La Gazetta dello Sport-ის ცნობით, “სამპდორიას” შემტევი, ედერი ორი კლუბის ინტერესთა სფეროში მოხვდა. საუბარი იტალიურ “ინტერზე” და ინგლისურ “ვესტ ჰემზეა”.
იტალიის ნაკრების შემტევში გენუელებს 10 მილიონი ევროს მიღება სურთ, რაც მსურველი კლუბებისთვის პრობლემად არ უნდა იქცეს.
ფავორიტი მილანური კლუბია, რომელსაც ნატურალიზებული ბრაზილიელისთვის უკეთსი ფინანსური პირობების შეთავაზება შეუძლია.
მიმიდინარე სეზონში ედერმა 31 შეხვედრაში 12 გოლი გაიტანა.
გენუის „სამპდორიას“ თავდამსხმელმა სამუელ ეტო’ომ, შესაძლოა, სინიშა მიხაილოვიჩს „მილანში“ ან „ნაპოლიში“ წასვლის შემთხვევაში, გუნდის მთავარი მწვრთნელის პოსტი დაიკავოს. აღსანიშნავია, რომ კამერუნელი, სავარაუდოდ, გუნდის მოთამაშე მწვრთნელობაზე ფიქრობს, რის შესახებაც „სქაი სპორტ იტალია“ იტყობინება.
წყაროს ინფორმაციით, 34 წლის ეტო’ომ „სამპდორიას“ პრეზიდენტ მასიმო ფერეროს თავისი კანდიდატურა უკვე შესთავაზა.
აღსანიშნავია, რომ ეტო’ოს შესაძლო ასისტენტად ჰოლანდიელი სპეციალისტი ჰენკ ტენ კატე მოიაზრება, რომელიც „ჩელსიში“ და „პანაითნაიკოსში“ მუშაობითაა ცნობილი. თუმცა, იტალიის სერია ა-ს რეგლამენტი გუნდის მთავარ მწვრთნელად მოთამაშის დანიშვნას კრძალავს, ამიტომაც, ფორმალუტად, შესაძლოა, კლუბს სწორედ ტენ კატემ უთავკაცოს.
“პალერმოს” კაპიტანი სერია ა-ს მომდევნო ტურში საინტერესო დაპირისპირებას ელის, “იუვენტუსის” წინააღმდეგ.
“იუვე – ეს იუვეა. ნებისმიერ გუნდს უჭირს მათ წინაღმდეგ თამაში, რადგან ძალიან კარგი შემსრულებლები ჰყავთ”.
“ვიცით, რომ ამ მატჩის წაგების შემთხვევაში, “იუვენტუსი” ავტომატურად ჩემპიონი ხდება. ძალიან საინტერესო ბრძოლა გველის. რა თქმა უნდა, ყველა ვემზადებით. იმედი მაქვს, მათ ზეიმს “ლუიჯი ფერარიზე” არ ვიხილავთ,”-დაასრულა პალომბომ.
გენუის „სამპდორიას“ მთავარმა მწვრთნელმა სინიშა მიხიალოვიჩმა „იუვენტუსთან“ იტალიის სერია ა-ს 34-ე ტურის მოახლოებული მატჩის შესახებ ისაუბრა. ცნობისთვის, ხსენებულ შეხვედრაში ტურინელებს ჩემპიონატის მოსაგებად ერთი ქულაც ეყოფათ.
„იუვენტუსმა“ სკუდეტო დაისმახურა, მაგრამ მას ამ გამარჯვების აღნიშვნა ტურინშიც შეუძლია. მაშინ, როდესაც „იუვეს„ ქულა სჭირდება, ჩვენ სამის მოპოვება გვსურს.
მიმდინარე სეზონში „სამპდორიას“ გამოსვლა ყველასთვის სიურპრიზი უნდა იყოს. ჩემპიონატის დასრულებამდე ხუთი ტურის ადრე მე-5 ადგილზე ვართ“, – განაცხადა სერბამ მწვრთნელმა.
იტალიის ჩემპიონატის 30-ე ტურის დასკვნითი მატჩი “სან სიროზე” შედგა, სადაც “მილანმა” გენუის “სამპდორია” მიიღო. შეხვედრა ფრედ, ანგარიშით 1:1 დასრულდა. 58-ე წუთზე სტუმრები რობერტო სორიანომ დააწინაურა, ანგარიში 74-ე წუთზე ნაიჯელ დე იონგმა გაათანაბრა.
ჰოლანდიელმა ფეხბურთელმა მატჩის შემდეგ განაცხადა, რომ “როსონერის” ევროთასებზე მოხვედრა ძალიან გაუჭირდება.
“ბოლო 15 წუთი დიდი სულისკვეთებით ვითამაშეთ, თუმცა უკვე გვიანი იყო. სეზონის დასრულებამდე რვა მატჩი დარჩა. ევროთასებზე მოხვედრა ძალიან გაგვიჭირდება.
მოახლოებულ დერბის რაც შეეხება, ეს შეხვედრა ფინალის ტოლფასია. აღნიშნული მატჩი ჩვენთვისაც ძალზედ მნიშვნელოვანია და ფანებისთვისაც”, – ციტირებს დე იონგის სიტყვებს TMW.
გრძელდება ჩვენი ტრადიციული პროგნოზისტთა კონკურსი. დღეს გამოქვეყნდა 35-ე საკონკურსო კვირის მეხუთე მატჩის კითხვები, რომელიც “მილანსა” და “სამპდორიას” შორის გასამართ შეხვედრას ეხება. კითხვები იხილეთ აღნიშნული მატჩის გვერდზე.
გამარჯვებულად ჩაითვლება ის პირველი 7 რეგისტრირებული მომხმარებელი, რომელიც ყველაზე მეტ სწორ პასუხს გამოიცნობს. 4-ივე კითხვაზე სწორი პასუხის ავტორს Europe bet-ის ანგარიშზე 10 ლარი დაერიცხება. თუ გამარჯვებულთა სიაში 3 სწორი პასუხის ავტორებიც მოხვდებიან, მათ 5 ლარი დაერიცხებათ. გამარჯვებულთა სიაში 3 სწორი პასუხის ავტორები იმ შემთხვევაში მოხვდებიან, თუ მიღებულ საკონკურსო კომენტარებში შვიდი 4-სწორპასუხიანი მომხმარებელი არ იქნება და სიაში გაჩნდება ვაკანტური საპრიზო ადგილები.
ერთი IP მისამართიდან მხოლოდ ერთი (პირველი) კომენტარი მიიღება, დანარჩენი კი უგულებელყოფილი იქნება.
საკონკურსო კითხვებს პასუხი უნდა გასცეთ მატჩის გვერდზე: „მილანი“ – „სამპდორია“
4 აპრილს, იტალიის ჩემპიონატში, “ფიორენტინასა” და “სამპდორიას” შორის გამართულ შეხვედრაში მოჰამედ სალაჰმა მეტოქეს შესანიშნავი გოლი გაუტანა.
კლუბის პრეზიდენტი, მასიმო ფერერო “სამპდორიას” მწვრთნელის შენარჩუნებას მთელი ძალებით არ აპირებს.
ჭორები დაკავშირებულია სინიშა მიჰაილოვიჩის “მილანში” გადასვლასთან დაკავშირებით, ხოლო თავად გუნდი ამ ვითარებაში გარევას არ აპირებს.
“ვინ ღელავს? – მიჰაილოვიჩს შეუძლია იქ წასვლა, სადაც თავად მოესურვება. სინიშა კარგი მწვრთნელია, მაგრამ გადაწყვეტილება თავისით უნდა მიიღოს და არა ვინმეს ზემოქმედებით,”-განაცხადა ფერერომ.
“სამპდორია” მიმდინარე სეზონში კარგ ფორმაშია. სინიშა მიჰაილოვიჩის გუნდი სატურნირო ცხრილში მეექვსე პოზიციაზეა და მესამე ადგილს ოთხი ქულით ჩამორჩება.
„რომას“ კაპიტანი ფრანჩესკო ტოტი, რომელიც ტრავმის შემდეგ გამოჯანმრთელდა, დიდი ალბათობით, გენუის „სამპდორიასთან“ იტალიის სერია ა-ს დღევანდელ მატჩს გამოტოვებს.
სავარაუდოდ, რუდი გარსია ვეტერანს დაასვენებს და თამაშის საშუალებას „ფიორენტინასთან“ უეფა-ს ევროპის ლიგის 1/8-ფინალური ეტაპის განმეორებით მატჩში მისცემს.
შეგახსენებთ, რომ „ფიორენტინასა“ და „რომას“ პირველი შეხვედრა ფრედ 1:1 დასრულდა.
7 მარტს, იტალიის სერია A-ში, “სამპდორიამ” საკუთარ მოედანზე “კალიარი” მიიღო და მეტოქე ანგარიშით 2:0 დაამარცხა.
შეხვედრის 72-ე წუთზე, სამუელ ეტოომ საბოლოო შედეგი დააფიქსირა. აღსანიშნავია, რომ კამერუნელმა თავდამსხმელმა “სამპდორიას” მაისურით პირველი გოლის გატანა მოახერხა.
24 თებერვალს, იტალიის სერია A-ში, “სამპდორიამ” საკუთარ მოედანზე “ჯენოა” მიიღო და ფრედ 1:1 ითამაშა. შეხვედრაში ანგარიში მე-17 წუთზე “ჯენოას” ფეხბურთელმა იაგო ფალკემ გახსნა, ზუსტად ორ წუთში კი “სამპდორიას” ბრაზილიელმა თავდამსხმელმა, ედერმა ანგარიში გაათანაბრა.
მატჩის ბოლო წუთებზე, “სამპდორიას” მცველმა ვასკო რეგინიმ საჯარიმოსთან ახლოს თამაშის წესი დაარღვია, მსაჯმა კი “ჯენოას” ფეხბურთელებს ძალიან სახიფათო საჯარიმოს შესრულების შანსი მისცა. სტუმრებმა, ამ შემთხვევაში, გოლის გატანა ვერ მოახერხეს.
თუმცა, მატჩის დასრულების შემდეგ სინიშა მიხაილოვიჩი ვასკო რეგინიზე ძალიან იყო გაბრაზებული. 24 წლის მცველის მიერ თამაშის წესების დარღვევამ ხორვატი სპეციალისტი განარისხა.
“ფეხბურთელმა მატჩის ბოლო წუთებზე საჯარიმოსთან ახლოს თამაშის წესები არ უნდა დაარღვიოს. შესაძლებელი იყო, ამ ჯარიმის შემდეგ დერბიში დავმარცხებულიყავით”, – უთხრა მიხაილოვიჩმა ჟურნალისტებს.
„ჯენოას“ მთავარმა მწვრთნელმა ჯანპიერო გასპერინიმ „სამპდორიასთან“ შეხვედრის შესახებ ისაუბრა.
„შედეგის გამო ვწუხვარ, თუმცა გაშვებული გოლი ჩვენი ბრალია. საკუთარ საჯარიმოში ასე თამაში არ შეიძლება. ეს გოლი „სამპდორიას“, უბრალოდ, ვაჩუქეთ. ცუდია, რომ ყველაფერი ასე გამოვიდა, რადგან მეტოქეს ფანტასტიკური გოლი გავუტანეთ“, – განაცხადა „გრიფონების“ დამრიგებელმა.
