თბილისის “ლოკომოტივი” ექვსმა ფეხბურთელმა დატოვა. ამის შესახებ დედაქალაქელთა ოფიციალური გვერდი იტყობინება.
გუნდთან ხელშეკრულების ვადა გიორგი რეხვიაშვილს, მამუკა კობახიძეს, ზურაბ მენთეშაშვილს, გეგა დიასამიძესა და ნოდარ ქავთარაძეს ამოეწურათ.
აღნიშნულმა ფეხბურთელებმა, კონტრაქტის დასრულების შემდეგ, კარიერის გაგრძელება სხვა კლუბში ისურვეს. რაც შეეხება, ბექა ქურდაძეს, იგი ერთწლიანი არენდის შემდეგ, საბურთალოში დაბრუნდა.
ზურა დავითაშვილი კარიერას თბილისის “ლოკომოტივში” გააგრძელებს. ამ ინფორმაცია, როგორც ახალგაზრდა მოტაამშის ყოფილი გუნდის, ასევე ახლანდელი კლუბის გვერდები ავრცელებენ.
16 წლის ნახევარმცველსა და კლუბს შორის ერთწლიანი ხელშეკრულება გაფორმდა.
“ლოკოს” ახალწვეული, თბილისის “დინამოს” აღზრდილია და პროფესიონალური კარიერაც აღნიშნულ კლუბში დაიწყო. 2017 წელს, ეროვნულ ლიგაში, მან 6 მატჩი ჩაატარა.
დავითაშვილი საქართველოს 17 წლამდე ნაკრების კაპიტანია.
მიმდინარე სატრანსფერო ფანჯარაზე თბილისის “დინამო” ხუთმა ფეხბურთელმა დატოვა.
“დინამო თბილისი ბექა მიქელთაძემ, ზუკა დავითაშვილმა, ბექა ქავთარაძემ და ლევან გეგეჭკორმა დატოვეს. ჩვენი კლუბის სურვილის მიუხედავად ფეხბურთელებმა სხვაგან გადაწყვიტეს კარიერის გაგრძელება. დინამოს ასევე დაემშვიდობა გამოცდილი მეკარე ნუკრი რევიშვილი. ჩვენი კლუბი წარმატებებს უსურვებ მას მომავალ კარიერაში.” – ნათქვამია კლუბის ოფიციალურ გვერდზე.
შეგახსნეებთ, რომ “დინამომ” გასულ სეზონში ტიტულის მოგება ვერ მოახერხა. ის ეროვნულ ლიგაში მეორე ადგილს დასჯერდა, ხოლო საქართველოს თასზე ასპარეზობას ნახევარფინალში, ქუთაისის “ტორპედოსთან” გამოეთიშა.
Fcdinamo.Ge
“საბურთალოს” 19 წლის მცველმა ლუკა ლაკვეხელიანმა ფეხბურთის ფედერაციის მიერ შემაჯამებელ დაჯილდოვებაზე ერთ-ერთ ნომინაციაში იმარჯვა. თბილისური გუნდის აკადემიის აღზრდილი ფეხბურთელი, ლეგენდარული ალექსანდრე ჩივაძის სახელობის ოქროს მედალოსანი გახდა.
“ძალიან დიდი პატივი და აღიარებაა დაჯილდოვდე ლეგენდარული, ყველასათვის ცნობილი და საყვარელი ფეხბურთელის, ალექსანდრე ჩივაძის სახელობის ოქროს მედლით. სიმართლე გითხრათ, არ ველოდი მსგავს აღიარებას, სასიამოვნო სურპრიზი იყო. მიუხედავად იმისა, რომ ევროპის ჩემპიონატის მატჩები მეტ-ნაკლებად ნორმალურად ჩავატარე, ჩემს გარდა, სხვებიც იყვნენ, რომლებზეც შეიძლებოდა მსგავსი პრიზის გადაცემა. პირველი სერიოზული ჯილდოა. ეს განცდა და სიხარული ცხოვრებაში არ დამავიწყდება.”
“მთელი სეზონის განმავლობაში გულშემატკივრებისგან სითბოსა და ყურადღებას ვგრძნობდი. გვერდში დგომისთვის მინდა მათ მადლობა გადავუხადო. ვისარგებლებ შემთხვევით და სრულიად საქართველოს დამდეგ შობა-ახალ წელს მივულოცავ! წარმატებებსა და ბევრ სიხარულს ვუსურვებ”, – განმარტა ფეხბურთელმა.
თბილისის “დინამოს” აღზრდილმა, დემეტრე ბულისკერიამ კლუბთან პროფესიონალური კონტრაქტი გააფორმა.
ახალგაზრდა მეკარე “დინამოს” აკადემიის აღზრდილია და ყველა ასაკობრივ გუნდში უთამაშია. დემეტრე, ასევე, საქართველოს ასაკობრივ ნაკრებთა კიპერი გახლავთ.
ნახსენები ხეშეკრულების თანახმად დემეტრე დედაქლაქელთა რიგების კარს 2023 წლის ჩათვლით დაიცავს.
ბაქარ ქარდავამ თბილისის “დინამოსთან” კონტრაქტი გაახანგრძლივა. ამის შესახებ დედაქალაქელთა ოფიციალური გვერდი იტყობინება.
ახალი ხელშეკრულების თანახმად, 23 წლის ნახევარმცევლი “დინამოში” 2020 წლამდე დარჩება.
შეგახსენებთ, რომ ქარდავა “დინამოში” “ცხინვალიდან” გადავიდა და მალევე გახდა გუნდის მნიშვნელოვანი მოთამაშე. მან სეზონში ეროვნული ლიგის 32 შეხვედრაც ჩაატარა. მანამდე, იგი “გაგრასა” და “სასკოში” თამაშობდა.
გიორგი დევდარიანი თბილისის ლოკომოტივს აღარ გაწვრთნის. 44 წლის სპეციალისტს კლუბთან კონტრაქტის ვადა ამოეწურა. ლოკომოტივის ხელმძღვანელობის გადაწყვეტილებით, მხარეებს შორის თანამშრომლობა აღარ გაგრძელდება.
ახალი მთავარი მწვრთნელის შესახებ, ინფორმაციას ლოკომოტივი მოგვიანებით გაავრცელებს.
დევდარიანი ლოკომოტივის მთავარი მწვრთნელი 2016 წლის ოქტომბერში, გარდამავალი ჩემპიონატის დასრულებამდე რამდენიმე ტურით ადრე გახდა.
2017 წლის ეროვნული ლიგის გათამაშება, ლოკომოტივმა მე-6 პოზიციაზე დაასრულა. დევდარიანის გუნდმა 53 ქულა მოაგროვა.
Fcloco.Ge
ხვალ ეროვნული ლიგის ბოლო, 36-ე ტურის ხუთივე მატჩი შედგება. რა თქმა უნდა, ტურის და სეზონის ცენტრალური მატჩი, თბილისში, “დინამო არენაზე” გაიმართება, სადაც ადგილობრივი “დინამო” ქუთაისის “ტორპედოს” მიიღებს. სიტუაცია მარტივია: დედაქალაქელები 57 ქულით პირველზე არიან, იმერლები, 55-ით – მეორეზე, ფრე ან “დინამოს” მოგება მას აჩემპიონებს, ხოლო “ტორპედო” ჩემპიონი მხოლოდ გამარჯვების შემთხვევაში ხდება.
საკმაოდ პრინციპული დაპირისპირების წინ, Fanebi.Com-თან “დინამოს” კაპიტანმა, ოთარ კიტეიშვილმა ისაუბრა.
“სეზონის დასაწყისში რომ ეთქვათ, გადამწყვეტი შეხვედრა “დინამო არენაზე” შედგებაო, ალბათ ყველა დათანხმდებოდა. თუმცა, სტარტის შემდეგ დიდი უპირატესობა გვქონდა და უფრო მარტივადაც შეიძლებოდა, საქმე წასულიყო. საჭირო იყო, აღნიშნული დაშორების უკეთ გამოყენება. დასანანი ქულები დავკარგეთ, თუმცა ამაზე ფიქრის დრო არ არის. ხვალინდელი მატჩი იმ ახალაგაზრდებისთვის, რომლებიც კლუბში ვთამაშობთ, ძალიან დიდი გამოცდილება იქნება. მოტივაცია? ამაზე ლაპარაკი ზედმეტია. ამ შეხვედრას მთელი საქართველო ელის და მიხარია, რომ ასეთი დაპირისპირების ჩატარება გვიწევს.”
“მხოლოდ თამაშზე ვართ კონცენტრირებულნი და წარსულში გამოუყენებელ შანსებზე არ ვფიქრობთ. მეტოქე საკმაოდ ძლიერია. ისინი კარგ ფორმაში არიან, თუმც მთელი სეზონის განმავლობაში მდევრების როლში იყვნენ. ახლა მათ გადასწრების და გაჩემპიონების შანსი აქვთ. თუმცა, არ ვაპირებთ, რამე დავთმოთ. პირველ ადგილზე ვართ და იმედია, ხვალინდელი თამაშის შემდეგაც ასე იქნება,” – აცხადებს კიტეიშვილი.
დღეს ეროვნული ლიგის 35-ე ტურის შეხვედრები გაიმართა.
ერთ-ერთ მატჩში ქუთაისის “ტორპედომ” “რამაზ შენგელიაზე” ბათუმის “დინამო” მიიღო. მოგეხსენებათ, იმერლები თბილისის “დინამოს” ოთხი ქულით ჩამორჩებოდნენ და თუ მათ ჩემპიონობის შანსის შენარჩუნება სურდათ, აუცილებლად უნდა მოეგოთ (ამავე დროს, “დინამოს” უნდა დაეკარგა მინიმუმ ორი ქულა, ან წაეგო).
შეხვედრა დაძაბული გამოდგა. პირველ ტაიმში გოლი არ გასულა. მეორე ნახევარში შესანიშნავი ხუთი წუთი ჰქონდა თორნიკე კაპანაძეს: “ტორპედოელმა” ჯერ 48-ე, შემდეგ 53-ე წუთზე აიღო მეტოქის კარი. ამის შემდეგ ორივე გუნდს ჰქონდა მომენტები, თუმცა აღარაფერი შეცვლილა.
საბოლოოდ, “ტორპედომ” ანგარიშით, 2-0 იმარჯვა. ეს ვერ მოახერხა ლიდერმა “დინამომ”, რომელმაც “საბურთალოსთან” უგოლო ფრე გააგორა. შესაბამისად, პირველ მათგანს 55 ქულა აქვს, მეორეს – 57. ეს გუნდები ერთმანეთს 26 ნოემბერს, ეროვნული ლიგის ბოლო ტურში დაუპირისპირდებიან ერთმანეთს და იქ გაარკვევენ ჩემპიონის ვინაობას. ხოლო, ბათუმის “დინამო” ამჟამად 33 ქულით მერვეა.
დღეს ეროვნული ლიგის 34-ე ტურის შეხვედრები იმართება.
ბათუმში, “რაგბი არენაზე” ადგილობრივმა “დინამომ” თბილსიის “საბურთალო” მიიღო. ანგარიში მესამე წუთზე ელგუჯა გრიგალაშვილმა გახსნა. ამის შემდეგ გუნდებს რამდენიმე მომენტი შეექმნათ, თუმცა გოლი პირველ ტაიმში არ გასულა. მეორე ნახევარში, 56-ე წუთზე ნდუე მუეციმ “საბურთალოს” ჩამორჩენა აღმოფხვრა. ხოლო, მესამოცე წუთზე დავით ვოლკოვმა საერთოდ წინ გაიყვანა თბილისლები. საბოლოოდ, სწორედ მათ იმარჯვეს ანგარიშით, 2-1.
ამ წაგების შემდეგ “დინამო” 33 ქულით მერვე პოზიციაზეა. ხოლო, “საბურთალოს” 56 ქულა მოუგროვდა და მეოთხე ადგილზე იმყოფება.
დღეს ეროვნული ლიგა, სანკარებო პაუზის შემდეგ, განახლდა.
34-ე ტურის ერთ-ერთი მატჩი ბათუმში, “რაგბი არენაზე” შედგა: ქობულეთის “შუქურა” თბილისის “დინამოს” წინააღმდეგ. წესით, დედაქალაქელებისგან ჩემპიონატის ბოლოადგილოსანთან ყველა მარტივ გამარჯვებას ელოდა, თუმც ასე არ მოხდა. “დინამომ” პირველ ტაიმში შექმნა მომენტები, თუმცა უშედეგოდ – გოლი არ გასულა.
გადამწყვეტი გამოდგა დაპირისპირების 78-ე წუთი: მე-18 ნომერმა, მცველის შეცდომის შემდეგ, მარცხენა ფლანგზე მიიღო ბურთი, სამი ფეხბურთელის მოტყუებით საჯარიმოს სიღრმეში შევიდა და მეკარისგან მარჯვენა ცხრიანში გაგზავნა ბურთი – 0:1! საბოლოოდ, სტუმრებმა სწორედ ამ ანგარიშით იმარჯვეს.
“დინამო” 74 ქულით პირველია. “შუქურას” 18 ქულა აქვს და მეათე ადგილს იკავებს.
დღეს ეროვნული ლიგის 33-ე ტურის შეხვედრები გაიმართა.
ცენტრალური მატჩი ქუთაისში, “რამაზ შენგელიაზე” ადგილობრივ “ტორპედოსა” და “სამტრედიას” შორის შედგა. აქამდე ამ გუნდებს შორის სხვაობა მხოლოდ სამი ქულა იყო. პრინციპულ დაპირსპირებაში ანგარიში მე-13 წუთზე მას შემდეგ გაიხსნა, როცა “ტორპედოელებმა” აუტი მოაწოდეს და მეკარესთან ერთი ერთზე დარჩენილ თორნიკე კაპანაძეს გოლის გატანა აღარ გასჭირვებია.
70-ე წუთზე “სამტრედიას” ცენტრალურ მცველებს გიორგი ქიმაძე გაექცათ, მან ბურთი საჯარიმოში მიიღო, კაპანაძეს “უპასა”, რომელსაც ცარიელ კარში გატანა აღარ გასჭირვებია. საბოლოოდ, ქუთაისლებმა სწორედ კაპანაძის დუბლის წყალობით ანგარიშით, 2:0 მოიგეს.
“ტორპედომ” ამ გამარჯვებით “დინამოსთან” არსებული სხვაობა, ანუ ოთხი ქულა შეინარჩუნა. მას 67 ქულა აქვს და მეორე პოზიციაზეა. ხოლო, “სამტრედია” მის დღევანდელ მეტოქეზე ერთი საფეხურით და ექვსი ქულით უკანაა.
