დღეს პეპ გვარდიოლას “მანჩესტერ სიტი” პრემიერ ლიგის მე-15 ტურში “ვესტ ჰემ იუნაიტედს” დაუპირისპირდება.
მატჩის წინ “ქალაქელთა” მთავარმა მწვრთნელმა ჟურნალისტებთან ისაუბრა.
“როცა უგებ “ლივერპულს” საკუთარ მოედნაზე, შემდეგ “ჩელსის” “სტემფორდ ბრიჯზე”, “ნაპოლის”, “შახტარს”, ეს ყველაფერი თავდაჯერებულობას განიჭებს. ეს ისაა, რასაც ვერ შეიძენ და, რომელიც თავისით მოდის. ჩახლა უფრო გვაქვს ჩვენი თავის იმედი. ახლა ვგრძნობთ, რომ სადაც არ უნდა წავიდეთ, როცა არ უნდა ვითამაშოთ და ვისაც არ უნდა დავუპირისპირდეთ, ნებისმიერ მატჩს მოვიგებთ.”
“ტიტულისთვის ბრძოლას ვაგრძელებთ. ზედიზედ 19 თამაშში ვიმარჯვეთ. ეს მარტივი საქმე ნამდვილად არაა. თუმცა, როცა მიზანს ისახავ, რესურსებს მოიზიდავ და გულით აკეთებ რაღაცას, ის აუცილებლად გამოგდის. ასეთი რეკორდის დამხობა, რა თქმა უნდა, ტიტულის ტოლფასი არაა, თუმცა ძალიან მნიშვნელოვნია,” – აცხადებს ესპანელი.
