ჭდე: ფულემი

“ფულემმა” ფელიქს მაგათი დაითხოვა

Posted on by ბექა დოგრაშვილი

ინგლისური “ფულემის” ხელმძღვანელობამ კლუბის მთავარი მწვრთნელის პოსტიდან ფელიქს მაგათი გაათავისუფლა.

ფეხბურთის გერმანელმა სპეციალისტმა ლონდონური კლუბი გასული სეზონის მეორე ნახევარში ჩაიბარა, თუმცა გუნდი პრემიერლიგიდან გავარდნისგან ვერ იხსნა. მაგათის მიერ დამოძღვრილმა “ფულემმა” ჩემპიონშიფიც წარუმატებლად დაიწყო — 7 მატჩიდან 6 მარცხით დაასრულა, 1 შეხვედრაში კი ფრეს მიაღწია. გუნდი ჩემპიონატის სატურნირო ცხრილში ბოლო ადგილზეა.

“ფულემს” დროებით კიტ საიმონსი უთავკაცებს, რომელიც მანამდე კლუბის 21 წლამდელთა შემადგენლობას ხელმძღვანელობდა.

 

რიჩარდსონი ასტონ ვილაში გადადის

Posted on by Levan

ინგლისური პრესის ცნობით 29 წლის კირან რიჩარდსონი “ასტონ ვილაში” სამედიცინო შემოწმებას გადის. უახლოეს მომავალში ფეხბურთელი სრულფასოვან კონტრაქტს გააფორმებს.

შეგახსენებთ, რომ “მანჩესტერ იუნაიტედის” აღზრდილი ფეხბურთელი 2012 წლისდან “ფულემის” ღირსებას იცავს. გასულ სეზონში ნომინალური ნახევარმცველი ხშირად მარცხენა მცველის ამპლუაში ევლინებოდა ფეხბურთის გულშემატკივარს.

გავარდნის საფრთხის წინაშე მყოფი რვა გუნდი

Posted on by Levan

მიმდინარე საფეხურთო სეზონი დასასრულს უახლოვდება. გულშემატკივართა ყურადღბის დიდი ნაწილი საჩემპიონო ბატალიებისადმი არის მიმართული. თუმცა, ამავე დროს სხვადასხვა ლიგებში არანაკლებ დაძაბულად და საინტერესოდ მიმდინარეობს ბრძოლა დივიზიონებში ადგილის შესანარჩუნებლად. ხშირად ისე ხდება, რომ ელიტარულ დივიზიონებს საკმაოდ ცნობილი და მდიდარი ისტორიის მქონდე გუნდები ემშვიდობებიან. გაგაცნობთ, იმ რვა გუნდის ვინაობას, რომლებსაც ეს არც თუ ისე სასიამოვნო პერსპექტივა ელით.

 

ფულემი

2001 წელს ინგლისურ პრმიერლიგაში აღზევების შემდეგ კლუბს ელიტარული ინგლისური დივიზიონი არ დაუტოვებია. ოთხი წლის წინ კი, “ფულემმა” ევროპა ლიგის ფინალშიც კი ითამაშა. მაგათის გუნდი ამჟამად ბოლოსწინა პოზიციაზე, თუმცა დარჩენილი ორი შეხვედრის მოგების შემთხვევაში ლონდონელებს გადარჩენის შანსი აქვთ.

 

ჰამბურგი

გერმანიის ერთ-ერთი ყველაზე ტრადიციული კლუბი, რომელიც ბუნდესლიგიდან ჯერ არ გავარნილა. თუმცა, ჰამბურგელებმა მიმდინარე სეზონი ჩააგდეს და დიდი ალბათობით პლეი-აუტის თამაში მოუწევთ.

 

ბეტისი

ესპანური პრიმერა მომავალ სეზონში “ბეტისის” გარეშე დარჩა. სევილიელბმა სეგუნდაში “საგზური” ჩემპიონატის დასრულებამდე 3 ტურით ადრე გაიფორმეს. გასულ წელს “ბეტისმა” ჩმპიონატი მე-7 პოზიციაზე ჩაამთავრა და ევროტურნირების საგზურიც მოიპოვა. თუმცა, წლევანდელი სეზონის საკმაოდ წარუმატებელი აღმოჩნდა.

 

ბოლონია

საფრხე იტალიის თასის 7-გზის მფლობელს “ბოლონიასაც” ემუქება. 35-ე ტურის შემდეგ ბოლონიელებს 28 ქულა აქვთ და მე-17 პოზიციაზე იმყოფებიან.

 

ანჟი

რამდენიმე წლის წინ რუსულ გუნდში ძალიან დიდი ინვესტიცია ჩაიდო და მრავალი ვარსკვლავიც იქნა მიწვეული. თუმცა, ეს პროექტი განწირული აღმოჩნდა. “ანჟი” მომდევნო სეზონს რუსეთის პირველ ლიგაში გაატარებს.

 

ჰართსი

შოტლანდიურ “ჰართსს” ლიგის მესამე გრანდად ჩამოყალიბების ამბიცია ჰქონდა. თუმცა, მიმდინარე სეზონის დაწყებამდე კლუბი გაკოტრდა და სეზონიც -15 ქულით დაიწყო, რაც საკმაოდ მძიმე დარტყმა იყო. “ჰართსი” შოტლანდიურ პრემიერლიგას დაემშვიდობა.

 

პასუშ დე ფერეირა

პორტუგალიერმა კლუბმა შარშანდელ სეზონში ჩემპიონატში მესამე ადგილი დაიკავა და ჩემპიონთა ლიგის საკვალიფიკაციო ტურნირზეც ითამაშა. თუმცა, სეზონის დასრულებამდე 2 ტურით ადრე გუნდი ბოლოსწინა ადგილზეა და გადარჩენის მცირე შანსი აქვს.

 

ლოზანა

შვეიცარიის მრავალგზის ჩემპიონი “ლოზანა” უმაღლეს ლიგას ოფიციალურად დაემშვიდობა. თანაც, ეს გადარჩენისთვის განსაკუთრებული ბრძოლის გარეშე გააკეთა.

 

მაგათი: პრემიერლიგიდან გავარდნის მეშინია

Posted on by Levan

“ფულემის” მთავარმა მწვრთნელმა ფელიქს მაგათმა განაცხადა, რომ პრემიერლიგიდან ადგილის შენარჩუნება მისთვის ძალიან მნიშვნელოვანი იქნება.

“პირადად ჩემთვის “ფულემთან” ერთად პრემიერლიგაში ადგილის შენარჩუნება დიდი მიღწევა იქნება. ჩემი გაწვრთნილი გუნდი უმაღლესი ლიგიდან არასდროს არ გავარდნილა და გულახდილად რომ გითხრათ, ასეთი სიტუაცია მაშინებს.

ვფიქრობ, უკანასკნელ ტურებში ორი გამარჯვების მოპოვება საკმარისი იქნება. უახლოეს მატჩში სამი ქულა აუცილებლად გვესაჭიროება” – განაცხადა მაგათმა.

მაგათი: “კარიერაში ყველაზე რთული დავალება მივიღე”

Posted on by Levan

მწვრთნელი, რომელსასც ბუნდესლიგა სამჯერ აქვს მოგებული ლონდონის “ფულემის” გადარჩენას ცდილობს.

“ახლა კარიერაში ყველაზე რთული დავალება მივიღე. თუმცა, გუნდი ვითარდება და იმედი მაქვს, რომ პრემიერლიგაში ადგილს შევინარჩნებთ. ბოლო ტურებში საკმაოდ კარგი კალენდარი გვაქვს” – განაცხადა მაგათმა.

ინგლისის ჩემპიონატის დასრულებამდე 10 ტურით ადრე, ფულემი სატურნირო ცხრილში ბოლო პოზიციაზეა.

ოფიციალურად: „ფულემის“ თავკაცად ფელიქს მაგათი დაინიშნა

Posted on by ბექა დოგრაშვილი

ცნობილი გერმანელი სპეციალისტი ფელიქს მაგათი ლონდონის „ფულემის“ მთავარი მწვრთნელის პოსტზე დაინიშნა. ამ თანამდებობაზე მან ჰოლანდიელი რენე მიოლენსტენი შეცვალა.

მხარეებს შორის 18-თვიანი კონტრაქტი გაფორმდა.

კარიერის განმავლობაში მაგათს ისეთ კლუბებში უმუშავია, როგორებიცაა მიუნხენის „ბაიერნი“, ბრემენის „ვერდერი“, „ჰამბურგი“ და „ვოლფსბურგი“. სამჯერ გახდა გერმანიის ჩემპიონი, ორჯერ მოიგო გერმანიის თასი. საინტერესოა, რომ მაგათი ინგლისის პრემიერლიგის არსებობის ისტორიაში პირველი გერმანელი მწვრთნელი გახლავთ.

შეგახსენებთ, რომ „ფულემს“ ინგლისის პრემიერლიგის სატურნირო ცხრილის ბოლო ადგილი აქვს დაკავებული. 27-ე ტურში ლონდონური კლუბი „ვესტ ბრომვიჩ ალბიონს“ ესტუმრება.

ბექა დოგრაშვილი

რაგბის წესებით წაქცეული მსაჯი

Posted on by Dato

პრემიერ ლიგის 26-ე ტურში ერთმანეთს ,,ფულემი” და ,,ლივერპული” დაუპირისპირდნენ (2-3). აღნიშნულ შეხვედრაში ძალიან სახალისო ფაქტი მოხდა, კერძოდ ,,ლივერპულის” მცველმა კოლო ტურემ მსაჯი ძალიან ცუდად წააქცია:

„ლივერპულმა“ „ფულემი“ დაძაბულ ბრძოლაში დაამარცხა

Posted on by ბექა დოგრაშვილი

ინგლისის პრემიერლიგის 26-ე ტურში „ფულემსა“ და „ლივერპულს“ შორის გამართული მატჩი დრამატულად წარიმართა და მერსისაიდული გუნდის გამარჯვებით, ანგარიშით 3:2 დასრულდა.

ანგარიში მე-8 წუთზე გაიხსნა, როდესაც „წითლების“ მცველმა კოლო ტურემ ბურთი საკუთარ კარში ჩაჭრა. 41-ე წუთზე სტუმრებმა წონასწორობა აღადგინეს: სტივენ ჯერარდმა მოედნის ცენტრიდან გენიალური პასი გაუკეთა დანიელ სტარიჯს, რომელიც მეკარესთან პირისპირ დარჩა და ანგარიშიც გაათანაბრა. მატჩის 63-ე წუთზე მასპინძლები კვლავ დაწინაურდნენ. მარტინ შკრტელისა და ჯონ ფლანაგანის შეუთანხმებელი თამაშით კირან რიჩარდსონმა ისარგებლა და ლონდონელები დააწინაურა. 72-ე წუთზე „ლივერპულის“ ბრაზილიელმა ნახევარმცველმა ფილიპე კოუტინიომ ანგარიში კვლავ გაათანაბრა. კომპენსირებულ დროში კი ჯერარდმა თერთმეტმეტრიანი დარტყმა ზუსტად გამოიყენა და საბოლოო ანგარიში დააფიქსირა — 3:2.

მეოთხეადგილოსანმა „ლივერპულმა“ 53 ქულას მოუყარა თავი, ბოლოადგილოსან „ფულემს“ კი 20 ქულა დარჩა.

ინგლისის პრემიერლიგა
26-ე ტური
„ფულემი“—„ლივერპული“ 2:3 (1:1)

გოლები: ტურე 8′ (ა.გ.), რიჩარდსონი 63′ — სტარიჯი 41′, კოუტინიო 72′, ჯერარდი 90+1′ (პენ).
გაფრთხილებები: კვისტი 9′, რიტერი 50′, რიჩარდსონი 64′, ჰეიტინგა 90+1′ —კოუტინიო 56′, ჰენდერსონი 77′, ჯერარდი 90+2′.

მოიესი: „გამარჯვებას ვიმსახურებდით, მაგრამ…“

Posted on by ბექა დოგრაშვილი

„მანჩესტერ იუნაიტედმა“ ვერც ინგლისის პრემიერლიგის 25-ე ტურში, „ფულემთან“ გამართულ საშინაო მატჩში ვერ მოახერხა გამარჯვების მოპოვება. შეხვედრა ფრედ, ანგარიშით 2:2 დასრულდა. მე-19 წუთზე ანგარიში სტუმართა ნახევარმცველმა სტივ სიდუელმა გახსნა. მასპინძლებმა ანგარიშის გათანაბრება მხოლოდ 78-ე წუთზე მოახერხეს, გატანილი გოლით თავი რობინ ვან პერსიმ გამოიჩინა. ორ წუთში მაიკლ კერიკმა „წითელი ეშმაკები“ სულაც წინ გაიყვანა, მაგრამ მატჩის კომპენსირებულ დროში დარენ ბენტმა მაინც მოახერხა ლონდონელებისთვის ქულის გადარჩენა. ამრიგად, „იუნაიტედმა“ შინ ვერც გათამაშების ბოლოადგილოსანს ვერ მოუგო.

მატჩის შემდეგ „წითელი ეშმაკების“ თავკაცმა დევიდ მოიესმა განაცხადა, რომ მისი გუნდი გამარჯვებას იმსახურებდა.

„უნდა გაგვემარჯვა, მაგრამ რამდენიმე შეცდომის გამო სასურველ შედეგს ვერ მივაღწიეთ. მთელი მატჩის განმავლობაში დაცვითი ფუნქციების შესრულება მხოლოდ სამჯერ თუ ოთხჯერ მოგვიწია. ასეთებიც ხდება ხოლმე.

ჩემმა გუნდმა მოსაგებად ყველაფერი გააკეთა, მაგრამ ბოლო მომენტში გადამწყვეტი დარტყმა გვაკლდა. ჩვენ დავიმსახურეთ მოგება, დავიმსახურეთ სამი ქულა“, – ციტირებს მოიესის სიტყვებს „სქაი სპორტსი“.

ცნობისთვის, „მანჩესტერ იუნაიტედს“ 41 ქულით სატურნირო ცხრილის მე-7 პოზიცია აქვს დაკავებული. „ფულემმა“ კი ჰაერივით საჭირო ქულა მოიპოვა, თუმცა 20 ქულით კვლავ ბოლო ადგილზე დარჩა.

აქვე გთავაზობთ მატჩის ვიდეომიმოხილვას.

 

ბექა დოგრაშვილი

ოფიციალურად: ჰოლტბი “ფულჰემში” არენდით გადავიდა

Posted on by giorgi

ოფიციალურად დადასტურდა, რომ “ტოტენჰემის” ნახევარმცველი ჰოლტბი “ფულემში” არენდით გადავიდა.

ფეხბურთელი ახალ გუნდშისეზონის ბოლომდე ითამაშებს,იგი მოედანზე 10 ნომრიანი მაისურით იასპარეზებს.

მიმდინარე სეზონში ჰოლტბიმ “ტოტენჰემის” შემადგენლობაში 13 შეხვედრაში მიიღო მონაწილეობა და ერთი გოლის გატანა მოახერხა.

„ფულემმა“ მარტინ იოლი გაათავისუფლა

Posted on by ბექა დოგრაშვილი

„ფულემის“ ხელმძღვანელობამ კლუბის მთავარი მწვრთნელის პოსტიდან მარტინ იოლი გაათავისუფლა.

აღნიშნული გადაწყვეტილება ინგლისის პრემიერლიგის XIII ტურში „ვესტ ჰემსა“ და „ფულემს“ შორის გამართული მატჩის (3:0) შემდეგ მიიღეს.

კლუბის მფლობელ შაჰიდ ხანის სიტყვები „ფულემის“ ოფიციალურ ვებ-გვერდზე გამოქყვეყნდა:

„დღეს მარტინს ვესაუბრე და კლუბში გაწეული სამწლიანი მუშაობისთვის მადლობა გადავუხადე.
ეჭვი არავის ეპარება იმაში, რომ ის შესანიშნავი მწვრთნელია და ჩემგანაც დიდ პატივისცემას იმსახურებს ერთგულებისთვის, თუმცა ისიც უდაოა, რომ ჩვენს გუნდს მიმდინარე სეზონში ცუდი შედეგები აქვს. „ფულემის“ ქომაგები მეტს იმსახურებენ. სეზონის ნახევარზე მეტი წინაა და სწრაფი ცვლილებები აუცილებელი იყო“.

იოლი „ფულემის“ თავკაცის პოსტზე 2011 წლიდან მუშაობდა. გუნდმა გასული სეზონი მე-12 პოზიციაზე დაამთავრა.

„ფულემს“ ამჟამად პრემიერლიგის სატურნირო ცხრილის მე-18 ადგილი აქვს დაკავებული.

გუნდის თავკაცის მოვალებას რენე მიოლენსტენი შეასრულებს.

ბექა დოგრაშვილი