ლეგენდარული ბრაზილიელი ფეხბურთელის ზიკოს ფიფას საპრეზიდენტო არჩევნებში მონაწილეობა კვლავ არ გამოირიცხება.
ბოლო განცხადებების გარდა, სათქმელია, რომ ამის ალბათობას ზიკოს წარმომადგენლის სიტყვებიც ზრდის. აგენტის თქმით, მისი კლიენტი ფიფას საპრეზიდენტო არჩევნებში მონაწილეობას ნამდვილად აპირებს. ასე რომ, 62 წლის ბრაზილიელს ახლა მხოლოდ იმ ფედერაციების პოვნა მოუწევს, რომლებიც მას არჩევნებზე მხარს დაუჭერენ.
შეგახსენებთ, რომ ფიფას საპრეზიდენტო არჩევნები 2016 წლის 26 თებერვალს გაიმართება.
ლეგენდარული ბრაზილიელი ფეხბურთელი ზიკო ფიფას საპრეზიდენტო არჩევნებში საკუთარი კანდიდატურის დაყენებას აპირებს.
“ვგრძნობ ძალას. გამოცდილება მაქვს, ხალხი მიცნობს, ჩემი სახელი მთელმა მსოფლიომ იცის. ასე რომ, შანსი მაქვს”, – ციტირებს ზიკოს სიტყვებს “გლობო”.
ფიფას რიგგარეშე კონგრესი მიმდინარე წლის დეკემბრიდან 2016 წლის მარტამდე არსებულ პერიოდში ჩატარდება და ახალ პრეზიდენტსაც დროის ამ მონაკვეთში აირჩევენ. მანამდე ფიფას კვლავ ბლატერი უხელმძღვანელებს.
ბრაზილიის ეროვნული ნაკრების ყოფილმა ფეხბურთელმა რონალდომ უეფას ოფიციალური არხისათვის ხუთი ფეხბურთელისაგან გუნდი ჩამოაყალიბა. რონადლომ თავის გუნდში, მისი გემოვნებით, ხუთი საუკეთესო მოთამაშე შეიყვანა.
ზინედინ ზიდანი
რონალდო
დიეგო მარადონა
პელე
ზიკო
ბრაზილიაში საქველმოქმედო მატჩი გაიამრთა, რომელშიც მონაწილეობა ლეგენდარულმა ზიკომაც მიიღო. 61 წლის ყოფილმა ფეხბურთელმა გოლის გატანაც მოახერხა.
ბრაზილიის ნაკრების ექს-ფეხბურთელმა და ექს-თავკაცმა ზიკომ ბრაზილიურ ფეხბურთში ჩასატარებელ რეფორმებზე ისაუბრა.
„ილუზიებს უნდა მოვეშვათ და ნამდვილი სამუშაოთი დავკავდეთ, რათა ქვეყანაში ფეხბურთის დონე გავაუმჯობესოთ. შექნიულ სიტუაციას უნდა შევეგუოთ და ყველაფერი ნულიდან დავიწყოთ. დამალვა საჭირო არ არის, უბრალოდ, ცვლილებების დრო დადგა.
რა მნიშვნელობა აქვს რა ანგარიშით დავმარცხდით ნახევარფინალში? ასე თამაში, ნებისმიერ შემთხვევაში, დაუშვებელია.
მოთამაშეთა მომზმადების ამჟამინდელი მოდელი შესაცვლელია. განსაკუთრებულ ყურადღებას ახალგაზრდა ფეხბურთელები იმსახურებენ“, – განაცხადა ზიკომ.
ცნობილმა ბრაზილიელმა ფეხბურთელმა და მწვრთნელმა ზიკომ ბრაზილიის ნაკრების თამაშზე ისაუბრა.
“სკოლარის ნაკრები გუნდური თამაშით არის ძლიერი. ისინი მეტოქეს მოსვენებას არ აძლევენ. მატჩის პირველიევე წამებიდან გუნდი შეტევაში მიდის და მეტოქის შეცდომებზე არ აგებს თამაშს, რაც გულშემატკივრებს ძალიან მოსწონთ.
ჩემი აზრით, ნაკრების ყველაზე დიდი პრობლემა მოთამაშეთა გამოუცდელობაა. 23 ფეხბურთელიდან 17 მუნდიალზე თამაშის გამოცდილება არ აქვს.
ვშიშობ, ჩემპიონთა ლიგაში თამაშით ამის კომპენსირება შეუძლებელია. თუმცა, კარგი ახალგაზრდები გვყავს, რომლებმაც საკმაოდ ძლიერი გუნდი ჩამოაყალიბეს” – განაცხადა ზიკომ.
ბრაზილიის ნაკრების ყოფილი თავდამსხმელი ზიკო „სელესაოს“ მთავარი მწვრთნელის პოსტზე ლუიშ ფელიპე სკოლარის მუშაობას მაღალ ქულას უწერს. ზიკოს თქმით, ბრაზილიელთა ამჟამინდელი თავკაცის მუშაობა შედეგს გამოიღებს.
„სკოლარი თავის საქმეს შესანიშნავად უძღვება. ის ცდილობს, ოპტიმალური შემადგენლობა ჩამოაყალიბოს, საშინაო ტურნირის ყველა ფაქტორს ითვალისწინებს.
ვფიქრობ, საქმისადმი ასეთ მიდგომას შედეგის გამოღება შეუძლია. ჩემი სურვილია, რომ მსოფლიოს ჩემპიონატის ფინალში ერთმანეთს ბრაზილიისა და არგენტინის ნაკრებები შეხვდნენ და ჩვენ მოვიგოთ“, – ზიკოს სიტყვებს „გლობო ესპორტე“ აქვეყნებს.
შეგახსენებთ, რომ მსოფლიოს ჩემპიონატის დაწყებამდე 44 დღე დარჩა.
ბექა დოგრაშვილი
ლეგენდარული ბრაზილიელი ფეხბურთელი ზიკო მიიჩნევს, რომ 2014 წლის მსოფლიოს ჩემპონატის მოგების ყველაზე კარგი შანსი ბრაზილიის ნაკრებს აქვს. მისი თქმით, „სელესაოს“ კონკურენციას ისევ სამხრეთამერიკული ნაკრებები გაუწევენ.
„თუ ჩვენი გუნდის ძირითადი ფეხბურთელები ტრავმებს არ მიიღებენ, მაშინ ბრაზილიის ნაკრები ტურნირის ერთ-ერთი მთავარი ფავორიტი იქნება. „სელესაოს“ ძირითადი კონკურენტები, ჩემი აზრით, იქნებიან არგენტინა, თავისი ლიონელ მესით და ურუგვაი, რომელსაც შესანიშნავ თავდამსხმელთა სამეული ჰყავს: ლუის სუარესი, დიეგო ფორლანი, ედინსონ კავანი. ასე რომ, ვფიქრობ, მუნდიალის თასი სამხრეთ ამერიკაში დარჩება“, – ზიკოს სიტყვებს „გლობო“ ციტირებს.
ბექა დოგრაშვილი
ბრაზილიის ნაკრების ყოფილი მთავარი მწვრთნელი თვილის, რომ 2014 წლის მუნდიალზე ბრაზილია მთავარი ფავორიტია. ზიკო ამას დიდწილად ნეიმარის ფაქტორს უკავშირებს.
“იმის გათვალისწინებით, რომ კონფედერაციათა თასზე ბრაზილიამ შესანიშნავი ფეხბურთი აჩვენა, ჩვენს გუნდს მუნდიალზეც კარგი შანსები აქვს. თუმცა, აუცილებელია სიფრთხილე და ყველა გუნდის სათანადოდ დაფასება. ვთვლი, რომ საკმაოდ ნორმალური ჯგუფი შეგვხვდა. ხორვატია და მექსიკა ნამდვილად არ არიან უმაღლესი დონი გუნდები, ხოლო კამერუნი ის გუნდი არ არის, რაც 1990 წელს იყო. რაც შეეხება ნეიმერს – ფენომენია. ეჭვი არ მეპარება, რომ ის ერთ-ერთი საუკეთესო ინქებოა მოახლოებულ ჩემპიონატზე” – განაცხადა ზიკომ.
ბრაზილიური ფეხბურთის ლეგენდამ, ზიკომ გერმანულ გაზეთ Bild-თან საუბრისას, თავისი აზრით, ყველა დროის 10 საუკეთესო ფეხბურთელი დაასახელა. საინტერესოა, რომ ზიკოს მიერ შედგენილ საუკეთესო ათეულში მოქმედი ფეხბურთელებიდან მხოლოდ ერთი მოთამაშე ფიგურირებს.
ზიკოს ათეული ასე გამოიყურება:
1. პელე (ბრაზილია)
2. დიეგო მარადონა (არგენტინა)
3. ზინედინ ზიდანი (საფრანგეთი)
4. იოჰან კრუიფი (ჰოლანდია)
5. მიშელ პლატინი (საფრანგეთი)
6. რობერტო რიველინო (ბრაზილია)
7. ფერენც პუშკაში (უნგრეთი)
8. ლიონელ მესი (არგენტინა)
9. რობერტო ბაჯო (იტალია)
10. ვოფლგანგ ოვერატი (გერმანია)
დიტო ჭიჭინაძე
