ხვალ, თბილისის დროით 17:05 საათზე, ინგლისის პრემიერ ლიგაში გაიმართება ლონდონური დერბი, სადაც ”ჩელსი”, საკუთარ მოედანზე, ”არსენალს” დაუპირისპირდება. ”არისტოკრატთა” მეკარემ, ტიბო კურტუამ, ჟურნალისტებთან, მომავალ მატჩზე ისაუბრა.
”დედაქალაქში, საკმაოდ ბევრი გუნდია და თითოეულ მათგანს, საუკეთესოდ ყოფნა სურს. ასეთ დერბიში თამაშზე, ყველა ბავშვი ოცნებობს, გამონაკლისი არც მე ვიყავი. დერბი ყოველთვის საინტერესოა. იმედი მაქვს, რომ ”არსენალთან” გავიმარჯვებთ.” – კანაცხადა ბელგიელმა კიპერმა.
“ჩელსის” მეკარემ ტიბო კურტუამ ლონდონურ კლუბთან გრძელვადიანი ხელშეკრულების გაფორმების მზადყოფნა დაადასტურა.
22 წლის კიპერის მიმდინარე კონტრაქტი 2016 წლამდეა გათვლილი. “ჩელსის” ხელმძღვანელობას კი, ერთ-ერთი ყველაზე გამორჩეული ახალგაზრდა მოთამაშის დაკარგვა არ სურს.
კურტუა თანამშრომლობის გახანგრძლივებაზე დიდხანს ფიქრობდა. თუმცა, სასტარტოში ადგილის მოპოვების შემდეგ გადაწყვეტილება მალევე მიიღო. ინგლისური პრესის ცნობით ახალი კონტრაქტი 5 წლიანი იქნება.
3 აგვისტოს ბრემენის “ვერდერსა” და ლონდონის “ჩელსის” შორის გამართულ შეხვედრაში (3:0), ტიბო კურტუამ მშვენიერი სეივი განახრციელა.
ბელგიის ნაკრების მეკარე ტიბო კურტუა მესის წინააღმდეგ გასამართ მორიგ დაპირისპირებას მოუთმენლად ელის.
“ესპანეთის ჩემპიონატიდან მესის საკმაოდ კარგად ვიცნობ. დარწმუნებული ვარ, რომ კარგი მატჩი გველის და გამარჯვების დიდი იმედი მაქვს. ლეოს თამაშის შესწავლა ფაქტობრივად წარმოუდგენელია. დასარტყმელად ის ნებისმიერ მინიმალურ შესაძლებლობასაც კი იყენებს. ამ დროს მეკარე ყოველთვის ყურადღებით უნდა იყოს” – განაცხადა კურტუამ.
არგენტინის და ბელგიის დაპირისპირება 5 ივლისს, თბილისის დროით 20:00 საათზე დაიწყება.
ლონდონის „ჩელსის“ მთავარმა მწვრთნელმა ჟოზე მოურინიომ დაადასტურა ინფორმაცია იმის შესახებ, რომ მის კლუბს მადრიდის „ატლეტიკოდან“ დიეგო კოსტას გადმობირება სურს.
„მინდა, რომ ჩემს გუნდში კოსტა ვიხილო. კლუბს მისი ყიდვა ვთხოვე. დარწმუნებული ვარ, რომ ის ჩვენთან აღმოჩნდება“, – მოურინიოს სიტყვებს „მარკა“ ციტირებს.
როგორც პორტუგალიელი სპეციალისტი ამბობს, „ჩელსი“ „ატლეტიკოში“ განათხოვრებულ ტიბო კურტუასაც დაიბრუნებს.
„მსოფლიოს ჩემპიონატის დასრულების შემდეგ, კურტუა „სტემფორდ ბრიჯზე“ დაბრუნდება. მორჩა და გათავდა“, – აღნიშნავს მოურინიო.
ბექა დოგრაშვილი
მადრიდის “ატლეტიკოს” გენერალური დირექტორის მიგელ ანხელ გილ მარინის თქმით, მეკარე ტიბო კურტიას მადრიდულ კლუბში სურს დარჩენა. შეგახსენებთ, რომ უკანასკნელი სამი სეზონის განმავლობაში მეკარე “ატლეტიკოში” იჯარის წესით ასპარეზობს. მისი სატრნასფერო უფლებები ლონდონის “ჩელსის” ეკუთვნის.
“კურტუას “ატლეტიკოში” სურს დარჩენა. მან ეს კლუბის ხელმძღვანელობას უკვე უთხრა. ახლა ყველაფერი მასზე და “ჩელსიზეა” დამოკიდებული” – განაცხადა გილ მარინმა.
მადრიდის „ატლეტიკოს“ მეკარემ ტიბო კურტუამ ჩემპიონთა ლიგის მაოხლოებულ ფინალზე ისაუბრა.
„დიეგო სიმეონე როგორც ჩვენი მე-12 მოთამაშეა. კარგია, როდესაც გუნდს ასეთი მწვრთნელი ჰყავს.
იგი ჩინებული ადამიანია და ფეხბურთელებს მხარს ყოველთვის უჭერს. ვარჯიშების დროს მან ყოველთვის იცით, რითი ვართ დაკავებული.
„რეალი“ ჩვენი პრინციპული მეტოქეა, ასე რომ, უნდა გავიმარჯვოთ, წინააღდეგ შემთხვევაში ამ გუნდის ფანები მოგებაზე მთელი წლის განმავლობაში ისაუბრებენ. „ატლეტიკოს“ გულშემატკივრებს მოგების იმედი აქვთ, ისევე, როგორც ფეხბურთელებს“, – განაცხადა ბელგიელმა კარის დარაჯმა.
ალექსანდრე მატევოსოვი
მადრიდის “ატლეტიკოს” კარის დარაჯი ტიბო კურტუა აცხადებს, რომ მან ჯერ არ იცის, როგორ განვითარდება მისი მომავალი, თუმცა თუ სხვა გუნდში გადასვლა მოუწევს, მას იქ სათამაშო პრაქტიკა უნდა ჰქონდეს.
შეგახსენებთ, რომ ბელგიელი ფეხბურთელი ლონდონის “ჩელსის” კუთვნილებაა და არ არის გამორიცხული, სეზონის ერთ-ერთი გამორჩეული მეკარე ჟოზე მოურინიოს გუნდში გადაბარგდეს.
“ესპანეთის ჩემპიონი გავხდი, რაც ძალიან მიხარია. ჯერ-ჯერობით არ ვიცი, რა მოხდეება მომავალ სეზონში. წინ ჩემპიონთა ლიგის ფინალი, შემდეგ კი მსოფლიოს ჩემპიონატია, ამიტომ სხვა თემაზე ფიქრი არ შემიძლია.
“ჩელსისთან” კონტრაქტის ამოწურვამდე ორი წელი დარჩა. თუ სხვა გუნდში გადავალ, იქ სათამაშო პრაქტიკა აუცილებლად უნდა მქონდეს. ჯერ ახალგაზრდა ვარ და ჩემთვის ფულზე მეტად მნიშვენლოვანი სწორედ სათამაშო პრაქტიკაა. ჩეხი მსოფლიოს ერთ-ერთი საუკეთესო მეკარეა. მას დიდ პატივს ვცემ. ბევრი რამ “ჩელსიზეა” დამოკიდებული”, – ამბობს კურტუა.
მადრიდის “ატლეტიკოს” ბელგიელი მეკარე ტიბო კურტუა “სამორას პრიზის” მფლობელი გახდა. აღნიშნული ჯილდო ესპანეთში 1958 წელს დაარსდა და იმ მეკარეს გადაეცემა, რომელსაც საშუალოდ მატჩში ყველაზე ცოტა გოლი აქვს გაშვებული. აღნიშნული პრემია ლეგენდარული მეკარის, რიკარდო სამორას სახელს ატარებს.
მიმდინარე სეზონში კურტუამ 37 შეხვედრაში 24 გოლი გაუშვა. აღსანიშნავია, რომ სამორას პრიზი კურტუამ ზედიზედ მეორედ მოიგო.
მადრიდის “ატლეტიკოს” მეკარემ ტიბო კურტუამ “ბარსელონასთან” გამართული მატჩის შტაბეჭდილებები გაუზიარეა ჟურნალისტებს.
“შეხვედრა ძალიან რთული გამოვიდა. “ბარსელონას” საჩემპიონოდ გამარჯვება სჭირდებოდა, ჩვენ კი ფავორიტები არ ვყოფილვართ.
კატალონიელები კარგად გამოიყურებოდნენ. სწორედ ამიტომ, თავიდან თამაშში ჩართვა გაგვიჭირდა და ორი უმნიშვნელოვანესი მოთამაშეც გამოგვაკლდა. მაგრამ, ბიჭებმა ყველაფერი გააკეთეს საბოლოო წარმატებისთვის.
“ატლეტიკოს” ისტორიაში ახალი ფურცელი ჩავწერეთ. შესვენების დროს სიმეონემ გვითხრა, რომ ჩვენ უკეთსი გუნდი ვართ და ეს მეორე ნახევარში დავამტკიცეთ. ჩემპიონობა დამსახურებულად მოვიპოვეთ” – განაცხადა კურტუამ.
თავდამსხმელმა დიეგო კოსტამ და მეკარე ტიბო კურტუამ დღეს მადრიდის „ატლეტიკოს“ დილის ვარჯიში გამოტოვეს.
კოსტა მიღებული ტრავმის შემდეგ სარეაბილიტაციო კურსის გავლას აგრძელებს და დღეს სატრენაჟორო დარბაზშიც ივარჯიშა.
რაც შეეხება კურტუას, ბელგიელმა კარის დარაჯმა „მალაგასთან“ ბოლო შეხვედრაში მუხლი იტკინა.
ასეა თუ ისე, დიდი ალბათობით, ორივე ფეხბურთელი „ბარსელონასთან“ ესპანეთის პრიმერა დივიზიონის 38-ე ტურის მატჩისთვის მზად იქნება.
ალექსანდრე მატევოსოვი
