ამსტერდამის“ აიაქსის“ ხელმძღვანელები გუნდის მოთამაშეებს ხელფასის სახით ერთ მილიონზე მეტს არ უხდიან, თუმცა, სამუელ ეტო’ოს გამო, შესაძლოა, გამონაკლისი დაუშვან.
„არიან მოთამაშეები, რომელთა გამოც გამონაკლისის დაშვება შესაძლებელია. ეტო’ო თავისუფალი აგენტია, ასე რომ, გამორიცხული არ არის, მასთან კონრაქტის გაფორმება შევძლოთ“, – განუცხადა ამსტერდამული კლუბის თავკაცმა ფრანკ დე ბურმა „Voetbal Primeur“-ს.
აქამდე სამუელის დამატება პსვ-მ იუარა, რადგან კამერუნელმა წელიწადში ორი მილიონი ევრო მოითხოვა.
მადრიდის „რეალის“, „ბარსელონას“, მილანის „ინტერნაციონალესა“ და ლონდონის „ჩელსის“ ექს-თავდამსხმელმა სამუელ ეტო’ომ, შესაძლოა, კარიერა გერმანიაში გაგრძელოს.
ამჟამად „ვოლფსბურგის“ ხელმძღვანელობა თავდამსხმელის ძიებაშია და გავრცელებულ იუნფორმაციას თუ დავუჯერებთ, კამერუნის ნაკრების კაპიტანსაც დაუკავშირდა.
შეგახსენებთ, რომ 33 წლის მოთამაშე ამჟამად თავისუფალი აგენტია და მოლაპარაკება არაერთ კლუბთან აქვს. აქამდე ცნობილი იყო, რომ მისი შეძენით „გალათასარაის“, „იუვენტუსის“, „ფიორენტინას“, „რომას“, „ვესტ ჰემის“, „ქუინს პარკ რეინჯერსის“, „ტოტენჰემისა“ და „მონაკოს“ ხელმძღვანელები ცდილობდნენ.
კამერუნელმა ფორვარდამ სამუელ ეტო’ომ კარიერა, შესაძლოა, “ვესტ ჰემში” გააგრძელოს. ფეხბურთელი ლონდონურ კლუბში გადასვლაზე თანახმაა, თუმცა ხელფასის სახით კვირაში 100 000 გირვანქას ითხოვს.
“ვესტ ჰემის” გარდა კამერუნელიტ “ქპრ”, “იუვენტუსი”, “ნაპოლი”, “რომა” და “ფიორენტინა” არიან დაინტერესებულნი. რამდენიმე დღის წინ, ეტო’ომ განაცხადა, რომ მისთვის პრიორიტი ინგლისური კლუბი იქნებოდა.
შეგახსენებთ, გასულ სეზონში ეტო’ო “ჩელსის” ღირსებას იცავდა.
ლონდონის “ვესტ ჰემს” შემადგენლობის გაძლიერება სამუელ ეტო’ოს მიწვევით სურს. ინფორმაციას ბრიტანული პრესა ავრცელებს.
გასულ სეზონში ეტო’ო ლონდონის “ჩელსის” ღირსებას იცავდა და პრემიერლიგის 21 მატჩში 9 გოლის გატანა მოახერხა.
ვრცელდება ინფორმაცია, რომ თავად კამერუნელი ფეხბურთელსაც ინგლისში სურს დარჩენა.
როგორც იცით, პარასკევს პორტუგალიელი ფეხბურთელის დეკუს გამოსათხოვარი მატჩი გაიმართა, რომელშიც მონაწილეობა “ბარსელონასა” და “პორტუს” ვარსკვლავებმა მიიღეს.
შეხვედრაში ერთ-ერთი გოლი სამუელ ეტოომ მესის პასის შემდეგ გაიტანა.
სამუელ ეტოო’ს გადაბირებით ტურინის “იუვენტუსიც” დაინტერესედა. შეგახსენებთ, კამერუნელი ფორვარდმა გასული სეზონის დასრულების შემდეგ ლონდონის “ჩელსი” დატოვა და ამჟამად თავისუფალი აგენტის სტატუსი აქვს. იტალიური კლუბის ხელმძღვანელები გამოცდილ აფრიკელს ერთწლიან კონტრაქტს სთავაზობენ.
გასულ სეზონში ეტო’ომ “ჩელსის” შემადგენლობაში 35 მატჩში მიიღო მონაწილეობა და თავი 12 გოლით გამოიჩინა.
გავრცელებული ინორმაციით, კამერუნელი თავდამსხმელი სამუელ ეტო’ო, რომელსაც „ჩელსისთან“ კონტრაქტი ამოეწურა, შესაძლოა, კიდევ ერთ ლონდონურ კლუბშ აღმოჩნდეს.
მოთამაშის შეძნის სურვილი „ტოტენჰემ ჰოთსპურსის“ ხელმძღვანელობას აქვს, რომელიც სამუელს ემანუელ ადებაიორის შესაძლო შემცვლელა ხედავს, რადგან გამორიცხული არ არის, ამ უკანასკვნელმა მიმდინარე ზაფხულს სხვა კლუბის მაისური მოირგოს.
შეგახსენებთ, რომ აქამდე კამერუნელის შეძნა ასევე თურქულ „გალათასათაისა“ და იტალიის „რომას“ სურდათ.
ინგლისის ჩემპიონატის განვლილი სეზონის გათამაშებაში „ლურჯთა“ მაისურით ეტო’ომ 21 მატჩი ჩაატარა. ფორვარდის აქტივში ამ შეხვედრებში ცხრა გოლია.
კამერუნის ნაკრების თავდამსხმელმა სამუელ ეტო’ომ ვარჯიშზე მუხლის ტრავმა მიიღო.
გამოსაჯანმრთელებლად გამოცდილ მოთამაშეს დაახლოებით ათი დღე დასჭირდება, რაც იმას ნიშნავს, რომ იგი მსოფლიო ჩემპიონატის ჯგუფური ეტაპის დარჩენილ ორ მატჩს გამოტვებს.
ცნობისთვის, 19 ივნისს კამერუნის ნაკრები ხორვატიას შეხვდება, ხოლო 24 ივნისს ფოლკერ ფინკეს გუნდი ტურნირის მასპინძელ ბრაზილიას დაუპირისპირდება.
შეგახსენებთ, რომ მუნდიალის ჯგუფური ეტაპის პირველ მატჩში კამერუნი მექსიკასთან მინიმალური სხვაობით 0:1 დამარცხდა.
ალექსანდრე მატევოსოვი
კამერუნის ნაკრები ბრაზილიაში დაფრინდა. გუნდის ლიდერმა სამუელ ეტოომ სოციალურ ქსელში აეროპორტში გადაღებული ფოტო გამოაქვეყნა.
„კეთილი იყოს ჩვენი მობრძანება ბრაზილია“, – წერს ფეხბურთელი.
შეგახსენებთ, რომ გუნდი ქვეყნის ფეხბურთის ფედერაციასთან მსოფლიოს ჩემპიონატის ფინალურ ეტაპზე გასვლისთვის გამოყოფილი პრემიის ოდენობასთან დაკავშირებული უთანხმოების გამო ბრაზილიაში გაფრენაზე უარს აცხადებდა. კამერუნის ნაკრები ბრაზილიაში გუშინ უნდა გამგზავრებულიყო, თუმცა გეგმა ერთი დღით შეიცვალა.
შეგახსენებთ იმასაც, რომ კამერუნის ნაკრებს ტურნირის პირველი შეხვედრა დამდეგ პარასკევს უწევს. კამერუნელები მექსიკელებს დაუპირისპირდებიან.
ბექა დოგრაშვილი
ლონდონის „ჩელსის“ კამერუნელმა თავდამსხმელმა სამუელ ეტოომ კიდევ ერთხელ ისაუბრა საკუთარი ასაკის შესახებ.
შეგახსენებთ, რომ თებერვალში ფრანგულმა ტელეარხმა „კანალ პლუსმა“ ლონდონის „ჩელსის“ მთავარი მწვრთნელის, ჟოზე მოურინიოს პირადი საუბრის ჩანაწერი გამოაქვეყნა.
„მყავს გუნდი, მაგრამ არა – თავდამსხმელი. „ჩელსის“ პრობლემა იმაში მდგომარეობს, რომ ჩვენ გოლის გამტანი არ გვყავს. მხოლოდ სამუელ ეტოოა, რომელიც 32… ან ვინ იცის, იქნებ 35 წლისაც კია“, – სწორედ ამ სიტყვებს ამბობდა მოურინიო გამოქვეყნებულ ვიდეომასალაში.
ინტერვიუ სამუელ ეტოოსთან africanfootball.com-მა გამოაქვეყნა.
— ფიქრობთ, რომ აფრიკა თავის სიტყვას იტყვის ბრაზილიაში გასამართ მსოფლიოს ჩემპიონატზე?
— იმედი მაქვს, რომ იტყვის. აფრიკის მაცხოვრებლებს ძალიან ეიმედებათ, თუმცა მეტოქეები პატივს არ გვცემენ. შეხედეთ წამყვან ევროპულ კლუბებს, რამდენი აფრიკელი ბრწყინავს! მაგალითად, „მანჩესტერ სიტი“ ავიღოთ. შეხედეთ, რამდენი გოლი გაიტანა იაია ტურემ. ეს მესი რომ ყოფილიყო, ამაზე სამი წლის განმავლობაში ისაუბრებდნენ.
დღესდღეობით საუკეთესო აფრიკული გუნდი კოტ დივუარის ნაკრებია. ისინი ქაღალდზე ყველას აღემატებიან, თუმცა ამის დასამტკიცებლად უნდა მოიგონ კიდეც. აფრიკამ უნდა იბრძოლოს იმდენად, რამდენადაც ეს შეუძლია და ტურნირზე მაქსიმალურად შორეულ ეტაპზე უნდა გავიდეს. რატომაც ვერ უნდა მოვიგოთ მსოფლიოს ჩემპიონატი?! ხალხი იტყვის, რომ გავგიჟდი, მაგრამ აბა, სხვა რა განწყობით უნდა ჩავიდე ბრაზილიაში? დასასვენებლად?
— როგორ გრძნობთ თავს მსოფლიოს ჩემპიონატის წინ, რომელიც შესაძლოა თქვენთვის ბოლო გამოდგეს. რას ფიქრობთ „ჩელსიში“ თქვენს მომავალზე?
— მადლობას გიხდით შეხსენებისთვის, რომ ეს ჩემი ბოლო მუნდიალია. მე 33 წლის ვარ. იმ სულელს არ უნდა დაუჯეროთ, ბებერი რომ მიწოდა. ალბათ, შეამჩნევდით, რომ ამ ბებერმა ბევრ ახალგაზრდას აჯობა.
ზოგი ფიქრობს, რომ კარიერას აშშ-ში ან ახლო აღმოსავლეთში დავასრულებ, მაგრამ გეტყვით, რომ ჩემპიონთა ლიგაზე თამაში ჯერ კიდევ სიამოვნებას მანიჭებს. ვაპირებ, რომ ამავე დონეზე თამაში გავაგრძელო. რომელ გუნდში? ამას არ გეტყვით. ფიზიკურად და ფსიქოლოგიურად თავს კარგად ვგრძნობ და თამაშის გაგრძელებასაც ვაპირებ.
მომდევნო მსოფლიოს ჩემპიონატისთვის 37 წლის ვიქნები. ზოგიერთს 42 წლის ასაკშიც უთამაშია მუნდიალზე. ასე რომ, მომდევნო მსოფლიოს ჩემპიონატზეც შეიძლება, რომ ვითამაშო.
— გეშინიათ ბრაზილიის ნაკრების? (ჯგუფურ ეტაპზე კამერუნის ნაკრების ერთ-ერთი მეტოქეა)
— არასდროს არ მეშინია. შიშის გრძნობა, რომ მქონოდა, ფეხბურთელი ვერ გავხდებოდი. მეტოქე უნდა დააფასო. 11 კაცი 11 კაცს დაუპირისპირდება. კი ბატონო, კამერუნი 1994 წელს ბრაზილიასთან დამარცხდა, მაგრამ მე იმ გუნდის წევრი ვიყავი, რომელმაც „სელესაოს“ კონფედერაციის თასზე მოუგო. 88-ე წუთზე დიდას დიდებული გოლიც გავუტანე. შემდეგ ბრაზილიელები ოლიმპიურ თამაშებზეც დავამარცხეთ. ეს ყველაფერი მეტყველებს იმაზე, რომ ფეხბურთი ზუსტი მეცნიერება არ არის.
რა თქმა უნდა, რთული იქნება, მაგრამ ფეხბურთში შეუძლებელი არაფერია. მეტოქე გუნდის ფეხბურთელებს დიდ პატივს ვცემ, მაგრამ არ მეშინია. ჩვენ ჩვენი შანსები გვექნება და ეს უნდა გამოვიყენოთ.
ბექა დოგრაშვილი
ლონდონის „ჩელსის“ თავდამსხმელ სამუელ ეტოოს მახაჭკალაში უკანასკნელი ვიზიტის დროს ადგილობრივი „ანჟის“ მფლობელმა სულეიმან ქერიმოვმა კლუბის მთავარი მწვრთნელის პოსტი შესთავაზა.
როგორც ცნობილია, ეტოოს „ჩელსისთან“ კონტრაქტი მიმდინარე წლის 30 ივნისს ეწურება. სავარაუდოდ, მხარეებს შორის ხელშეკრულება არ გახანგრძლივდება. 33 წლის კამერუნელი ფეხბურთელი ქერიმოვს დაჰპირდა, რომ აღნიშნულ წინადადებაზე იფიქრებს. ცნობილია ისიც, რომ ეტოოს შემოთავაზებები აქვს ერთ-ერთი სტამბულური კლუბიდან და გაერთიანებული საემიროებიდან.
შეგახსენებთ, რომ სამუელ ეტოო „ანჟის“ ღირსებას 2011-დან 2013 წლამდე იცავდა.
გეტყვით იმასაც, რომ დაღესტნური კლუბის რუსეთის პრემიერლიგიდან გავარდნა გარდაუვალია.
ბექა დოგრაშვილი
ლონდონის „ჩელსის“ თავდამსხმელი სამუელ ეტოო ზაფხულში, სავარაუდოდ, კლუბს დატოვებს. ბრიტანული „დეილი მირორის“ ცნობით, 33 წლის ფეხბურთელი „პენსიონერებთან“ კონტრაქტის გახანგრძლივებას არ აპირებს. გამოცემის თანახმად, კამერუნელი ფორვარდის თავისთან ხილვა მილანის „ინტერის“ ხელმძღვანელობას სურს და მხარეებს შორის მოლაპარაკება უკვე დაწყებულა კიდეც.
შეგახსენებთ, რომ ეტოო „ნერაძურის“ ღირსებას 2009-დან 2011 წლამდე იცავდა. ამ პერიოდის განმავლობაში მან 101 მატჩი ჩაატარა, 53 გოლი გაიტანა და 22 შედეგიანი გადაცემაც მიითვალა. ეტოომ „ინტერში“ ექვსი ტიტული მოიგო, რომელთა შორის ჩემპიონთა ლიგისა და საკლუბო მსოფლიოს ჩემპიონატის თასებიც გახლავთ.
ამავე დროს, Football Italia იუწყება, რომ მილანური კლუბის ინდონეზიელი მფლობელი ერიკ თოჰირი „ინტერში“ ჟოზე მოურინიოს დაბრუნებასაც აპირებს. სხვათა შორის, პორტუგალიელმა სპეციალისტმა რამდენჯერმე განაცხადა, რომ „ნერაძურიში“ კარიერის საუკეთესო წლები გაატარა და ოდესმე „სან სიროზე“ დაბრუნდება. შეგახსენებთ, რომ მოურინო „ინტერს“ 2008-დან 2010 წლამდე თავკაცობდა. ამ დროის განმავლობაში პორტუგალიელმა მწვრთნელმა გუნდთან ერთად ხუთი ტიტული მოიგო.
ბექა დოგრაშვილი
