ჭდე: რაიან გიგზი

სამშაბათს რაიან გიგზმა მოთამაშის სტატუსით შესაძლოა უკანაკსნელი მატჩი ჩაატარა. ერთად გავიხსენოთ გიგზის 10 ყველაზე დასამსახსოვრებელი მომენტი მანჩესტერული კარიერიდან. 

 

 

 

 

 

პირველი კონტრაქტი იუნაიტედთან (1987)

პატარა რაიან გიგზი სკოლის გუნდში კარგი თამაშით გამოირჩეოდა და “მანჩესტერ სიტის” აკადემიაშიც კი იყო სინჯებზე მიწვეული. 14 წლის ასაკში ფეხბურთელი ახალგაზრდა მწვრთნელმა, ალექს ფერგიუსონმა შეამჩნია და სწორედ მისი დამსახურებით გიგზმა “იუნაიტედთან” პირველი ახალგაზრდული კონტრაქტი გააფორმა. 3 წლის შემდეგ კი – პროფესიონალურიც.

 

დებიუტი ევერტონთან შეხვედრაში (1991)

“მანჩესტერ იუნაიტედის” შემადგენლობაში გიგზის დებიუტი 17 წლის ასაკში “ევერტონთან” მატჩში შედგა. ახალგაზრდა უელსელმა დენის ირვინი შევალა. ის მატჩში “ეშმაკება” 2:0 მოიგეს. გიგზი განსაკუთრებული აქტიურობით არ გამოირჩეოდა.

 

პირველი სტარტი და პირველი გოლი (4 მაისი, 1991)

1991 წლის 4 მაისს ალექს ფერგიუსონმა გიგზი პირველად დააყენა ძირითად შემადგენლობაში. “მანჩესტერ სიტისთან” უმნიშვნელოვანეს დერბიში ახალგაზრდა მოთამაშემ მწვრნელს ნდობა გაუმართლა და გამაჯრვების გოლიც გაიტანა.

 

 

პირველი ტიტული – ლიგის თასი (2 აპრილი, 1992)

რაიან გიგზმა მანჩესტერთან ერთად 35 ტიტულის მოპოვება შესძლო, რაც უნიკალური მაჩვენებელია. ყველაფერი ინგლისის ლიგის თასის მოგებით დაიწყო. ფინალურ მატჩში “მანჩესტერმა” “ნოთინგემ ფორესტს” აჯობა. რაიანმა იმ შეხვედრაში ბრაიან მაკკლეირს გაუწია ასისტენტობა. იმავე წელს გიგზმა დევიდ ბექჰემთან და ჰარი ნევილთან ერთად “იუნაიტედის” შემადგენლობაში ინგლისის ახალგაზრდული თასის მოგებაც შესძლო.

 

პირველი ჩემპიონობა (1992/93)

1992/93 წლების სეზონში გიგზი პერსპექტიული ახალგაზრდა მოთამაშიდან “მანჩესტერის” ერთ-ერთ წამყვან ფიგურად ყალიბდება. შესანიშნავი სლალომის შემდეგ “ტოტენჰემის” კარში მის მიერ გატანილი გოლი დღემდე არ კარგავს აქტუალურობას. აღნიშნული სეზონი მანჩესტერელებისთვის საჩემპიონო იყო. საერთო ჯამში კი, გიგზს ინგლისის ჩემპიონატი 13-ჯერ აქვს მოგებული.

 

მანჩესტერის საუკეთესო მოთამაშე (1998)

დრო მიდიოდა, გიგზი “მანჩესტერის” ლიდერი ხდებოდა და ტიტულების კოლექციაც იზრდებოდა. “ეშმაკების” ფანები ყოველთვის აფასებდნენ რაიანს და მის თავდადებას. თუმცა, ნომერ პირველი ვარსკვლავი გიგზი მანჩესტერში არ იყო. ყოველთვის იყო ისეთი მოთამაშე, რომელიც უფრო სანახაობრივად თამაშობდა, უფრო შედეგიანი იყო. ამიტომ, გულშემატკივართა პრიზის აღება გიგზისთვის ძალიან მნიშვნელოვანი მოვლენა გახლდათ. ფანებმა უელსელი საუკეთესოდ 1998 წელს დაასახელეს.

 

მანჩესტერის ოქროს ჰეთ-თრიკი (1999)

“იუნაიტედის” შესანიშნავი სეზონი, ფაქტობრივად საუკეთესოა ფერგიუსონის ეპოქაში. პარტნიორებთან ერთად გიგზმა სამი ტიტულის მოპოვება მოახერხა – ჩემპიონთა ლიგა, პრემიერლიგა და ინგლისის თასი. გიგზმა უშუალო მონაწილეობა მიიღო “ბაიერნთან” გამართულ ჩემპიონთა ლიგის დრამატულ ფინალში. ინგლისის თასის ნახევარფინალურ მატჩში კი, “არსენალის” კარში ულამაზესი გოლის გატანა მაოხერხა.

 

რეკორდი ჩატარებული მატჩების რაოდენობით (2008)

2008 წლის გაზაფხულზე “უიგანთან” გამართული შეხვედრა გიგზისთვის ფანტასტიკურად სამი მიზეზის გამო იქცა. პირველ რიგში მან ბობი ჩარლტონის მიღწევა გაიმეორა და “მანჩესტერის” შემადგენლობაში 758-ე შეხვედრა ჩაატარა. გარდა ამისა რაიანმა “უიგანს” გოლი გაუტანა, რომელიც ჩემპიონობის მომტანი აჩმოჩნდა. ზუსტად ერთ კვირაში გიგზი ჩატარებული მატჩების მიხედვით მანჩესტერული კლუბის ერთპიროვნულ რეკორდსმენად იქცა.

 

ინგლისის წლის მოთამაშე (26 აპრილი, 2009)

პირადი ჯილდოები გიგზის კარიერაში ბევრი არ ყოფილა. რაიანი არასდროს არ ყოფილა სუპერვარსკვლავი, თუმცა ის მაინც გახდა ლეგენდარული ფეხბურთელი. 1991-93 წლებში უელსელი ინგლისი ფეხბურთის ასოციაციამ ორჯერ აღიარა საუკეთესო ახალგაზრდა მოთამაშედ. 16 წლის შემდეგ კი, ნახევარმცველი ინგლისის საუკეთესო ფეხბურთელად აღიარეს. 2009-ში გიგზმა ჩემპიონატი და თასი მოიგო.

 

მწვრთნელმა გიგზმა მოედანზე მოთამაშე გიგზი შეუშვა (6 მაისი, 2014)

“ჰალ სიტისთან” მოგებული შეხვედრა “მანჩესტერისთვის” ჩაგდებულ სეზონში უკანასკნელი საშინაო მატჩი იყო. ეს შეხვედრა გიგზმა მთავარი მწვრთნელის რანგში დაიწყო, თუმცა 70-ე წუთზე მოედანზე შესვლის გადაწყვეტილება მიიღო.

მატჩის შემდეგ გიგზმა გულშემატკივრებს წარუმატებელი ასპარეზობის გამო ბოდიში მოუხადა, ნემანია ვიდიჩს გზა დაულოცა და საუკეთესო სურვილებით დაემშვიბოდა “ოლდ ტრაფორზე” შეკრებილ პუბლიკას.

ჯერჯერობით არავინ იცის, რა მოხდება მომდევნო სეზონში. იქნება თუ არა გიგზი “მანჩესტერში” მოთამაშის, მწვრთნელის ან რომელიმე სხვა სტატუსით. თუმცა ფაქტია, რომ მისი მანჩესტერული გზა არ უდნა დასრულდეს. ეს ხომ ლეგენდის გზა არის…

რაიან გიგზმა თავისი პატივისცემა გამოხატა ლუი ვან გაალის მისამართით და ასევე ისაუბრა იმაზე, თუ როგორ ართმევს თავს ახალ მოვალეობას.

“ვან გაალს ფანტასტიური რეპუტაცია აქვს და ის, როგორც მწვრთნელი დიდი წარმატებებს აღწევდა სხვადასხვა ქვეყნებში. მან ჰოლანდიის ნაკრები მსოფლიო ჩემპიონატზე გაიყვანა, ასე რომ დიახ, მას შესანიშნავი მემკვიდრეობა აქვს”

“ახლა მხოლოდ გუნდის მართვაზე ვარ კონცენტრირებული, თუმცა ძალიან რთულია. ერთადერთი ადგილი, სადაც სიმშვიდითა და სიწყნარით დატკბები, სავარჯიშო მოედანია. როცა ოფისში ბრუნდები იწყება გაუთავებელი ზარები და შეხვედრები.”

“მაგალითად, ამ კვირაში წინასასეზონო მომზადებს განვიხილავდით. ეს იმაზეა დამოკიდებული, თუ როგორ წარიმართება სეზონი. თუ ევროპის ლიგაზე მოვხვდებით, ამ ტურნირის მესამე რაუნდი სწორედ ამ დროს უწევს, ამიტომაც გარკვეული გადაადგილებებია საჭირო. გარდა ამისა ახალგაზრდებთან დაკავშირებითაც ბევრია სამუშაო – ვახანგრძლივებთ და ვაფორმებთ ახალ კონტრაქტრებს, შეთანხმებას ვაღწევთ იჯარის თაობაზე, ვფიქრობთ იმის შესახებ თუ ვინ დავაბრუნოთ, ვიღაცას სურს მალე გაერკვეს თავის მომავალში. საერთოდ ეს კვირა ძალიან დატვირთული იყო” – ციტირებს გიგზის სიტყვებს The Guardian.

წყარო: მანჩესტერ იუნაიტედის ფანკლუბი საქართველოში – http://redarmy.ge/

“მანჩესტერ იუნაიტედის” მთავარი მწვრთნელის როლის შემსრულებელი აცხადებს, რომ იგი სიამოვნებას განიცდიდა “ნორვიჩთან” შეხვედრაში მისი გუნდის თამაშით.

გიგზის დებიუტი დიდებული გამოდგა: “იუნაიტედმა” როგორც იქნა აჩვენა თავისთვის ჩვეული ფეხბურთი და მოწინააღმდეგე რუნისა და მატას დუბლებით 4-0 გაანადგურა. გიგზის თქმით იგი კმაყოფილია.

“მე ამ ყველაფრით ვტკბებოდი და ნამდვილად კმაყოფილი ვარ ჩვენი თამაშით. 4-0 – რა შეიძლება იყოს უკეთესი? კარგია დღის ისე დასრულება, როგორც ეს ჩვენ მოვახერხეთ: გოლების გატანით და მომენტების შექმნით. შესვენებაზე მოთამაშეებს შევახსენე, რომ სწრაფად ემოქმედათ და კარგი რეაგირება მოახდინეს ჩემს სიტყვებზე”

“გამოგიტყდებით, დღეს ღამით არ მეძინა. ისეთი მოთამაშის სათადარიგოზე დატოვება, როგორიც ხუან მატაა ძალიან ძნელია და შესვენებაზე სწორედ ასეთ სიტუაციაში ჩავვარდი. მეც ხომ ერთ-ერთი მოთამაშეთაგანი ვარ, მათი პარტნიორი გუნდში. მე ყველას ცალკე ვესაუბრე და ზოგიერთი იმედგაცრუებული იყო ჩემი არჩევანით მაგრამ არავის სწყენია. თავადაც ნახეთ როგორ იმოქმედა ხუანმა, ის ნამდვილი პროფესიონალია.”

“მოთამაშეებმა დაუჯერებელი მონდომება გამოავლინეს და შესაძლებლობა რომ მქონოდა ორ შემადგენლობას დავაყენებდი. მე თითოეულ მათგანს ვენდობი. დღეს მე უფრო გამოცდილი გუნდი ავირჩიე, რამდენადაც მესმოდა, რომ ეს ემოციური დღე იქნებოდა და როგორც ნახეთ არ დამაღალატეს.”

“ვფიქრობ ამ სეზონში თითოეული ჩვენგანი თავის დონეზე დაბლა იდგა, კარგ თამაშს ვერ ვაჩვენებდით, მაგრამ დღეს ეს მოვახერხეთ. ჩვენ მიერ ნაჩვენები დღევანდელი თამაშის დონე “სანდერლენდთანაც” უნდა შევინარჩუნოთ” – ციტირებს გიგზს Sky Sports.

წყარო: მანჩესტერ იუნაიტედის ფანკლუბი საქართველოში – http://redarmy.ge/

გიგზმა თავის პრესკონფერენციაზე ემოციების დამალვა ვერ შეძლო. მან განაცხადა, რომ “იუნაიტედის” მწრთვნელობა მისთვის დიდი პატივია, თუმცა ისიც აღნიშნა, რომ “ნორვიჩთან” მატჩის წინ ძალიან ნერვიულობს.

“მძაფრი კვირა გვქონდა. ყველაფერი წამებში მოხდა. სამშაბათ დილას ედ ვუდვარდმა თავისთან მიხმო და მთხოვა დარჩენილ მატჩებში გუნდი გამეწრთვნა, მე ყოველგვარი დაყოვნების გარეშე განვუცხადე თანხმობა და სულ რაღაც რამდენიმე წუთში მე მთავარი მწრთვნელი გავხდი. გიჟური კვირა იყო,”-აცხადებს რაიანი.

“მინდა ვთქვა, რომ ეს ჩემი ცხოვრების ყველაზე საამაყო მომენტია. მე “იუნაიტედს” მთელი ჩემი ცხოვრებაა გვერდში ვუდგავარ და ის ჩემი ცხოვრების ყველაზე მნიშვნელოვანი ნაწილია. 14 წლის ვიყავი როცა ამ კლუბის სკოლაში მოვედი. მე ამაყი, ბედნიერი და აღელვებული ვარ. ვნერვიულობ, ძალიან ვნერვიულობ, მაგრამ ისე როგროც ფეხბურთელს, ერთი სული მაქვს როდის დადგება შაბათი.”

რაიანმა აღიარა, რომ სიახლის შემდეგ პირველი ვისაც დაურეკა ეს სერ ალექს ფერგიუსონი იყო, რადგანაც მისგან გარკვეული რჩევები მიეღო.

“მე სერ ალქესის ზედამხედველობის ქვეშ ვთამაშობდი ამდენი ხანი და ალბათ გასაკვირი არ არის, რომ პირველი ვისაც დავურეკე ეს ფერგიუსონი იყო. მე მჭირდებოდა რჩევა და მინდოდა მცოდნოდა ის, თუ რას უნდა მოველოდე. ვის დავურეკავდი უკეთესს? ან რატომ არ უნდა დამერეკა?!”

გიგზმა ასევე განაცხადა, რომ მას ერთი მარტივი მესიჯი აქვს ფეხბურთელებისთვის:

“მე ახლახანს ვუთხარი მათ, რომ ვენდობი და ვიცი რა ძალუძთ. ვუთხარი, რომ მათ ერთი მარტივი მოვალეობა აქვთ, გავიდნენ შაბათს მოედანზე და აჩვენონ ის რაც შეუძლიათ, ბოლომდე დაიხარჯნონ და გამოიყენონ მათი შესაძლებლობები და ყველაზე მნიშვნელოვანი, კიდევ ერთხელ მისცენ ფანებს ღიმილის, სიმღერის, სიამაყის მიზეზი. გააბედნიერონ ისინი, გაიტანონ გოლები, შექმნან მომენტები, გამოიყენონ სისწრაფე, ითამაშონ ენთუზიაზმით. ეს ყველაფერი კი მათ თამაშამდე ვარჯიშზე უკვე გააკეთეს და დარწმუნებული ვარ, რომ ხვალ ისინი ყველაფერს სწორედ გააკეთებენ.”

გიგზს ფეხბურთელების გაწრთვნაში ყოფილი თანაგუნდელები ფილ ნევილი, პოლ სქოულზი და ნიკი ბატი დაეხმარებიან, და ის დარწმუნებულია, რომ მათი ერთსულოვნება, მათი სიყვარული ამ კლუბისადმი დაეხმარება გუნდს სეზონის ბოლო ტურებში.

“ნიკი რეზერვებს ავარჯიშებდა. მე ვთხოვე მას, რომ მოსულიყო და დამხმარებოდა პირველი გუნდის გაწრთვნაში. ის სიხარულით დაგვთანხმდა და ძალიან ბედნიერიც იყო. მე ასევე დავურეკე სქოულზსაც, რადგანაც ვიცი, რამდენს ნიშნავს “იუნაიტედი” ამ ხალხისთვის. ისინი იმავეს გრძნობენ რასაც მე და მწამს, რომ ამ ხოტა დროში ისინი ყველაფერს გააკეთებენ იმისთვის, რომ მოიპოვონ წარმატება და ვიმედოვნებ, რომ შევძლებთ ამ იმედგამაცრუებელი სეზონის ლამაზად დაგვირგვინებას.”

გიგზი ასევე მოხარულია ფეხბურთელების რეაქციით, იმის შემდეგ რაც ვარჯიშზე რაიანი მათ როგორც მთავარი მწრთვნელი ისე მოევლინათ:

“რამდენიმე კითხვებზე მომიწია პასუხების გაცემა. კითხვებზე როგორიცაა, მაგალითად თუ რა უნდა დაეძახათ ჩემთვის. მე მოხუცის ტიტული მქონდა ფეხბურთელთა გამოსაცვლელ ოთახში. ფეხბურთელები დიდებულნი იყვნენ ვარჯიშზე და მათი რეაქციაც საოცარი იყო. მე უბრალოდ ვეცადე, რომ ყველა დამემშვიდებინა და ყველას სიამოვნებით ეკეთებინა თავისი საქმე. როგორც უკვე გითხარით, ჩვენ ვაპირებთ, რომ გვქონდეს კარგი დასასრული ამ იმედგამაცრუებელი და გამაღიზიანებელი სეზონისა,”-დაასრულა რაიანმა.

 

წყარო: მანჩესტერ იუნაიტედის ფანკლუბი საქართველოში – http://redarmy.ge/

“მანჩესტერ იუნაიტედის” დროებით მწვრთნელად რაიან გიგზი დაინიშნა. მანჩსტერული კლუბის ოფიციალური ვებ-გვერდის ცნობით, 40 წლის უელსელი გუნდს ახალი მთავარი მწვრთნელის დანიშვნამდე უხელმძღვანელებს.

აღსანიშნავია, რომ “მანჩესტერის” მწვრთნელის პოზიციაზე მთავარ პრეტენდენტებად იურგენ კლოპი, დიეგო სიმეონე, ლორან ბლანი და ლუი ვან გალი რჩებიან.