unian.net-ის ცნობით, უკრაინა დიპლომატური არხების მეშვეობით ევროკავშირს სთხოვს, რომ რუსეთს 2018 წლის მსოფლიოს ჩემპიონატის მასპინძლობის უფლება ჩამოართვან.
„უკრაინამ ევროკავშირს სთხოვა, რომ ყირიმში არსებული ვითარების გამო, რუსეთის წინააღმდეგ გადამჭრელი პოლიტიკური, ეკონომიკური და ჰუმანიტარული მოქმედებები გაატაროს.
უკრაინელები ევროკავშირს სთხოვენ, რომ რუსეთთან სავიზო რეჟიმის ლიბერალიზაციასთან დაკავშირებით მიმდინარე დიალოგი შეჩერდეს, გარდა ამისა, რუსეთს 2018 წლის მუნდიალის ჩატარების უფლება ჩამოერთვას“, – unian.net-ი ციტირებს ერთ-ერთი ევროპელი დიპლომატის სიტყვებს, რომლის ვინაობაც არ სახელდება.
მანამდე რუსეთისთვის 2018 წლის მსოფლიოს ჩემპიონატის მასპინძლობის უფლების ჩამორთმევის ინიციატივით ყოფილი სპორტული ჟურნალისტი და ამჟამად დეპუტატი იგორ მიროშნიჩენკო გამოვიდა. ამავეს მოითხოვდა უკრაინის საგანგებო და სრულუფლებიანი ელჩი მარკიან ლუბკივსკი.
ბექა დოგრაშვილი