“მანჩესტერ იუნაიტედის” ყოფილმა ნახევარმცველმა როი კინმა გუნდში კრიშტიანუ რონალდუს დაბრუნების შესახებ კომენტარი გააკეთა.
“ეს დიდებული ამბავია “იუნაიტედისთვის”, ფანებისთვის და პრემიერლიგისთვის. ის ჯერაც უმაღლესი დონის ფეხბურთელია. მას ჯერ კიდევ აქვს გამარჯვებების წყურვილი, აქ ფულისთვის არ გადმოსულა. მას უკვე აქვს საკმარისი ქონება.
კრიშტიანუ ჭკვიანი ბიჭია, ის “იუნაიტედში” გამარჯვებებისთვის მოვიდა, თუმცა არა მგონია, რომ რაიმე სერიოზული ტიტული მოიგოს, რადგან გუნდს რონალდუსთან ერთად თუ მის გარეშე ნახევარდაცვაში უცვლელი პრობლემები აქვს. მიუხედავად ამისა, გუნდს ინგლისის თასის ან ქვეყნის ლიგის თასის მოგება მაინც შეეძლება”, – ციტირებს როი კინის სიტყვებს “სქაი სპორტსი”.
