„მანჩესტერ იუანიტედის“ მთავარი მწრვთნელის ლუი ვან გაალის თქმით, ჟოზე მოურინიოს „ჩელსის“ თავკაცის პოსტიდან გათავისუფლება მისთვის მოულოდნელი აღმონდა.
„ამ გათვისუფლებთ გაკვირვებული დავრჩი. მოურინიო ჩინებული მწვრთნელია. ყველამ ვიცით, რომ ფეხბურთში უსაფრთხოდ არავინაა. პირდად მე, ჩემს გუნდში დარწმუნებული ვარ. კარგი შედეგი უნდა მივიღოთ. ყოველ მატჩში ზეწოლა იგრძნობა. ჩვენთან სათამაშოდ ყველა გუნდი განსაკუთრებულად ემზადება“, – ციტირებს ჰოლანდიელს BBC.
„Sky Sports“-ის, AS-ისა და „Yahoo! Sports“-ის ჟურნალისტმა გილიემ ბალაგემ ლონდონის „ჩელსის“ მთავარი მწვრთნელის პოსტიდან გათავისუფლების შემდეგ საინტერესო ინფორმაცია გაავრცელა, რომლის მიხედვით, „არისტოკრატებმა“ მიუნხენის „ბაიერნის“ თავკაც ხოსეპ გვარდიოლას „მანჩესტერ სიტიზე“ უკეთესო კონტრაქტი შესთავაზეს.
„საინტერესო მომენტი. „ბაიერნში“ პეპის წასვლას ელიან. „სიტიში“ კი იმედოვნებენ, რომ ის მათ შეუერთდება. თუმცა, ყველაზე დიდი ფინანსური წინადადება გვარდიოლამ „ჩელსისგან“ მიიღო“, – დაწერა ჟურნალისტმა თავისი „ტვიტერის“ ოფიციალურ გვერდზე.
Interesting timing. Bayern expect Pep to go. City expect him to join them. But the biggest financial offer he has is from Chelsea #mystery
— Guillem Balague (@GuillemBalague) December 17, 2015
ცოტა ხნის წინ წამყვანმა ბრიტანულმა გამოცემებმა ლონდონის „ჩელსის“ მთავარი მწვრთნელის ჟოზე მოურინიოს გათავისუფლება დაადასტურეს. აქამდე საუბრობდნენ, რომ გათავისუფლების შემთხვევაში, კომპენსაციის სახით, ის ორმოც მილიონ ევროს მიიღებდა, თუმცა, როგოც ВВС-ს ჟურნალისტი დენ რონი იტყობინება, მოურინიოს 16,5 მილიონს გადაუხდიან, რომელიც მას, კონტრაქტის თანახმად, სეზონის ბოლომდე უნდა მიეღო.
„რამდენიმე წუთის წინ მოურინიო კლუბის ხელმძღვანელობას შეხვდა და გუნდში მუშაობის დასრულების შესახებ შეიიტყო. 40-მილიონიანი კომპენსაცია, რომელზეც მედია საუბრობდა, არ იქნება. მას 16,5 მილიონ ევროს გადაუხდიან, ეს თანხა მოურინიოს სეზონის ბოლომდე ეკუთვნოდა“, – განაცხადა რონმა.
ლონდონის „ჩელსის“ ხელმძღვანელობამ ჟოზე მოურინიო გუნდის მთავარი მწვრთნელის პოსტიდან დაითხოვა.
52 წლის პორტუგალიელი ლონდონურ კლუბში 2013 წლის ივნისში დაბრუნდა.
გასულ სეზონში მისი თავკაცობით „არისტოკრატებმა“ პრემიერლიგა და ინგლისის თასი მოიგეს, თუმცა მიმდინარე სეზონში გუნდის შედეგი კრიტიკას ვერ უძებს – 16 ტურის შემდეგ ლონდონელები გასავარდნ ზონაში მყოფ უახლოეს გუნდს მხოლოდ ერთი ქულით უსწრებენ.
ბოლო მატჩი „ჩელსიმ“ გასვლაზე „ლესტერ სიტისთან“ ჩაატარა, რომელშიც 1:2 დამარცხდა.
მოურინიოს შესაძლო შემცვლელებს შორის აქამდე პეპ გვარდიოლა, გუს ჰიდინკი, ბრენდან როჯერსი და ხუანდე რამოსი სახელდებოდნენ.
„ლესტერთან“ პრემიერლიგის მე-16 ტურში ანგარიშით 1:2 მარცხის შემდეგგ „ჩელსის“ მთავარმა მწვრთნელმა ჟოზე მოურინიომ განაცხადა, რომ იანავრში ტრანსფერებს არ გეგმავს.
„არამგონია, ხელმძღვანელობასთან მისვლა და იმის თქმა, რომ ამჟამინდელი ფეხბურთელები ცუდები არიან და ჩვენ 50 ან 100 მილიონის დახარჯვა გვჭირდება, სწორი იყოს. უკვე გვყავს ფეხბურთელები, რომლებთან ერთადაც სეზონს გავაგრძელებთ. ვიმედოვნებ, მოთამაშეებში სიამაყე გაიღვიძებს და ისინი უფრო მაღალი დონის ფეხბურთის ჩვენებას დაიწყებენ“, – ციტირებს პორტუგალიელს Goal.com.
„ჩელსის“ მთავარ მწვრთNნლს ჟოზე მოურინიოს „სტემფორდ ბრიჯის“ დატოვება არ სურს.
„თუ „ჩელსი“ ათწლიან კონტრაქტს შემომთავაზებს, დავთანხმდები. მინდა ვთქვა, რომ ეს ნორმალური სიტუაციაა: შენ კონტრაქტის ვადის ამოწურვამდე მუშაობა გსურს. როდესაც პრემიერლიგაში პირველად მოვედი, ბევრი გავაკეთე, რათა მოწვევა მიმეღო. ახლა ინგლისში მოხვედრა საკმაოდ ადვილია. პრემიერლიგაში, ჩემპიონშიფში, შესაძლოა, ლიგა 1-შიც, ბრიტანელ მწვრთნელებთან შედარებით, უფრო მეტი უცხოელია. დიახ, ამას საკუთარი თავის წინააღმდეგ ვამბობ“, – ციტირებს პორტუგალიელს ESPN.
„არისტოკრატებთან“ მოქმედი კონტრაქტი მოურინიოს 2019 წლამდე აკავშირებს.
„მანჩესტერ იუნაიტედის“ ლეგენდარულმა თავკაცმა სერ ალექს ფერგიუსონმა ლონდონის „ჩელსიში“ არსებული მოვლენა შეაფასა.
„ათ წელიწადში აბრამოვიჩმა უკვე იმდენი მწვრთNელი შეცვალა, დარწმუნებული ვარ, მან ბევრი რამ ისწავლა. ის დარწმუნებული უნდა იყოს, რომ მოურინიოს სიტუაციის გამოსწორება შეუძლია. ყველა დროის ერთ-ერთი საუეკთესო მწვრთნელის გაშვება სისულელე იქნება“, – ციტირებს ფერგოსონს „დეილი მირორი“.
ლონდონის “ჩელსის” მთავარი მწვრთნელი ჟოზე მოურინიო წუხს, რომ მისი კლუბი შესაძლოა, ჩემპიონთა ლიგის მომავალ გათამაშებაზე ვერ მოხვდეს. “ბორნმუთთან” ანგარიშით 0:1 დამარცხების შემდეგ გუნდს ინგლისის პრემიერლიგის სატურნირო ცხრილში მე-14 ადგილი უკავია და ზედა ოთხეულს მთელი 14 ქულით ჩამორჩება.
“ჩემპიონთა ლიგის მოგება ერთადერთი შანსია, რომ მომავალ წელს ამ ტურნირზე ვითამაშოთ. რა თქმა უნდა, ამაზე ვღელავ. “ბორნმუთთან” გამართულ მატჩამდე რეალურად ჯერ კიდევ შეიძლებოდა ოთხეულში მოხვედრაზე ფიქრი. ახლა მხოლოდ ზედა ექვსეულში შესვლისთვის თუ ვიბრძოლებთ”, – მოურინიოს კომენტარი “ლე ფიგარომ” გამოაქვეყნა.
მოგეხსენებატ, ინგლისის პრემიერლიგის მე-15 ტურში „ჩელსი“ „ბორნმუტთან“ ანგარიშით 0:1 დამარცხდა.
აქედან გამომდინარე, ბოლო 41 წელიწადში ლონდონური კლუბი ინგლისის ჩემპიონატის პირველი მოქმედი ჩემპიონატია, რომელმაც 15 სასტარტო მატჩიდან 8 წააგო.
სათქმელია, რომ ჟოზე მოურინიომ ეროვნული ჩემპიონატების პირველ 250 შეხვედრაში მხოლოდ ხუთჯერ დამარცხდა, ბოლო შვიდ შეხვედრაში კი – უკვე მეოთხედ.
ლონდონსი „ჩელსის“ მთავარი მწვრთნელი ჟოზე მოურინიო თვლის, რომ მისმა გუნდმა „ბორნმუტთან“ მატჩში წაგება არ დაიმსახურა.
„მარცხი არ დაგვიმსახურებია. ჩვენმა მეტოქემ გოლი მაშინ გაიტანა, როცა მხოლოდ დაცვაზე ფიქრობდა. თანაც, მსაჯმა აშკარა შეცდომა დაუშვა. როდესაც ანაგრიში 0:0 იყო, ყველამ დაინახა, რომ მეტოქემ ხელით ითამაშა და პენალტი უნდა დანიშნულიყო.
პირველ ტაიმში აგრესია გვაკლდა, შესვენების შემდეგ კი მეტოქის კართან შეტევას მოვუმატეთ. „ბორნმუთი“ ყოველთვის დროის გაჭიანურებას ცდილობდა და სამედიცინო პაუზებით სარგებლობდა, თთქოს, საკალათბურთო ოვერტაიმი იყო“, – განაცხადა პორტუგალიელმა.
ლონდონის “ჩელსის” მთავარი მწვრთნელი ჟოზე მოურინიო კი ამტკიცებს, რომ გუნდში არანაირი კონფლიქტი არ არსებობს, მაგრამ ინგლისის პრემიერლიგის მე-14 ტურში “ტოტენჰემ ჰოთსპურის” წინააღმდეგ გამართულ მატჩში (0:0) მომხდარი ფაქტი საპირისპიროზე მეტყველებს.
დღევანდელ შეხვედრაში გუნდის თავდამსხმელი დიეგო კოსტა მოურინიოზე გაბრაზდა. გაესპანელებული ფეხბურთელი სათადარიგოთა შორის დარჩა, თუმცა გარკვეული ხნის შემდეგ გახურება დაიწყო და როგორც მაშინ ჩანდა, შეცვლაზე უნდა შესულიყო, მაგრამ მოთელვის შემდეგ მოურინიომ კოსტას სათადარიგოთა სკამზე დაბრუნება მოსთხოვა. ამ მოთხოვნამ “ჩელსის” თავდამსხმელი გააღიზიანა და მოურინიოს მიმართულებით სავარჯიშო მაისური ისროლა. სათადარიგოთა სკამზე დიეგო კოსტას გვერდით ჯონ ობი მიკელი იჯდა, რომელმაც მომხდარი შეამჩნია და ჩაიღიმა.
ლონდონის “ჩელსის” მთავარმა მწვრთნელმა ჟოზე მოურინიომ განაცხადა, რომ მას და კლუბის ერთ-ერთ ლიდერ ედენ აზარს ფლეიმეიქერის როლის შესახებ განსხვავებული წარმოდგენები აქვთ.
“საუკეთესო “ათიანები”, ვისთან ერთადაც ოდესმე მიმუშავია, დეკუ და უესლი სნეიდერი იყვნენ. ჩემი აზრით, მე-10 ნომერი დიდ სამუშაოს უნდა ასრულებდეს როგორც ბურთით, ასევე უბურთოდ. ჩემს გუნდში “ათიანი” ყოველთვის ასრულებდა განსაკუთრებულ როლს. შესაძლებელია თუ არა, რომ “ჩელსისთვის” ასეთ მოთამაშედ აზარი იქცეს? მეეჭვება. ჩემსა და აზარს შორის “ათიანის” ფუნქციების შესახებ განსახვებული მოსაზრებებია”, – ციტირებს მოურინიოს სიტყვებს “ტელეგრაფი”.
