მსოფლიოს ჩემპიონატის ნახევარფინალურ შეხვედრაში საფრანგეთი ბელგიას დაუპირისპირდა.
საკმაოდ დაძაბული შეხვედრა გარდამავალი უპირატესობით წარიმართა და ერთადერთი გატანილი გოლით დასრულდა. მისი ავტორი 51-ე წუთზე სამუელ უმტიტი გახდა. ფრანგმა მცველმა ანტუან გრიზმანის ჩაწოდების შემდეგ შეძლო თავური დარტყმით “წითელი ეშმაკების” კარის ბადის შერრხევა. საბოლოოდ, 1-0 და საფრანგეთი ფინალში გავიდა.
შეგახსენებთ, რომ მეორე ნახევარფინალური შეხვედრა 11 ივლისს, 22:00 საათზე ხორვატიასა და ინგლისს შორის შედგება.
ანდრეს ინიესტამ სანაკრებო კარიერა დაასრულა, “ფურია როხა” კი მას ემოციური ვიდეოთი დაემშვიდობა.
“ამბობენ, რომ სურათი ათას სიტყვად ღირს. ჩვენ ანდრეს ინიესტას კარიერის ასაღწერად 35 ფოტო გამოვიყენეთ. ეს იყო 35 ათასი სიტყვა, მაგრამ იცით თუ არა, რომ ეს საკმარისი არ არის, ვინაიდან ანდრესი უნიკალურია, განუმეორებელია”, – ნათქვამია ესპანეთის ნაკრების ოფიციალურ მიკრობლოგზე გამოქვეყნებულ პოსტში.
შეგახსენებთ, რომ 34 წლის ანდრეს ინიესტა საკლუბო დონეზე ასპარეზობას განაგრძობს და ის იაპონური “ვისელ კობეს” ღირსებას დაიცავს.
Dicen que una imagen vale más que mil palabras.
Nosotros hemos usado 35 fotos para resumir la carrera de @andresiniesta8, para darle las gracias. Eso serían 35.000 palabras… ¿Y sabéis una cosa? Que nos quedamos cortos, porque Andrés es inigualable.
Irrepetible.
ETERNO. pic.twitter.com/0Be7mJ834H
— Selección Española de Fútbol (@SeFutbol) 3 July 2018
სოციალურ ქსელში გავრცელდა ვიდეო, რომელშიც მადრიდის “რეალის” ფეხბურთელები და მარსელო ვიეირას შვილი, ენცო გატუზო ვიერა “სანტიაგო ბერნაბეუს” გასახდელში იმყოფებიან.
ასე ერთობიან სპორტსმენები და მარცხენა მცველის ვაჟი
დღეს ეროვნული ლიგის მეთერთმეტე ტურის სადებიუტო შეხვედრაში თბილისის “საბურთალომ” “მიხეილ მესხზე” ფოთის “კოლხეთი” მიიღო.
ანგარიში 23-ე წუთზე ბექა გვარაძემ გახსნა. ზუსტად რვა წუთში თორნიკე გორგიაშვილმა დედაქალაქელების უპირატესობა ორამდე გაზარდა. მეორე ნახევრის დაწყებიდან სამ წუთში ვაგნერ გონსალვეშმაც შეაგდო თავისი ბურთი. 64-ე წუთზე თორნიკე ჯიმშელეიშვილმა საკუთარ კარში გაიტანა. მეხუთე გოლის ავტორი კი დიმიტრი ტატანაშვილი გახდა. საბოლოოდ, 5-0 თბილისელთა სასარგებლოდ.
ამ გამარჯვების შემდეგ “საბურთალო” 27 ქულით პირველია. ხოლო, მეგრულ გუნდს ცხრა ქულა აქვს და მეშვიდე საფეხურზეა.
გუშინ ეროვნული ლიგის მერვე ტურის მატჩები გაიმართა.
“სამტრედიამ” “ევგრაფი შევარდნაძეზე” “რუსთავი” მიიღო. მიუხედავად გუნდების აქტიური მცდელობისა, აღნიშნული შეხვედრა უგოლო ფრით, 0-0 დასრულდა. ამ მატჩის შემდეგ იმერულ გუნდს ექვსი ქულა აქვს და მეცხრე ადგილზეა. ხოლო, “რუსთავი” თერთმეტი ქულით მეხუთე პოზიციას იკავებს. შემდეგ ტურში სამტრედიელები ლიდერს, თბილისის “საბურთალოს” დაუპირისპირდებიან. მატჩი თბილისში, პირველ მაისს შედგება. რაც შეეხება “რუსთავს”, ის მეცხრე ტურში ორ მაისს “ლოკომოტივს” ესტუმრება.
დღეს ლიგა 1-ის 33-ე ტურის ცენტარლურ შეხვედრაში ერთმანეთს “პარი სენ-ჟერმენი” “მონაკო” დაუპირდისპირდნენ.
პირველ ნახევარ საათში მასპინძლებმა ოთხი გოლი გაიტანეს. მე-14 წუთზე ლო სელსომ გამოიჩნა თავი. სამ წუთში კავანიმ ორამდე გაზარდა სხვაობა. ხოლო, მომდევნო სამი წუთის შემდეგ დი მარიამ მესამეც მიაყოლა. 27-ეზე ლო სელსომ დუბლი შეასრულა. თუმცა, 38-ე წუთზე რონი ლოპესმა ერთი ბურთი გაქვითა.
მეორე ნახევარში 58-ე წუთზე დი მარიამ მეხუთეც შეაგდო. 76-ეზე რადამელ ფალკაომ ავტოგოლი გაიტანა. ხოლო, 86-ე წუთზე იულიან დრაქსლერმა მეშვიდეჯერ შეარხია “მონაკოს” კარის ბადე.
საბოლოოდ, “პსჟ”-მ 7-1 მოიგო, 87 ქულა დაუგროვდა, 17 ქულით გაუსწრო “მონაკოს” და ჩემპიონატის დასრულებამდე ხუთი ტურით ადრე ჩემპიონი გახდა!
დღეს ეროვნული ლიგის მეოთხე ტურის მატჩები შედგა. “მიხეილ მესხი 2”-ზე “ლოკომოტივი” საჩხერის “ჩიხურასთან” შეეცადა სეზონში პირველი გამარჯვების მოპოვებას.
მატჩი გარდამავალი უპირატესობით წარიმართა. ანგარიში 31-ე წუთზე ნიკა ჭანტურიას პასის შემდეგ, ვატო არველაძემ გახსნა. ამ ტაიმში მეტი გოლი აღარ გავიდა. მეორე ნახევარში, მე-80 წუთზე დემურ ჩიხლაძემ ლაშა ჩიკვაიძის გადაცემის შემდეგ გაათანაბრა. საბოლოოდ, მატჩიც ფრედ, 1-1 დასრულდა.
ამ მატჩის შემდეგ “ლოკო” ერთი ქულით ბოლო ადგილზეა. იმერლებს რვა ქულა აქვთ და მეორე ადგილს იკავებენ.
დინამო თბილისმა სანაკრებო პაუზით ისარგებლა და დიღმის საწვრთნელ ბაზაზე გაგრას ესპარინგა. შეხვედრის წინ გუნდებმა არჩილ ტატუნაშვილის ხსოვნას წუთიერი დუმილით პატივი მიაგეს. კახი კაჭარავას დღევანდელ თამაშში რამდენიმე ფეხბურთელი აკლდა, რომლებიც სხვადასხვა ასაკობრივ ნაკრებში არიან მივლინებულნი. მატჩი დინამომ საკმაოდ აქტიურად დაიწყო და პირველ 10 წუთში ორი გოლიც გაუტანა სტუმრებს. პირველ შემთხვევაში გიორგი ივანიშვილის აქტიურობას პენალტი მოჰყვა, თერთმეტმეტრიანი კი ნიკა ძალამიძემ შეასრულა ზუსტად. ცოტახანში გიორგი ივანიშვილმა ორამდე დააწინაურა თბილისური გუნდი, მესამედ ზუსტად კი ლაშა ქოჩლაძემ ითანაშა. მეორე ტაიმში სტუმრებმა ერთი გოლის გაქვითვა მოახერხეს, გოლი გოგატიშვილმა გაიტანა და ამხანაგური 3:1 დასრულდა.
დინამო 3:1 გაგრა
დინამო: მამარდაშვილი, რუხაია, ივანისენია, თოთაძე, ხარაბაძე, კუცია, ქოჩლაძე, თევზაძე, ძალამიძე, ივანიშვილი, ბაბუნაძე
შეცვლაზე შევიდნენ: პ. კიტეიშვილი, ბასარია, ბერიაშვილი
დღეს ლა ლიგა სანტანდერის 29-ე ტურში კატალონიის “ბარსელონამ” “კამპ ნოუზე” ბილბაოს “ატლეტიკი” მიიღო.
მატჩი კატალონიელთა დაპირისპირებით წარიმართა. ანგარიში მას შემდეგ გაიხსნა, რაც ხორდი ალბა საჯარიმოში მარტო დარჩენილ პაკო ალკასერს მისცა პასი და ამ უკანასნელმაც მარტივად გაუტანა კეპას. ამ ტაიმშივე გავიდა მეორე გოლიც – უსმან დემბელეს პასის შემდეგ, ლიონელ მესიმ შესანიშნავი დარტყმით გაიატანა. მეორე ნახევარში ისევ იყო მომენტები, თუმცა გოლი აღარ გასულა. საბოლოოდ, მატჩი ანგარიშით, 2-0 დასრულდა.
ამ გამარჯვების შემდეგ მასპინძლებს 75 ქულა აქვთ და პირველ ადგილზე არიან. რაც შეეხება ბასკურ გუნდს, მას 35 ქულა დაუგროვდა და მეცამეტე პოზიციაზე იმყოფება.
დღეს ეროვნული ლიგის მესამე ტურის ერთი შეხვედრა გაიმართა: საჩხერის “ჩიხურა” რუსთავის “რუსთავის” წინააღმდეგ.
მიუხედავად რამდენიმე მომენტისა, პირველ ნახევარში გოლი არ გასულა. მეორე ტაიმში დასამახსოვრებელ მომენტებს შორის გამოსარჩევია რუსთაველთა ფეხბურთელის, გეორგი გაბულოვის წითელი ბარათი. მან მეორეჯერ გაფრთხილების შემდეგ, დატოვა მოედანი. მატჩის კულმინაიცა მეორე დამატებით წუთზე იყო, როცა ჩაწოდების შემდეგ ახალგაზრდა ფეხბურთელმა, დავით იონანიძემ მეტოქეს გაუტანა და “ჩიხურას” სამი ქულა მოუპოვა. საბოლოოდ, 1-0.
ამ გამარჯვების შემდეგ “ჩიხურა” შვიდი ქულით პირველ პოზიციაზეა. ხოლო, რუსთავს სამი ქულა აქვს და მეექვსე პოზიციას იკავებს.
დღეს ეროვნული ლიგის მორი მატჩები იმართება. თავისი შეხვედრა ჩაატრა თბილისის “ლოკომოტივმა”, რომელიც თანაქალაქელ “დინამოს” დაუპირისპირდა.
21-ე წუთზე ანგარიში “რკინიგზელთა” ახალწვეულმა, თეიმურაზ შონიამ გახსნა ანგარიში. თუმცა, ტაიმის მიწურულს, ჯერ მე-40 წუთზე ოთარ კიტეიშვილმა აკაკი შულაიას პასით შეაგდო. ხოლო, 44-ეზე კიტეიშვილმა ასისტითაც დაგვამახსოვრა თავი. “დინამოს” კაპიტანმა გიორგი ივანიშვილს გაატანინა.
მეორე ნახევარში კვლავ “დინამო” დომინირებდა და 54-ე წუთზე ბუდუ ზივიზივაძემ შეაგდო. საბოლოო ანგარიში კიტეიშვილმა გიორგი კუციას გადაცემის შემდეგ დააფიქსირა 1-4.
ამ მარცხის შემდეგ “ლოკო” ნული ქულით მერვე პოზიციაზეა. “დინამოს” სამი ქულა აქვს და მეხუთე საფეხურზე იმყოფება.
დღეს ეროვნული ლიგის მეორე ტურის მორიგი შეხვედრები იმართება. ერთ-ერთ მათგანში რუსთავის “რუსთავმა” “დავით პეტრიაშივლი არენაზე” ქუთაისის “ტორპედო” მიიღო.
ანგარიში მეხუთე წუთზე იმერელთა ნახევარმცველმა, გიორგი კუხიანიძემ გახსნა – კუთხურიდან მოწოდებული ბურთი “რუსთაველთა” მეკარეს, ნუკრი რევიშვილს ბურთი ხელებში მიუვიდა, თუმცა ვერ დაიჭირა, რის შემდეგაც სწორედ ათმა ნომერმა დაამატა და მატჩის ერთადერთი გოლი გაიტანა. ამის შემდეგ, ორივე გუნდს ჰქონდა მომენტები, თუმცა აღარაფერი შეცვლილა. საბოლოოდ, “ტორპედომ” ანგარიშით, 1-0 მოიგო.
ამჟამად, “რუსთავს” სამი ქულა აქვს და მეხუთე ადგილზეა. ხოლო, ქუთაისლებს ამდენივე აქვთ და მესამეზე იმყოფებიან.
