საქართველოს ეროვნული ნაკრებისა და დნეპროპეტროვსკის “დნიპროს” ნახევარმცველ ჯაბა კანკავას უკრაინული კლუბის დატოვება სურს.
როგორც მოგეხსენებათ, ქართველი ფეხბურთელით ფრანგული “რეიმსი” დაინტერესდა და ახლა კლუბებს შორის შესაძლო ტრანსფერთან დაკავშირებით მოლაპარაკებები მიმდინარეობს.
“დნიპროს” არაოფიციალური ვებგვერდის FCDNIPRO.COM-ის ინფორმაციით, ჯაბა კანკავამ უკრაინული კლუბის დატოვება ისურვა. დნეპროპეტროვსკიდან 29 წლის ქართველი ფეხბურთელის წასვლის ალბათობა საკმაოდ მაღალია.
უკრაინის ჩემპიონატის მეორე ტურში ჯაბა კანკავას „დნიპრომ“ საკუთარ მოედანზე ოდესის „ჩერნომორეცი“ მიიღო, რომლის რიგებში სეზონის დაწყების წინ ქართველი მცველი დავით ხოჭოლავა ჩაირიცხა. შეხვედრა „დნიპროს“ გამარჯვებით, 4:2 დასრულდა.
ოდესელთა მხრიდან მეორე გოლი სწორედ ქართველმა ახალწვეულმა გაიტანა, რომელმაც თავი 51-ე წუთზე გამოიჩინა, როდესაც ჯარიმის შემდეგ მეორე სართულზე ყველას დაასწრო.
საქართველოს ნაკრების ნახევარმცველი ალექსანდრე კობახიძე ჯაბა კანკავას დნეპროპეტროვსკის „დნიპროში“ დაბრუნდა.
გუნდის მთავარმა მწვრთნელმა მირომ მარკევიჩმა ცოტა ხნის წინ გუნდის მოთამაშეთა რაოდენობის გაზრდა ისურვა, შესაბამისად, კლუბმა ქართველი ლეგიონერის დაბრუნება გადაწყვიტა. როგორც უკრაინული ტელეარხი „ფუტბოლ 1“ იტყობინება, „დნიპრომ“ კობახიძე უკვე გამოიძახა.
გასულ სეზონში ალექსანდრემ იჯარით „ვოლინში“ ითამაშა, რომლის მაისურით უკრაინის ჩემპიონატში 23 მატჩი ჩაატარა და 6 გოლი და 2 საგოლე პასი მიითვალა. „ვორსკლასთან“ ახალი სეზონის პირველ ტურში კობახიძემ გოლის გატანა შეძლო. ცნობისთვის, ხსენებული შეხვედრა, ფრედ, 1:1 დასრულდა.
უკრაინის 20-15/16 წლების სეზონის ჩემპიონატის სადებიუტო მატჩი დნეპროპეტროვსკის „დნიპრომ“ უჟგოროდში ჩაატარა, სადაც ადგილობრივ „ჰოვერლას“ შეხვდა.
57-ე წუთზე მასპინძელთა მხრიდან გოლი ჰემეგამ გაიტანა. ათ წუთში ბეზუსმა წონასწორობა აღადგინა.
საბოლოოდ, 1:1 და „დნიპრომ“ ჩემპიონატი ფრით დაიწყო.
აღსანიშნავია, რომ დნეპროპეტროვსკელთა ქართველმა ლეგიონერმა ჯაბა კანკავამ 90 წუთის განმავლობაში ითამაშა.
შემდეგ ტურში „დნიპრო“ ოდესის „ჩერნომორეცს“ უმასპინძლებს, რომლის შემადგელობაში გასულ კვირას მცველი დავით ხოჭოლავა ჩაირიცხა.
როგორც იცით, 15 ივლისს, “ფენერბახჩესა” და “დნიპროს” შორის ამხანაგური მატჩი გაიმართა, რომელიც უკრაინელთა გამარჯვებით 0:1 დასრულდა. შეხვედრის 24-ე წუთზე, ჯაბა კანკავასა და ლუიშ ნანის შორის მცირე დაპირისპირება მოხდა.
NTV SPOR-ის ცნობით, პირველი ტაიმის შემდეგ, “ფენერბახჩეს” მთავარი მწვრთნელი ვიტორ ფერეირა ნანის გაესაუბრა. პორტუგალიელმა სპეციალისტმა გუნდის ახალ წევრს ჰკითხა, თუ რატომ იყო ასე გაბრაზებული, ნანიმ კი მას ასეთი პასუხი გასცა: “მეტოქის (კანკავას) უპასუხისმგებლო საქციელს ჩემი საფეხბურთო კარიერის დასრულება შეეძლო. მსაჯი ახლოს იყო, მაგრამ შესაბამისი რეაქცია არ გამოუვლენია. არ მინდა, რომ სეზონის დაწყების წინ ტრავმა მივიღო, შემდეგ კი მთელი წელი ვეღარ ვითამაშო. ამიტომ მქონდა ასეთი რეაქცია.”
ბოლოს, ფერეირამ ნანის უთხრა: “უფრო ყურადღებით იყავი, არ მინდა, რომ გუნდი რომელიმე მატჩში მოედანზე ათი კაცით დარჩეს.”
შესაძლოა, უკრაინული “დნიპროს” ნახევარმცველმა ჯაბა კანკავამ კარიერა საფრანგეთის ჩემპიონატში მოთამაშე “რეიმსში” განაგრძოს.
ფრანგულ პრესაში გავრცელებული ინფორმაციით, “რეიმსი” ქართველი ფეხბურთელით სერიოზულადაა დაინტერესებული. თუ კლუბები შეთანხმებას მიაღწევენ, “დნიპროს” თავკაცი მირონ მარკევიჩი მზადაა, კანკავა გაუშვას.
მოგეხსენებათ, კანკავამ გასული სეზონი ძალიან მაღალ დონეზე ჩაატარა და “დნიპროს” ევროპის ლიგის ფინალში გასვლაში დიდი როლი ითამაშა. აღსანიშნავია, რომ სულ ცოტა ხნის წინ, “დნიპროს” მთავარმა მწვრთნელმა მირონ მარკევიჩმა ანატოლი ტიმოშუკზე უარი სწორედ იმიტომ თქვა, რომ გუნდში ჯაბა კანკავა ჰყავდა.
“რეიმსმა” გასულ სეზონში საფრანგეთის ლიგა 1-ში მე-15 ადგილი დაიკავა.
დნეპროპეტროვსკის „დნიპროსა“ და საქართველოს ნაკრების ნახევარმცველმა ჯაბა კანკავამ პოლონეთთან ევროპის 2016 წლის ევროპის ჩემპიონატის საკვალიფიკაციო ეტაპის მატჩი შემთხვევით გამოტოვა. როგორც გაირკვა, კანკავას ხსენებული შეხვედრის წინ სამი ყვითელის ნაცვლად, ორი ყვითელი ბარათი ჰქონია, რაც იმას ნიშნავდა, რომ მას ხსენებულ მატჩში მონაწილეობის მიღება შეეძლო. ყოველ შემთხვევაში, ამის შესახებ პოლონეთის ფეხბურთის ფედერაციის პრეზიდენტმა ზბიგნევ ბონეკმა განახადა.
„მატჩამდე უეფა ყველა ქვეყანას იმ მოთამაშეთა სიას უგზავნის, რომელთაც დისკვალიფიკაცია აქვთ ან დისკვალიფიკაციამდე ერთი გაფრთხილება აკლიათ. თუ ფეხბურთელის გვარის ზემოთ ვარსკვლავია , ეს იმას ნიშნავს, რომ ის მხოლოდ დისკვალიფიკაციის ზღვარზეა. შესაძლოა, ქართველებმა ეს ინფორმაცია არასწორად გაიგეს“, – ციტირებს ბონეკს „footboom“-ი.
შეგახსენებთ, რომ 13 ივნისს პოლონეთის ნაკრებთან შეხვედრაში კახა ცხადაძის გუნდი ანგარიშით 0:4 დამარცხდა.
დნეპროპეტროვსკის „დნიპრო“ ევროპის ლიგის ფინალში გასვლისთვის საპრიზო 9 მილიონ ევროს არ მიიღებს. ამის შესახებ უკრაინული არხის „ფუტბოლის“ წამყვანმა ალექსანდ დენისოვმა განაცხადა.
„9 მილიონი, რომელიც „დნიპრომ“ ევროპის ლიგის ფინალში გასვლისთვის უნდა მიიღოს, სასამართლოს გადაწყვეტილებით, გერმანულ კომპანია „Hochtief“-ს გადაეცემა. ეს კომნპანია სტადიონ „დნიპრო-არენას“ აშენებდა და კლუბისგან მთლიანი კომპენსაცია ჯერ არ მიუღია, რასაც შვეიცარული სასამართოც დაეთანხმა“, – აღნიშნა დენისოვმა.
შეგახსენებთ, რომ ევროპის ლიგის ფინალში „დნიპრო“ „სევილიასთან“ ანგარიშთ 2:3 დამარცხდა.
უეფას ევროპის ლიგის ფინალურ მატჩში ჯაბა კანკავას “დნიპრო” “სევილიასთან” ანგარიშით 2:3 დამარცხდა. ქართველი ფეხბურთელი ვერცხლის მედლის მისაღებად კვარცხლბეკზე საქართველოს დროშით ავიდა.
რამდენიმე წუთის წინ დასრულდა ევროპა ლიგის ფინალი, სადაც ვარშავაში, “დნიპრო” 2-3 “სევილიასთან” დამარცხდა.
მატჩის 72-ე წუთზე, კარლოს ბაკამ მასპინძლებს გამარჯვების გოლი გაუტანა, დამნაშავე კი უკრაინელთა ქართველი ნახევარმცველი იყო, მან ბურთის გამოტანის დროს, ფეხი ააცილა დარტყმისას, რითაც ესპანელებმა ისარგებლეს.
27 მაისს, ვარშავაში ევროპის ლიგის ფინალი გაიმართება, რომელშიც ერთმანეთს უკრაინული “დნიპრო” და ესპანური “სევილია” დაუპირისპირდებიან.
მოგეხსენებათ, “დნიპროს” ღირსებას საქართველოს ეროვნული ნაკრების კაპიტანი ჯაბა კანკავა იცავს. სწორედ ამ ფაქტთან დაკავშირებით, Fanebi.Com გთავაზობთ პატარა ქვიზს, სადაც თქვენი მიზანია ჯაბა კანკავას შესახებ დასმულ კითხვებს სწორი პასუხები გასცეთ.
დღეს დილით კაბა კანკავას „დნიპრო“ პოლონეთის დედაქალაქ ვარშავაში გაფრინდა, სადაც ხვალ, თბილისის დროით, 22 საათსა და 45 წუთზე „სევილიასთან“ უეფა-ს ევროპის ლიგის ფინალური მატჩში ითამაშებს.
„დელეგაციის შემადგენლობაში პირველი გუნდის პრაქტიკულად ყველა წევრია. გუნდთან ერთად ტრავმირებულები რომან ზოზულია, სერგეი კრავჩენკო, ონჯეი მაზუხი და ვიტალი მანძიუკი გაფრინდნენ. გარდა ამისა, ჩვენთან ერთად პაველ კსენზი და დიმიტრი ჩიგრინსკი არიან, რომელთაც ევროპის ლიგაზე თამაშის უფლება არ აქვთ“, – ნათქვამია კლუბის ოფიციალურ განცხადებაში.
