“ბარსელონას” ყოფილმა თავდამსხმელმა პედრო როდრიგესმა ფეხბურთელთა მიმართ კლუბის ხელმძღვანელთა მიდგომა გააკრიტიკა.
“ბარსელონა” თავის ფილოსოფიას კარგავს. ბოლო წლებში ბევრი ფეხბურთელი გახდა იძულებული, რომ გუნდი დაეტოვებინა და ბედი სხვა კლუბებში ეცადა”, – ციტირებს პედროს სიტყვებს Cadena Ser-ი.
შეგახსენებთ, რომ პედრო როდრიგესმა “ბარსელონა” 2015 წლის ზაფხულში დატოვა და ლონდონის “ჩელსიში” გადავიდა. ესპანელი ფეხბურთელი თვლიდა, რომ მეტ სათამაშო დროს იმსახურებდა და მშობლიურ კლუბში პერსპექტივა არ ჰქონდა.
“ბარსელონას” მარჯვენაფლანგელმა მცველმა დანიელ ალვესმა კიდევ ერთხელ ისაუბრა გუნდიდან პედრო როდრიგესის წასვლაზე. ბრაზილიელი ფეხბურთელის თქმით, ეს საკითხი მასზე რომ ყოფილიყო დამოკიდებული, პედროს “ნოუ კამპზე” დატოვებდა.
“პედროს ვუთხარი, რომ “ბარსელონაში” უნდა დარჩენიულიყო, მაგრამ ამ ამბავში ძალიან ბევრი პირი იყო ჩართული. დარწმუნებული ვარ, აქ რომ დარჩენილიყო, ყველაფრით კმაყოფილი იქნებოდა, მაგრამ საბოლოო გადაწყვეტილებას ჩვენ არ ვიღებდით. ჩემზე რომ ყოფილიყო დამოკიდებული, პედროს აქ კიდევ დიდი ხნით დავტოვებდი”, – ციტირებს დანი ალვესის სიტყვებს : Football Espana.
შეგახსენებთ, რომ აგვისტოს თვეში პედრო ლონდონის “ჩელსიში” გადავიდა.
ლონდონის “არსენალისა” და “ბარსელონას” ყოფილი ფეხბურთელი და ამჟამად “სქაი სპორტსის” ექსპერტი ტიერი ანრი ამბობს, რომ არ გაუკვირდება, თუ ერთ დღესაც კატალონიური გუნდის თავდამსხმელი პედრო როდრიგესი “მანჩესტერ იუნაიტედში” აღმოჩნდება.
“პედროს იმ ფეხბურთის ჩვენება შეუძლია, რომელსაც ვან გაალი ითხოვს. “ბარსელონაში” ერთად ვთამაშობდით და ვიცი, რომ მას როგორც პრესინგზე თამაში, ასევე ფლანგებზე გახსნაც შეუძლია. სწორედ ამიტომ, ჰოლანდიელს ძალიან სურს ამ ფეხბურთელის დამატება.
ვან გაალი გუნდში იმ მოთამაშეებს იმატებს, რომლებიც მის სათამაშო ფილოსოფიას კარგად ერგებიან. ამის კარგი მაგალითია ბასტიან შვაინშტაიგერის შემთხვევა”, – ანრის სიტყვები “ასმა” გამოაქვეყნა.
„ბარსელონას“ თავდამსხმელი პედრო როდრიგესი ბოლო დროს გავრცელებულ ინფორმაციას გამოეხმაურა, რომლის მიხედვით, მას „ჩელსის“ მთამარ მწვრთნელთა ჟოზე მოურინიოსთან შესაძლო კონტრაქტის შესახებ უსაუბრია.
„ჩელსის“ თავკაცთან საუბარი არ მქონია. „ბარსელონას“ მიმართ ეს უპატივცემულობა იქნებოდა. თუმცა წინადადებები მართლაც მაქვს. სიტუაცია არც ისე იოლია. „ბარსაში“ რაც შეიძლება ხშირად თამაში მსურს, თუმცა მოედანზე ნაკლები დრო მაქვს. „ბარსელონასთან“ არაერთი ტიტული მოვიგე, მაგრამ ამბიციები ჯერ კიდევ მაქვს. ვნახოთ, როგორ განვითარდება მოვლენები“, – განაცხადა პედრომ.
ესპანური გამოცემა “მარკა” იუწყება, რომ “ბარსელონას” თავდამსხმელი პედრო როდრიგესი სათამაშო დროის ნაკლებობის გამო ზაფხულში კატალონიურ გუნდს, სავარაუდოდ, დატოვებს.
წყაროს თანახმად, ფეხბურთელის ირგვლივ შექმნილ სიტუაციას ყურადღებით აკვირდება ლონდონის “ჩელსი”. ესპანელი ფეხბურთელის გადაბირებით პირადად ლონდონელთა მთავარი მწვრთნელი ჟოზე მოურინიო არის დაინტერესებული.
მანამდე გავრცელებული ინფორმაციით, 27 წლის თავდამსხმელის მიმართ ინტერესს მილანის “ინტერიც” იჩენს.
ესპანეთის პრიმერადივიზიონის მიმდინარე გათამაშებაში პედრომ 30 მატჩი ჩაატარა და ხუთი გოლი გაიტანა.
“ბარსელონას” თავდამსხმელმა პედრო როდრიგესმა თანაკლუბელ ლიონელ მესიზე ისაუბრა.
“კრიშტიანუ რონალდუს კარგი სტატისტიკა აქვს, თუმცა მესი ყველა ფეხბურთელს სჯობს.
ჯერ არცერთი ჩემპიონატიდან არ გამოვარდნილვართ, ბრძოლას ვაგრძელებთ. ვნახოთ, რამდენად გავაგრძელებთ ამავე სულისკვეთებით თამაშს უახლოესი ექვსი თვის განმავლობაში”, – ციტირებს პედროს სიტყვებს “მარკა”.
ესპანეთის პრიმერადივიზიონის XVI ტურში “ბარსელონამ” “კორდობა” 5:0 გაანადგურა. ანგარიში მატჩის მე-2 წუთზე პედრო როდრიგესმა გახსნა, რომელმაც მოგვიანებით ერთი საგოლე გადაცემაც ჩაიწერა.
შეხვედრის შემდეგ კატალონიური გუნდის სპორტულმა დირექტორმა ანდონი სუბისარეტამ პედროს შესახებ ისაუბრა, რომელსაც ადრე “პედრიტოდ” ანუ პატარა პედროდ მოიხსენიებდნენ.
“შინ მოპოვებული გამარჯვება ყოველთვის მნიშვნელოვანია. დამაჯერებლად გავიმარჯვეთ და ეს მეტწილად პედროს მიერ გატანილი გოლის წყალობით მოხდა. ის უნიკალური მოთამაშეა, რომელსაც უზარმაზარი პოტენციალი აქვს და კიდევ განვითარდება. პედრო შესანიშნავად ასრულებს შეტევებს. ის პედრიტო კი არა, პედროა!” – ციტირებს Football Espana სუბისარეტას სიტყვებს.
