაუბრუნდა

Posted on by იაკობ კაპანაძე

თუკი ესპანურ “As”-ს დავუჯერებთ, მადრიდის “რეალის” ხელმძღვანელობა კვლავ ცდილობს დე ხეას გადაბირებას, რომელიც ამჟამად “მანჩესტერ იუნაიტედის” რიგებში ირიცხება.

შეგახსენებთ, რომ ესპანელმა მეკარემ “წითელ ეშმაკებთან” კონტრაქტი 2019 წლამდე გაახანგრძლივა, თუმცა ფლორენტინო პერესი უკან დახევას მაინც არ აპირებს.

ესპანური მედიის ცნობით, პერესი დარწმუნებულია, რომ დე ხეას კვლავ სურს “ბლანკოსის” რიგებში მოხვედრა. სწორედ ამიტომაც, ის ზაფხულის სატრანსფერო ფანჯარაზე მადრიდული გრანდის მთავარი სამიზნე იქნება.

პერესი: „რეალი“ იანვარში ტრანსფერებს არ გეგმავს“

Posted on by Alix

მადრიდის „რეალის“ პრეზიდენტის ფლორენტინო პერესის თქმით, ფიფა-ს მხრიდან სატრანსფერო სანქციების მიუხედავად, მისი კლუბი იანვარში ახალი ფეხბურთელების არ გეგმავს.

„ფიფა-ს სანქციები სერიოზული საკითხია. სასაცილოა იმის ფიქრი, რომ „რეალი“ არასწულწლოვანი ფეხბურთელების მიმართ სატრანსფერო დარღვევისთვის დაზარალდება, რადგან ჩვენი კლუბი ახალგაზრდებს ყოველთვის ეხმარებოდა. ჩვენს სიმართლეში დარწმუნებულები ვართ და რეპუტაციას დავიცავთ.

იანვარში ტრანსფერებს არ ვაპირებთ, რადგან ჩვენს შემადგენლობაში საუკეთესო მწვრთნელი და ფეხბურთელები გვყავს“, – ციტირებს პერესს „France Football“-ი.