რიოს ოლიმპიადა სულ ხუთი დღეა დაიწყო და უკვე ბევრმა სპორტსმენმა მიიღო ტრავმა.
ზემოთ ნახსენებ მონაწილეთა სიას გუშინ ღამით სომეხი ძალოსანი, ანდრანიკ კარაპეტიანი შეუერთდა. ჩვენი მეზობელი ქვეყნის წარმომადგენელი 77 კილოგრამ წონით კატეგორიაში ერთ-ერთი ფავორიტი იყო, თუმცა 195 კილოგრამის აწევისას საშინელი ტრავმა მიიღო და ასპარეზობას გამოეთიშა.
რამდენიმე დღის წინ გაიმართა ამხანაგური შეხვედრა “ლივერპულსა” და “ჩელსის” შორის, სადაც ლონდონელებმა მინიმალური ანგარიშით იმარჯვეს.
გარდა წაგებისა, როგორც აღმოჩნდა, ეს შეხვედრა “ლივერპულელებისთვის” იმითაც გამოდგა სამწუხარო, რომ ტრავმა მიიღო გუნდის 22 წლის მოთამაშემ, ლორის კარიუსმა. მან ხელი დაიზიანა.
როგორც შემდგომში გაირკვა, ახლაგაზრდა ფეხბურთელს ხელი აქვს მოტეხილი და მას 8-დან 10 კვირამდე მოუწევს ლაზარეთში ყოფნა.
სამწუხარო ინფორმაცია დადასტურდა ლონდონის “არსენალის” ფანებისთვის. ირკვევა, რომ “მეთოფეთა” მცველს, პერ მერტესაკერს მუხლის ტრავმა აღენიშნება, რომელიც მან საფრანგეთში, “ლენსთან” ამხანაგურ შეხვედრაში მიიღო. აღსანიშნავია, რომ 31 წლის სპორტსმენი გუნდს არ გაჰყვა აშშ-ში, სადაც “არსენალი” ორ ამხანაგურ მატჩს გამართავს.
არსენ ვენგერმა განაცხადა, რომ პირველი რამდენიმე თვის შემდეგ გერმანელი მოთამაშე მოედანს დაუბრუნდება.
მერსესაიდის “ლივერპული” ამერიკის შეერთებულ შტატებში იმყოფება და წინასასეზონო მატჩებს მართავს. კლოპის გუნდი “ისთ პალო ალტოს” ბაზაზე არიას დაბინავებული.
სულ ცოტა ხნის წინ გაირკვა, რომ ბრიტანელთა მცველმა, მამადუ სახომ ამერიკაში მყოფი გუნდი მიატოვა და ლივერპულში დაბრუნდა. როგორც აღმოჩნდა, ამის მთავრი მიზეზი ის დაზიანებაა, რომელიც 26 წლის მოთამაშეს მყესებზე აღენიშნება. სახო ინგლისში იმკურნალებს და ეცდება, ახალი სეზონისთვის ფიზიკურად მწყობრში იყოს.
რამდენიმე დღის წინ ჩინეთის ჩემპიონატში მოთამაშე დემბა ბამ საშინელი ტრავმა მიიღო. მან შანხაის დერბიში სან ჩიანგთან შეჯახების დროს ფეხი მოიტეხა. ფეხბურთელი დაუყონებლივ გადაიყვანეს საავადმყოფოში და მას ოპერაცია გაუკეთდა. იყო იმის საშიშროება, რომ სენეგალელ ფორვარდს დაესრულებინა კარიერა, მაგრამ ეს ყოველივე ბამ უარყო.
“საშინელი ტრავმა მივიღე, მაგრამ, დარწმუნებული ვარ, ამას მალე გადავლახავ. კარიერის დასრულება? ეს არც ერთ შემთხვევაში არ მოხდება, მე კვლავ უნდა ვითამაშო ფეხბურთი!”
“ფეხის მოტეხვისთანავე გადამიყვანეს საავადმყოფოში. იყო ქირურგიული ჩარევა, მაგრამ მათ ოპერაცია ბოლომდე არ გაუკეთებიათ. ეს ჩემი თხოვნით მოხდა. მინდოდა, ვეროპაში წავსულიყავი და იქ მემკურნალა…. ამიხსნენს, რომ ეს შეუძლებელი იყო. ამის შემდეგ კი ჩემს ექიმთან შევათანხმე, რომ ფრანგი ქირურგი ჩამოსულიყო. სწორედ იგი გამიკეთებს ოპერაციას.”
“დაახლოებით ასეთი ტრავმა ადრეც მქონდა, მაგრამ ახლა უფრო კარგად ვმკურნალობ. აქ სეზონი ნოემბერში მთავრდება. ახალი სეზონი კი მარტში იწყება. იმედი მაქვს, გაზაფხულზე ჩემი გუნდისთვის დახმარებას კვლავ შევძლებ,” – განაცხადა დემბა ბამ.
“ევრო 2016”-ის ფინალში, პორტუგალიელმა სუპერვარსკვლავმა, კრიშტიანო რონალდომ დიმიტრი პაიესთან შეჯახების დროს ტრავმა მიიღო. როგორც შემდგომში გაირკვა, 31 წლის მოთამაშის დაზიანება იმდენად მძიმე იყო, რომ მას, დიდი ალბათობით, მოუწევს ევროპის სუპერ თასისა და “ლა ლიგის” რამდენიმე შეხვედრის გამოტოვება.
კრიშტიანო რონალდო ახლა იბიცაზე ისვენებს. მან სწორედ ამ კუნძულიდან ჩაწერე ვიდეო და განათავსა “ინსტაგრამზე”.
“მოგესალმებით ყველას! მე მინდა ძალიან დიდი მადლობა გადავუხადო ჩემს ყველა გულშემატკივარს მხარდაჭერისთვის. მათ ვეტყვი, რომ ყველაფერი კარგადაა და უფრო ძლიერი დავბრუნდები! გაუმარჯოს პორტუგალიას!”
“მილანის” თავდამსხმელმა მარიო ბალოტელიმ ტრავმირებულ საზარდულზე ოპერაცია გაიკეთა. პროცედურამ გართულებების გარეშე ჩაიარა. 25 წლის იტალიელ ფეხბურთელს კიდევ ერთი თვის გამოტოვება მოუწევს.
შეგახსენებთ, რომ მარიო ბალოტელიმ ტრავმა 4 ოქტომბერს “ნაპოლის” წინააღმდეგ გამართულ მატჩში (0:4) მიიღო. თავდაპირველად დაგეგმილი იყო, რომ ფეხბურთელი მხოლოდ ერთ შეხვედრას გამოტოვებდა, მაგრამ გამოჯანმრთელების პროცესი გაჭიანურდა და საქმე ქირურგიულ ჩარევამდე მივიდა.
იტალიის სერია A-ს მიმდინარე გათამაშებაში მარიო ბალოტელიმ ოთხი მატჩი ჩაატარა და ერთი გოლი გაიტანა.
17 ოქტომბერს, საბერძნეთის რანგით მეორე დივიზიონში “ლარისამ” საკუთარ მოედანზე “ერგოტელისი” მიიღო და მეტოქე ანგარიშით 2:1 დაამარცხა.
შეხვედრის 67-ე წუთზე, როცა სტუმრები მინიმალური სხვაობით (0:1) იგებდნენ, მათი ერთ-ერთი ფეხბურთელი დაიმტვრა, ის კი მოედნიდან ასე გაიყვანეს:
ტომას ვერმაელენი
არიენ რობენი
ჯეკ უილშირი
აბუ დიაბი
დიეგო კოშტა
“რომას” უახლოეს მატჩებში წამყვანი მოთამაშეები დააკლდება.
გუნდის კაპიტანმა ფრანჩესკო ტოტიმ ბარძაყის ტრავმა მიიღო. ვეტერანმა ფეხბურთელმა, რომელსაც დღეს 39 წელი შეუსრულდა, იტალიის სერია A-ს VI ტურში “კარპის” წინააღმდეგ გამართულ მატჩში (5:1) მოედანზე მხოლოდ 9 წუთი დაჰყო. ტოტიმ დაზიანება სწორედ იმ არეში მიიღო, რომელზეც ორი წლის წინათ მიღებული ტრავმის შედეგად იარა აქვს. თავდაპირველად ვარაუდობდნენ, რომ იტალიელ ფეხბურთელს ლაზარეთში ყოფნა ორი თვით მოუწევდა, თუმცა დაზიანება ამდენად სერიოზული არ გამოდგა.
კიდევ ერთი ფეხბურთელი, რომელიც “რომას” უახლოესი ერთი თვის განმავლობაში ვერ დაეხმარება, ედინ ჯეკო გახლავთ. ბოსნიელმა თავდამსხმელმა მარჯვენა მუხლის მყესი დაიშავა.
გუშინდელ მატჩში ტრავმა მიიღო გუნდის ნახევარმცველმა სეიდუ კეიტამაც, რომელმაც მოედანი შეხვედრის 21-ე წუთზე დატოვა. მალელ ფეხბურთელს ბარძაყის პრობლემა აქვს და ორი კვირის განმავლობაში ვერ ითამაშებს.
26 ივლისს, ეგვიპტურმა “ზამალეკმა” საკუთარ მოედანზე კონგოს ჩემპიონატში მოასპარეზე “ლეოპარდსი” მიიღო და მეტოქე ანგარიშით 2:0 დაამარცხა.
მატჩის მიმდინარეობისას, სტუმართა გუნდის თავდამსხმელი რუდი ნდეი მეკარესთან ორთაბრძოლის შემდეგ მინდორზე დავარდა და გრძნობა დაკარგა. კონგოელი ფეხბურთელი საავადმყოფოში გადაიყვანეს, ხოლო როგორც პრესაში იწერება, ფეხბურთელს ინვალიდის ეტლით მოუწევს გადადგილება.
საფეხბურთო პორტალმა Football Daily-მ ფეხბურთის ისტორიაში ხუთი ყველაზე საშინელი ტრავმა დაასახელა.
გაფრთხილება: ვიდეოების ნახვა 18 წლამდე და სუსტი ნერვების მქონე პირებისთვის არ არის რეკომენდირებული.
5. ნილ კოკმეიერი
4. ედუარდო და სილვა
3. ევალდ ლინენი
2. დევიდ ბუსტი
1. მასინ ვასილევსკი
