ტოტენჰემი – გვერდი 23 – Fanebi.Com – ფეხბურთი, კალათბურთი, რაგბი, სხვა

დავიდ სილვა „ტოტენჰემთან“ ვერ ითამაშებს

Posted on სექტემბერი 25, 2015 by Alix

„მანჩესტერ სიტის“ ნახევარმცველი დავიდ სილვა „ტოტენჰემთან“ ინგლისის პრემიერლიგის მეშვიდე ტურის მატჩში ვერ ითამაშებს.

ფეხბურთელი კუნთის ტრავმის შემდეგ ბოლომდე ჯერ არ გამოჯანმრთელებულა. ცნობისთვის, ტრავმა ესპანელმა „იუვენტუსთან“ ჩემპიონთა ლიგის ჯგუფური ეტაპის პირველი ტურის მატჩში მიიღო. ამავე მიზეზით მან „ვესტ ჰემთან“ პრემიერლიგისა და „სანდერლენდთან“ ინგლისის ლიგის თასის შეხვედრა გამოტოვა.

„ქალაქელთა“ სამწვრთნელო შტაბი იმედოვნებს, რომ სილვა მიუნხენგლადბახის „ბორუსიასთან“ ჩემპიონთა ლიგის ჯგუფური ეტაპის მეორე ტურის მატჩისთვის გამოჯანმრთელებას მოასწრებს.

„ტოტენჰემმა“ სეზონში პირველად მოიგო (ვიდეო)

Posted on სექტემბერი 13, 2015 by Alix

ინგლისის პრემიერლიგის მეხუთე ტურში „ტოტენჰემმა“ გასვლაზე „სანდერლენდს“ ანგარიშით 1:0 სძლია. ერთადერთი გოლი მატჩის ძირითადი დროის დასრულებამდე რვა წუთით ადრე რაიან მეისონმა გაიტანა.

აქედან გამომდინარე, „ტოტენჰემმა“, რომელმაც სეზონი ერთი წაგებითა და ზედიზედ სამი ფრით დაიწყო, პრემიერლიგის მიმდინარე გათამაშებაში პირველად მოიგო. რაც შეეხება „სანდერლენდს“, გუნდი ორი ქულით კვლავ მოგების გარეშეა.

„სანდერლენდი“ – „ტოტენჰემ ჰოთსპური“ – 0:1

გოლი: მეისონი 82′

გაფრთხილებები: ბორინი 21′, ჯონსი 42′ – ვერტონგენი 16′

ვიტსელი: „სამწუხაროდ, „ზენიტში“ დავრჩი“

Posted on სექტემბერი 1, 2015სექტემბერი 1, 2015 by Alix

სანქტ-პეტერბურგის „ზენიტის“ ნახევარმცველს აქსელ ვიტსელს გული დაწყდა, რომ ზაფხულის სატრანსფერო ფანჯრის დროს რუსეთის დატოვება ვერ მოახერხა. როგორც ბელგიელმა განაცხადა, კლუბმა მცირე პერიოდში მისი შემცვლელის პოვნა ვერ მოახერხა.

„არსად გადავალ, ასეთი გადაწყვეტილება გუშინ „ზენიტმა“ მიიღო. კლუბმა ჩემი შემცვლელი ვერ იპოვა. ეს სამწუხაროა, რადგან მინდოდა, გადავსულიყავი. ნათელია, რომ ზამთრამდე ვერსად წავალ“, – განაცხადა ვიტსელმა.

შეგახსენებთ, რომ 26 წლის შუახაზელის შეძენა „მილანს“, „იუვენტუსსა“ და „ტოტენჰემს“ სურდათ.

“ტოტენჰემი” კეინს ვარსკვლავურ პარტნიორს მოუყვანს

Posted on აგვისტო 18, 2015 by საბა

“სპურსი” ხელს ალესანდრო პატოსთან მოაწერს.

The Metro-ს თანახმად, “მილანში” ბრაზილიელის ტრანსფერს ლონდონიდან კონკურენტი გამოუჩნდა.

პატოს ევროპაში დაბრუნებით “ვოლფსბურგი”, “ევერტონი”, “ვესტ ჰემი” და “ლაციოც” დაინტერესდნენ. “დეზები” ეძებენ ისეთ შემტევს, რომელთან ერთადაც ჰარი კეინი თავს კარგად იგრძნობს.

შეგახსენებთ, რომ 2007-2013 წლებში 25 წლის წინახაზელი “მილანში” თამაშობდა და ახლა “სან-პაოლოშია”.

“იუვენტუსმა” ლამელას ტრანსფერი შეათანხმა?

Posted on აგვისტო 18, 2015 by საბა

არგენტინელი ნახევარმცველი შესაძლოა, ევროპაში დაბრუნდეს.

Daily Mirror-ის ინფორმაციით, “იუვენტუსი” სერიოზულად ფიქრობს ერიკ ლამელას გაფორმებას.

“ბებერი ქალბატონები” ანდრეა პირლოსა და არტურო ვიდალის შემცვლელად თავიდან მარიო გიოტცესა, შემდეგ იულიან დრაქსლერის, ხოლო ახლა კრისტიან ერიქსენის გაფორმებას ცდილობდნენ, თუმცა უშედეგოდ.

ერიკ ლამელა “ტოტენჰემის” ყველაზე ძვირადღირებული მოთამაშეა, 30 მილიონ ევროდ. “ბიანკონერი” მზადაა არგენტინელში 18 მილიონი გადაიხადოს.

“იუვენტუსს” “ტოტენჰემის” გამთამაშებელი სჭირდება

Posted on აგვისტო 14, 2015 by საბა

კრისტიან ერიქსენი შესაძლოა, იტალიის ჩემპიონებს შეუერთდეს.

მანამდე, “იუვენტუსის” ხელმძღვანელები იულიან დრაქსლერის გაფორმებას ცდილობდნენ, თუმცა “შალკესთან” შეთანხმებას ვერ მიაღწიეს.

La Gazzetta dello Sport-ის ინფორმაციით, “ბიანკონერი” “ტოტენჰემის” დანიელი შემტევის, კრისტიან ერიქსენის ვარიანტს განიხილავს.

ერიქსენი ლონდონში 2013 წელს გადავიდა. 64 მატჩში კი 17 გოლი გაიტანა და 11 საგოლე პასით გამოირჩა.

როგორ უყურებს ჰარი კეინი უეინ რუნის (ვიდეო)

Posted on აგვისტო 11, 2015აგვისტო 10, 2015 by -

8 აგვისტოს, ინგლისის პრემიერ ლიგის პირველ ტურში, “მანჩესტერ იუნაიტედსა” და “ტოტენჰემს” შორის გამართული მატჩის (1:0) დაწყების წინ, კამერებმა დააფიქსირეს, თუ როგორ უყურებდა ჰარი კეინი უეინ რუნის.

„ტოტენჰემის“ თავკაცი „მანჩესტერთან“ წაგებულ მატჩში ნაჩვენები თამაშით კმაყოფილია

Posted on აგვისტო 8, 2015 by Alix

„ტოტენჰემ ჰოთსპურის“ მთავარმა მწვრთნელმა მაურისიო პოკეტინომ „მანჩესტერ იუნაიტედთან“ პრემიერლიგის პირველი ტურის მატჩის შეფასებისას აღნიშნა, რომ მარცხის მიუხედავად, თავისი გუნდის თამაშის ხარისხით კმაყოფილი დარჩა.

„თამაშით კმაყოფილები ვართ, თუმცა შედეგით – არა. ძალიან არ გაგვიმართლა, რადგან პირველივე შეცდომის შემდეგ გავუშვით. მეტოქემ ჩვენს დონეზე თამაში მხოლოდ ამის შემდეგ დაიწყო. ოპტიიზმი უნდა შევინარჩუნოთ, ეს სეზონის პირველი თამაში იყო, ჯამში კი კარგ ფორმაში ვართ“, – განაცხადა ლონდონური კლუბის თავკაცმა.

ვან გაალის კომენტარი „ტოტენჰემთან“ მოგებული მატჩის შემდეგ

Posted on აგვისტო 8, 2015 by Alix

„მანჩესტერ იუნაიტედის“ მთავარმა მწვვრთნელმა ლუი ვან გაალმა „ტოტენჰემთან“ ინგლისის პრემიერლიგის პირველი ტურის მატჩი შეაფასა, რომელიც მისმა გუნდმა, მინიმალური სხვაობით, 1:0 მოიგო.

„თამაში ადვილი არ ყოფილა, ორივე გუნდი ერთმანეთზე ზეწოლას ცდილობდა, ამიტომაც მოთამაშეებს გადაწყვეტილების მისაღებად ბევრი დრო არ ჰქონიათ. პრესინგი კარგად გამოვიყენეთ და გოლიც გავიტანეთ. ვფიქრობ, მოგება დავიმსახურეთ.

სერხიო რომერომ კარი მშრალად შეინახა, მან ლამაზი სეივები მიითვალა. დარმიანის თამაშიც მომეწონა, ბურთის გარეშე ის კარგად მოქმედებდა. შვაინშტაიგერი? ბასტიანი გამოცდილია, თუმცა „ოლდ ტრაფორდზე“ უკეთესი მხარდაჭერა მას არსად ჰქონია.

დღეს დაბადების დღე მაქვს, რაც განსაკუთბული მოვლენაა. კარგია, რომ გავიმარჯვეთ, რადგან წაგების შემთხვევაში, სიცილის ხასიათზე ნამდვილად ვერ ვიქნებოდი“, – განაცხადა ჰოლანდიელმა.

“მანჩესტერ იუნაიტედი”-“ტოტენჰემი” [სასტარტო შემადგენლობები]

Posted on აგვისტო 8, 2015 by საბა

ზუსტად 40 წუთში სტარტს აიღებს პრემიერ ლიგის ახალი სეზონი, სადაც გახსნით მატჩში “მანჩესტერი” “ოლდ ტრაფორდზე” “ტოტენჰემს” მიიღებს.

ჩვენი საიტი მატჩის შემადგენლობებს გთავაზობთ.

“მანჩესტერ უტდ”: რომერო – დარმიანი, სმოლინგი, ბლინდი, შოუ – შნეიდერლინი, კერიკი – მატა, დეპაი, იანგი – რუნი.

“ტოტენჰემი”: ვორმი – უოლკერი, ალდევეირელდი, ვერტონგენი, დავისი – დაიერი, ბენტალები, ერიქსენი, დემბელე, ჩადლი – კეინი.

ვან გაალის გადაწყვეტილებით, დე ხეა „ტოტენჰემთან“ არ ითამაშებს

Posted on აგვისტო 7, 2015 by Alix

„მანჩესტერ იუნაიტედის“ მთავარმა მწვრთნელმა ლუი ვან გაალმა განაცხადა, რომ მეკარე დავიდ დე ხეა „ტოტენჰემთან“ პრემიერლიგის პირველი ტურის მატჩს გამოტოვებს და მის ადგილს სერხიო რომერო დაიკავებს.

„დავიდი არ ითამაშებს. ფეხბურთელებს არამხოლოდ მათი შესაძლებლობების მიხედვით ვაფასებ. ვფიქრობ, დე ხეა მზად არაა, ამოცანა შეასრულოს“, – განაცხადა ჰოლანდიელმა სპეციალისტმა.

შეგახსენებთ, რომ აქამდე გავრცელებული ინფორმაციით, მანჩესტერული კლუბის თავკაცმა ხელმძღვანელობას დე ხეას მადრიდის „რეალში“ რაც შეიძლება სწრაფად გაყიდვა სთხოვა.

ჰონდა „მილანიდან“ წასვლაზე დაფიქრდა

Posted on აგვისტო 6, 2015 by Alix

„მილანის“ ნახევარმცველი კეისუკე ჰონდა სამუშაო ადგილის შეცვლაზე დაფიქრდა.

იაპონელი ფეხბურთელი თვლის, რომ გუნდის ახალი მწვრთნელი სინიშა მიჰაილოვიჩი მოახლოებულ სეზონში მის სათადარიგოთა სკამზე დატოვებას აპირებს. ამავდროულად ჰონდას არ მოსწონს, რომ კლუბი მის სახელს აზიურ ბაზარზე იყენებს, რისი დახმარებითაც ბიუჯეტს მაისურების გაყიდვის დახმარებით იმატებს.

როგორც პორტალი „მილანნიუსი“ წერს, ჰონდას შეძენა „ევერტონსა“ და ტოტენჰემს“ სურთ.

შეგახსენებთ, რომ იაპონელი შუახაზელი „მილანში“ 2013 წელს მოსკოვის ცსკა-დან გადავიდა.