“ბარსელონასა” და ბრაზილიის ნაკრების ყოფილმა შემტევმა რონალდინიომ ჩემპიონთა ლიგის ისტორიაში 11 საუკეთესო ფეხბურთელი დაასახელა.
რონალდინიოს მიერ შედგენილი სიმბოლური გუნდი ასე გამოიყურება:
მეკარე: ჯანლუიჯი ბუფონი;
მცველები: კაფუ, ჯონ ტერი, პაოლო მალდინი, რობერტო კარლოსი;
ნახევარმცველები: კლოდ მაკელელე, ფრენკ ლამპარდი, კაკა;
თავდამსხმელები: ლიონელ მესი, ტიერი ანრი, რონალდო.
შეგახსენებთ, რომ რონალდინიო “ბარსელონას” რიგებში 2005/06 წლების სეზონში ჩემპიონთა ლიგის გამარჯვებული გახდა.
ანგოლური “კაბუსკორპის” პრეზიდენტმა ბენტო კანგამბამ განაცხადა, რომ ზაფხულის სატრანსფერო პერიოდში მის გუნდს ცნობილი ბრაზილიელი ფეხბურთელი რონალდინიო შეუერთდება, რომელიც დღესდღეობით მექსიკური “კერეტაროს” ღირსებას იცავს.
“რონალდინიოს ჩვენს გუნდში გადმოსვლა ეს უკვე ფაქტია. ჩვენ მასთან მოლაპრაკებას ვაწარმოებთ, თუმცა მან ჯერ მის ამჟამინდელ კლუბთან უნდა შეიმუშავოს კონტრაქტი, ივნისში კი ჩვენთან გადმოსვლა შეეძლება. მე რონალდინიო იმიტომ ავირჩიე, რომ მინდა, ხარისხიანი შემადგენლობა მყავდეს”, – კანგამბას სიტყვები “ლა გაძეტა დელო სპორტმა” გამოაქვეყნა.
შეგახსენებთ, რომ რამდენიმე წლის წინათ “კაბუსკორპში” რივალდო თამაშობდა.
გთავაზობთ ბრაზილიელი ვარკსლვლავის რონალდინიოს ყველაზე გამორჩეულ ორმოცდაათ გოლს.
მექსიკური „კარეტაროს“ მოთამაშემ რონალდინიომ, რომელიც გუნდის ვარჯიშებზე დეკემბერის დასაწყისიდან არ გამოჩენილმა, თავის „ინსტაგრამზე“ სურათი გამოაქვეყნა, რომელზეც ასახულია, თუ როგორ აღნიშნა მან ოჯახთან ერთად შობა.
„შობას ოჯახთან ერთად ვხვდები. ყველას გილოცავთ“, – დაწერა სამხრეთამერიკელმა ფეხბურთელმა.
ანგოლური „კაბუშკორპი“ „ბარსელონასა“ და ბრაზილიის ნაკრების ყოფილ ნახევარმცველს ერთწლიან კონტრაქტს სთავაზობს.
ორი წლის წინ „ატლეტიკო მინეიროში“ გადასულმა რონალდინიომ სექტემბერში მექსიკურ „კერეტაროსთან“ ორწლიანი ხელშეკრულება გააფორმა.
ანგოლური კლუბის პრეზიდენტის ბენტუ კანგამბას თქმით, ბრაზილიელი ვარსკვლავის მოსვლა გუნდს წარმატების მიღწევაში ხელს შეუწყობს.
„ჩვენ რონალდინიოს წარმომადგენელთან მოლაპარაკება დავიწყეთ. მასთან ერთწლიანი კონტრაქტის გაფორმება გვსურს. ასეთ ფეხბურთელთან ერთად აფრიკული ჩემპიონთა ლიგის მოგებასა და მსოფლიოს საკლუბო ჩემპიონატზე წარმატებით თამაშს შევძლებთ“, – განაცხადა კანგამბამ.
შეგახსენებთ, რომ 2012 წელს „კაბუშკორპის“ რიგებში კიდევ ერთი ცნობილი ბრაზილიელი რივალდო გამოდიოდა.
„ბარსელონას“ ყოფილმა ნახევარმცველმა რონალდინიომ ლიონელ მესის ესპანეთის ლა ლიგას სიტორიაში ყველა დროის საუკეთესო ბომბარდირობა მიულოცა.
„გილოცავ, ჩემო მეგობარო, შენ ეს დაიმსახურე. ისტორიის ნაწილად ყოფნა, ისაა, რითაც უნდა იამაყო“, – დაწერა რონალდინიომ თავისი ტვიტერის გვერდზე.
შეგახსენებთ, რომ შაბათს „სევილიასთან“ მატჩში მესიმ ჰეთთრიკი შეასრულა და 253 გოლით ესპანეთის პრიმერა დივიზიონის ყველა დროის საუკეთესო ბომბარდირი გახდა.
მექსიკის „კარეტაროში“ მოთამაშე რონალდინიო ბოლო მატჩში არც ისე სასიამოვნო ეპიზოდის მონაწილე გახდა.
მექსიკელმა დეპუტატმა კარლოს ტრევინიომ “კარეტაროში” ახალგადასულ ფეხბურთელ რონალდინიოს მისამართით უკმეხი განცხადება გააკეთა.
“ვცდილობ, ტოლერანტი ვიყო, მაგრამ ფეხბურთი მძულს, ის ხალხს ასულელებს. ფეხბურთს განსაკუთრებით იმიტომ ვერ ვიტან, რომ ხალხის ტალღა ვიღაცის გამო გამოეფინება ხოლმე ქუჩაში და ეს ადამიანები შინ ორი საათის შემდეგ ბრუნდებიან. ხალხს ერთი სურვილი ამოძრავებს — მაიმუნის ხილვა. ბრაზილიელია, მაგრამ მაინც მაიმუნია. ეს ერთვარი ცირკია”, – აღნიშნული განცხადება მექსიკელმა დეპუტატმა სოციალურ ქსელში გააკეთა.
შეგახსენებთ, რომ რონალდინიომ 5 სექტემბერს მექსიკურ “კარეტაროსთან” ორწლიანი კონტრაქტი გააფორმა.
ბრაზილიელმა ფეხბურთელმა რონალდინიო განაცხადა, რომ 2003 წელს შეეძლო, „ბარსელონას“ ნაცვლად, „მანჩესტერ იუნაიტედში“ აღმოჩენილიყო.
„თითქმის უკვე „იუნაიტედში“ ვიყავი გადასული. შესაძლებელი იყო, 48 საათში ყველაფერი გადაწყვეტილიყო, თუმცა სანამ „წითელი ეშმაკებისგან“ წინადადებას მივიღებდი, მანამდე ჟოან ლაპორტამ მკითხა, გადავიდოდი თუ არა „ბარსელონაში“, თუ ის კლუბის პრეზიდენტი გახდებოდა. მე ვუპასუხე, რომ გადავიდოდი.
„იუნაიტედთან“ მცირე დეტალებიღა იყო შესათანხმებელი, როცა ლაპორტამ დამირეკა და მითხრა, რომ საპრეზიდენტო არჩევნებს იგებდა. როგორც გითხარით, შეპირებული ვიყავი, თუ ის გახდებოდა პრეზიდენტი, კატალონიურ გუნდში გადავიდოდი. ინგლისელებს ვუთხარი, რომ არჩევანი „ბარსელონაზე“ გავაკეთე.
ეს მართებული არჩევანი იყო. ბრაზილიელებს „ბარსელონა“ ყოველთვის უყვარდათ. ამ კლუბში ჩვენც გვაქვს ჩვენი ისტორია. ფეხბურთი გვერდზე რომ გადავდოთ, ბარსელონას მსგავსი ქალაქი ევროპაში არ მოიძებნება. ბედნიერი ვარ, რომ კატალონიურ გუნდში ვითამაშე“, – განაცხადა რონალდინიომ FourFourTwo-ს ჟურნალისტთან საუბრისას.
ეგვიპტური „ზამალეკის“ პრეზიდენტმა მორტადა მანსურმა ადგილობრივი ტელევიზიისთვის მიცემულ ინტერვიუში განაცხადა, რომ კლუბმა ბრაზილიელ ფეხბურთელ რონალდინიოსთან შეთანხმებას მიაღწია.
„რონალდინიოსთან „ზამალეკში“ გადმოსვლაზე შეთანხმებას მივაღწიეთ. ფეხბურთელს აგენტი ჰყავს და ჩვენ სწორედ მასთან შევთანხმდით. ასე რომ, რონალდინიო „ზამალეკში“ ითამაშებს. რეკლამა და მისი მაისურების გაყიდვა შემოსავლებს მოგვიტანს. მინდა, რომ „ზამალეკის“ ქომაგები ბედნიერები იყვნენ“, – განაცხადა კლუბის პრეზიდენტმა.
შეგახსენებთ, რომ რონალდინიო 2011 წლიდან სამშობლოში თამაშობს.
დღეს გამთენიისას რონალდინიო გაუჩოს ფანების ოფიციალურ გვერდზე უჩვეულო რამ მოხდა. ბრაზილიელი ფეხბურთელის ქომაგების ვერიფიცირებულ გვერდზე პორნოგრაფიული შინაარსის ვიდეოს ბმული გამოქვეყნდა, რასაც გაკვირვებული მომხმარებლების მხრიდან უმალ მოჰყვა კომენტარები და გაზიარებები.
გარკვეული ხნის შემდეგ რონალდინიოს გვერდიდან აღნიშნული პოსტი წაშალეს.
გთავაზობთ 1999-2013 წლების სეზონში რონალდინიოს მიერ გატანილი საუკეთესო გოლების ამსახველ ვიდეომასალას.
