სულ ცოტა ხნის წინ “მილანის” უკვე ყოფილმა მფლობელმა, სილვიო ბერლუსკონიმ იტალიური კლუბის აქციები ჩინელ ბიზნესმენს საკმაოდ სარფიან ფასად მიჰყიდა.
ნახსენებ ფაქტთან დაკავშირებით ომარ მომანი სახალისო კარიკატურას გვთავაზობს.
ჭდე: ომარ მომანი
კარიკატურა: “რონალდოს ვნებანი”
“ევრო 2016”-ის ფინალში პორტუგალიელმა ვარსკვლავმა, კრიშტიანო რონალდომ დიმიტრი პაიესთან შეჯახების დროს ტრავმა მიიღო და, ფაქტობრივად, მთელი მატჩის გამოტოვება მოუხდა. “რონიმ” ძალიან განიცადა ეს ამბავი. საგულისხმოა, რომ ამ ყველაფერს კრიშტიანოს დამ “ჯვარცმა” უწოდა.
ნახსენებთან დაკავშირებით ომან მომანი საინტერესო კარიკატურას გვთავაზობს…
კვირის კარიკატურები — „დამდეგი ასი წლის განმავლობაში „ბენფიკა“ ევროპულ თასებს ვერ მოიგებს“
ევროპის ლიგის ფინალურ მატჩში ლისაბონის „ბენფიკამ“ ესპანურ „სევილიასთან“ პენალტების სერიაში წააგო. კარიკატურისტმა ომარ მომანმა „ბენფიკას“ ყოფილი თავკაცის, ბელა გუტმანის სიტყვები გაიხსენა. 1962 წელს გუტმანმა პორტუგალიურ გუნდთან ერთად ზედიზედ მეორედ მოიგო ევროპის ჩემპიონთა თასი და კლუბის ხელმძღვანელობას კონტრაქტის პირობების გაუმჯობესება სთხოვა, რაზეც უარი მიიღო, რის შემდეგაც გაბრაზებულმა უნგრელმა მწვრთნელმა დაკავებული პოსტი დატოვა და თან ასეთი რამ თქვა: „დამდეგი ასი წლის განმავლობაში „ბენფიკა“ ჩემს გარეშე ევროპულ თასებს ვერ მოიგებს“. მას შემდეგ ლისაბონური კლუბი ევროთასების ფინალში რვაჯერ გავიდა და რვაჯერვე დამარცხდა.
ინგლისის ნაკრების მთავარმა მწვრთნელმა როი ჰოჯსონმა სამუნდიალო განაცხადი გამოაქვეყნა, რომელშიც 23 წლამდე ექვსი ფეხბურთელია შეყვანილი: ლიუკ შოუ, რაჰიმ სტერლინგი, ალექს ოქსლეიდ-ჩემბერლენი, როს ბარკლი, ფილ ჯონსი და ჯეკ უილშირი. ასე რომ, უეინ რუნისა და დანარჩენ გამოცდილ მოთამაშეებს ახლა განსაკუთრებული პასუხისმგებლობა დაეკისრებათ. ამ თემას ეძღვნება მომანის შემდეგი კარიკატურა.
ბექა დოგრაშვილი
ჟურნალი Fanebi.com
კვირის კარიკატურები
ჩემპიონთა ლიგის ნახევარფინალურ ეტაპზე ლონდონის „ჩელსისა“ და მადრიდის „ატლეტიკოს“ შორის დაპირისპირება ესპანელთა გამარჯვებით დასრულდა. მართალია, წყვილის პირველ შეხვედრაში ჟოზე მოურინიოს მიერ გამოყენებულმა „ავტობუსის“ სახელწოდებით ცნობილმა ტაქტიკამ იმუშავა, თუმცა განმეორებით შეხვედრაში ლონდონელებს გაცილებით აქტიური თამაში მართებდათ. „ავტობუსმა“ ვეღარ ივარგა, შესაძლოა საწვავი გამოელია – ასე ეხმაურება ცნობილი კარიკატურისტი ომარ მომანი ამ შეხვედრის შედეგს.
მეორე ნახევარფინალურ მატჩში ცოტა თუ წარმოიდგენდა იმას, რაც მოხდა. მადრიდის „რეალმა“ „ალიანს არენაზე“ მიუნხენის „ბაიერნი“ ანგარიშით 4:0 გაანადგურა და ორი მატჩის ჯამში 5:0 აჯობა. მეორე შეხვედრაში დუბლით სერხიო რამოსმა და კრიშტიანუ რონალდუმ გამოიჩინეს თავი. პორტუგალიელმა ჩემპიონთა ლიგის მიმდინარე გათამაშებაში მე-16 გოლი გაიტანა, რაც ამ ტურნირის არსებობის ისტორიაში საუკეთესო შედეგია.
უეფას ევროპის ლიგის ნახევარფინალურ ეტაპზე ლისაბონის „ბენფიკამ“ ტურინის „იუვენტუსი“ ორი მატჩის ჯამში ანგარიშით 2:1 დაამარცხა და ფინალში თამაშის უფლება მოიპოვა, სადაც ესპანურ „სევილიას“ შეხვედება. მომანის ნახატზე გმირ ლისაბონელებს ზეციდან ესალმებიან ეუსებიო და მარიუ კოლუნა, რომლებიც მიმდინარე წლის დასაწყისში გარდაიცვალნენ.
კვირის კარიკატურები — „რეალი“, „ბარსა“, „ბაიერნი“, „ბორუსია“, იოზილი, პუიოლი
ცნობილი კარიკატურისტის, ომარ მომანის ერთ-ერთი ბოლო კარიკატურა ჟოზე მოურინიოს სიტყვების გამოხმაურებაა. ფეხბურთის პორტუგალიელმა სპეციალისტმა იმის შესახებ ისაუბრა, თუ როგორ ემზადებიან სახელგანთქმული ფეხბურთელები დიდი მატჩებისთვის.
„მადრიდის „რეალში“ მუშაობის პერიოდში, მატჩამდე რამდენიმე წუთით ადრე სარკის წინ ჩემი გუნდის ფეხბურთელთა მთელი რიგი დგებოდა. არადა, ამ დროს მსაჯი მათ უკვე უცდიდა.
ახალგაზრდა მოთამაშეები საკუთარ თავზე ძალიან ზრუნავენ. მე 51 წლის ვარ და თუ ბავშვებთან მუშაობა მინდა, მათ უნდა გავუგო კიდეც“, – მოურინიოს სიტყვები Esquire-მა გამოაქვეყნა.
ლონდონის „არსენალის“ ნახევარმცველ მესუთ იოზილს ბრიტანელ ჟურნალისტებთან ურთიერთობა აერია (შეიძლება დალაგებული არც არასდროს ჰქონია). გერმანელი ფეხბურთელი მედიის წარმომადგენელთა კრიტიკის ქარცეცხლში მოექცა.
„კრიტიკა არ მადარდებს. სამი კვირის წინათ სრულიად განსხვავებულ რამეს წერდნენ, სამი კვირის შემდეგაც ასე იქნება. ეს მათი მუშაობის ნაწილია“, – აღნიშნა იოზილმა.
სწორედ ამ თემას ეხება მომანის კიდევ ერთი კარიკატურა.
„ბარსელონაში“ გატარებული თითქმის 20-წლიანი პერიოდის შემდეგ, კარლეს პუიოლმა კლუბიდან აბარგება გადაწყვიტა.
„ბოლო ორი ოპერაციის შემდეგ, ჩემთვის რთული იქნებოდა იმ დონეზე დაბრუნება, რომელიც აქ თამაშისთვის არის აუცილებელი. ამიტომ, კონტრაქტის გაწყვეტის გადაწყვეტილება მივიღე“, – აღნიშნა პუიოლმა საგანგებოდ მოწყობილ პრესკონფერენციაზე.
კატალონიური გუნდის ფანები პუიოლს „კედელს“ უწოდებენ და როგორც ჩანს, მისი წასვლის შემდეგ „ბარსელონას“ დაცვის ხაზში საკმაოდ დიდი ხვრელი გაჩნდება. ამ ჰიპოთეზას ეძღვნება მომანის ეს კარიკატურაც.
დორტმუნდის „ბორუსია“ მიუნხენის „ბაიერნის“ ერთგვარ ფილიალად იქცა. ბავარიელებს ფინანსები ბლომად აქვთ და სასურველი მოთამაშის დაბევებაც არ უჭირთ. ჯერ მარიო გიოტცე იყო, შემდეგ რობერტ ლევანდოვსკი, ახლა კი საუბარი ილკაი გიუნდოგანზე მიდგა, რომელსაც „ბაიერნში“ კროოსის შესაძლო შემცვლელად მოიაზრებენ. მოგეხსენებათ, კროოსის მიმართ რამდენიმე წამყვანი კლუბი იჩენს ინტერესს და მიუნხენელები აქედანვე იჭერენ თადარიგს.
„ბაიერნის“ ხელმძღვანელმა კარლ-ჰაინც რუმენიგემ განაცხადა, რომ ბავარიელები „ბორუსიას“ დარბევაზე უარს არ არც ამჯერად იტყვიან.
„ბორუსიას“ ფეხბურთელების ტრანსფერზე უაზრო გადაწყვეტილება არასდროს არ მიგვიღია. დორტმუნდელებთან კარგი ურთიერთობა გვაქვს. „ბორუსიას“ აღმასრულებელ დირექტორს გასულ ზაფხულს შევხვდი და ჩვენს შორის არსებული ყველა ცუდი გრძნობა დავივიწყეთ“, – აღნიშნა რუმენიგემ.
ბექა დოგრაშვილი
ჟურნალი Fanebi.com
კვირის კარიკატურები – კროოსი, იგუაინი
მიუნხენის „ბაიერნის“ ყოფილი ნახევარმცველი მეჰმედ შოლი ტონი კროოსს მოუწოდებს, რომ კლუბში დარჩენა-არდარჩენის საკითხზე ბავარიელებს პოკერს ნუ ეთამაშება. 24 წლის ფეხბურთელის მიმართ სერიოზულად დაინტერესდა „მანჩესტერ იუნაიტედის“ თავკაცი დევიდ მოიესი. კროოსს „ბაიერნთან“ მოქმედი კონტრაქტი 2015 წლის ზაფხულში ეწურება.
„ტონის მხრიდან ჭკვიანური არ არის „ბაიერნთან“ პოკერის თამაში. სწორედ ასეთი შთაბეჭდილება მრჩება ახლა. კროოსის ამჟამინდელი ხელფასი სრულიად საკმარისია იმისთვის, რომ დღეში ცხელი კერძი ორჯერ ჰქონდეს“, – აღნიშნა შოლმა.
ეს განცხადა ომარ მომანის შთაგონების წყაროდ იქცა და კარიკატურისტმა მორიგი ნახატი შექმნა: კროოსი პოკერის მაგიდას „ბაიერნის“ ხელმძღვანელებთან ერთად უზის, თუმცა მას უკან შოლი ექაჩება.
ომარ მომანის კიდევ ერთი კარიკატურა გონსალო იგუაინსა და დიეგო მარადონას ეძღვნება. სურათის შთაგონების წყარო იგუაინის განცხადებაა.
„მინდა გავაკეთო ის, რაც თავის დროზე მარადონამ გააკეთა. პირველ რიგში, მინდა, მოვიგო მსოფლიოს ჩემპიონატი და შემდეგ სკუდეტო. მარადონამ 1986 წელს მექსიკაში მუნდიალი მოიგო, ერთი წლის შემდეგ კი „ნაპოლი“ გადაიყვანა ჭკუიდან. მინდა, რომ „ნაპოლიში“ კიდევ დიდ ხნის განმავლობაში დავრჩე. აქ მეფესავით ვარ“, – განუცხადა გონსალო იგუაინმა „ლა გაძეტა დელო სპორტს“.
კარიკატურაზე აღბეჭდილია გონსალოს კორონაცია, მარადონა მას მეფის გვირგვინს ადგამს და არც არის წინააღმდეგი, რომ მისი მიღწევები გაიმეოროს. განზე დგანან „ნაპოლის“ მთავარი მწვრთნელი რაფა ბენიტესი და პრეზიდენტი აურელიო დე ლაურენტისი. მსხვილი ხედით კი გამოსახულია გახარებული მარეკ ჰამშიკი.
ბექა დოგრაშვილი
ჟურნალი Fanebi.com
ჟერვინიო: „ბურთით უსეინ ბოლტსაც გავუსწრებ“
„რომას“ თავდამსხმელი ჟერვინიო საკუთარ თავს კარგ მორბენალს უწოდებს.
მოგეხსენებათ, კოტ დივუარელმა ფეხბურთელმა იტალიის თასის ნახევარფინალური ეტაპის პირველ მატჩში, რომელშიც „რომამ“ „ნაპოლი“ ანგარიშით 3:2 დაამარცხა, ჟერვინიომ დუბლი შეასრულა. შეხვედრის შემდეგ 26 წლის თავდამსხმელი ხუმრობის ხასიათზე დადგა და თქვა, რომ ბურთით 100 და 200-მეტრიან დისტანციაზე მსოფლიოს ჩემპიონს, სახელგანთქმულ სპრინტერ უსეინ ბოლტსაც გაუსწრებს.
„ბურთით ბოლტსაც კი გავუსწრებ. ბურთის გარეშე ის ჩემზე სწრაფი იქნება“, – აღნიშნა კოტ დივუარელმა ფეხბურთელმა.
ჟერვინიოს ეს განცხადება ცნობილი კარიკატურისტის, ომარ მომანის შთაგონების წყაროდ იქცა და მხატვარმა ამ ფრაზას კარიკატურაც მიუძღვნა. აქ ამ ნახატის გარჩევას არ დავიწყებთ, თუმცა მომანმა ჟერვინიოს ხუმრობას ხუმრობითვე უპასუხა და სარბენ ბილიკზე მისი უპირატესობა არა ბურთის ფლობით, არამედ წაგრძელებული კისრითა და თავსაბურავის ფორმით გამოხატა.
ჟერვინიო მანამდე ლონდონის „არსენალის“ ღირსებას იცავდა, თუმცა პრემიერლიგაში ფეხი ვერ მოიკიდა და იტალიურ „რომაში“ გადაბარგება არჩია. ფეხბურთელმა სერია А-ს მიმდინარე გათამაშებაში 18 მატჩი ჩაატარა და 5 გოლი მიითვალა.
ბექა დოგრაშვილი