ჭდე: ლონდონის ტოტენჰემი

პრემიერ ლიგის გასული თვის საუკეთესო ფეხბურთელი და მწვრთნელი გამოვლინდნენ.

საუკეთესო ფეხბურთელად “ტოტენჰემის” შემტევი, ჰარი კეინი დასახელდა, რომელმაც იანვარში “ჩელსის” (2), “ვესტ ბრომვიჩსა” და “კრისტალ პალასს” (1) გაუტანა.

“ახალი წლის პირველი დღეები შესანიშნავი იყო. გუნდი კარგ ფორმაშია და მსურს, ამ ტემპში გავაგრძელოთ თამაში,”-განაცხადა ახალგაზრდა ფეხბურთელმა.

რაც შეეხება საუკეთესო მწვრთნელს, ეს პრიზი რონალდ კუმანმა მიიღო. გასულ თვეში მისმა ბიჭებმა “არსენალი” (2-0), “მანჩესტერ იუნაიტედი” (0-1) და “ნიუკასლი”(1-2) დაამარცხეს, რისი წყალობითაც, “საუთჰემპტონი” ჩემპიონთა ლიგის ზონაშია.

“წარმოუდგენელი გრძნობაა, გახდე თვის მწვრთნელი. ეს ჯილდო უკვე ორჯერ მივიღე. ჩვენ უნდა შევინარჩუნოთ ტემპი და დარჩენილი სეზონი ამგვარად ვითამაშოთ,”-განაცხადა “წმინდანთა” დამრიგებელმა.

”ტოტენჰემის” მთავარმა მწვრთნელმა, მაურისიო პოჩეტინომ, ”საუთჰემპტონის” სიძლიერე შეაფასა.

”ბეშიქთაშის” შემდეგ, ჩვენ ”საუთჰემპტონს” ვეთამაშებით. ვფიქრობ, რომ ეს გუნდი, დღეისთვის ინგლისში საუკეთესოა. ჩვენ ძალიან რთული შეხვედრა გველოდება.”

დღესდღეობით, ”საუთჰემპტონი”, ინგლისის პრემიერ ლიგაში მე-2 პოზიციას იკავებს და პირველადგილოსან ”ჩელსის” 3 ქულით ჩამორჩება.