ნათანიელ კლაინი გახდა მეოთხე ფეხბურთელი, რომელიც ერთი კალენდრული წლის განმავლობაში “საუთჰემპტონიდან” “ლივერპულში” გადავიდა.
1) რიკი ლამბერტი(4 მილიონი ფუნტი, 2014 წლის ზაფხულში)
2) ადამ ლალანა(25 მილიონი ფუნტი, 2014 წლის ზაფხულში)
3) დეიან ლოვრენი(20 მილიონი ფუნტი, 2014 წლის ზაფხულში)
4) ნათანიელ კლაინი(12.5 მილიონი ფუნტი, 2015 წლის ზაფხულში)
საერთო ჯამში: 61,5 მილიონი ფუნტი
მიუნხენური გრანდი სადიო მანეს ხელში ჩაგდებას ცდილობს.
პრემიერ ლიგის ისტორიაში ყველაზე სწრაფი ჰეთ-თრიქის ავტორი “რეკორდმეისტერებს” არიენ რობენისა და ფრენკ რიბერის ხშირი ტრავმების გამო სურთ.
Sport Bild-მა არ დააკონკრეტა, რამდენს იხდის გერმანიის ჩემპიონი სენეგალელში, თუმცა ტრანსფერმარკეტზე დაყრდნობით, 23 წლის ნახევარმცველის სატრანსფერო ღირებულება 12 მილიონს შეადგენს.
გასულ სეზონში, სადიო მანემ ყველა ტურნირზე 40 მატჩი ჩაატარა. გაიტანა 13 გოლი და გააკეთა 9 საგოლე გადაცემა.
“საუთჰემპტონმა” ნათანიელ კლაინის ტრანსფერის თაობაზე “ლივერპულის” 10 მილიონიანი წინადადება უარით გაისტუმრა და მერსისაიდელებს მოთამაშის სანაცვლოდ 20 მილიონი სთხოვა. თუმცა, ამავდროულად წმინდანები იმედოვნებენ, რომ მოთამაშე კონტრაქტს გაახანგრძლივებს და კლუბში დარჩება. წინააღმდეგ შემთხვევაში მოსალოდნელია, რომ გუნდები საბოლოოდ 15 მილიონზე შეთანხმდებიან.
ცნობილია ისიც, რომ 24 წლის ფეხბურთელისთვის ბრძოლას “მანჩესტერ იუნაიტედი” ჩამოშორდა.
მიმდინარე სეზონში კლაინმა პრმიერლ ლიგის 35 შეხვედრაში მიიღო მონაწილეოა და 2 გოლი გაიტანა.
ინგლისური პრემიერლიგის 37-ე ტურის სასტარტო შეხვედრაში “საუთჰემპტონმა” “ასტონ ვილას” უმასპინძლა და მეტოქეს განამადგურებელი ანგარიშით, 6:1 სძლია.
მასპინძლებმა ძალიან აქტიურად დაიწყეს და ანგარიში მანეს 3 წუთიანი გაბრწყინების შემდეგ უკვე 3:0 იყო. მასპინძლეთა ფორვარდმა გატანა მეცამეტე წუთზე დაიწყო და მეთექვსმეტეზე დაამთავრა. ზუსტად 10 წუთში ლონგმა გაიტანა, რომელმაც 38-ზე დუბლიც გაიფორმა. ტაიმის ბოლო წუთზე ბირმინგემელბმა ბენტეკეს ძალისმხევით პრესტიჟის გოლი გაიტანეს, ხოლო საბოლოო ანგარიში პელემ 81-ზე დააფიქსირა – 6:1.
საუტჰემპტონი 6-1 ასტონ ვილა
გოლები: მანე 13′ ; 14′ ; 16′ (3:0); ლონგი 26′ ; 38′ (5:0); ბენტეკე 45′ (5:1); პელე 81′ (6:1)
“საუთჰემპტონის” ნახევარმცველმა სადიო მანემ ინგლისის ჩემპიონატის 37-ე ტურში “ასტონ ვილას” წინააღმდეგ გამართულ მატჩში პრემიერლიგის ისტორიაში ყველაზე სწრაფი ჰეთთრიკი გაიტანა. სენეგალელ ფეხბურთელს სამი გოლის გასატანად მხოლოდ 2 წუთი და 56 წამი ეყო.
წინა რეკორდი “ლივერპულის” ყოფილ თავდამსხმელ რობი ფაულერს ეკუთვნოდა, რომელმაც ჰეთთრიკი 4 წუთსა და 33 წამში გაიტანა.
“საუთჰემპტონის” მთავარმა მწვრთნელმა, რონალდ კუმანმა “სანდერლენდთან”(2:1) დამარცხების შემდეგ კომენტარი გააკეთა.
“არ ვიცი, რამდენად სამართლიანი იყო მსაჯის გადაწყვეტილება. რამდენჯერმე კვლავ უნდა შეხვედოთ. ყველა პატარა დარღვევაზე მკაცრად გვსჯიდნენ”.
“პირველი ათი წუთი შესვენების შემდეგ ჩვენთვის იყო ყველაზე საშინელი, რაც კი გვითამაშია. სამწუხაროა, რომ კარგად თამაში მას შემდეგ დავიწყეთ, რაც ათი კაცით დავრჩით,”-განაცხადა კუმანმა.
“წმინდანებს” ფრანგი ნახევარმცველი ტრავმის გამო ვერ დაეხმარებათ.
მორგან შნეიდერლინმა დაზიანება “ტოტენჰემთან” მატჩში მიიღო და ექიმების ვარაუდით, იგი პრემიერ ლიგის დარჩენილ ოთხ ტურში ვერ ითამაშებს.
“მორგანს მუხლი დაუზიანდა, რის გამოც ხუთი კვირა გაუცდება,”-განაცხადა კუმანმა.
პრემიერ ლიგის მიმდინარე სეზონში, შნეიდერლინმა 26 მატჩი ჩაატარა და ოთხჯერ გაიტანა.
დიდხნიანი პაუზის შემდეგ, ინგლისელი ნახევარმცველი ვარჯიშს უბრუნდება.
შეგახსენებთ, რომ 2014 წლის აპრილში ჯეი როდრიგესმა მუხლზე სერიოზული ტრავმა მიიღო. აქამდე, ის აღდგენით პროცესებს გადიოდა.
Sky Sports-ის ცნობით, ინგლისელი შემტევი სპეციალური პროგრამით ვარჯიშობს და ის სეზონის ბოლომდე მოედანზე გასვლასაც მოახერხებს.
“სოტონის” მენეჯერმა, რონალდ კუმანმა იმედი გამოთქვა, რომ ჯეი მას ევროპა ლიგისთვის ბრძოლაში დაეხმარება.
„საუთჰემპტონის“ მთავარმა მწვრთნელმა რონალდ კუმანმა ესპანეთის პრიმერა დივიზიონში მუშაობის შესახებ ისაუბრა.
„მადრიდის „რეალი“? არა, მენდეთ, ამ გუნდის თავკაცობა არ მსურს. „ბარსელონა“? ამ კითხვაზე პასუხის გაცემა უფრო რთულია, თუმცა მე დავრჩები.
მწვრთნელისთვის ჯერ ახალგაზრდა ვარ. „საუთჰემპტონში“ დარჩენა კარგი იქნებოდა. პრემიერლიგა მსოფლიოს საუკეთესო ჩემპიონატია.
როგორც მოთამაშემ, „ბარსელონაში“ დიდი ხანი გავატარე, ასე რომ, ამ კლუბის მიმართ სიმპატია – ნორმალური მოვლენაა. თუმცა, ამჟამად „საუთჰემპტონიდან“ ჩემი გაშვების მიზეზი არ არსებობს“, – განაცხადა ჰოლანდიელმა სპეციალისტმა.
ინგლისური პრემიერლიგის 34-ე ტურის სასტარტო მატჩში “საუთჰემპტონმა” “ტოტენჰემს” უმასპინძა.
უშუალო კონკურენტების შეხვედრა სანახაობრივი და უხვგოლიანი გამოდგა, თუმცა გამარჯვებულის გამოვლენა ვერ შეძლო.
ანგარიში 29-ე წუთზე მასპინძლებმა გრაციანო პელეს გოლით გახსნეს. 43-ე წუთზე ლონდონელებმა ლამელას მიერ ხელით გატანილი გოლით აღადგინეს წონასწორობა. მეორე ტაიმში “საუთჰემპტონი” კვლავ დაწინაურდა და ამჯერადაც პელეს ძალისხმევით, თუმცა გამარჯვების მოპოვება მაინც ვერ შეძლო. მატჩის 70-ე წუთზე ჩადლიმ ანგარიში გაათანაბრა და საბოლოო შედეგი დააფიქსირა – 2:2.
ლონდონის “არსენალის” ხელმძღვანელები ზაფხულში, “საუთჰემპტონიდან” მორგან შნეიდერლინის შეძენას აპირებენ.
“მეთოფეთა” სამწვრთნელო შტაბი დიდი ხანია ინტერესდება ფრანგით, რომელსაც “წმინდანები” 20 მილიონ ფუნტზე ნაკლებ არ აფასებენ.
მიუხედავად ფრანცის კოკელენის ბოლო მატჩებში წარმატებისა, ვენგერს მიაჩნია, რომ ნახევარდაცვაში ბევრი ფეხბურთელია საჭირო.
დედაქალაქელებს კონკურენციას ფრანგისთვის ჩრდილოელი მეზობლები, “ტოტენჰემელები” გაუწევენ.
გარდა ამისა, 25 წლის ნახევარმცველის სიტუაციას აკვირდებიან “ჩელსი” და “მანჩესტერი”.
მიმდინარე სეზონში, 24 მატჩში შნეიდერლინმა 3 გოლი გაიტანა და ერთი შედეგიანი პასი გააკეთა.
“საუთჰემპტონი” მარჯვენა მცველს, ნათანიელ კლაინს უკანასკნელად შესთავაზებს ახალ ხელშეკრულებას.
იმ შემთხვევაში, თუ ინგლისელი უკანახაზელი კვლავ უარზე იქნება, “წმინდანები” ზაფხულში გაასხვისებენ.
Daily Mirror-ის ინფორმაციით, “სოტონი” ბოლოჯერ მოიკრიბავს ძალას მცველის შესანარჩუნებლად. ძალიან მალე, “სენტ მერის” ბინადრები 23 წლის მოთამაშეს ახალ კონტრაქტს წარუდგენენ.
წყაროს თქმით, თუ კლაინი უარზე იქნება, გუნდი გაყიდის ზაფხულში, რათა მათი ფინანსური წყარო გაიზარდოს.
