სასტუმრო “ჰოლიდეი ინში” დასრულდა საქართველოს ფეხბურთის ფედერაციის საპრეზიდენტო არჩევნები. ქვეყნის ფეხბურთის მმართველ ორგანოს უახლოესი ოთხი წლის განმავლობაში ლევან კობიაშვილი უხელმძღვანელებს.
როგორც მოგეხსენებათ, სფფ-ის პრეზიდენტის პოსტისთვის რევაზ არველაძე, მამუკა კვარაცხელია და ლევან კობიაშვილი იბრძოდნენ.
ხმის უფლების მქონე 33 დელეგატის არჩევანი ასეთია:
რევაზ არველაძე — 15 ხმა;
მამუკა კვარაცხელია — 0 ხმა;
ლევან კობიაშვილი — 18 ხმა.
ფიფას პრეზიდენტმა იოზეფ ბლატერმა განაცხადა, რომ არ არის წინააღმდეგი, მსოფლიო ფეხბურთის მმართველი ორგანოს ხელმძღვანელის პოსტზე მუშაობა გააგრძელოს. ამის შესახებ მან შვეიცარიულ რადიოსადგურ RTS-ის ეთერში განაცხადა.
„საკმაოდ ჯანმრთელი ვარ და ვერ ვხედავ მიზეზს, რატომ უნდა ვიფიქრო წასვლაზე. თუ ფიფაში შემავალი ასოციაციები არჩევნებში მონაწილეობას მთხოვენ, მე ამაზე უარს არ განვაცხადებ“, – აღნიშნა ზეპ ბლატერმა.
ფიფას პრეზიდენტად არჩევისთვის რამდენჯერმე ასაკობრივი ცენზის შემოღების საკითხიც დაისვა, თუმცა 77 წლის ბლატერი ამბობს, რომ საერთაშორისო სპორტული ორგანიზაციის მხრიდან ასეთი ქმედება არაკორექტული იქნება.
„ადამიანის უფლებების თვალსაზრისით, რაიმე საქმიანობაზე ასაკობრივი შეზღუდვის დაწესება დისკრიმინაციის ტოლფასი იქნება“, – ამბობს ბლატერი.
აღნიშნულ საკითხზე ფიფას კონგრესმა სან-პაულუში, მიმდინარე წლის ივნისის თვეში უნდა იმსჯელოს.
შეგახსენებთ, რომ ბლატერი ფიფას 1998 წლიდან ხელმძღვანელობს, როცა ამ პოსტზე მან ჟოაო აველანჟი შეცვალა. დაძაბულ საარჩევნო ბრძოლაში უეფას მაშინდელი პრეზიდენტი ლენარტ იუჰანსონი დაამარცხა, თუმცა შემდეგ ხმა დაირხა, ბლატერმა ამომრჩეველთა ნაწილი მოისყიდა და ასე გახდა ფიფას ხელმძღვანელიო. მას ამ ხნის განმავლობაში კიდევ არაერთი სკანდალი უკავშირდება და ბევრგან აითვალწუნეს კიდეც, განსაკუთრებით კი – დასავლეთ ევროპის ქვეყნებში. რაც არ უნდა იყოს, ბლატერი იხტიბარს არ იტეხს, თავის მოღვაწეობას დადებითად აფასებს და არც საპრეზიდენტო სავარძლის დათმობის სურვილი აქვს. ცნობისთვის, ფიფას საპრეზიდენტო არჩევნებში მონაწილეობის მიღებას უეფას ამჟამინდელი ხელმძღვანელი მიშელ პლატინიც აპირებს, რომელიც ამ დრომდე ყველაზე რეალურ კანდიდატად გვევლინება.
აქვე გეტყვით, რომ ფიფას საპრეზიდენტო არჩევნები 2015 წელს გაიმართება.
ბექა დოგრაშვილი
ინტერნეტ-ჟურნალი Fanebi.Com
ფიფას პრეზიდენტმა იოზეფ ბლატერმა განაცხადა, რომ არ არის წინააღმდეგი, მსოფლიო ფეხბურთის მმატჩველი ორგანოს ხელმძღვანელის პოსტზე მუშაობა გააგრძელოს.
„ჯანმრთელობა ხელს მიწყობს და ვერ ვხედავ მიზეზს, რატომ უნდა ვიფიქრო წასვლაზე. თუ ფიფაში შემავალი ასოციაციები არჩევნებში მონაწილეწობას მთხოვენ, მე ამაზე უარს არ განვაცხადებ“, – აღნიშნა ზეპ ბლატერმა.
შეგახსენებთ, რომ 77 წლის ბლატერი ფიფას 1998 წლიდან ხელმძღვანელობს, როცა ამ პოსტზე მან ჟოაო აველანჟი შეცვალა.
ცნობისთვის, ფიფას საპრეზიდენტო არჩევნები 2015 წელს გაიმართება.
ბექა დოგრაშვილი
