ბრაზილიის ნაკრების ყოფილმა ფეხბურთელმა რონალდინიო გაუჩომ პირველი სინგლი ჩაწერა.
ბრაზილიელ ნახევარმცველს არაერთხელ უთქვამს, რომ საფეხბურთო კარიერის დასრულების შემდეგ მუსიკით დაკავდება და აი, მუსიკოს Edcity-სთან ერთად პირველი სიმღერაც ჩაწერა.
სიმღერა პორტუგალიელ ენაზე სრულდება და მას Vai na Fé, რაც ქართულად ასე ითარგმნება: „იარე რწმენით“.
გთავაზობთ ვიდეოს.
საკლუბო მსოფლიოს ჩემპიონატის ნახევარფინალურ მატჩში რონალდინიოს „ატლეტიკო მინეირო“ მაროკოულ „კასაბლანკასთან“ ანგარიშით 1:3 დამარცხდა. ბრაზილიელთა მხრიდან ეს ერთადერთი გოლი საჯარიმო დარტყმით სწორედ რონალდინიომ გაიტანა (იხილეთ გოლის ვიდეო).
მატჩის შემდეგ „კასაბლანკას“ ფეხბურთელები სათითაოდ გადაეხვივნენ „მინეიროს“ მე-10 ნომერს და რაც შეძლეს, თითქმის ყველაფერი გახადეს.
მესამე ადგილისთვის ბრძოლაში ბრაზილიური კლუბი ჩინურ „გუანჩჟოუ ევერგრანდს“ დაუპირისპირდება. ეს შეხვედრა შაბათს, თბილისის დროით 20:30 საათზე აიღებს სტარტს.
ფინალური მატჩი მიუნხენის „ბაიერნსა“ და „კასაბლანკას“ შორის შაბათს შედგება და ჩვენი დროით 23:30 საათზე დაიწყება.
როგორც იქნა, რონალდინიომ ტრავმა მოიშუშა, მოედანს დაუბრუნდა და პირველივე მატჩში გაიტანა გოლი (უფრო სწორად გოლები!). ბრაზილიის სერია A-ს ეგიდით „ატლეტიკო მინეიროსა“ და „ვიტორიას“ შორის გამართული მატჩი ფრედ, ანგარიშით 2:2 დასრულდა. შეხვედრის მე-6 წუთისთვის „ვიტორიას“ უკვე ორი ბურთი ჰქონდა გატანილი, თუმცა „მინეირომ“ რონალდინიოს დახმარებით სიტუაციის შემოტრიალება შეძლო. სახელგანთქმულმა ბრაზილიელმა ფეხბურთელმა პირველი ტაიმის კომპენსირებულ დროში ლამაზი საჯარიმო დარტყმით ერთი ბურთი გაქვითა, რონალდინიომ მეორე გოლი შეხვედრის 90-ე წუთზე პენალტით გაიტანა და გუნდს ქულა მოუტანა – 2:2.
გთავაზობთ რონალდინიოს მიერ აღნიშნულ მატჩში გატანილი პირველი გოლის ამსახველ ვიდეომასალას.
ბოლო 20 წელიწადში ნეიმარი „ბარსელონას“ მეხუთე ბრაზილიელი ფეხბურთელია, რომელსაც დიდ მომავალს უწინასწარმეტყველებენ. ერთად გავიხსენოთ, თავის დროზე როგორ ჩაატარეს „ბარსელონას“ ბრაზილიელმა ვარსკვლავებმა მადრიდის „რეალთან“ თავიანთი პირველი მატჩი.
რომარიო
1993/94 წლების სეზონი: „ბარსელონა“–„რეალი“ 5:0
რითი გამოიჩინა თავი: 24-ე წუთზე „ელ კლასიკოს“ ისტორიაში ერთ-ერთი ყველაზე ლამაზი გოლი გაიტანა. „რეალის“ განადგურებას სათავე დაუდო, რომარიომ იმავე მატჩში კიდევ ერთი გოლი გაიტანა.
რონალდო
1996/97 წლების სეზონი: „რეალი“–„ბარსელონა“ 2:0
რითი გამოიჩინა თავი: პირველივე სეზონში ესპანეთის ჩემპიონატის საუკეთესო ბომბარდირი გახდა, გაზაფხულის „კლასიკოში“ გამარჯვების გოლი გაიტანა, თუმცა „რეალის“ წინააღმდეგ გამართულ პირველ მატჩში გოლის გატანა ვერ მოახერხა.
რივალდო
1997/98 წლების სეზონი: „რეალი“–„ბარსელონა“ 2:3
რითი გამოიჩინა თავი: ანგარიში მატჩის მე-5 წუთზე გახსნა. დანარჩენი დრო გუნდზე მუშაობას მოახმარა.
რონალდინიო
2003/04 წლების სეზონი: „რეალი“–„ბარსელონა“ 1:2
რითი გამოიჩინა თავი: კატალონიელთა გადამწვეტ შეტევაში მიიღო მონაწილეობა. მატჩის დასრულებამდე ოთხი წუთი ადრე, „პარაშუტით“ მეკარესთან პირისპირ გაიყვანა ჩავი ერნანდესი, რომელსაც გოლის გატანა არ გასჭირვებია.
ნეიმარი
2013/2014 წლების სეზონი: „ბარსელონა“–„რეალი“ 2:1
რითი გამოიჩინა თავი: გახდა პირველი გოლის ავტორი. გარდა ამისა, ალექსის სანჩესს საგოლე გადაცემა გაუკეთა.
ბექა დოგრაშვილი
ლეგენდარული ბრაზილიელი ნახევარმცველი რონალდინიო პსჟ-ში დაბრუნების შესაძლებლობას არ გამორიცხავს.
„პსჟ”? ეს დიდებული გუნდია. ამ დროისთვის ერთ-ერთი საუკეთესოა საუკეთესოთა შორის. ნებისმიერი მოთამაშე დაასრულებდა კარიერას ისეთ გუნდში, როგორიც “პარი სენ-ჟემენია” და გამონაკლისი არც მე ვარ, მაგრამ ჯერჯერობით მომავალზე არ მიფიქრია. საფრანგეთის ლიგა 1-ში ძალიან ბევრი ჩემი თანამემამულე თამაშობს, მაგრამ ეს არ ნიშნავს იმას, რომ მე ამის გამო პარიზში გადავბარგდები“.
– რას იტყვით ლუკას მოურაზე?
– ლუკასი არაჩვეულებრივი ახალგაზრდაა, მას მალე ბევრი ტაშს დაუკრავს“
